❗️⚡️⚡️⚡️Эбии 19 киһи коронавирустаата⤵️⤵️⤵️

...17 — Дьокуускайга, 1 — Ленскэйгэ, 1 — Мэҥэ Хаҥалас улууһугар. Ленскэйгэ уонна Мэҥэ Хаҥаласка ыалдьыбыт дьон баахтабай үлэһиттэр
Өрөспүүбүлүкэтээҕи харах балыыһатыгар 50-тэн тахса киһи сутуллубута билиннэ. Алтыспыт дьону быһаарыы уонна анаалыстары ылыы салҕанар.
✅ https://kiinkuorat.ru/2020/05/ebii-19-kiһi-koronavirustaata/

📌Ытыктыыр киһибит – Арассыыйа дьоруойа⤵️

Улуу тренер Дмитрий Миндиашвили көмөлөһөөччүтүгэр Модосяҥҥа уонна иннилэригэр кулгааҕын чөрөтөн турар Виктор Лебедевкэ хоһулатан сүбэлиир. Итинник ханнык баҕарар киһиэхэ этиитэ – көхсүнэн, ойоҕоһунан, көрбөккө да турдар –  дьайарын билэр, дьоҕурдаах тустуук, тренер тэҥҥэ истэн элбэҕи туһаныахтаахтарын өйдүүр.
Сахалар бэрткэ билэр киһибитигэр Дмитрий Георгиевич Миндиашвилига Арассыыйа Үлэҕэ дьоруойун үрдүк аата иҥэриллибитин туһунан бэрэсидьиэн В.В. Путин 2020 с. муус устар 27 күнүнээҕи ыйааҕын ааҕан үөрдүм аҕай.
Тренердэртэн маннык наҕараадаҕа арай гимнастика сулустарын бэлэмниир фабриканы тэрийбит Ирина Винер эрэ соторутааҕыта тиксэн турар. Урут ССРС Социалистическай Үлэтин дьоруойунан футбол сүрүнньүтэ Николай Старостиҥҥа 1990 с. иҥэрбиттэрэ. Дойдуларга рекордсмен штангистары бэлэмнээччи Иван Абаджиев Болгария Социалистическай үлэҕэ Геройа буолбутун өйдүүбүн. Арыый уһун үйэлэммитэ буоллар, Дмитрий Петрович Коркиммыт чугаһатыа хааллаҕа.⬇️
✅ https://kiinkuorat.ru/2020/05/ytyktyyr-kiһibit-arassyyja-doruoja/

⚡️❗️Саха сиригэр ааспыт сууккаҕа 29 киһи коронавируһунан ыалдьыбытын быһаардылар. Бу туһунан Ил Дархан Айсен Николаев брифинигэр эттэ.
⚡️❗️29-тан 16 киһи Дьокуускайга, 12 киһи Сунтаарга вахтовай бөһүөлэккэ бааллар. Өссө биир киһи Мэҥэ Хаҥалас олохтооҕо. Дьокуускайга ыалдьыбыттартан сэттэтэ харах балыыһатын үлэһиттэрин уонна ыарыһахтарын кытта алтыспыт дьон.
⚡️❗️Саха сиригэр уопсайа 311 киһи ыарыйда.
✅ https://kiinkuorat.ru/2020/05/koronavirus-kүn-aajy-ebiller/

⚡️❗️Күрүөйэх саһыл карантиҥҥа олорор⤵️

Бэҕэһээ, ыам ыйын 3 күнүгэр, Дьокуускай киинигэр хара саһыл сүүрэ сылдьарын туһунан иһитиннэриилэр тарҕаммыттара. Ол күн Саха циркэтиттэн Чук диэн ааттаах хара саһыл куоппут эбит.
Саһыл циркэ күрүөтүгэр вольерга күүлэйдэтэ таһаарыллыбыт кэмигэр сири хаһан куоппут. Кини илиигэ сыстаҕас, дьонтон уонна массыыналартан куттаммат эбит. Куорат олохтооҕо Юрий Владимировичка саһылы төннөрөргө көмөлөспүтүгэр Циркэлэр махтаналлар.
Саһыл билигин туспа бокска бэтэринээр кэтэбилинэн карантиҥҥа олордулунна.
✅ https://kiinkuorat.ru/2020/05/kүrүөjeh-saһyl-karantiҥҥa-oloror/

