#КК_Сонун

Дьокуускайга «Кино на службе Отечеству» документальнай киинэ бэстибээлэ буолар

🎥 Ахсынньы 10-13 күннэригэр Дьокуускайга Арассыыйа Бэрэсидьиэнин култуура эйгэтигэр көҕүлээһиннэргэ пуондатын, Арассыыйа култууратын министиэристибэтин, Аҕа дойду буойуннарын дьиэ кэргэттэрин кэмитиэтин өйөбүлүнэн ыытыллар «Кино на службе Отечеству» көһө сылдьар бэстибээл буолаары турар.
Бэстибээл чэрчитинэн Дьокуускай куорат олохтоохторугар анал байыаннай дьайыы саҕаланыаҕыттан Арассыыйаҕа оҥоһуллубут документальнай киинэлэри көрөр, фронтовой режиссёрдары, айар бөлөхтөрү, поэттары, музыканнары кытта көрсөр кыах баар. 

Ол курдук, бырагыраамаҕа «Я иду Домой» (Андрей Ященко, Владислав Рыдков, Юлия Забарова), «Отважные. Сёстры» (Олеся Шигина) уонна «Отцы Донбасса» (Константин Зайцев) документальнай киинэлэр киирбиттэр. 

Бэстибээл киинэлэрин көрдөрөр балаһааккалар: https://kiinkuorat.ru/articles/dokuuskayga-kino-na-sluzhbe-otechestvu-dokumentalnay-kiine-bestibeele-buolar

https://t.iss.one/kiin_kyorat_gazeta

#КК_ТускарТуһан

«Дьокуускай» аэропорт наадалаах нүөмэрдэрэ

📱 “Дьокуускай” аэропордун босхо иһитиннэрэр кэлим “Справочнайын” суукканы эргиччи үлэлиир нүөмэрэ: +7 (4112)-31-88-44.

📱 2-ГИС сыһыарыыны арыйан “Аэропорт Якутск” диэни булаҕыт. Онно сырдык халлаан күөҕэ дьүһүннээх “Онлайн-табло” баттаан, баҕарбыт эриэйискит хаһан кэлэрин, көтөрүн билэр кыахтааххыт. Бүгүҥҥэ эрэ буолбакка, сарсыҥҥы, бэҕэһээҥҥи эриэйистэр кытта тахсаллар.

📱Багажкын сүтэрдэххинэ эрийэр нүөмэриҥ:
+7 (4112)-49-10-61 уонна +7(968) -156-10-89.

📱Тардыллыбыт эриэйистэр пассажирдара кэтэһэр саалалара “Лайнер” гостиницаҕа баар. Төлөпүөннэрин нүөмэрэ:  +7(4112)-49-52-27 уонна +7 (4112)-49-52-52 (вн.100).

📱Таһаҕаһы ылар сир төлөпүөнэ: +7(4112)-249-51-84 (сарсыарда 08.00 ч. киэһэ 18.00 ч. диэри үлэлиир).
Оттон суукканы эргиччи үлэлиир нүөмэр: +7 (4112)-249-53-76.

📱Таһаҕас ыытар наадалаахтар +7(4112) 249-53-89 эрийэҕит (сарсыарда 08.00 ч. киэһэ 18.00 ч. диэри).

📱Аэропорт медпуунун нүөмэрэ: +7(4112)-49-10-66.

https://t.iss.one/kiin_kyorat_gazeta

#КК_ТускарТуһан

❇️Ардыгар киһи булгуччулаах төлөбүрү умнан эбэтэр харчы кырыымчыгыттан төлөспөккө сылдьан, букатын да мунньан кэбиһэрэ баар буолар. Оннук түгэҥҥэ иэскэр эбии пени диэн ыстыраап эбиллэрин билэҕит.

Сорох тэрилтэлэр маннык дьону «бырастыы гынар» «прощеные дни» аахсыйаны тэрийээччилэр. Холобур, СӨ Хапытаалынай өрөмүөҥҥэ пуондата ахсынньы ый 31 күнүгэр диэри биллэрбит. Онуоха иннинээҕи иэһи таһынан бу ыйдааҕы төлөбүрү олоччу төлөһүөххэ наада.

Оттон ол кыаллыбат, букатын улахан иэс мунньуллубут түгэнигэр, иэһи реструктуризациялатар гына сөбүлэҥ түһэрсиэххэ эмиэ сөп. Ол аата кыра-кыралыы, уһатан төлөһөргө кэпсэтэҕин.
Сиһилии: https://kiinkuorat.ru/articles/hapytaalynay-r-m-n-puondata-penite-suoh-t-l-r-kyahtaahhyn

https://t.iss.one/kiin_kyorat_gazeta

💫 ПРЕМЬЕРА! ПРЕМЬЕРА! ПРЕМЬЕРА! 💫

🛩️ Франция улуу суруйааччыта, байыаннай лүөччүк Антуан де Сент-Экзюпери “Маленький принц” остуоруйа-сэһэнэ 300 омук тылыгар уонна Брайль шрибигэр тылбаастаммыта.

🪶 Остуоруйа-сэһэн дириҥ ис хоһооннооҕунан, амарах санаалааҕынан оҕо да, улахан да киһи өйүгэр-санаатыгар сөп түбэһэр уратылаах. Аан дойдуга биһирэммит бу айымньыны саха народнай суруйааччыта Е.В. Слепцова-Куорсуннаах “Кыра Тыгын” диэн сүрэхтээн, сахалыы саҥардыбыта.

