#КК_БэлиэКүн

Бэс ыйын 12 күнэ — Арассыыйа күнэ.

Сэбиэскэй Сойуус үрэллэр кэмигэр 1990 сыллаахха Арассыыйа суверенитетын туһунан декларация ылыныллыбыта. Бу күн 1994 сыллаахтан судаарыстыба бырааһынньыгын быһыытынан бэлиэтэнэр.

1998 сыллаахха «Арассыыйа күнэ» диэн ааттаммыта.

2002 сыллаахха Үлэ туһунан кодексаҕа бигэргэтиллибитэ.

https://t.iss.one/kiin_kyorat_gazeta

#КК_БэлиэКүн

🌺Бүгүн сардаана сибэкки күнэ.

2012 сылтан бэс ыйын 30 күнүгэр Сардаана күнэ бэлиэтэнэр буолбута.

🌺Сардаана кэрэ нарын көстүүтэ үгүс хоҥооҥҥо хоһуллар, ырыаҕа ылланар.

🌺Биһиэхэ үүнэр сардаана научнай аата “лилия даурская" эбэтэр "пенсильванская" диэн. 2000 сылтан Саха сирин Кыһыл кинигэтигэр сүтэн эрэр көрүҥ быһыытынан киирбитэ.

☝🏻Сардаананы үргүүр, тэпсэр административнай буруйга тэҥнэнэр - 1500-5000 солк. ыстарааптаныахха сөп.

☝🏻Дьиэ таһыгар олордорго ботаническай саадтартан атыылаһан үүннэриэххэ сөп. Бэйэтэ сиэмэтин ыһан сыл аайы өлгөмнүк эбиллэн иһэр кыахтаах.

https://t.iss.one/kiin_kyorat_gazeta

#КК_БэлиэКүн

🗞 Бүгүн, от ыйын 1 күнүгэр, национальнай бэчээт күнэ бэлиэтэнэр.

1907 сыллаахха от ыйын 1 күнүгэр «Якутский край» — «Саха дойдута» бастакы саха хаһыата тахсыбыта.

📍https://t.iss.one/kiin_kyorat_gazeta

#КК_БэлиэКүн

🌊От ыйын 2 күнэ - Өлүөнэ өрүс күнэ.

Модун күүстээх Өлүөнэ - Ийэ айылҕа ураты бэлэҕэ. Байкал хайаларыттан 10 км тэйиччи сиртэн саҕаланар, Иркутскай уобалаһынан устан биһиги өрөспүүбүлүкэбитигэр кэлэр. Арктика далайыгар Алдан, Витим, Бүлүү, Өлүөхүмэ үрэхтэр тардыыларын ылан, Хотугу Муустаах океан Лаптевтар муораларыгар түһэр.

Өлүөнэ өрүс уһуна - 4400 км, иэнэ — 2 490 000 кв. км.

https://t.iss.one/kiin_kyorat_gazeta

#КК_БэлиэКүн

Бүгүн ‒ САХА ӨРӨСПҮҮБҮЛҮКЭТИН СУДААРЫСТЫБАННАҺЫН КҮНЭ!

❇️ 1990 сыл балаҕан ыйын 27 күнүгэр Саха Өрөспүүбүлүкэтин Судаарыстыбаннай сүбүрүнүтүөтүн туһунан Декларация ылыллыбыта.

❇️ Сүбүрүнүтүөт туһунан Декларация норуот санаатын өрө көтөҕүүгэ, уустук кэмнэри туоруурга кынаттаабыта.

https://t.iss.one/kiin_kyorat_gazeta

#КК_БэлиэКүн

❇️Бүгүн Саха өрөспүүбүлүкэтин былааҕын күнэ.

КҮННЭЭХ БЫЛААХ

Наталья Михалева-Сайа

Саха маҥнайгы Президенэ Михаил Николаевка

Күннээх халлаан лоскуйун
Мин илиибэр ылабын,
Сахам ыра санаатын
Түөспэр ыга тутабын.

