Ғәрезсизлик монументи ашылмақта

Бүгин Ғәрезсизликтиң 30 жыллығына бағышланған «Жаңа Өзбекстан» комплекси ҳәм Ғәрезсизлик монументиниң ашылыў мәресими болып өтпекте.
Онда Өзбекстан Республикасы Президенти Шавкат Мирзиёев қатнаспақта.
Ғәрезсизлик монументинде Өзбекстанның ески тарийхынан баслап бүгинги күнге шекем жүз берген ең әҳмийетли ўақыялар мөрленген.
Монументке: «Халқымыз тарийхында ийгиликли из қалдырған барлық ата-бабаларымыз бәрқулла жүрегимизде», деген сөзлер жазылған.
Бул ҳаққында мәмлекетимиз басшысы былай деди:
- Оғада қыйын шараятта республика раўажланыўын, халқымыздың тынышлығы ҳәм аманлығын ойлап, өзин аямай хызмет еткен белгили мәмлекетлик ғайраткерлеримиздиң мийнети де ҳәр тәреплеме сәўлелендирилди.
Өзбекстан Республикасының Биринши Президенти Ислам Абдуғаниевич Кәримовтың басшылығында хылқымыздың миллий ғәрезсизликке ерисиў жолын сәўлелендириў итибар орайына қойылды.

Қарақалпақстан хабар агентлиги

👉Агентликтиң телеграм каналына ағза болың - https://t.iss.one/kknews_uz