Ытыктабыллаах Таатта дьоно-сэргэтэ! Ыам ыйын 10-11 күннэригэр улууска кэлэн үлэлээн барбыт, суол проегын оҥорор тэрилтэ үлэһитэ СOVID-19 аналиһа положительнай буолбута ыам ыйын 16 күнүгэр билиннэ. Билигин контактар быһаарыллаллар, обсерваторга киллэриллэллэр. Кытаатан бары ирдэбили тутуһан, мааскалаах, перчаткалаах, дистанцияны тутуһууну, тутуспуппут курдук тутуһабыт. Официальнай информация чуолкайданан тахсыа.
Таатта улууһун оперативнай штаба.

В Таттинском улусе случилось то, что случилось с Коробовым в Якутске. Приехал в улус из Якутска человек из проектной организации. Встречался с местными тойонами, согласовывал проект строительства дорог. В итоге оказалось, что проектировщик был заражен коронавирусом.

📌 “Россия 24” ханаал быһа эфиригэр Дьокуускай баһылыгын солуйааччы Евгений Григорьев таҕыста. Территориялары сайыннарыы боппуруостарыгар баһылык солбуйааччыта “Куттала суох уонна хаачыстыбалаах суол” национальнай бырагыраама Дьокуускай куоракка хайдах олоххо киирэрин, ону таһынан ханнык эбийиэктэргэ хапытаалынай өрөмүөн барарын, суол тутуутун туһунан сиһилии кэпсээтэ.➡️➡️➡️ https://kiinkuorat.ru/2020/05/byjyl-23-km-suol-oҥoһulluoҕa/

📌 Саха сирин улахан куораттарыгар бэйэ изоляциятын эрэсиимэ ыам ыйын 31 күнүгэр диэри салҕанар. Бу нэдиэлэттэн бытовой өҥөнү дьону кытта алтыһыыта суох оҥорор эбийиэктэр үлэлиэхтэрэ.
⠀
Өрөпүүбүлүкэ түөрт зонаҕа арахсар. Суола-ииһэ суох Арктика эргимтэтигэр элбэх киһилээх тэрээһиннэри ыытыыттан ураты, хааччахтыыр миэрэлэр тохтотуллубуттара. Киин, илин уонна арҕаа өттүгэр элбэх дьону түмэр тэрээһиннэри ыытыы, уопсастыбаннай ас тэрилтэлэрин үлэтэ билигин да бобуулаах. Улахан куораттарга бэйэ изоляциятын эрэсиимэ ыам ыйын 31 күнүгэр диэри салҕанар. Ол эрэн бу нэдиэлэттэн бытовой өҥөнү дьону кытта алтыһыыта суох оҥорор эбийиэктэр үлэлиэхтэрэ.
⠀
Билигин биирдиилээн спордунан дьарыктанар, кылгас кэмҥэ дьиэ кэргэнинэн салгын сии тахсар көҥүллэнэр. Дьокуускай баһылыга Сардана Авксентьева Ил Дархан аатыгар Сынньалаҥ уонна култуура пааркатын олохтоохтор дьаарбайалларыгар анаан арыйарга сурук киллэрдэ.➡️➡️➡️ https://kiinkuorat.ru/2020/05/haachchahtar-syyja-symnyahtara/

📌 Бүгүн, ыам ыйын 19 күнүгэр, баһылык Сардана Авксентьева Сайсары уокуругун олохтоохторун кытта онлайн көрүстэ. Олохтоохтор видеосибээс ньыматынан ыйытыктарыгар быһаччы хоруйдары ыллылар.➡️➡️➡️ https://kiinkuorat.ru/2020/05/sajsary-olohtoohtoro-baһylygy-kytta-onlajn-kөrүstүler/

📌 Ыам ыйын 15 күнүгэр РФ Пенсионнай пуондатын Саха сиринээҕи салаатын баһылыга Георгий Михайлович Степанов @republic_sakha_yakutia14 инстаграм страницаҕа быһа эфиргэ тахсан, нэһилиэнньэ ыйытыыларыгар хоруйдаата...➡️➡️➡️ https://kiinkuorat.ru/2020/05/pensionnaj-puonda-salajaachchyta-georgij-stepanov-interinieti-tuһanyҥ-gosuslugi-registracziyalanyҥ/

📌Дьиэҕэ хаайыллан олорууга иккис ыйбытын чугаһатан эрэбит. Салгыы маннык буоллаҕына, биир бэйэм хайдах буоларбын билбэппин. Бачча самаан сайыммыт кэлиитэ, от-мас көҕөрүүтэ, салгыммыт ырааһырыыта, итиигэ, куйааска хаайыллан олоруу кими да үөрдүбэтэ биллэр.

