#ЯНГИ_ЛОЙИҲА

🌙 Ўзбекистон мусулмонлари идораси раиси, муфтий Шайх Нуриддин Холиқназар ҳазратлари ташаббуслари билан масжидларда меҳнат қилаётган имом-хатибларнинг Қуръони карим қироати борасидаги маҳоратларини янада ошириш мақсадида, "Қуръон ва тажвидни ўргатиш" бўлими мудири Шайх Алижон қорининг силсилавий машғулотлари ZOOM платформасида амалга оширилади.

⏰ Имом-хатибларимиз учун ташкил этилаётган ушбу машғулотларнинг илк давраси 2023 йил 7 август куни соат 14:00 да бошланади.

🤲 Аллоҳ таоло ушбу хайрли ташаббусни манфаатли қилсин.

Ўзбекистон мусулмонлари идораси Матбуот хизмати
Muslim.uz / @muslimuzportal / @Muftiy_Nuriddin_domla
@diniysavollar

#Раддия

Айрим бидъатчилар Абу Ҳанифа раҳматуллоҳи алайҳдан нақл қилинган қуйидаги ривоятни келтиришиб, ўзларининг иддаоларига ҳужжат қилмоқчи бўлишади:

فمن قال: لا أعرف ربي أفي السماء أم في الأرض فهو كافر

“Кимки: “Роббим осмондами ё ердами билмайман деса, шу гапи туфайли у кофир бўлибди”.
Бу ривоятни мотуридийларга қарши далил қилиб уларни танқид қиладиган кимсалар ҳақида умумий икки хил гапни айтиш мумкин:
1. Улар ҳақида яхши гумон қилинадиган бўлса, бу ривоятни улар нотўғри тушунишган деб ҳисоблаш;
2. Агар гапларининг сиёқларига қаралса, улар мазкур ривоятни омма халқда мотуридия мазҳаби ҳақида шубҳа уйғотиш учун атайлаб шундай дейишган, деган тасаввур ҳам пайдо бўлади.
Шу ўринда, модомики, улар айтаётган маъно нотўғри бўлса, тўғриси қайси деган савол пайдо бўлиши табиий ҳолдир. Тўғри жавобни муҳтарам уламоларимизнинг асарларидан топамиз: Камолиддин Аҳмад ибн Ҳасан Ҳанафий раҳматуллоҳи алайҳ “Ишаротул маром мин ибаротил имом Аби Ҳанифа Нуъмон” номли асарида мазкур матнни қуйидагича шарҳлаган:

لكونه قائلا باختصاص الباري بجهة وحيز وكل ما هو مختص بالجهة والحيز فانه محتاج محدث بالضرورة فهو قول بالنقص الصريح في حقه تعالى

