#КК_СытыыМуннук

Икки атахтаах өйдөнүөр диэри тохтообот кыһалҕа

🐕 🐕‍🦺🦮«Ыт – киһи доҕоро», – диибит. Хас биирдиибит да үллэр үйэтигэр, кырата, биирдэ түөрт атахтаах үтүө доҕордоно сылдьыбыт буолуохтаах. Ыт барахсан, сөпкө иитэ-харайа сырыттахха, бэртээхэй доҕор, эрэллээх харабыл, хоту эҥээргэ – үтүө көлүүр. Урут ыт тыһыттан этэрбэс, тириититтэн сутуруо, бэргэһэ тиктэн кэтээччи үгүс буолара. Ыарытыйар кыһалҕаттан ыт сыатынан эмтэнээччилэр билигин да бааллар. Быһата, ыт туһата-көдьүүһэ, дьиҥинэн, элбэх.

Ону баара, хомойуох иһин, туох хайа иннинэ икки атахтаах эппэтинэһэ, аахайымтыата суоҕуттан, дьалаҕай сыһыаныттан дьэллик ыт элбээн, бүгүҥҥү күннээххэ ол доҕорбут бөрөттөн итэҕэһэ суох кутталлаах, сэрэхтээх харамайга кубулуйда: https://kiinkuorat.ru/articles/ikki-atahtaah-yd-n-r-dieri-tohtoobot-ky-al-a

📍https://t.iss.one/kiin_kyorat_gazeta

#КК_Сонун

Куорат оптуобустарыгар суоппар тиийбэт

🚌 «Якутия 24» тэлэбиидэнньэ ханаалын «Якутия в деталях» биэриитигэр Дьокуускай куорат уопсастыбаннай тырааныспарын сытыы кыһалҕаларын дьүүллэстилэр. 

Ол курдук, «Союз Авто» чааһынай тиэйээччи салайааччыта Андрей Косицкай куорат оптуобустарыгар 180 кэриҥэ суоппар тиийбэтин ыйда.

«Оптуобус суоппара күн аайы үлэлиирэ табыллыбат. Икки күн үлэлээн баран, булгуччу сынньаныахтаах. Оттон ол сынньанар кэмигэр кинини атын суоппар солбуйуохтаах. Ол эбэтэр биһиэхэ биир оптуобуска иккилии суоппар тиийбэт. Хамнас кээмэйэ бүгүҥҥү күҥҥэ 80 тыһ. солк. 150 тыһ. солк. диэри халбаҥныыр», – диэтэ Андрей Косицкай.

Муниципальнай тиэйээччигэ эмиэ суоппар тиийбэтинэн, Д категорията суохтары босхо үөрэтэллэр, диэн Олохтоох дьаһалта пресс-сулууспата иһитиннэрэрэ.
Сиһилии: https://kiinkuorat.ru/articles/kuorat-optuobustarygar-suoppar-tiiybet

📍https://t.iss.one/kiin_kyorat_gazeta

Бүгүн саха уһулуччулаах суруйааччыта Иван Гоголев-Кындыл төрөөбүтэ 95 сыла

Кини поэзияҕа, драмаҕа, прозаҕа биллэр-көстөр, саҥа хайысхалары түстээбит айымньылардаах. Саха прозатыгар күүстээх лирическэй, поэтическай сүүрээни киллэрбитэ.

Кындыл айымньыларыгар бар дьоҥҥо, геройдарыгар, дьон-сэргэ дьылҕатыгар наар үтүөнү баҕарарын, олох кэрэтин уруйдуурун туоһулаабыта. Онтон улам-улам олох дьэбир тыына Уйбаан Кындыл прозатыгар биллэн барбыта, “Эһэкээн үөһэ” диэн экология туһунан сэһэн, “Хара кыталык” диэн үс кинигэлээх историческай роман айыллыбыттара.

“Хара кыталык” трилогия саха киһитин омук быһыытынан ураты характердааҕын уус-ураннык сиһилии арыйар. Хобороос, Хабырыыс, Огдооччуйа эмээхсин, Тээллээрис, Кимбилэрдоҕоор, Тойон киһи, Кыһалҕа ‒ бары хатыламмат, чаҕылхай быһыылаах-майгылаах уобарастар. Трилогия саха итэҕэлин, номохторун-үһүйээннэрин, айылҕаны билгэлээһини, сиэри-туому көрдөрөрүнэн биһиги омукпут оччотооҕу олоҕун энциклопедията диэххэ сөп.

