#КК_Сонун

✋Кэлэр 2023 сылга тупсарыллан оҥоһуллуохтаах уопсастыбаннай миэстэлэргэ куоластааһын бүгүҥҥүнэн, ыам ыйын 30 күнүнэн, түмүктэнэр.  

#КиинКуорат олохтоохторо уопсайа 5 эбийиэктэн талаллар.

Билиҥҥи туругунан, куолас ахсаана маннык:
1. Сайсары кытылын уонна Ийэ скверин тупсаран оҥоруу - 18177;
2. Тимофей Сметанин «Лоокуут уонна Ньургуhун» айымньытын  матыыбынан тупсаран оҥоһуллуохтаах кытыл - 2657;
3. Роман Михайлович Дмитриев аатынан кытылы тупсаран оҥоруу - 2997;
4. Тутааччылар сквердэрэ - 1279;
5. Федор Попов скверэ - 1975 куолас.

Куоластааһыҥҥа 14 саастарын туолбут гражданнар кытталлар.

Сайсарыга Ийэ скверин тупсаран оҥорууга бүгүн куолас эбилиннэҕинэ, эһиил үөһэ хаартыскаларга курдук сынньанар миэстэлэниэхпитин сөп.

Куоластыыр сигэ: https://14.gorodsreda.ru/


https://t.iss.one/kiin_kyorat_gazeta

#КК_суруккиирдэ

Атыылаһан иһэр уубут иһитэ маннык кирдээх!

Ама да буолбутун иһин, куораты биир гына төкүнүтэн аҕалар бэйэлэрэ дуу, тугуй?
"AQUA Energy” диэн сулууспаттан сакаастаабыппыт. Үйэтигэр сууллубатах бутыль түбэспит. Таһын салапаанныыллар, ол иһин аҕаллахтарына кыайан көрбөккүн. Дьиҥэр, бутыль иһэ-таһа сууйуллуохтааҕа буолуо дии?
#КиинКуорат
#ДоставкаВоды

#КК_фотофакт

Винокуров уулуссатыгар грейдер үлэлии сылдьар. "Суол өрөмүөнэ саҕаланаары гыннаҕа дуу?" диэн олохтоохтор үөрэ түстүлэр.

Санатан эттэххэ, быйыл Винокуров уулуссатыгар (Ильменскэй уулуссатыттан Чайковскай уулуссатыгар диэри учаастакка) саҥардан тутуу үлэтэ ыытыллыахтаах.


#КиинКуорат
#БКД2022
#суол_үлэтэ

#КК_фотофакт

🤼‍♂️ Комсомуол болуоссатыгар 220 тыһ. солк. призовой фондалаах "Үс хочо кубога" көҥүл тустууга турнир.

2005-2010 сыллааҕы төрүөх уолаттар Дьокуускайтан, Намтан уонна Хаҥаластан тусталлар.

💪Тыҥааһыннаах, ыһыылаах-хаһыылаах киирсиилэр саҕаланнылар.

✅Бастаабыттар 100 000 солк., иккис миэстэҕэ тиксибиттэр 70 000 солк., үһүс миэстэни ылбыттар 50 000 солк. харчынан бириэмийэлэниэхтэрэ.

#КиинКуорат
#СпортЯкутии

https://t.iss.one/kiin_kyorat_gazeta

#КК_сонун

📚📖📚Хаһыат геройугар өссө биир кинигэ таҕыста

"Яковлев Василий Васильевич" диэн аатынан бэчээккэ туттарыллыбыт кинигэ ааҕааччы киэҥ араҥатыгар ананар.

РСФСР үөрэҕириитин,ССРС гражданскай оборуонатын туйгуна,СӨ үтүөлээх учуутала, Үөһээ Бүлүү улууһун Кэнтик нэһилиэгин бочуоттаах гражданина Василий Васильевич Яковлев былыргы тимир уустарын үйэтитиигэ быһаччы сыһыаннаах.

Кэнтиккэ турар "Чап уустара" пааматынньык ааптардарыгар бэйэтин кэмигэр өй-санаа укпут, анал үөрэххэ угуйбут киһинэн бу тахсаары турар кинигэ геройа, Кэнтик оскуолатыгар 22 сыл эҥкилэ суох оҕо туһугар олоҕун анаабыт педагог, академик В.В.Яковлев буолар.


В.В. Яковлев туһунан ыстатыйаны бу сигэнэн ааҕыҥ: https://kiinkuorat.ru/articles/bayyannay-chaaska-syrytynnarbyt-uchuutal

Соторутаҕыта #КиинКуорат өссе биир геройугар кинигэ тахсан, Национальнай библиотекаҕа сүрэхтэммитэ: https://kiinkuorat.ru/articles/bar-don-tu-ugar-anammyt-oloh

https://t.iss.one/kiin_kyorat_gazeta

КК_Сонун

🌿 Бэс ыйа ~ Санкт Петербург куорат муҥутаан тупсар кэмэ. Хайа диэки көр - олордуу да, айылҕа да сибэккитин кустук өҥүн суһума, дыргыл сыта, фонтан талбыта, ахсаана биллибэт араас кыра, улахан үрэхтэр, өрүс устун уу тэрилин талбыта куораты иилии эргийэллэр, муоста көтөҕүллүүтэ, түһүүтэ уо.д.а. дьикти, кэрэ көстүүлэр, тэрээһиннэр.
🌿 Дьэ маннык күннэргэ Хатастан ''Тускул'' КК иһинэн дьарыктанар түмсүүлэр ''Үрүҥ түүн өҥө, дорҕооно'' диэн норуоттар икки ардыларынааҕы куонкурустарыгар кыайыы кынатыгар олордулар, өрөгөй түгэниттэн сүрэхтэрэ толугуруу мөҕүстэ.
🌿 "Норуот уус-уран оҥоһуктара" номинацияҕа Андрей Малышев, Вера Иванова, Матрена Апросимова мастан оҥоһуктара, иискэ-күүскэ үлэлэрэ,"Дьээ буо", "Арчылаана" ансаамбыллар фольклор, норуодунай вокал номинацияларыгар лауреат буоллулар!
🌿 Норуот ускуустубатын нэһилиэстибэтин сылыгар бэлиэ түгэни оҥорбуттарга махтал, диэн иһитиннэрэр Хатастан Наталья Руфова.

https://t.iss.one/kiin_kyorat_gazeta
#КиинКуорат #Хатас