📍 Samarqand viloyatiga amalga oshirgan xizmat safari doirasida yo’l-yo’lakay Samarqand shahrida joylashgan ↪️ 20-umumiy o’rta ta’lim maktabiga kirib o’tdik.

🧐 Ushbu maktab jamoasi tomonidan qilingan ishlarni ko’rib hayron qoldim. Boshqa maktablar o’rgansa, o’rnak olsa arziydigan ishlarni bajarishganidan hayratlandim. Misol uchun:

➡️ maktab juda ozoda va fayzli, binoning kirish qismida gullar, har bir sinf xonasi o‘ziga xos ravishda dizayn bilan bezatilgan, barcha narsalar tartib va did bilan joylangan;

➡️ texnologiya xonasida o‘g‘il bolalarni qo‘l mehnatiga o‘rgatish uchun barcha sharoitlar yaratilgan (eng qizig‘i shundaki, texnologiya fani ustozi o‘rta maxsus ma’lumotli bo‘lishiga qaramasdan 26 yildan beri bolalarni qo’l mehnatiga o’rgatib kelmoqdalar);

➡️ shaxmat klubi bilan hamkorlikni yo‘lga qo‘yish orqali shaxmat to‘garagi tashkil qilingan;

➡️ yo‘l harakati qoidalarini o‘rganish uchun alohida xona jihozlangan;

➡️ kutubxona, rassomlik, musiqa, qizlar uchun tikish-bichish to‘g‘araklari, sport bilan shug‘ullanishlari uchun barcha sharoitlar yaratilgan;

➡️ nutqida nuqsoni bo‘lgan o‘quvchilar bilan alohida logoped shug‘ullanmoqda, ularning sinf xonalari ham barcha zamonaviy o‘quv qo‘llanma va jihozlar bilan ta’minlangan.

🟪 Eng hayratlanarlisi shundaki, yuqorida sanab o‘tilgan sharoitlarning aksariyat qismi maktab rahbariyatining say-harakatlari bilan, ya’ni openbudjet.uz portali orqali, homiylik mablag‘larini jalb qilish hamda mahalliy hokimlik bilan hamkorlikni yo‘lga qo‘yish evaziga amalga oshirilgan.

💎 Ushbu maktab jamoasi tomonidan amalga oshirilgan ishlarni, ularning mehnatini, maktabga bo‘lgan mexrini ko‘rib, astoydil hursand bo‘ldim.

💎 Maktab jamoasi bilan birgalikda harakat qilinsa, ijobiy natijalarga erishish mumkinligining yaqqol misoli!

Xalq ta'limi vaziri o'rinbosari - Rustam Karimjonov