Дьокуускай куоракка 1 Маай бырааһынньыгын бырагыраамата

🕊 Киров уулуссата

11.00 - «Эйэ, Үлэ, Маай!» - үлэ кэлэктииптэрин демонстрацията.

🕊 Комсомол болуоссата

Сүрүн сцена

14.00 - «Саас уонна Үлэ бырааһынньыгынан!» самодеятельнай кэлэктииптэр кыттыылаах кэнсиэр.
15.00 - «Сүрэх тэтимэ» «Тэтим» радиостанция кэнсиэрэ.
16.00 - «Маай, эҕэрдэ!» ыччат бырагыраамата.

Оонньуур балаһааккалар

14:00 - «Эйэ, Үлэ, Маай – биһигини кытта үҥкүүлээ!» үҥкүү балаһаакката.
14:00 - «Көрдөөх оонньуулар» оонньуур балаһаакка.
14:00 - «Спортивнай маевка» оонньуу бырагыраамата.
14:00 - «CBS.YKT.Маай» маастар кылаастар, быыстапкалар, квест.
14:00 - «Уруй, үлэ киһитигэр!» фотозона.
14:00 - «Күнү уруһуйдуубут» оҕо уруһуйун күрэҕэ.

🕊 Култуура уонна сынньалаҥ паарката

12.00 – Оһуокай.
12.00 - «Дьэрэкээн марафон» көрдөөх күрэхтэр. Сайыҥҥы сцена.
12.00 - «1 Маай!» хаартыска күрэҕэ. Култуура уонна сынньалаҥ пааркатын ВКонтакте ситимэ.
14.00 - «Сааскы вернисаж» кэнсиэр. Сайыҥҥы сцена.

📲 https://t.iss.one/kiin_kyorat_gazeta

2022 сыл бэс ыйын 2 күнүгэр саха киинэлэриттэн биир саамай күүтүүлээхтэрэ – режиссер Валентин Макаров «Дьулуур: мас-рестлинг» спортивнай драмата киэҥ экраҥҥа тахсаары турар

Сүрүн оруолларга Саха тыйаатырын артыыстара Гаврил Менкяров уонна Иннокентий Луковцев оонньууллар.

Дьулуур – аармыйаҕа сулууспалаан баран, Саха сиригэр төрөөбүт дэриэбинэтигэр төннүбүт эдэр уол. Кини манна кырдьаҕас эбэтин уонна кыра балта Күннэйи кытары олорор. Түгэн тосхойон, Дьулуур күрэхтэһиилэргэ кыттар уонна мас тардыһыытыгар дьоҕурдааҕын билэр. Ол гынан баран чугас киһитин өлүүтэ инники былаанын барытын туора сотон кэбиһэр.

📲 https://t.iss.one/kiin_kyorat_gazeta

#КК_сонун

💓🏥💓Өрөспүүбүлүкэ өрөгөйдөөх үбүлүөйэ бэлиэтэнэр күннэригэр Дьокуускайга Кардио-сосудистай киин арылынна.

✅Киин тутуута 5,6 млрд. солк. буолла.

✅150 миэстэлээх.

✅2 сыл иһигэр түргэнник тутулла оҕуста.

✅6 клиническэй отделениелаах: кардиологическай, неврологическай, мэйии хаанын эргиирин кэһиллиитин отделениета, сүрэх-тымыр хирургията, аритмология, анестезиология, реанимация уонна күүстээх терапия салаалара.

✅3 эпэрээссийэлиир саала, ангиографическай эпэрээссийэлиир саала, МРТ, КТ, рентгенография, УЗИ о.д.а.

https://t.iss.one/kiin_kyorat_gazeta

#Якутск #Здравоохранение #КардиоСосудистыйЦентр

#КК_дьон

🏆 "Спорт кыайыыга эрэ дьулуур буолбатах", — диэн бэлиэтиир спорт бэтэрээнэ Иван Охлопков. Чахчы даҕаны, спорт – бүтүн олох. Эти-сиини чэдбигирдэрин таһынан, санааны сааһылыыр, олоҕу ис хоһооннуур ураты эйгэ.

