#КК_сонун

✅Онкология диспансерын тутуу 72% бэлэм

Дьокуускай куоракка тутулла турар 180 куойкалаах уонна симиэнэҕэ 210 киһини көрөр поликлиникалаах Өрөспүүбүлүкэтээҕи искэн ыарыыны эмтиир диспансеры тутуу 72% бэлэм.

Бу күннэргэ диспансер тас бараана түмүктэнэн эрэр, ис үлэтэ ыытыллар, сотору медицинскэй оборудование кэлэрэ күүтүллэр. Онон тутуу графиктан хаалыыта суох. 2023 сыл төрдүс кыбаарталыгар үлэҕэ киирэрэ күүтүллэр.

📲 https://t.iss.one/kiin_kyorat_gazeta

#КК_Сонун

Бүгүн Дьокуускайга +32 кыраадыс куйаас күүтүллэр

❇️ Тэрилтэ дьиэтигэр +28,5 кыраадыс буоллаҕына, үлэ күнэ 1 чаас кылгаан биэриэхтээх. +29 – икки чаас кылгыыр, +30,5 – 3 чаас.
❇️ Таһырдьа үлэлээччилэргэ, +32,5 кыраадыстан үөһээ куйааска, үлэ 15-20-лии эрэ мүн. барыахтаах, 10-12 мүн. дьиэҕэ киирэн сөрүүкүөхтээхпит. Анал таҥастаах-саптаах дьон күҥҥэ 4-5 чаас үлэлииллэр, күнтэн харыстыыр анал таҥаһа суох дьон - 1,5-2 чаас.
❇️ Кондиционер үлэлиир дьиэтигэр + 24-25 сылаас туруохтаах, оччоҕуна киһи тымныйбат.
❇️ Роспотребназор сүбэлииринэн, +32,5 үөһээ таһырдьа үлэлиир табыгаһа суох, +35-40 кыраадыс киһи доруобуйатыгар кутталлаах.
Онон тэрилтэ салайааччылара үлэ усулуобуйатын халлаан туругуттан көрөн сааһылыыллара ирдэнэр. Өҥүрүк куйааска таһырдьа үлэҕэ 25-40 эрэ саастаахтары таһаарар ордук.
❇️ Куйаас күҥҥэ ууну сөпкө иһии, үлэһиттэри иһэр уунан хааччыйыы тэриллиэхтээх.

https://kiinkuorat.ru/articles/kuyaaska-le-k-ne-kylgyahtaah

https://t.iss.one/kiin_kyorat_gazeta

#КК_сонун

✅Дьокутааттар элбэх оҕолоохторго сири биэриини дьүүллэстилэр

От ыйын 20 күнүгэр Куорат дууматын дьокутааттара элбэх оҕолоохторго сир учаастагын биэрии хаамыытын дьүүллэстилэр.

☝🏻Босхо сир уочаратыгар 7519 элбэх оҕолоох ыал турар. Олортон 93 ыал олорор усулуобуйаны тупсарыы уочаратыгар турар. Бүгүҥҥү күҥҥэ 3882 элбэх оҕолоох ыалга сирдэрин схемата, ол иһигэр 3430 ыал учаастагын докумуоннаппыт (Ааспыт 2021 сылга 85 ыал докумуоннаппыт), 2022 сыл от ыйын 8 күнүнээҕи туругунан – 57 ыал.

Тугу быһаардылар?

📲 https://t.iss.one/kiin_kyorat_gazeta

Бүгүн, от ыйын 28 күнүгэр, «Киин куорат» саҥа нүөмэрэ таҕыста

🔹 Ыалдьыт – Дьокуускай куорат «Баҕарах» сүөһү иитэр хаһаайыстыбатын салайааччыта Иван Константинович Сивцев. Бүгүҥҥү туругунан хаһаайыстыба 800-чэкэ сүөһүлээх, онтон ыанар ынаҕа – 330 төбө. Бу күннэргэ баҕарахтар үс биригээдэнэн окко киирээри бэлэмнэнэ сылдьаллар.

🔹 Дьиэ былаанын уларытарга туох докумуон нааданый?

