#КК_кэпсээн

Кэрэ кыыс. Алтыс, түмүктүүр чааһа

Вера Ивановна оронун оҥостон сытан эрэ хаһыатын ааҕан көрдө эрээри тугу да өйдөөбөт курдук. Чэ, арааһа утуйууһубун диэн хаһыатын хомуйа тутан остуолугар ууруох гынан иһэн төлөпүөнүн көрбүтэ, түөрт уон аҕыс диэнинэн бүтэр нүөмэр кэнниттэн, Вася диэн сурук тахсыбыт.

Вася, Вачек диэн былыр үөрэх туттарсар саҕана билсэ сылдьыбыт уолун санаан кэллэ. Оччолорго уол арааһа, көрүөхтэн кэрэ таһаалаах саха уоланнара элбэх да этилэр. Олортон ойуччу тутан, тоҕо эрэ бүрэ соҕус саха сэмэй уолун бэйэтигэр чугас туттан таптаабыта. Өйө- санаата барыта киниэхэ түмүллэн, күннээҕи саныыр санаата, күнэ киниттэн эрэ тахсар буолбута.

Салгыы аах: https://vk.com/@kiinkuorat-kere-kyys-altys-chaaa

Бу кэпсээни төһө сэҥээрдигит? Сөбүлээн аахтыгыт дуо? Түмүгүн туох дии санаатыгыт?

📲 https://t.iss.one/kiin_kyorat_gazeta

#КК_ТускарТуһан

💉Атырдьах ыйын 29 күнүгэр Дьокуускай куоракка вакцинацияланар пууннар: https://kiinkuorat.ru/articles/atyrdah-yyyn-29-k-n-ger-dokuuskay-kuorakka-vakcinaciyalanar-puunnar


https://t.iss.one/kiin_kyorat_gazeta

#КК_ТускарТуһан
 
✅Күһүн - өрөмүөн сезона. Ордук элбэх кыбартыыралаах дьиэлэргэ тыас-уус мэһэйдиир. Аны дьон күһүн ыксыыр, бүтэрэ охсоору түүннэри-күнүстэри дириэллиэн, тоҥсунуон сөп...

✅Юрист Маргарита Колодезникова чуумпу туһунан сокуону быһаарар:

🔸Чуумпуну 21.00 чаастан сарсыарда 08.00 чааска диэри уйгуурдуо суохтаахпыт.
🔸Өрөбүллэргэ - 22.00-10.00 ч.
🔸Маны тэҥэ күнүс 13.00-15.00 ч. медицина, санаторий-курорт, сынньалаҥ дьиэлэригэр, пансионаттарга; кыбартыыраларга, уһуйааннарга, стационардарга, подьездтарга, кирилиэс балаһааккатыгар, лифт үлэтигэр дьоҥҥо мэһэйдиир тыас-уус тахсыа суохтаах.

☝🏻Саҥа дьиэ үлэҕэ киирбитин кэннэ балтараа сыл устата күнүс чуумпуну тутуһуу быраабылатын кэһэр көҥүллэнэр.

♦️Гражданнар чуумпу олохторун кэһии, СӨ Кодексатын 3.5 ыст. олоҕуран, бастаан сэрэтиинэн, онтон 1000-10 000 солк. административнай ыстыраабынан накаастанар;
♦️дуоһунастаах дьонтон - 10 000-50 000 солк;
♦️юридическэй сирэйдэртэн - 50 000 -250 000 солк.

☝🏻Маныаха өрүү тахсар (систематический шум) тыаһы-ууһу уонна түүҥҥү кэмҥэ тахсар айдааны (шум в ночное время) араарыахтаахпыт.

Юридическэй өттүнэн, өрүү тахсар тыас - санитарнай нуормалары кэһии, түүнүн айдаарыы - административнай сокуону кэһии буолар.

🔷Ол аата түгэниттэн көрөн тугу эмэ гыныахтаахпыт. Холобур, араас прибордар, өрөмүөн техникатын, суол тутуутун, кафе, транспорт тыаһа Роспотребнадзор эйгэтигэр киирсэр. Үҥсүүнү онно суруйабыт.

🔷Соһутар, куттуур, утуппат тыаска (улахан музыка, хаһыы-ыһыы, иһиирии, ырыа-тойук, салют, өрөмүөн о.д.а.) - полиция үлэһиттэрэ миэрэ ылыахтаахтар.

Олох араас кыһалҕатыгар юрист сүбэтинэн туһаныҥ: +7 964 417-10-45


https://t.iss.one/kiin_kyorat_gazeta

#КК_сонун

✅Евгений Григорьев «Куораты кытта быһа эфир» биэриигэ кыттыаҕа.

Бүгүн, атырдьах ыйын 29 күнүгэр, 13.00 чаастан куорат баһылыга Евгений Григорьев «Россия 24» ханаал «Куораты кытта быһа эфир» биэриитигэр кыттыаҕа уонна куорат олохтоохторун ыйытыктарыгар хоруйдуоҕа.