https://kiinkuorat.ru/articles/olo-u-kyayyynan-o-uordaan

https://t.iss.one/kiin_kyorat_gazeta

#Якутск #спорт #манчаарыоонньуулара

📌 Каартаҕа бэлиэтэммит уулуссалар сарсын сарсыарда 08.00 ч. сабыллаллар.

https://t.iss.one/kiin_kyorat_gazeta

#1Мая #Якутск #ТрудМирМай

 #КК_эҕэрдэ

Маай бырааһынньыгынан!!!    
🕊🕊🕊
Бүгүн Ил, Эйэ күнэ,
Эрдэлээммин мин турдум,
Сибэкки дьөрбөтүн тутаммын,
Параадка таҕыстым.
 🕊🕊🕊
Уулуссаҕа көр-нар бөҕө,
Сибэкки, шар арааһа,
Транспораннар, техникалар,
Үөрбүт-көппүт харахтар.
 🕊🕊🕊
Ыҥырыы лозуннаах
Биир тэҥҥэ хаамсабыт,
Ырыа да ыллыыбыт,
Үҥкүүлээн да ылабыт.
 🕊🕊🕊
Сүрэхпит эппэйэр,
Сүргэбит дуоһуйар,
Дууһабыт долгуйар
Дьолунан туолар.
 🕊🕊🕊
Уон араас омуктуун
Доҕордуу буолабыт,
Уруйдаан-айхаллаан,
Үлэни туойабыт.
 
                                                 Евдокия Попова-Айыына

https://t.iss.one/kiin_kyorat_gazeta

#КК_чахчылар

🎈🎈🎈🎈🎈
Пиэрибэй Маай туһунан тугу билэҕин?

🕊 История кэрэһилииринэн, 1 Маай – бырааһынньык буолбатах. 19-с үйэҕэ бу күн Чикаго оробуочайдара миитиҥҥэ тахсыбыттарын, полиция муустаах ураҕаһынан үрүө-тараа ыспыт. Кинилэр модьуйуулара диэн – 15 чаас оннугар 8 чаастаах үлэ күнэ уонна хамнаһы үрдэтии эбит.

🕊 1 Маай Былыргы Римҥэ бэлиэтэнэр эбит. Ыһыы, үүнүү таҥаратын Майяны чиэстииллэр. Оттон Германия уонна Скандинавия дойдуларыгар ыам ыйа үүнэр түүнүгэр саас таҥаратын Сибэтиэй Вальбурганы чиэстииллэр.

🕊 Сицилия олохтоохторо бу күн бэйэ-бэйэлэригэр ромашка сибэкки бэлэхтэһэллэр. Оттон Грецияҕа сааскы маҥнайгы сибэккинэн венок оҥостон кэтэр, онон дьиэлэрин киэргэтэр эбиттэр. Французтар бу күн ландыш сибэккини бэлэхтэһэллэр. Англичаннар, эмиэрикэлэр сааскы маҥнайгы сибэккилэри хомуйан, «майскай маһы» киэргэтэллэр.

🕊«Маёвка» – диэн тыл 1 Маай бырааһынньыгын кытта ыкса ситимнээх. Өктөөп өрөбөлүүссүйэтин иннинэ бу күннэргэ кистэлэҥ түмсүүлэри тэринэллэрэ.

🕊 1 Маайы дьон аата кытта гыммыттара. Холобура, «Да здравствует Первое мая» диэни кылгатан, Даздраперма диэн дьахтар аата баар.

🕊 1992 сыллаахтан 1 Маай бырааһынньыгын аатыттан политическай ис хоһооно сотуллан, Саас уонна Үлэ бырааһынньыга буолбута. Ол иһин кэлин миитиҥҥэ тахсар, парадка кыттар булгуччута суох.

https://t.iss.one/kiin_kyorat_gazeta

☀️ Бүгүн Дьокуускайга сөҥүүтэ суох, күнүс соҕурууттан 8-13 м/с түргэннээх тыаллаах, халлаан +8+10 сылаас.

https://t.iss.one/kiin_kyorat_gazeta

#Якутск #Киинкуорат #ПрогнозПогоды