@arhiv_nvk_sakha суруттар

#КК_Сонун

Улуу Кыайыы 80 сылынан анал саайт үлэлээтэ

❇️2025 сылга бэлиэтэнэр 1941-45 сс. Аҕа дойду сэриитигэр Улуу Кыайыы 80 сылынан ыытыллар дьаһаллары анал саайтан билсиэххэ сөп.

Ол курдук, Одноклассники, ВКонтакте, Телеграм социальнай ситимнэртэн ураты үлэлээбит официальнай саайтан (https://may9.ru/) Аҕа дойду сэриитин туһунан матырыйааллары, үбүлүөйдээх тэрээһиннэр былааннарын билсиэххэ сөп.

Маны сэргэ бэйэ дьиэ кэргэнин историятын, хаартыскалары үллэстэр кыах баар.
Арассыыйа сыыппараҕа министиэристибэтин исписэлиистэрэ оҥорбут «Победа80» сыһыарыыны RuStore хачайдыахха сөп, диэн иһитиннэрэр Ил Дархан уонна Бырабыыталыстыба пресс-сулууспата.

📍https://t.iss.one/kiin_kyorat_gazeta

#КК_Поэзия

СӨ Норуодунай поэта Иван Гоголев - Кындыл эдэр сааһынааҕы хоһоонноруттан:

ТӨРӨӨБҮТ ТЫЛ

Ийэҥ сылаас үүтүн кытта
Бу тылы ыймахтаабытыҥ,
Эн билбитиҥ бу тылтан
Саха буолан айыллыбыккын.

Баҕар, түһэн биэриэ доҕор,
Ийэҥ, баҕар, хоргутуоҕа,
Төрөөбүт тыл эн олоххор
Мэлдьи аргыс буолуоҕа...

Өстөөххүн ох таптаҕына -
Баҕар, бааһа оһуоҕа,
Уот тылгынан хаарыйдаххына -
Өрүттүө эрэ суоҕа.

Баҕар, умнуоҥ ырааттаххына -
Төрөөбүт сайылыккын,
Төрөөбүт тылгын умуннаххына -
Эн киһи буолбатаххын.

📍https://t.iss.one/kiin_kyorat_gazeta

#КК_Поэзия

СӨ Норуодунай поэта Иван Гоголев - Кындыл эдэр сааһынааҕы хоһоонноруттан:

САХА ТЫЛЫНАН

Төрөөбүппэр аал уот үөрэн
Тигинэччи умайбыта,
Аастыйбыт астаах эбэм
Ботугураан алҕаабыта
Аптаах саха тылынан.

Ийэм куобах суорҕанынан
Дьыбар киэһэ суулуу-суулуу,
Кынаттаах ат туһунан
Ыллыыр этэ оргууй-оргууй
Намыын саха тылынан.

Оҕуурдаан туппатаҕым
Уон сэттэбэр ол аты,
Биир чох хара харахтааҕы
Мин дьолум диэн ааттаабытым
Сылаас саха тылынан.

Көңүл кыраай күөрэгэйэ
“Ыллыах!” диэн ыңырбыта,
Хомус курдук, дьиэрэһийэн
Мин сүрэҕим хардарбыта
Уоттаах саха тылынан.

Бар дьонуом, хаһан эмэ
Сырдык, санньыар күҥҥэ арыт
Мин элэккэй, мин сэмэй
Ааппын ахтан аһараарыҥ
Таптыыр сахам тылынан.

📍https://t.iss.one/kiin_kyorat_gazeta

#КК_ТускарТуһан

СОЦИАЛЬНАЙ ХАНТАРААК

Ким ылыан сөбүй? Усулуобуйата хайдаҕый?

❇️Социальнай хантараак орто дохуота Саха Өрөспүүбүлүкэтигэр олохтоммут муҥутаан тиийинэн олоруу алын кээмэйиттэн намыһах, кыра дохуоттаах ыалы, соҕотох олорор кыра дохуоттаах гражданины кытта түһэрсиллэр.

