📝Сахалыы тыллаах «Киин куорат» хаһыат алтынньы 1-10 күннэригэр 10 % чэпчэтиилээх сурутууну биллэрэр!
«Киин куорат» – өрөспүүбүлүкэ бары муннугар тарҕанар, Сахабыт сирин киин куоратын буруолуу сылдьар сонуннарын сырдатар дьоһун хаһыат.

📌Сурутуоххутун сөп:

— Арассыыйа почта бары салааларыгар.
— podpiska.pochta.ru сайтка.

📰Сурутуу индексэ – ПИ054

kiinkuorat.ru сайтка сытыы матырыйааллары, Дьокуускай олоҕун, спорт сонуннарын, гороскобу, ырысыаптары, кэпсээннэри, интэриэһинэй дьону кытта кэпсэтиилэри, ырытыылары, саҥа сокуоннары, төрөппүттэргэ сүбэлэри, о.д.а. киирэн аах.
#киинкуорат

📲Бассаап: +7 914 270-64-04
🎯Телеграм ханаал: https://t.iss.one/kiin_kyorat_gazeta
⚡️Инстаграм: @kiinkuorat.ru

Соторутааҕыта Дьокуускай куорат Киин уокуругар буолан ааспыт быыбарга эдэр кандидаты үгүс киһи өйөөтө. Бүгүҥҥү ыалдьыппыт – политик, уопсастыбанньык, дьиэ кэргэн аҕа баһылыга, эр бэрдэ Алексей Саморцев...➡️➡️➡️https://kiinkuorat.ru/2020/10/aleksej-samorczev-sarsyarda-aajy-ulaatan-ularyjan-uһuktabyt/

Аҕыйах хонуктааҕыта Маҕан орто оскуолатыгар “Точка роста” киин аһылынна. Үөрэнээччилэри, оскуола кэлэктиибин үөрэх кыһатыгар бэлиэ күнүнэн Арассыыйа үөрэҕин миниистирэ Сергей Кравцов онлайн эҕэрдэлээтэ.

Тэрээһиҥҥэ социальнай боппуруостарга куорат баһылыгын солбуйааччы Наталья Степанова, Үөрэх управлениетын начаалынньыга Алексей Семенов, “Ритм” култуура дьиэтин дириэктэрэ Татьяна Тарасенко, 69 №-дээх “Брусничка” оҕо уһуйаанын сэбиэдиссэйэ Варвара Татаринова, “Библиополе” нэһилиэк модельнай библиотекатын сэбиэдиссэйэ Мария Тимофеева, о.д.а. ыҥырыылаах ыалдьыттар кытыннылар.

Наталья Степанова информатизация уонна цифровизация киһи олоҕор суолталарын, аныгы технологиялар үүнүү-сайдыы тирэҕэ буолалларын бэлиэтээтэ.

Арассыыйа үөрэҕин миниистирэ Сергей Кравцов дойду хас биирдии оҕо хаачыстыбалаах үөрэҕи ыларыгар, талаанын сайыннарарыгар дьулуһарын туһунан эттэ. Сиhилии: https://kiinkuorat.ru/2020/10/maҕan-orto-oskuolatygar-saҥa-kiin-үleleete/

2021 сыл тохсунньу ыйыттан Дьокуускай куоракка Биир кэлим итиинэн хааччыйар тэрилтэ (ЕТО) баар буолара былааннанар. Бу куорат дьаһалтата, Саха Өрөспүүбүлүкэтин Бырабыыталыстыбата, “Федеральная гидрогенерирующая компания – Русгидро” ПАУо бииргэ үлэлиир туһунан сөбүлэҥ түһэрсиитин түмүгэр олоххо киириэхтээх. Бу туһунан куорат дьаһалтатын пресс-сулууспата иһитиннэрэр.➡️➡️➡️ https://kiinkuorat.ru/2020/10/dokuuskajga-biir-kelim-itiinen-haachchyjar-terilte-baar-buoluoҕa/

Дьокуускай куорат дьаһалтата 2020 сылга тутуллар территориялары сайыннарыыга дуогабар түһэрсэргэ аукцион ыытар. Ол курдук, кыайыылаах Лермонтов, Ильменскэй, Тутааччылар, Клара Цеткин, Пекарскай, Жорницкай уонна Пионерскай уулуссаларга турар хаарбах туруктаах дьиэлэри көһөрүөҕэ.
Бу ыйга ыытыллыбыт аукцион түмүгүнэн “Сахатранснефтегаз” АУо-ны кытта дуогабар түһэрсилиннэ. Онон көтүрүллүөхтээх дьиэлэр испииһэктэригэр Лермонтов уул., 35, 35/2, 35/3 уонна Петр Алексеев уул., 63, турар тутуулар киирдилэр.
Билигин «Строй развитие» ХЭТ,  «РФА Инвест» АУо-ны, «Агентство по развитию территорий» ХЭТ, «Специализированный застройщик ДСК 1» ХЭТ кытта дуогабар түһэрсиллэр. Ол түмүгэр маннык аадырыстарга турар хаарбах туруктаах дьиэлэр көтүрүллүөхтэрэ: Воинскай уул., 3/1, 9А,  Жорницкай уул., 15/1, 17,  17/1, 19, 21, Пионерскай уул., 13, Пекарскай уул., 2, 2/1,  Клара Цеткин уул., 8, 10, 18, 19, 19/1, 21,  25/1.
Дьокуускай куоракка хаарбах туруктаах дьиэ-уот пуондатыгар 1125 дьиэ киллэриллиэҕэ, онтон бырагыраама иккис түһүмэҕэр 166 дьиэ хабылынна.➡️➡️➡️ https://kiinkuorat.ru/2020/10/haarbah-turuktaah-dielerten-kөһөrүү-үlete-barar/