📌"Өйдөбүнньүк чүмэчитэ" онлайн ыытыллыаҕа⤵️

🕯Дьокуускай дьаһалтатын Ыччат уонна дьиэ кэргэн политикатын управлениета ыам ыйын 7 күнүгэр “Өйдөбүнньүк чүмэчитэ” (“Свеча памяти”) ааксыйаҕа онлайн кыттыһарга ыҥырар.

🕯Сыл аайы Кыайыы күнүн иннинэ буолар ааксыйаҕа тыһыынчанан Дьокуускай олохтооҕо кыттыһар этэ. Урут Кыайыы болуоссатыгар мустан кутурҕаммытын биллэрэн чүмэчи уматан уурар эбит буоллахпытына, быйыл хас биирдии ыал түннүгэр чүмэчи уота көстүөҕэ.

🕯Ыам ыйын 7 күнүгэр киэһээ 9 чааска чүмэчи уматан түннүккэ уураргытыгар, Улуу Кыайыы туһугар сырдык тыыннарын толук ууран биһиэхэ дьоллоох уонна эйэлээх олоҕу түстээбит өбүгэлэрбитин ытыктаан, ахтан-санаан ааһаргытыгар ыҥырабыт!

🕯Социальнай ситимнэргэ #СвечаПамятиЯкутск2020 хештегтээх хаартыскаларгытын угуҥ.
«Өйдөбүнньүк чүмэчитэ» – бүтүн Арассыыйатааҕы, Кыайыы күнүн иннинэ ыытыллар, киэҥ далааһыннаах кутурҕан ааксыйата.

✅ https://kiinkuorat.ru/2020/05/өjdөbүnnүk-chүmechite-onlajn-yytyllyaҕa/

⚡️❗️Хотугулуу-илиҥҥи федеральнай университет 9/2 нүөмэрдээх уопсайын карантиҥҥа саптылар. Биир устудьуон коронавирустаабыта билиннэ. Бу туһунан университет пресс-сулууспата иһитиннэрэр.
⠀
⚡️❗️9/2 нүөмэрдээх уопсайга биир устудьуон COVID-19 ыарыйда. Билигин кини алтыспыт дьонун быһаараллар. Уопсайга олорор устудьуоннартан, үлэһиттэртэн анаалыс ылаллар.
⠀
⚡️❗️Уопсайга олорор 319 устудьуон анаалыс туттарыахтара, икки нэдиэлэ устата көрдөрүнүөхтэрэ.

✅ https://kiinkuorat.ru/2020/05/hifu-uopsaja-karantiҥҥa-barda/

⚡️⚡️⚡️❗️❗️❗️"Карантин"
уһуон сөп⬇️

...Роспотребнадзор специалистара этэллэринэн,  бу сайын коронавирустаах ыарыһахтар ахсааннара аҕыйаатаҕына даҕаны,  инфекция  күһүн иккистээн төннүөн сөп. COVID-19 ыарыы тарҕаныытын иккис долгуна күһүөрү саҕаланара сабаҕаланар❗️
Бу иннинэ РФ Доруобуйа харыстабылын министиэристибэтин баһылыга Михаил Мурашко  иһитиннэрбитинэн, коронавируһу утары охсуһууга билигин Арассыыйа  саамай суолталаах кирбиигэ тиийдэ.
Печать
Роспотребнадзор специалистара этэллэринэн,  бу сайын коронавирустаах ыарыһахтар ахсааннара аҕыйаатаҕына даҕаны,  инфекция  күһүн иккистээн төннүөн сөп. COVID-19 ыарыы тарҕаныытын иккис долгуна күһүөрү саҕаланара сабаҕаланар
Бу иннинэ РФ Доруобуйа харыстабылын министиэристибэтин баһылыга Михаил Мурашко  иһитиннэрбитинэн, коронавируһу утары охсуһууга билигин Арассыыйа  саамай суолталаах кирбиигэ тиийдэ.
✅ https://kiinkuorat.ru/2020/05/karantin-uһuon-sөp/