Евгений Николаевич «Куттала суох уонна хаачыстыбалаах суоллар» национальнай бырайыак олоххо киириитин, тиэргэн территорияларын тупсарыыны, оттук сезонугар уонна саҥа үөрэх дьылыгар бэлэмнэниини, итиэннэ Дьокуускай куорат төрүттэммитэ 390 сылыгар ыытыллар тэрээһиннэр тустарынан кэпсиэҕэ.

Ыйытыктары быһа эфир кэмигэр 32-02-02 төлөпүөнүнэн биэриэххэ сөп. Быһа эфиргэ киирбэтэх ыйытыктары баһылыкка тиэрдэллэр.

https://t.iss.one/kiin_kyorat_gazeta

#КК_сонун

✅Аныгыскы нэдиэлэҕэ Чернышевскай уулуссатыгар аспаал кутан саҕалыахтара.

🛣Бу туһунан бэнидиэнньик аайы Олохтоох дьаһалтаҕа ыытыллар куорат уопсай мунньаҕар этилиннэ.
Сакаасчыт иһитиннэрбитинэн, бу эбийиэккэ суол болотунатын чөлүгэр түһэрии үлэтэ былаан быһыытынан балаҕан ыйын 25 күнүгэр диэри түмүктэниэхтээх.


https://t.iss.one/kiin_kyorat_gazeta

#КК_ТускарТуһан

✅Киин куорат баһылыга Евгений Григорьев "Россия24" ханаалга быһа эпииргэ таҕыста.

Ыйытыылары төлөпүөнүнэн ылаллар:32-02-02

https://t.iss.one/kiin_kyorat_gazeta

#КК_сонун

☎️ Быһа эпииргэ киирбит ыйытыылартан:

❓23-с оскуола таһыгар 3 маҕаһыын арыгы атыытынан дьарыктанар. Мин көрдөхпүнэ 300 м чугастар. Бу маҕаһыыннар ыраах буолалларын ким ааҕан таһаарарый?

💬Дьокуускай баһылыга Евгений Григорьев:
✅Икки хонугунан саҥа дьаһалбыт үлэлиэҕэ, онно этиллэринэн, арыгы атыылыыр маҕаһыын оҕо тэрилтэтиттэн 300 м ыраах туруохтаах.

Аны туран “лжекафелар” диэннэр бааллар, Ил Түмэни кытта үлэлэһэн, сотору 75 оннук кафены сабыахпыт дии саныыбын.

ИДьМ бэрэбиэркэлиир, Предпринимательство министиэристибэтэ үлэлиир. Биһиги куорат өттүттэн тутулуктааҕы барытын оҥордубут.

Куорат олохтоохторо миэхэ социальнай ситимнэргэ суруйуоххутун сөп, ЕДДС-ка, ИДьМ-ҥа, Предпринимательство министиэристибэтигэр үҥсүөххүтүн сөп.

https://t.iss.one/kiin_kyorat_gazeta

#КК_сонун

☎️Быһа эпииргэ киирбит ыйытыылартан:
❓Крупская уулуссата хаһан оңоһуллуоҕай?

💬Дьокуускай баһылыга Евгений Григорьев:
✅Быйыл кутуу эрэ ыытылынна. Национальнай бырайыак былааныгар киирбитэ. Чуолкай күнүн-дьылын биллэриэхпит.

https://t.iss.one/kiin_kyorat_gazeta

#КК_сонун

🎪Балаҕан ыйын 1 күнүгэр Саха цирк скверигэр Билии күнүгэр аналлаах «Веселая цирковая азбука» бырагыраамаҕа ыҥыраллар.

🤸🏻акробаттар,
🤹🏻жонглердар,
🪄фокустар,
💦мыыла хабахтарын шоута,
🤡 көрдөөх клоуннар,
🕊🐕дрессировкаламмыт кыыллар,
👯‍♀️ циркэ үҥкүүһүттэрэ,
🎷оркестр.

🗓Балаҕан ыйын 1 күнэ
⏰14.00 ч.
🎪Циркэ скверигэр

https://t.iss.one/kiin_kyorat_gazeta

#КК_сонун

☎️Быһа эпииргэ киирбит ыйытыылартан:
❓Стадухин уул., 80/2 тиэргэммит өрөмүөн испииһэгэр "резерв" диэҥҥэ киирбит этэ. Ол аата эһиил оҥоһуллар дуо?

💬Дьокуускай баһылыга Евгений Григорьев:
✅Резервэҕэ киирбит буоллаххытына өрөмүөн оҥоһуллуон сөп. Билигин чуолкай аадырыстарынан эппэппин, үлэһиттэрбит тахсан быһаарыахтара.
Быйыл Уһук Илиҥҥэ үлэлиир бырагырааманан, 75 тиэргэни оҥордубут. Кэнники уон сыл устата маннык элбэх тиэргэн өрөмүөннэнэ илигэ. Кэлэр сылга 30-тан тахса тиэргэн оҥоһуллуохтаах.

https://t.iss.one/kiin_kyorat_gazeta

#КК_сонун

☎️Быһа эпииргэ киирбит ыйытыылартан:
❓Мархаҕа Лобановка уулуссаҕа хаһан гаас киириэҕэй? Нам суолун уҥа өттө, 10 км.