Алтынньы 1 күнүттэн “Арассыыйа – Мин историям” история пааркатыгар Улуу Кыайыы үбүлүөйдээх сылыгар аналлаах “Кыайыы 75” быыстапка аһыллыыта буолуоҕа.➡️➡️➡️ https://kiinkuorat.ru/2020/10/kyajyy-75-byystapka-үletin-saҕalyyr/

Мантан ыла редакция көҕүлээһининэн, ааҕааччылар көрдөһүүлэринэн, дьаһалта өйөбүлүнэн, биһиги хаһыаппытыгар куорат баһылыгын колонката тахсар буолуоҕа. Онно эһиги ыйытыыларгытын, баһылык хоруйун бэчээттиэхпит.

Күндү ааҕааччылар!

🎯Суруктаргытын [email protected] электроннай почтаҕа,

⚡️Инстаграмҥа @kiinkuorat.ru диреккэ,

📲+7 914 270-64-04 бассаапка күүтэбит. ❗️Cиhилии: https://kiinkuorat.ru/2020/10/6960/

Тускул Алтынньы ыйы анаарыыта.

Бу ыйга кыьын са5аланар.Бу кэмнэ Улуу добдур5а буолар: Сир-дойду барыта тоҥор , Хаар чараас. Суеьу хотонугар киирэр,. Сахалар оһохторун күүскэ оттор, бастакы идэһэни өлөрөр кэмнэрэ. Сорох күөллэргэ муус киһини уйар буолар, бастакы муҥха саҕаланар, Тыа кыылларыгар сонор булда са5аланар.
Алтынньы 14 кунуттэн Бокуруоп танараттан сааскы Ньукуолунна дылы Ыам ыйын 22 кунугэр дылы 220 хонук баар дьэ ону туоруур уустук боппуоуос турар, биьиги ебугэлэрбит ону аа5ан суоттаан, олох мындырдарын тобулан этэннэ туорууллар этэ.
Алтынньы 14 күнэ – Бокуруоп таҥара – кыһыҥҥы дьыл саҕаланыыта. Бу күнү өбүгэлэрбит дьыл кэлиитэ диэн билинэн туран, Дьыл оҕуһа муустаах байҕалтан тахсыытын кытта ситимнииллэр. Бокуруоп күн өбүгэлэрбит үгэстэрин тутуһан, сахалыы арыылаах алаадьынан кыстыкка киирбиппитин бэлиэтиири умнумуох туустаахпыт.
Бу күн хаардаатаҕына, сэтинньи ый 21 күнүгэр диэри кыһын кэлиитин 40 хонук күүтэллэр. Хотуттан тыалырдаҕына – тымныы кыһын, арҕааттан тыалырдаҕына – сылаас кыһын буолар. Онтон Бокуруоп күн сылаас күн-дьыл турдаҕына тымныы түһэрэ хойутуур, тымныйдаҕына – тымныы эрдэлиир.
Быйылгы күһүн ньээм ньээм от хойутаан тылынна сорох сирдэргэ ньургуһун таҕыста хоту дьоно суруйалларынан билигин да хоптолор, хаастар күргүөмнээхтик бара иликтэр дииллэр уонна көтөрдөрбүт аанньа бара иликтэринэн сылыктаатахха күһүммүт уһуур чинчилээх.
КИИН УЛУУСТАР:
Бу нэдиэлэ бүтүөр диэри күнүс 7-5 кыраадыс сылаас, түүн 3-2 кыраадыс сылаас. Кэлэр нэдиэлэҕэ эмиэ күнүс 5-6 кыраадыс сылаа, түүн 4-5 кыраадыс тымныйар . Улахан сөҥүү суох хаар да ардах даҕаны кэмчи. Бастакы хаар 7 чыыһылаҕа кыыдамнаан баран ууллуо уонна алтынньы 12-13 күннэригэр ардахтаах хаар түһүө.
Кыстык хаар Бокуруоп — алтынньы 14 күнүттэн сир үчүгэйдик тоҥмутун кэннэ түһүө диибит да быйылгы сыллаахха сөҥүүбүт кэмчи. Онон олохтоох кыстык хаарбыт Алтынньы ый 24 күнүн кэнниттэн түһүө.