⚡️❗️Коронавирустаабыт дьону дьиэлэригэр эмтиэхтэрин сөп⤵️

Коронавирустаабыт уонна  ыарыыга улаханнык баалаппатах ыарыһахтары дьиэлэригэр эмтиэхтэрин сөбүн туһунан бырабыыталыстыба бэрэссэдээтэлин солбуйааччы Ольга Балабкина брифинигэр эттэ. Маннык дьаһалы коронавирустаабыт дьону харантыыҥҥа ыытыы бэрээдэгин быһаарбыттарын кэннэ ылыныахтара.

Бүгүн, ыам ыйын 4 күнүгэр, өссө биир коронавирустан үтүөрбүт киһини Ленскэй балыыһатыттан таһаардылар. Бу туһунан суһал штаб иһитиннэрэр. Онон Саха сиригэр уопсайа 41 киһи үтүөрдэ.
✅ https://kiinkuorat.ru/2020/05/koronavirustaabyt-donu-dieleriger-emtiehterin-sөp/

📌 «Георгиевскэй лиэнтэ» ааксыйа саҕаланна⤵️⤵️⤵️

...Дьаҥ тарҕаммытынан сибээстээн, ааксыйа быйыл онлайн ыытыллар буолла.
Бу хамсааһыҥҥа хас биирдиибит кыттыан сөп: «Георгиевскай лиэнтэни» сүрэхпит туһаайыытынан түөспүтүгэр иилинэн баран, «Георгиевскай лиэнтэ диэн…» тылларынан саҕаланар видео-эҕэрдэ устан, социальнай ситимнэргэ угабыт. Хаартыскалары #георгиевскаяленточкаЯкутия уонна #лучшедома хештегтэринэн угабыт. Бэйэҥ уктаххына  5 доҕоргор эстафета ыытан ис.
✅ https://kiinkuorat.ru/2020/05/georgievskej-liente-aaksyja-saҕalanna/

📌Бу күн бүтүн дойду түннүктэриттэн уонна балконнарыттан Давид Тухманов «Кыайыы күнэ» ырыата толоруллуоҕа. Ааксыйа 12.00 чааска саҕаланар. Баҕалаахтар бэйэлэрин толорууларын социальнай ситимнэргэ #окнопобеды хэштеги туруоран таһаарыахтарын сөп.
Филармония духовой оркестра, Музыка үрдүкү оскуолата, Дьокуускайдааҕы музыкальнай колледж уонна Үҥкүү тыйаатырын национальнай оркестра ааксыйаҕа кыттыыны ылар былааннаахтар.⤵️⤵️⤵️
✅ https://kiinkuorat.ru/2020/05/kyajyy-tүnnүge-aaksyjaҕa-kyttyһyҥ/

⚡️❗️Ааспыт сууккаҕа өрөспүүбүлүкэҕэ коронавируһунан ыалдьыы 20 саҥа түбэлтэтэ бигэргэммитин Ил Дархан Айсен Николаев брифинигэр иһитиннэрдэ.
⚡️❗️20 түбэлтэ барыта Дьокуускай куоракка, олортон биэһэ — харах балыыһатыгар сыстыбыт дьон.
⚡️❗️Ыам ыйын 5 күнүн туругунан, Саха сиригэр коронавируһунан ыалдьыы уопсайа 331 түбэлтэтэ бигэргэннэ. Олортон 43 ыарыһах үтүөрдэ.
✅ https://kiinkuorat.ru/2020/05/өssө-20-kiһi-koronavirustaata/