Хантараагы түһэрсии усулуобуйата:
🔹Орто дохуот Саха Өрөспүүбүлүкэтигэр олохтоммут муҥутаан тиийинэн олоруу алын кээмэйиттэн намыһах;
🔹Гражданин Саха Өрөспүүбүлүкэтин олохтооҕо буолуохтаах;
🔹Бэйэтин туһунан толору уонна эрэллээх информацияны биэриэхтээх;
🔹Урут түһэрсиллибит социальнай хантараак усулуобуйаларын толоруохтаах.
Сиһилии манна баар

📍https://t.iss.one/kiin_kyorat_gazeta

#КК_Сэргээ

Былаан киһини бэрээдэктиир

❇️Судаарыстыбаттан көрүллэр социальнай хантараак нөҥүө ыра санаатын олоххо киллэрэн, Дьокуускай куорат Хатаһыгар дьахтар аймах айылҕаттан бэриллибит кэрэ сэбэрэтин чөлүгэр түһэрэр кабинеты арыммыт Анастасия Никифорова – «Эн суолуҥ» рубрика бүгүҥҥү ыалдьыта: https://kiinkuorat.ru/articles/bylaan-ki-ini-bereedektiir


📍https://t.iss.one/kiin_kyorat_gazeta

#КК_Сонун

Бүгүн кириһиэнньэ сөтүөтүгэр оптуобустар сылдьаллар.

Умуллубат уот таһыттан (ЗАГС дьиэтин парковкатыттан) хоҥноллор.

⏰Сарсыарда 08:00 чаастан киэһэ 22:00 чааска диэри.
🚌 Арыттара - 25 мүнүүтэ.
Бырайыас сыаната уу харчынан - 45 солк., баан картатынан - 40 солк.

📍https://t.iss.one/kiin_kyorat_gazeta

#КК_Сонун

Оптуобус суоппардара дьиэ куортамыгар чэпчэтиинэн туһаныахтара

🏠 Дьокуускай куорат Олохтоох дьаһалтатын көҕүлээһининэн оптуобус суоппардарын «Доступное арендное жилье в ДВО» бырагыраамаҕа киллэриэхтэрэ.

Ол курдук, СӨ тутууга миниистирэ Виктор Романов атын регионнартан уонна өрөспүүбүлүкэ улуустарыттан Дьокуускай куорат оптуобустарыгар суоппарынан үлэлии кэлэр дьон дьиэ куортамыгар чэпчэтиинэн туһаныахтара, холобура, икки хостоох кыбартыыра ыйдааҕы төлөбүрэ 12-14 тыһ. солк. буолуоҕа диэтэ.

❇️Дойду баһылыга Владимир Путин сорудаҕынан саҕаламмыт «Доступное арендное жилье» бырагырааманан ааспыт 2024 сыл кулун тутар ыйыгар Дьокуускай куоракка бастакы 24, миэбэлинэн толору хааччыллыылаах, кыбартыыра бэриллибитэ. 


📍https://t.iss.one/kiin_kyorat_gazeta

#КК_Сэргээ

Айан суолугар...

🚛Билиҥҥи тиэхиньикэлэр диэн кыахтара модуннара сүрдээх буоллаҕа. Мин эһиги сааскытыгар ЗИЛ-130 диэн массыынаҕа үлэлээбиттээҕим. Ол саҕана сопхуоска саамай тутаах үлэ — чох, мас тиэйиитэ. КАМАЗ, «Урал» массыыналар ыраах айаҥҥа улахан таһаҕастары таһыыга сылдьаллара. Суол кэлиэ баар дуо? Эгэ, билиҥҥи курдук аһыыр «чайнойдар» кэлиэхтэрэ дуо? Сэбиэскэй саҕанааҕы, чахчы, бэйэтин кыаҕар эрэ эрэнэр киһи ылсыһар үлэтэ буолара.
Ол курдук, 90-с сылларга УАЗ массыынанан куораттан айаннаан иһэбин. Туман бөҕө. Массыына капотуттан антах көстүбэт. Арай кыһыл уот умайарынан сылыктаан, суолга моһуогурбуттар диэммин, тохтоотум

Сиһилии: https://kiinkuorat.ru/articles/ayan-suolugar

📍https://t.iss.one/kiin_kyorat_gazeta