Oʻzbekistonda maktab taʼlimiga doir xalqaro tajriba va zamonaviy metodik usullar keng joriy etilmoqda

✅ Xabaringiz bor, joriy yilning iyun oyida Maktabgacha va maktab taʼlimi vazirligi tomonidan Singapurning “Marshall Cavendish Education” tashkiloti bilan hamkorlikda pedagoglarning malakasini oshirish, zamonaviy metodikalarni qoʻllagan holda darslarni tashkil etish masalalariga bagʻishlangan seminar-treninglar oʻtkazilgan edi.

Joriy yilning 5-8-avgust kunlari Respublikamiz boʻylab "Muvaffaqiyatli islohotlar-yuqori natijalar" mavzusida tashkil etilgan seminar-treninglarda mazkur masalalar atroflicha muhokama etildi.

Taʼkidlash joizki, taʼlim sifatini baholash boʻyicha xalqaro tadqiqotlar natijalariga koʻra, Oʻzbekiston taʼlimida erishilgan yutuqlar bilan birga kelgusida eʼtibor qaratilishi lozim boʻlgan jihatlar ham mavjud.

Oʻquvchilarda mantiqiy, tanqidiy va kreativ fikrlash, bilimini real hayotiy vaziyatlarda qoʻllash, mulohaza yuritish, xulosalar chiqarish, talqin qilish, nostandart vaziyatlarda yuzaga kelgan muammolarga yechim topish koʻnikmalarini shakllantirishga alohida eʼtibor qaratish lozim.

Mazkur koʻnikmalar oʻquvchilarni mustaqil hayotga tayyorlash, kasb egallashi va mustaqil qaror qabul qila oladigan shaxs sifatida shakllanishida muhim ahamiyatga ega. Oʻz navbatida oʻqituvchilarning oʻqitish metodikalarini rivojlantirish, oʻquvchilarni mulohaza yuritishga undash, ularga oʻylashni talab qiladigan, bilimlarini yangi vaziyatlarda qoʻllash talab qilinadigan masalalar berish zarur.

Muammolarni turli xil kontekstlarda bayon etish, qilgan xatolardan oʻrganishiga yordam berish, bir soʻz bilan aytganda, oʻquvchiga maʼlumotlarni yetkazib berish emas, balki oʻrganishni oʻrgatish metodikalarini rivojlantirish masalasi tobora dolzarb hisoblanadi.

Kaskad usulida tashkil etilgan hamda 2000 nafardan ortiq ustozlarni oʻz ichiga qamrab olgan ushbu trening tadbirlarida mazkur masalalar atroflicha muhokama etildi. Mahorat darslarida maktab direktorlari, matematika va tabiiy fanlar ustozlari malakali trener mutaxassislarda yangi bilim va koʻnikmalarni oʻrganishdi, oʻzaro tajriba almashishdi.

Mashgʻulotlarda taʼlimni raqamlashtirish, oʻqituvchilar salohiyatini oshirish, taʼlimda liderlik, zamonaviy texnologiyalardan keng foydalanish kabi mavzularda soʻz yuritildi.

Singapur tajribasi asosida maktab rahbarlari va oʻqituvchilar malakasini oshirish, ularni kasbiy rivojlantirishga doir ilgʻor tajribalarni almashish boʻyicha fikr-mulohalar bildirildi. Xususan, oʻquvchilar bilimi va koʻnikmalarini baholash hamda rivojlantirishda sunʼiy intellekt imkoniyatlaridan keng foydalanish, taʼlimni raqamlashtirish boʻyicha muloqot qilindi.

Eslatib oʻtamiz: Singapur — taʼlimga oid nufuzli tadqiqotlar natijalariga koʻra, dunyoda yetakchi mamlakatlardan biri boʻlib, taʼlimga sarmoya kiritish, inson kapitalini rivojlantirishga eʼtibor qaratish orqali mamlakat taraqqiyotiga erishgan davlat sifatida eʼtirof etiladi.

Uning “Marshall Cavendish Education” tashkiloti taʼlim sohasida salmoqli yutuqlarga erishgan tashkilot boʻlib, ayni vaqtda 90 dan ortiq mamlakatlar bilan hamkorlik qilib kelmoqda. Tashkilot mazkur yoʻnalishda 60 yillik tajribaga ega.

#onlayn
#búgin

«KEWILLI STARTLAR» SPORT JARÍSÍNÍŃ RESPUBLIKA BASQISHÍ DAWAM ETPEKTE

▶️ Búgin «Kewilli startlar» sport jarısında Namangan hám Ferǵana wálayatınan kelgen komandalar óz-ara bellesti. Jarıs juwmaǵına kóre Namangan wálayatı 15/13 esabı menen jeńimpaz boldı.

✔️ Oyın dawamında Qaraqalpaqstan Respublikası hám Jizzax wálayatınan kelgen komandalar jarısqa tústi. Qızıqlı bellesiwden keyin Qaraqalpaqstanlı oqıwshılar 10/14 esabı menen qarsılas komanda ústinen jeńiske eristi.

📌 Respublika basqıshında qatnasıp atırǵan hár bir komandaǵa áwmet yar bolsın deymiz.