“Мазкур гапни айтган кимсанинг кофир бўлиши унинг Борий субҳанаҳу ва таолони бир тарафга ва бир ўринга хослаб қўйгани учундир. Ваҳоланки, бирор тараф ва бирор ўринга хосланган барча нарсаларнинг ўзгага муҳтож бўлиши ва йўқдан бор бўлган нарсалар сирасига кириши исбот талаб қилинмайдиган ҳақиқатдир. Шунга кўра бу гап Аллоҳ таолога очиқ-ойдин нуқсонни нисбат бериш ҳисобланади”.
Демак, Абу Ҳанифа раҳматуллоҳи алайҳнинг мазкур гаплари “Аллоҳ осмонда” дейдиганларнинг фойдасига эмас, балки уларнинг зарарига ҳужжат бўлади. Яъни мазкур гап улар айтаётганидек “Аллоҳ таолони осмонда демаган одам кофир бўлади” деган маънога эмас, балки “Аллоҳ таолони бирор тарафга хослаб қўйиш куфр бўлади” деган маънога далолат қилади. Чунки бу гап “Аллоҳ таоло ё осмонда ё ерда аммо мен қайси бирида эканини билмайман” деган маънога далолат қилиб қолади.
Шунинг учун Аҳли сунна вал-жамоа, яъни мотуридийлар ва ашъарийлар эътиқодига кўра, Аллоҳ таоло осмонда ҳам ва бирор тарафда ҳам эмас деб эътиқод қилинади.
Яҳё ибн Муоз Розий раҳматуллоҳи алайҳдан: “Бизга Аллоҳ азза ва жалла ҳақида хабар беринг?” – дейишди. У зот: “Бир илоҳ­дир”, – деди. “У қандай?”, – деб сўрашди. У зот: “Молик, Қодир”, – деди. “У қаерда?”, – дейишди. У зот: “Кузатувда”, – деди. Сўровчи: “Мен буни сўрамадим”, – деди. У зот: “Бундан бошқача бўлса, махлуқнинг сифати бўлиб қолади, У зотнинг сифати эса сенга хабар берганимдек”, – деб жавоб берди.
Абу Усмон Мағрибийнинг ходими Муҳаммад ибн Маҳбуб шундай деган: “Бир куни менга Абу Усмон Мағрибий: “Эй Муҳаммад, агар биров: “Маъбудинг қаерда, деса нима дейсан?” – деди. Мен: “Азалдаги ўрнида, дейман”, – дедим. У: “Азалда қаерда бўлган”, – деса нима дейсан?” – деди. Мен: “Ҳозирги ўрнида, дейман”, – дедим. Яъни У бирор макон бўлмаган пайтда ҳам У зот бўлган, ҳозир ҳам У олдин қандай бўлса, ўшандайдир”, – дедим. У жавобимдан рози бўлди”.
Демак, ушбу далиллардан кейин хулоса қилиб айтадиган бўлсак, биз – Аҳли сунна вал-жамоа Аллоҳ таоло ҳақида бундай эътиқод қиламиз:
Аллоҳ таоло бирор тарафда ҳам, бирор маконда ҳам эмас. Унга вақт ҳам, замон ҳам жорий бўлмайди. Агар кўнглимизга “Аллоҳ қаерда?” – деган савол келадиган бўлса, иймон ва ихлос билан: “Бирор макон бўлмаган пайтда ҳам У зот бўлган. Кейин маконларни пайдо қилган, замонларни жорий қилган. Замонлару маконлар йўқ пайтда У зот қандай бўлса, ҳозир ҳам ўшандайдир”, деймиз.
Замонлару маконларни йўқдан бор қилган Зотга ҳамду санолар, У зотнинг элчиси бўлган муаллим Пайғамбаримизга салавот ва саломлар бўлсин!

Яқинларингизга ҳам улашинг!
https://taplink.cc/ahnafuz

Инсонларнинг бир-бирига ишончини йўқотувчи иллат

Ҳомиджон домла Ишматбеков

Ўзбекистон мусулмонлари идораси Матбуот хизмати
Muslim.uz | https://taplink.cc/muslimuz
@muslimuzportal | @mp3muslim | @diniysavollar

⚡️“Умра” тадбирларини ташкил этиш ва ўтказишда зиёратчиларнинг манфаатларини самарали ҳимоя қилиш бўйича қўшимча чора-тадбирлар тўғрисида”ги Ҳукумат қарори (345-сон, 08.08.2023 й.) қабул қилинди.

🔰Қарорга кўра, “Умра” тадбирларини ташкил этиш ва ўтказишга оид хизматларни кўрсатиш билан боғлиқ туристик фаолиятни амалга ошириш лицензияси чиқиш туризми кичик турининг алоҳида фаолият йўналиши ҳисобланиб, мазкур фаолият фақат маҳаллий туроператор томонидан амалга оширилиши белгиланди.