💫💫КҮНДҮ КӨРӨӨЧЧҮЛЭР! 💫💫
Кэлэн иһэр Саҥа дьылынан эҕэрдэлээн туран, эһигини Олоҥхо театрын иһинэн үлэлиир Экспериментальнай театральнай устуудьуйа “КЫРА СУЛУС КЫРА ТОЙОНО” испэктээкилигэр ахсынньы 23 күнүгэр 18:30 ыҥырабыт!

✨Туруорааччы режиссер: Лена ОЛЕНОВА
✨Режиссер: Наталья СЛЕПЦОВА
✨Инсценировка: Ольга ЯНЦЕН
🎼Тыыннаах доҕуһуол: Өктөм оскуолатын үөрэнээччилэрэ уонна Вероника Лыткина, Иванида Алексеева.

🏛️ Буолар сирэ: А.Е. Кулаковскай аатынан Норуоттар доҕордоһууларын дьиэтэ
🎫 Билиэт онлайн https://clck.ru/3F4aHL атыыланар.
📞 34-03-19

#КК_Сонун

🚌 Дьаһалта бүгүҥҥү планеркатыгар баһылык Евгений Григорьев 5-ис уонна 7-ис маршруттар кыһалҕаларын быһаарарга сорук туруорда.

Бу маршруттарга оптуобустар аһара толору айанныылларын туһунан куорат олохтоохторуттан үгүстүк үҥсүү киирбит.

Пассажирдары тиэйэр тэрилтэ салайааччыта Эдуард Садовников бэлиэтээбитинэн, 5-ис маршрукка ПАЗиктар тахсар буоланнар дьон элбиир кэмигэр оннук кыһалҕа үөскүүр.
НО «СоюзАвто» салайааччыта Андрей Косицкий этэринэн, оптуобус сорҕото техосмотру ааспат буолан линияҕа тахсыбат эбит. Сотору кэминэн бу боппуруос быһаарыллыахтаах.

Баһылык баар балаһыанньаны күн аайы кэтииргэ, суһал быһаарыныылары ылынан иһэргэ сорук туруорда.

https://t.iss.one/kiin_kyorat_gazeta

#КК_ТускарТуһан

🎄Тыыннаах харыйаны туруорар дьоңңо туһалаах сүбэлэр.

Тыыннаах харыйа сыаната удамыр, көстүүтэ тупсаҕай. Сыта-сымара дьиэни толорор. Сөпкө харайдахха, икки нэдиэлэ кэриҥэ туруон сөп.

🔹Температура хамсааһына маска ордук охсуулаах: мутукчата түргэнник түһэр. Ол иһин тыыннаах харыйаны тута сылаас дьиэҕэ киллэрэр сыыһа. Чааһынай дьиэлээх дьон гаражтарыгар эбэтэр оҥкучахтарыгар, оттон кыбартыыра олохтоохторо кыратык подъезка туруора түһүөхтэрин сөп. 

🔹Туруоруоххут иннинэ алларааҥҥы лабааларын эрбээҥ, 2-3 см сарбыйар ордук. Умнаһын 15-20 см сыгынньахтааҥ. Оччоҕуна ууну үчүгэйдик иҥэриниэҕэ.

🔹Батареяттан, обогревательтан ыраах туруорабыт. Итиигэ мас мутукчата хатар уонна түһэр. Харыйа лабааларын сөп буола-буола уунан ыстарар ордук. Биллэн турар, гирляндаларгытын розеткаттан арааран баран. Дьиэҕитигэр салгыны сиигирдэр анал тэриллээх (увлажнитель воздуха) буоллаххытына, өссө үчүгэй.

🔹Саҥа дьыллааҕы харыйаны анал кириэстии оҥоһуллубут маска эбэтэр уулаах эбэтэр кумахтаах биэдэрэҕэ туруоруохха сөп. Кураанах “атах” куһаҕан, умнаһын аллараа өттүн инчэҕэй тирээпкэнэн суулааҥ. 

🔹Биэдэрэҕэ туруорар судургу ньыма: үс лиитирэ ууга 5 таблетка аспирины уонна 5 остолобуой ньуоска саахары кутан суурайабыт. Сорохтор туус эбэллэр. Аспирин түүнүк бактериялара үөскүүллэрин тохтотор, оттон саахар уонна туус маһы аһаталлар. Ууга аҥаардас саахары кутар туһата суох.

🔹Иккис сүбэ. Ууга 0,5 ч.нь. лимон кислотатын уонна 1 ньуоска желатины эбэтэр үлтүрүтүллүбүт миэли кутуохха сөп.

🔹Тыыннаах харыйа үйэтин глицерин уһатар: 1 лиитирэ ууга 1 ч.нь. глицерины кутуҥ.

🔹Кумахтаах биэдэрэ. Өрүс кумаҕа мас умнаһын 15-20 см сабыахтаах. Кумах мэлдьи сииктээх туруохтаах. Онуоха 1 лиитирэ ууга аспирин ¼ таблеткатын кутан, суурадаһын оҥоробут.

https://t.iss.one/kiin_kyorat_gazeta