❗️❗️❗️Сыананы үрдэттэхтэринэ прокуратураҕа үҥсүҥ!⤵️
⠀
⚡️Дьокуускай прокуратурата социальнай суолталаах аска-үөлгэ, табаарга, эмпкэ-томпко сыана үрдээһинин хонтуруолга тутар.
⠀
⚡️Нэһилиэнньэ сыананы үрдэтии баарын бэлиэтээтэҕинэ быһа линияҕа үҥсүөн сөп:
📲8-924-461-30-70
⠀
✅ https://kiinkuorat.ru/2020/05/syanany-үrdettehterine-prokuraturaҕa-үҥsүҥ/

📌Быйыл орто үөрэх кыһаларыгар абитуриеннар докумуоннарын бэс ыйын 20 күнүттэн тутуохтара. Сайабылыанньалары Саха Өрөспүүбүлүкэтин үөрэх өҥөтүн порталын нөҥүө электроннай көрүҥүнэн тутуохтара.

СӨ саҥа технологияларга институт уонна инфокоммуникационнай технологияларга өрөспүүбүлүкэтээҕи киин абитуриеннары кытта электроннай үлэ техническай өттүгэр үлэлэһэр.

Сиһилии манна➡️➡️➡️ https://kiinkuorat.ru/2020/05/orto-үөrehhe-tuttarsyy-elektronnaj-buolar/

🎖Күндү Аҕа дойду Улуу сэриитин кыттыылаахтара, тыыл бэтэрээннэрэ, сэрии сылларын оҕолоро!

Ытыктабыллаах киин куорат олохтоохторо!

Дьокуускай куорат олохтоох дьаһалтатын уонна тус бэйэм ааппыттан эһигини Аҕа дойду Улуу сэриитигэр Кыайыы үбүлүөйдээх 75 сылынан итиитик-истиҥник эҕэрдэлиибин!
Ыам ыйын 9 күнэ – биир саамай сүрүн уонна ытык бырааһынньык. Кыайыы күнэ биһиэхэ – сэбиэскэй норуот тулуурун, дьулуурун, хорсун быһыытын кэрэһитэ. Биһиги, аныгы көлүөнэ дьон, бэйэбитин ити хаачыстыбалар нэһилиэнньиктэринэн ааҕынабыт. Ол да иһин кыайыылаах норуот тулхадыйбат холобурун үйэлэргэ хаалларар, көлүөнэттэн көлүөнэҕэ тиэрдэр ытык иэстээхпит.
Бу харах уулаах бырааһынньык олохтоммута 75 сыл буолла. Төһө да сыл, хонук аастын, умнуллубат күн. Тоҕо диэтэххэ бу Улуу Кыайыы тугунан да оһоруллубат бааһынан ситиһиллибитэ.
Саха сирэ фроҥҥа 62 тыһыынча саллааты ыыппыта. Дьокуускай куораттааҕы военкомат сэриигэ 20 тыһыынчаттан тахса саллааты атаарбыта. Кинилэртэн үгүстэрэ сэрии толоонугар хаалбыттара. 24 киһи Сэбиэскэй Сойуус Геройун үрдүк аатын ылар чиэскэ тиксибитэ, тыһыынчанан биир дойдулаахпыт бойобуой уордьаннарынан уонна мэтээллэринэн наҕараадаламмыттара. Ол эрээри биһиги куораппыт, өрөспүүбүлүкэбит историятыгар хас биирдии саллаат сырдык аата көмүс буукубаларынан суруллар.
Улуу Кыайыыны кыргыһыы толоонугар эрэ буолбакка, тыылга эмиэ уһансыбыттара. Оҕо, дьахтар, кырдьаҕастар – бука бары олохторун, тыыннарын толук уурары кэрэйбэккэ, күргүөмнээх, килбиэннээх үлэлэринэн Кыайыы сырдык күнүн чугаһатыспыттара. Быйылгы үбүлүөйдээх сылынан биһиги, уопсастыбаннас көҕүлээһининэн, өрөспүүбүлүкэбит киин куоратыгар «Килбиэннээх үлэ куората» аат иҥэриллэрин турруорсан эрэбит. Бу махталлаах дьыалаҕа ким баҕалаах бэйэтин сэмэй кылаатын киллэрэн, кыайыы сырдык күнүн чугаһатыспыт эбээлэрин, эһээлэрин ааттарын үйэтитэр кыахтаах.
Күндү доҕоттор! Быйыл биһиги хаһааҥҥытааҕар да долгуйан, дириҥник курутуйан туран, бэтэрээннэрбитин чиэстиибит. Урукку курдук киэҥник буолбакка, ол эрээри онтон итэҕэһэ суох ис сүрэхтэн, долгуйан, махтанан туран күндүттэн күндүнү – эйэлээх олоҕу бэлэх ууммут бэтэрээннэрбитин Улуу Кыайыы күнүнэн эҕэрдэлиибит! Эһиэхэ, күндү дьоммутугар, уһун үйэни, этэҥҥэ буолууну баҕарабын!
Дьокуускай куорат баһылыга Сардаана Авксентьева
✅ https://kiinkuorat.ru/2020/05/%EF%BB%BFkүndү-aҕa-dojdu-uluu-seriitin-kyttyylaahtara-tyyl-betereennere-serii-syllaryn-oҕoloro/