🔹 Ааспыт нэдиэлэ өрөбүлүгэр Өрөспүүбүлүкэ Ил Дархана Айсен Николаев Дьокуускай куоракка ыытылла турар тутуулары бэрэбиэркэлээтэ: 75 тиэргэн, Ленин проспегын өрөмүөнэ, Мархаҕа саҥа комплекс

🔹 Олоҥхо чаҕылхай колориһа – Иннокентий Дмитриевич Корякин

🔹 Чыпчаал – киһи иҥиирин, силгэтин, этин-сиинин, ис туругун көннөрөр-бөҕөргөтөр, чэбдигирдэр сонун уонна хорсун тренажёр

🔹 «Айылҕаттан айдарыылаахтар» рубрикаҕа – удаҕан, эмчит Анастасия Картузова

📲 Киин куорат сонуннарын, хаһыат матырыйаалларын бастакынынан биһиги Телеграм-ханаалбытыгар ааҕыҥ: https://t.iss.one/kiin_kyorat_gazeta

#КК_ТускарТуһан

❓❓❓Кондиционер: итииттэн быыһаныы дуу, доруобуйаны энчирэтии дуу?


Сайын куорат дьонун икки бөлөххө араарыахха сөп:
❇️ Кондиционер эрэ баар буолан быыһанааччылар;
❇️ Кондиционерга үрдэрэн ыалдьартан куттанааччылар.

➡️ Кондиционер туһатын уонна буортутун туһунан төһө оруннаах өйдөбүллэр тарҕаммыттарын ырытан көрүөҕүҥ:

❓“Кондиционер – тумуу, тымныйыы төрүөтэ”
❓“Кондиционертан тахсар фреон – дьаат”
❓“Кондиционер салгыҥҥа микробтары уонна вирустары тарҕатар”

❇️ Маны сэргэ массыынаҕа кондиционеры холбонуу быраабылаларын билсиҥ↘️:

https://kiinkuorat.ru/articles/kondicioner-tuohha-naadanyy

https://t.iss.one/kiin_kyorat_gazeta

#КК_сонун

🚌Атырдьах ыйын 1 күнүттэн саҥа 100 нүөмэрдээх маршрут, Медицина кииниттэн аэропортка диэри сылдьыаҕа.

✅Айан хайысхата: Яков Потапов уул. – Сэргэлээх шоссета – Ойуунускай уул. – Поярков – Дзержинскэй – Өктөөп 50 сыла автострада – Можайскай – Гагарин - бүтэһик тохтобула «Аэропорт».

✅Бырайыас сыаната куорат бары маршруттарыгар курдук буолар.

https://t.iss.one/kiin_kyorat_gazeta

#КК_Сонун

❇️ Бүгүн судаарыстыбаннай уонна уопсастыбаннай диэйэтэл, доруобуйа харыстабылын бастакы наркома, сахалыы бастакы учебниктар ааптардара Донской Семен Николаевич (иккис)  (1895—1938) төрөөбүт күнэ
❇️ С.Н. Донской 1928-1931 сс. үөрэх наркоматын
салайар кэмигэр үөрэҕирии бастакы бырайыага, бастакы сахалыы учебниктар, босуобуйалар уонна үөрэх бырагыраамалара суруллубуттара уонна таһаарыллыбыттара, оскуолаларга үөрэнэр кылаастар, кабинеттар, мастарыскыайдар, библиотекалар аһыллыбыттара, улахан дьону үөрэтии киэҥник тарҕаммыта. Босуобуйалар уонна учебниктар бастакы тылбаасчыттартан биирдэстэрэ.

https://kiinkuorat.ru/articles/uduorbutun-umnubappyt

https://t.iss.one/kiin_kyorat_gazeta

#КК_ТускарТуһан

🐣Хаас иитээччилэргэ сүбэлэр

✅Оту итии ууга илитэн, комбикорму онно кутан биэрдэххэ ордук сииллэр. Итии ууга илитиллибит от тиллэр, сымныыр, сыттанар, аппетиттарын көтөҕөр.
Хортуоппуйу, сүбүөкүлэни комбикормҥа булкуйан биэрэри эмиэ олус сүбүлүүллэр.

☝🏻Хаастар аһыыр иһиттэрин таһыгар кумахтаах, гравийдаах биэдэрэни туруорар наада. Ити хаастарга, кууруссаларга курдук астарын буһаралларыгар наада.