Биһиги өссө син киирэ-тахса сылдьабыт, эдэрдэр муунтуйаллар, эгэ, кырдьаҕастарбыт хайдах тулуйан олороохтууллар? 65-тэн үөһээ саастаахтары таһырдьа муннугутун да быктарымаҥ диэн кытаанах бобуу буолбута быданнаата.➡️➡️➡️ https://kiinkuorat.ru/2020/05/ikki-yj-dieteeҕi-haajyy/

📌 Кыайыы кэлэригэр тыылга үлэлээччилэр көмөлөрө туохха да тэҥнэммэт. Бүгүҥҥү ыалдьыппыт Афанасий Васильевич Мигалкин идэтинэн историк, тыыл үлэтин уонна онно төһө оҥоһуллубутун үөрэтэн-чинчийэн, араас дьону кытта көрсөн кэпсэппитэ. Онон бүгүҥҥү кэпсэтии сүнньүнэн сэрии сылларын туһунан буолуоҕа.➡️➡️➡️ https://kiinkuorat.ru/2020/05/afanasij-migalkin-sutu-bilimmekke-achchyktaaһyny-aahsybakka-toluk-buolallaryn-kerejbekke-kyajyyny-syralaspyt-dommutun-sanaan-aaһyahtaahpyt/

📌 От охсуугар өрөспүүбүлүкэ түөрт төгүллээх Дархан охсооччуута Гаврил Николевич Павлов туһунан мин урукку суруйууларбар аҥаардас көрүн-күлүүтүн сэргээрибин эрэ эридьиэстээбит эбиппин. Ол кэрэгэй...➡️➡️➡️ https://kiinkuorat.ru/2020/05/oo-deee/

❗️ Ааспыт сууккаҕа өрөспүүбүлүкэҕэ эбии 37 киһи коронавирустаата. Дьокуускайга эбии 30 киһи коронавирустаата, Тааттаҕа — икки, Мииринэйгэ — үс, Хаҥаласка — биир уонна Мэҥэ Хаҥаласка — биир.

❗️Нам улууһун Салбаҥ нэһилиэгин Хоҥор Биэ сэлиэнньэтигэр, Ил Дархан Айсен Николаев ыйааҕынан, карантин олохтонно. Хоҥор Биэттэн атын сиргэ барааччылар обсерваторга икки нэдиэлэ олорон баран тахсаллара көҥүллэнэр. Обсерватор тэрилиннэ. Үлэлэринэн тахсыахтаах дьон пропуск ылаллара булгуччулаах. Сэлиэнньэҕэ киирэр суолга ИДьМ пропуск бэрэбиэркэлиир. Олохтоохтор дьиэҕэ олоруу эрэһиимин тутуһуохтаахтар. Хааччах кэмигэр волонтердар көмөлөһүөхтэрэ.

❗️Өрөспүүбүлүкэ үрдүнэн уопсайа 997 киһи ыарыйды, 410 киһи үтүөрдэ, алта киһи суорума суолланна.➡️➡️➡️ https://kiinkuorat.ru/2020/05/yaldybyt-kiһi-ahsaana-1000-ҕa-chugaһaata/

📌 Роспотребнадзор иһитиннэрэринэн, Нуучча тылын биир кэлим судаарыстыбаннай эксээмэнэ бэс ыйын 2 уонна 3 күннэригэр икки түһүмэҕинэн ыытыллыаҕа...➡️➡️➡️ https://kiinkuorat.ru/2020/05/bke-saҥa-boldohtoro/

📌 Саха дьоно сиэр быһыытынан ыам ыйын 22 күнүн сайын кэлбитинэн ааҕабыт.

Ньукуолун күнүнэн бэйэ-бэйэбитин эҕэрдэлэһэбит. Хас биирдии дьиэ кэргэн аайы үгэскэ олоҕурбут алгыстаах алаадьыны астааһын, кус миинэ бэйэтэ ураты дьиктилээх.➡️➡️➡️ https://kiinkuorat.ru/2020/05/kүөhhe-eteҥҥe-үktemmippitinen/

📌"Саха күөххэ үктэнэр кэмэ кэлбитинэн, Ньукуолун кунунэн эҕэрдэ буолуохтун! Халыҥ хаар халбарыйан, тоҥ муус көтөҕүллэн сайыммыт тиийэн кэллэ. Кэҕэ этэр, мутукча көҕөрөр, ньургуһун тыллар, күөх от бытыгырыы үүнэр, күөрэгэй дьырылас ырыата самаан сайыммыт кэлбитин биллэрэр”, — диэн Дьокуускай баһылыга Сардана Авксентьева инстаграм страницатыгар бар дьонун Ньукуолун күнүнэн эҕэрдэлээтэ.