☑️ Туристик фаолиятни амалга ошириш лицензияси чиқиш туризми кичик турининг “Умра” хизматларини кўрсатиш фаолияти бўйича қуйидаги қўшимча лицензия талаблари ва шартлари жорий этилади:

🔸 100 минг АҚШ долларидан кам бўлмаган маблағларни Туризм қўмитасининг Хавфсиз туризм жамғармасига захира қилиб қўйиш;

🔸 “Умра” хизматлари давомида зиёратчиларнинг гуруҳ раҳбари этиб Ўзбекистон мусулмонлари идораси билан тузиладиган шартнома асосида унинг диний билим ва кўникмаларга эга бўлган мутахассисларини тайинлаш;

🔸 “Умра” хизматларини кўрсатувчи туроператор штатида диний (исломий) таълим йўналишлари бўйича республика таълим муассасаси ёки Ўзбекистон халқаро ислом академиясининг тегишли бакалавриат таълим йўналиши ёхуд магистратура мутахассислиги битирувчиси бўлган камида бир нафар мутахассиснинг бўлиши;

🔸 “Умра” хизматларини вояга етмаган фуқароларга кўрсатмаслик;

🔸 “Умра” хизматларини Саудия Арабистони Подшоҳлигидаги ҳамкор ташкилот ўртасида имзоланадиган шартномага мувофиқ амалга ошириш.

☑️ “Умра” хизматларини кўрсатувчи туроператор мурожаати асосида Ўзбекистон мусулмонлари идораси мутахассисини зиёратчиларга гуруҳ раҳбари (элликбоши) сифатида жалб этиш бўйича қуйидаги тартиб жорий этилади:

🔸 мутахассиснинг зиёратчилар гуруҳларига раҳбарлик қилиши билан боғлиқ хизмати беғараз амалга оширилади, унинг сафар харажатлари (транспорт, меҳмонхона, озиқ-овқат, суғурта, виза тўловлари ва бошқалар) “Умра” хизматларини кўрсатувчи туроператор томонидан қопланади;

🔸 мутахассис туроператорнинг сўровига кўра Ўзбекистон мусулмонлари идораси томонидан 3 иш кунида ажратилади;

🔸1 нафар гуруҳ раҳбарига 50 нафардан ошмаган зиёратчилар гуруҳи бириктирилади.

✅ 2023 йил 1 октябрдан “Умра” хизматларини кўрсатувчи туроператорлар фаолиятини рейтинг асосида баҳолаш тизими жорий этилади.

✳️ Қарорда белгиланган қўшимча лицензия талаб ва шартлари 2023 йил 1 ноябрдан қўлланилади ҳамда улардан лицензияни қайта расмийлаштиришда аризани кўриб чиқиш учун тўланадиган йиғим ва лицензия учун давлат божи ундирилмайди.

Манба: https://teletype.in/@huquqiy_axborot/fYsn7QB092B

Ўзбекистон мусулмонлари идораси Матбуот хизмати
Muslim.uz
@muslimuzportal | @mp3muslim | @diniysavollar

#dolzarb_mavzu

Imom Shofe’iy (r.a.) aytadilar: "Molik Ibn Anasning majlisida har qachon bo‘lsam, Molik Ibn Anas varoqlarning ovozini eshitib qolishlaridan qo‘rqib sahifalarni ehtiyot qilib varoqlar edim".
Robi’ Ibn Sulaymon (r.a.) aytadilar: "Allohga qasamki, Shofe’iy rohimahulloh menga nazar solib turganlarida haybatlaridan suv ichishga jur’at qilolmasdim."
Mashoyixlarimiz aytishadi: "Ulamolarga bo‘lgan odob bu din va vafodir."
Agarda hozirgi zamonda mana shu rivoyatlarni ulamolarni lozim tutmaydigan va solih kishilarga beadablik qilayotganlarga keltirsang ular: "Bu faqatgina xorlik va pastkashlik," deb aytishadi.
Agar ular siz uchun yo‘lboshchi bo‘lishmasa, ayting kim unda...!?
Ey ummatning yoshlari: "Albatta mana shu ilm dindir, siz diningizni kimdan olayotganingizga bir nazar soling!"

Rustam Oxunjonov tayyorladi
"Ko'kaldosh" O'MITM matbuot kotibi

⬇️ Rasmiy sahifalarimiz:
taplink.cc/kukaldoshuz