📦 Сымыыттыылларыгар мас дьааһыктары оҥорон (50х50х50 см) ууруллар. Иһигэр оту угуллар.
Сымыыттары хайа хаас сымыыта буоларын билэр гына ууруллуохтаах, онуоха харандааһынан бэлиэ оҥороҕун. Итинниккэ хайа атыыр хаас үчүгэйин билэҕин.

🥚 🐣Хаас 10-15 сымыыты биэрдэҕинэ, баттата олордорго сөп буолар. Хаас оҕолоро 30-ус хонуктарыгар тахсаллар.
🐥Хаас оҕолорун ый курдук комбикормунан аһатыллар, онтон атыттары кытта хонууга ыытыахха син.
🐥Хаас саҥа сымыыттан тахсар оҕолорун ардыгар тэпсэр. Ол иһин маныыр наада. Хааһы саас 2-3 төгүл сымыыттатан, баттатан оҕолорун ылыахха сөп.

https://t.iss.one/kiin_kyorat_gazeta

КК_Аудио

📚 П.А. Ойуунускай ,,Оҕо куйуурдуу турара" хоһоонун Екатерина Никифорова - Куо ааҕар

"Иэйии" литературнай түмсүү

https://t.iss.one/kiin_kyorat_gazeta

#КК_ТускарТуһан

Телеграмм диэннэрин төһө сатаан эрэҕин? 🙋🏻‍♀️

Туһалаах информацияны бассаапка сатаан ыытагын дуо?

Тиэкиһи куопуйалаан буолбакка, туһааннаах суруйууга сигэни (ссылканы) хайдах ыытары видеоҕа көр 👉🏻

✅ Бастаан "Копировать ссылку" диэни бул, баттаа, онтонь «Ссылка скопирована» диэн таҕыстаҕына, туһааннаах киһигэр эбэтэр бөлөххө ыыт, оччотугар кини бэйэтэ бу тахсыбыт посту чуо булан көрүө.

Табылынна дуо? Атын ситимнэргэ үллэстэргэ хайдах ыытааччыгытый?

📲 https://t.iss.one/kiin_kyorat_gazeta

*Оҕолорго сахалыы ютуб ханааллар*

Тиһиги бэлэмнээтэ, Дьулустаан Осипов,
https://t.iss.one/julustaan_altan

ТҮННҮК | Сахалыы Фиксиктэр
https://youtube.com/channel/UC3r3l3oJw-lBrWlktc32b3g

Күөрэгэй ханаала
https://youtube.com/channel/UC67DeDFU3XKjsdlVMtSh1OQ

Чохоон
https://youtube.com/c/%D0%A7%D0%BE%D1%85%D0%BE%D0%BE%D0%BD

Игирэчээс Кулунчуктар
https://www.youtube.com/channel/UCEizrLc5NHCDPepGPcZSIMw

Ньургун уонна Айыына
https://youtube.com/channel/UCQgRjJbbd1JfXOqT95mdQVw

Мичийээнэ
https://youtube.com/channel/UCF1dksa_9Ins0p_6Dm-qvqQ

Чыып-чаап. Учимся говорить по якутски
https://youtube.com/channel/UCH6i6HNfPMEaJPYvCnPqwPA

Ону кытта сахалыы аныгы мультиктардаах сайт баар буолбут olbu.ru

Төрөппүт өйдөө⚡️
Оҕон үчүгэйдик саҥара илигинэ (3-5 сааһыгар дылы) ютуб, телевизор көрдөрүмэ. Цифровой информация мэйиитин сайдыытыгар куһаҕан дьайыылаах буоларын бил https://youtu.be/7b1ZYCeXadY (невролог быраас лекциятын иһит).
Мультик оннугар кинилиин элбэхтэ кэпсэт, оонньоо, остуоруйата, хоһоонно аах, дьарыктан. Оччоҕо инники олоҕор туһалаах буолуо.
Өскөтүн ютуб көрдөрөр түгэннээх буоллаххына сахалыы мультикта көрдөрө сатаа, ону даҕаны өр буолбатах. Бу сүбэлэрим эһиэхэ туһалаах буолуохтара диэн эрэнэбин.