💬Дьокуускай баһылыга Евгений Григорьев:
✅Быйыл Нам суолун 13 км уҥа өттүгэр гаас киирдэ. Гаас ситимин аһардар кыаҕа намыһах, ону үрдэтэргэ тустаах тэрилтэлэргэ элбэх үлэ ыытыллар. Онтон салгыы гаас ситимэ хайаан да тардыллыахтаах.
Эһиги уулуссаҕыт хас сыллаах былааҥҥа турарын биллэриэхпит.

https://t.iss.one/kiin_kyorat_gazeta

#КК_сонун

✅Солко өрөөччүнү эмтээһин түмүктэннэ.

🐛Атырдьах ыйын 28 күнүгэр, баскыһыанньаҕа, өрөспүүбүлүкэҕэ Сибиир солко өрөөччүтүн эмтээһин бүтэһик түһүмэҕэ түмүктэннэ.

Түмүктүүр тэрээһин Нам улууһугар ыытылынна, манна 48577 гектардаах ойуур эмтэннэ.
«Нам улууһун олохтоохторугар эмтээһин кэнниттэн икки нэдиэлэ устатыгар ойуурга сылдьыбаттарыгар сүбэлиибит», — диэн сэрэттэ Ойууру хонтуруоллуур департамент госинспектора Николай Никитин.

Буортулааччыны кытта охсуһуу Саха сирин территориятыгар атырдьах ыйын 12 күнүттэн түөрт улууска — Горнайга, Аммаҕа, Мэҥэ Хаҥаласка уонна Намҥа саҕаламмыта.

Тэрээһин устата уопсайа 59 221 га территория эмтэннэ, итинтэн: 8 026 га Горнайга, 1 148 га Аммаҕа, 1 490 га Мэҥэ Хаҥаласка уонна 48 557 га – Намҥа.

Буортулааччы көрдүгэнин суох оҥорорго «Клонрин КЭ» инсектициди, «Авилор АВИА» эмульгаторы кытта туһаннылар.
Инсектицид дьоҥҥо, ынахха-сүөһүгэ, кыылга-сүөлгэ куттала суоҕа бэлиэтэнэр.

https://t.iss.one/kiin_kyorat_gazeta

#КК_МинньигэстикАһааҥ

🤩“Тыгын Дархан” тыыннаах номоҕо Иннокентий Тарбахов Азербайджаҥҥа сылдьан үөрэммит бүлүүдэтин ырысыабын пандемия кэмигэр онлайн үллэстибитэ. Ону ааҕааччыларбытыгар анаан таһаарабыт.

😋Азербайджанныы кутабы
🔸Тиэстэни мэһийэрбитигэр кыра тымныы ууга ост.нь. аҥаара мас арыытын, туус кутабыт. Уонна тиэстэ мэһийэн баран сынньата түһэбит.

🔸Фаршыгар убаһа этэ ордук барсар. Туус, хара биэрэс, кыра гына кырбаммыт луук эбэбит. Фарш үрдүгэр луугу быраҕан баран тууһуур ордук. Оччоҕо луук сүмэһинэ тахсар.

☝🏻Бэрэскигэ, чебурекка да фарш хойуу буолуо суохтаах. Оччоҕо үчүгэйдик буһан тахсар. Кутабы фаршыгар эмиэ кып-кыратык уу эбэн убатан биэрэбит.

🔸Тиэстэбитин кыра гына төкүнүктэргэ арааран хаптатабыт. Аҥаарыгар начыыммытын хаптаччы ууран баран, тиэстэбит кытыытын уунан илитэн силимниибит.

🔸Кыратык арыынан сыбаммыт хобордооххо буһарабыт. Таһаараат ынах арыытынан сыбыыбыт. 

https://t.iss.one/kiin_kyorat_gazeta

#КК_сонун

Ил Дархан Айсен Николаев бүгүн ый түмүктэрин таһаарыаҕа

Өрөспүүбүлүкэ Ил Дархана Айсен Николаев бүгүн, атырдьах ыйын 29 күнүгэр 21.00 чаастан «Якутия 24» уонна «Саха» НКИХ телевизионнай ханаалларыгар, итиэннэ «Тэтим» араадьыйаҕа «Якутия, вперед!» биэриигэ ый түмүктэрин таһаарыаҕа.
Сүрүн тиэмэнэн Арассыыйа Федерациятын бырабыыталыстыбатын бэрэссэдээтэлэ Михаил Мишустин Саха сиригэр оробуочай сырыытын түмүгэ буолуоҕа.
Биэриигэ өрөспүүбүлүкэ баһылыга тутууга уонна оскуолалар хапытаалынай өрөмүөннэригэр, сүөһү аһылыгын бэлэмнээһиҥҥэ, суол үлэтигэр сыһыаннаах боппуруостары таарыйыаҕа.
Итини сэргэ Айсен Николаев Нерюнгри оройуонугар оробуочай сырыытын, «Армия-2022» форумҥа Саха сирэ кыттыытын уонна ыччаты патриотическай тыыҥҥа иитии туһунан кэпсиэҕэ.

https://t.iss.one/kiin_kyorat_gazeta