Айыым сирин үрдүнэн
Алгыс аман күүһүнэн
Киирбэт күнү дьүһүйбүт
Килбиэн кэми өйдүүбүн:

Күнтэн эрэ тэһииннээх
Күн улууһа буоларга,
Күннээх былаах ыҥыра
Күлүмүрдээн кэлбитэ.

Хара былыт халыйбат,
Хаардаах самыыр баһыйбат
Халлаан унаар урсуннаах
Хаарыан кэмэ күүппүтэ!

Ыра санаа - ытык сирдьит
Ырааҕы да чугаһаппыт,
Көҥүллэммэт Көҥүл кэрэ
Ырыаларын ыллаппыт...

https://t.iss.one/kiin_kyorat_gazeta

#КК_БэлиэКүн

❇️Бүгүн үгүс дойдуга Аҕа күнүн бэлиэтииллэр. Арассыыйаҕа бу бырааһынньык 2021 сыллаахха алтынньы үһүс өрөбүлүгэр олохтоммута.

❇️Уонна бүгүн Саха сиригэр Ийэ күнэ. 1993 сыллаахха балаҕан ыйын 2 күнүгэр оччотооҕу бэрэсидьиэммит М.Е.Николаев 532 нүөмэрдээх тахсыбыт Ыйааҕынан, Ийэ күнэ (өрөспүүбүлүкэтээҕи бырааһынньык)
алтынньы үһүс өрөбүлүгэр бэлиэтэнэр.


https://t.iss.one/kiin_kyorat_gazeta

#КК_БэлиэКүн

Күндү доҕоттор!

Бүгүн аҕа саастаах көлүөнэҕэ бэлиэ уонна өйдөрүгэр-сүрэхтэригэр эдэр эрчимнээх, биир сомоҕо буолууну, Ийэ дойдуга тапталы, ытыктабылы өрө тутар саастарын санатар умнуллубат үтүө өйдөбүл күн – Комсомол төрүттэммит күнэ!

👏Ааҕааччыларбытын история биир бэлиэ күнүнэн истиҥник эҕэрдэлиибит!

Барыта санааҕыт хоту салаллан истин, туруккут чэгиэн-чэбдик буоллун!

❤️Санатан эттэххэ, Ыччат Бүтүн Сойуустааҕы Ленинскэй Коммунистическай Сойууһа 1918 сыл алтынньы 29 күнүгэр төрүттэммитэ. Ол эбэтэр, былырыын ЫБСЛКС (ВЛКСМ) төрүттэммитэ 105 сыла туолбута.

https://t.iss.one/kiin_kyorat_gazeta

#КК_БэлиэКүн
#КК_Сэргээ

❤️Бу, төһө да кэм-кэрдии аастар, умнуллары билбэт аналлаах, үгүс көлүөнэ сүрэҕин тутуон туппут астык ырыаны билэр, ыллыыр дьон бу бөлөххө бааргыт дуо-о?

😉Бэлиэтэнэбит❤️

Кыратык умнубут буоллаххытына, санатабыт😍

«ЭН КОМСОМОЛ — МИН ДЬОЛУМ»
Федор Лобанов тыллара

Комсомол, комсомол,
Эн ыстаал кэккэҕэр үүнэбин.
Бу улуу көҥүл дьол
Буомнарын түөспүнэн тэлсэбин.

Хос ырыата:
Аалай уоттаах сулуһум,
Айар, тутар суолдьутум,
Эн комсомол,
Эн комсомол,
Эн комсомол—мин дьолум.

Ыар-курус чаастарбар
Олоҕум доҕоро буолаҥҥын,
Мин ыраас дууһабар
Уоспат күүс төлөнү уматтың.

Хос ырыата.

Комсомол, эн эрэ
Кылбайар кырдьыккын хоһуйсан,
Сүрэхтэн дьиҥ кэрэ
Мин ырыам иэйиитэ.

Хос ырыата.

Ленин диэн кынаттаах
Бойобуой ааккынан киэн туттан,
Мин дьоллоох-соргулаах
Олоҕум эйиэхэ ананар.

Хос ырыата.

https://t.iss.one/kiin_kyorat_gazeta