БҮЛҮҮ БӨЛӨХ УЛУУСТАР: Бу нэдиэлэҕэ күнүс 5-7 кыраадыс сылаас, түүн 3-4 кыраадыс тымныы. Кэлэр нэдиэлэҕэ күнүһэ- сылаас түүнэ тымныы буолсу. Хаар 10-11 чыыһылаларга түһүөҕэ,хаарын уулларыа ол гынан баран хаар өтөрүнэн түһүө суоҕа
ӨЛҮӨХҮМЭ, АЛДАН, НЕРЮНГРИ:
: Бу нэдиэлэҕэ күнүс 5-7 кыраадыс сылаас, түүн -3-4 кыраадыс тымныы. Кэлэр нэдиэлэҕэ күнүһэ- сылаас түүнэ тымныы буолсу. Алтынньы ый 11 күнүттэн түүнэ күнүһэ тоҥорор. Хаар Алтынньы ый 13-14 чыыһылаларга кыстык хаар түһүөҕэ.

ӨЙМӨКӨӨН УЛУУҺА: Бу нэдиэлэҕэ күнүс 2-3 кыраадыс, түүн — 6-8 кыраадыс тымныы. Кэлэр нэдиэлэҕэ күнүс 4-5 кыраадыс сылаас, түүн -4-7 кыраадыска тиийэ тымныйыыһы. Кыстык хаар алтынньы 14-15 күннэригэр түһэрэ сабаҕаланар да кэмчи.Хаар быйыл аҕыйах Алтынньы ый 25 чыһылатын кэннитэн түһүө.

АБЫЙ, МУОМА, ХАЛЫМА, ҮӨҺЭЭ ХАЛЫМА, АЛЛАРАА-ХАЛЫМА, АЛАҺЫАЙ УЛУУСТАРА: Бу нэдиэлэ бүтэһигэр түүн -4-5 кыраадыс, күнүс +4+5 кыраадыс буолууһу. Кэлэр нэдиэлэҕэ күнүс +2+3 кыраадыс сылыйыа, түүн -4-5 кыраадыс буолсу. Алтынньы 10 кэнниттэн түүнүн күнүһүн тымныйар сир тонор бастакы хаар 8 чыыһылаҕа кыыдамныа кыстык хаар 15 кэнниттэн кэмчихаар түһүө. Ый бүтүүтүн саҕана кыстык халыҥ хаар кэлиэ.

АНААБЫР, ӨЛӨӨН, ТИКСИ:
: Бу нэдиэлэҕэ күнүс -3-5 кыраадыс сылаас, түүн 7-8 кыраадыс тымныы. Манна Алтынньы ый 3-4 күннэригэр инчэҕэй хаар түһэрэ сабаҕаланар ардыыр да хаардыыр да. Салгын уларыйарынан 3-4 чыыһылаларга буурҕа түһүө.Манна кыстык хаар Алтынньы ый 10-11 чыыһылаларга түһүөҕэ,хаарын уулларыа суоҕа сир тоҥон барар.

Дьогдьоот күһүммүт охсуута ардах да хаар да кэмчи буолсу. Онон өрөспүүбүлүкэ улуустарыгар барытыгар хаарбыт хойутаан түһүөх курдук.Урукку сылларга кыстык хаар сэтинньигэ түһэ сылдьыбыт кэмнэрэ бааллар этэ батыһаары гынна дии саныыбын.
Ол оннугар быйыл Алтынньы ый да Сэтинньи да ый сымнаһыар буолуо онон улахан тоҥоруулар кэлиэхтэрэ суоҕа былырыыҥҥы сылы батыһар да күһүммүт биир нэдиэлэнэн былырыыҥҥытааҕар хойутаан иһэр онон Саха сирин үрдүнэн кыстык хаар хойутаан кэлиэ дии саныыбын.


Балаҕан ыйын 29 күнэ 2020 сыл Тускул.

Тыа хаһаайыстыбатын үлэһитин күнэ быйыл алтынньы 11 күнүгэр бэлиэтэнэр. Хороҕор муостааҕы, сыспай сиэллээҕи иитэр, Үрдүк Айыылартан алгыстанан кэлэр үрүҥ илгэни үрүлүтэр үлэһиттэри бырааһынньыккытынан эҕэрдэлиибит! Түбүктээх үлэҕит үтүө түмүктэри аҕаллын!

Бүгүн биһиги хаһыаппыт “Ыалдьыт” рубрикатыгар үлэни өрө туппут сылгыһыт, бааһынай хаһаайыстыба тэринэн үлэлии-хамсыы сылдьар Хатас олохтооҕо Николай Соловьев ыалдьыттыыр.➡️ https://kiinkuorat.ru/2020/10/hatas-sylgyһyta-nikolaj-solovev-sudaarystybattan-өjөbүl-үksүөn-naada/