📌Бигэргэммит график быһыытынан Арассыыйа ЫБМ судаарыстыбаннай баһаарынай надзорын инспектордара полиция үлэһиттэрин, куорат лесничествотын уонна «Дьокуускай куорат» ГО дьаһалтатын бэрэстэбиитэллэрин кытары Дьокуускай куорат сиригэр-уотугар дьон сынньанар сирдэригэр профилактическай рейдэ ыыттылар.
⠀
Рейдэ кыттыылаахтара икки хайысханан арахсан, чуолаан Покровскайдыыр уонна Нам суолларыгар үлэлээтилэр. ЫБМ үлэһиттэрэ ойуурга баһаартан куттал суох буолуутун ирдэбиллэрин тутуһуу туһунан профилактическай бэсиэдэлэри ыыттылар.
⠀
“Дьокуускай сиригэр-уотугар ураты баһаарынай эрэсиим толору киирэ илик, ол да буоллар биһиги айылҕа баһаарын утары үлэбит саҕаланна. Гражданнар биһиги кэпсиир, сэрэтэр ирдэбиллэрбитин тутуһуохтара диэн эрэнэбит”, — диэтэ  Ис сулууспа майора, Дьокуускай куорат надзорнай уонна профилактическай үлэҕэ отделын начаалынньыга Елена Рожина.

✅ https://kiinkuorat.ru/2020/05/ojuur-baһaaryn-sereter-үle-yytyllar/
⠀
#Киинкуоратхаһыат
#Ойуурбаһаара

📌Дьокуускай дамбаларын бэрэбиэркэлээтилэр⤵️

Дьокуускай куорат баһылыга Сардаана Авксентьева баһылыгы ОДьКХ салаатыгар солбуйааччы Роман Сорокины уонна да атын эппиэттээх салайааччылары кытта куорат уокуругар баар гидротехническай тутуулар бэлэмнэрин бэрэбиэркэлээтэ.
Бэрэбиэркэ кэмигэр Шестаковкаҕа уонна Маҕаҥҥа ууну тохтотор быһыты, ону тэҥэ куорат дамбатын көрдүлэр — кинилэр барыта сөптөөх турукка сылдьаллар уонна халаан уутун аһарыыга бэлэмнэр.⬇️
✅ https://kiinkuorat.ru/2020/05/dokuuskaj-dambalaryn-berebierkeleetiler/