Бүгүн, о.э. ыам ыйын 22 күнүгэр, киэһээ 6 чаастан баһылык @sardanaavksentieva инстаграмыгар быһа эфиргэ тахсар. Олох бары эйгэтигэр сыһыаннаах ыйытыыларгытын биэриэххитин сөп.➡️➡️➡️ https://kiinkuorat.ru/2020/05/baһylyk-byһa-efirge-tahsyaҕa/

📌Жоржетта Ивановна Текеянова, Горнай улууһун Маҕарас бөһүөлэгэ, «Айтал» түөлбэ салайааччыта:

— Барыгытын самаан сайын кэлбитинэн эҕэрдэлиибин. Ньукуолун күнүгэр саха Далбар хотуттара алаадьы астыыр үтүө үгэстээхтэр. Ол сиэринэн мин эмиэ Ньукуолун күнүгэр бөлөнөхтөн алаадьыны, алгыс алаадьытын, уоһах алаадьытын уонна саламаат астыырбын ордоробун. “Арчы Дьиэтэ” духуобунай кииҥҥэ ыытыллар «Күн төгүрүк алаадьы» айыы аһын күөн-күрэҕэр үстэ кыттыбытым. Манна 18-23 алаадьы араас көрүҥүн астаан, ситиһиилээхтик кыттыбытым. Иккитэ «Сайдам Далбар Хотун» анал аакка тиксибитим, «Сиэри-туому утумнааччы» анал аат хаһаайкатабын. Сыл аайы Ньукуолун күн алаадьы арааһын астыыбын, дьиэ кэргэммин кус миининэн күндүлүүбүн. Ордук эттээх уонна итир сыа алаадьыта олус тотоойу, минньигэс буолар. Онон бу күнү уратытык көрсөбүт.➡️➡️➡️ https://kiinkuorat.ru/2020/05/alaady-araas-kөrүҥe/

❗️⚡️Ааспыт сууккаҕа Саха сиригэр 80 киһи коронавирустаата. Ол аата уопсайа 1077 киһи ыарыйда.

❗️⚡️Дьокуускайга 47 киһи дьаҥнаата. Улуустарга – 33, үксэ Нам улууһугар.➡️➡️➡️ https://kiinkuorat.ru/2020/05/yaldybyt-kiһi-ahsaana-1000-kuoһarda/

📌Үтүө дьыала Кубога Саха сирин тэлэһийэ көтөн, Орто Халыматтан Эдьигээн-Кэбээйи-Эбээн Бытантай улуустарыгар тиксэр кэмэ тосхойдо. Түгэнинэн туһанан, Үтүө дьыала Кубога бу аҕыйах хонуктааҕыта Саха Өрөспүүбүлүкэтин Бэрэсидьиэнин Граныгар кыайыылааҕынан тахсыбытын ааҕааччыларбытыгар үөрэ үллэстэбит.
Хоту дойдуга Күн тахсыыта – биир саамай күүтүүлээх-кэтэһиилээх бырааһыннык. Бу күннэргэ биһиги Кубокпыт Өлөөҥҥө, Анаабырга, Орто Халымаҕа үтүө дьыалалары уһансан, өссө биир хоту улууска – Эдьигээҥҥэ айанныыр.
Дьокуускайга олорор Эдьигээн лидердэрэ Саргылана Местникова, Светлана Ильинова Үтүө дьыала Кубогын айанын ылсаннар, дойдуларын туһугар ыалдьар эдэрдии эрчимнэрин көрдөрдүлэр. Улууһун түмсүүтүн биир бас-көс киһитэ Альберт Элляев Кубок туттарсыытын сиэригэр-туомугар Атласовтар уһаайбаларыгар итии үүттээх чэйдээх, амтаннаах алаадьылаах, кыһыллыбыт тоҥ балыктаах, морошка барыанньалаах мааны сандалыны тэрийбитэ харах халтарыйар, сүргэ көтөҕүллэр түгэнэ этэ... https://kiinkuorat.ru/2020/05/kubokpyt-beresidien-granyn-kyajyylaaҕa/

📌 Кэнники кэмнэргэ тарҕаммыт “элбэх белоктаах, сыалаах аһы аһаатахха, киһи ыалдьыбат үһү” диэн сураҕы Роспотребнадзор исписэлиистэрэ туох да научнай тирэҕэ суоҕунан ааҕаллар эбит. Пандемия кэмигэр карантиҥҥа уонна бэйэ изоляциятын эрэсиимигэр олорор дьон аһылыгын рационун Роспотребнадзор Саха сиринээҕи салаата тарҕатта. Онно этиллэринэн, биһиги билигин дьиэттэн тахсыбакка олорор кэммитигэр күннээҕи аһылыкпытыгар 3 сүрүн усулуобуйаны учуоттуохтаахпыт...➡️➡️➡️ https://kiinkuorat.ru/2020/05/pandemiya-kemiger-hajdah-aһyygyt/