#КК_МинньигэстикАһааң

Өрөбүллэргэ тугу астанаҕыт?😅

ТҮРГЭННИК ОҢОҺУЛЛАР САЛААТТАР

🥗 Олус судургутук уонна сыыдамнык оҥоһуллар салааттар ырысыаптарын тускутугар туһаныҥ.

🖇️“Венеция”
Састааба: ыыһаммыт (копченай) халбаһы, оҕурсу, моркуоп, кукуруза, майонез.
Халбаһыны, оҕурсуну, моркуобу барытын биир формалаан кырбыыбыт. Кукурузаны, майонеһы эбэбит.

🖇️“Нежность”
Састааба: хаппыыста, ыыһаммыт халбаһы, чеснок, петрушка, майонез, туус.
Барытын кырбаан, чесногу олох бытархай гына кырбастаан баран, салааппытын майонезтаан кэбиһэбит.

🖇️“Суһал салаат”
Састааба: крабовай палочка,  сухарик, кукуруза кэнсиэрбэтэ, пекинскэй хаппыыста, кытаанах сыыр, майонез, чеснок, хара биэрэс, туус.
Хадах баҕараргытынан кырбаан салаат оҥороҕут.

😉Өссө атын ырысыаптар манна бааллар: https://kiinkuorat.ru/articles/t-rgennik-o-o-ullar-salaattar-1

Туһаның, сэргээң, тарҕатыҥ🤗

https://t.iss.one/kiin_kyorat_gazeta

#КК_Сонун

Аккырыыкката ыыт – чугас дьоҥҥор Саҥа дьыллааҕы настарыанньаны бэлэхтээ

🎅 «Кыһын Саха сириттэн саҕаланар» бэстибээл биир ураты тэрээһинэ – ким баҕалаах чугас дьонугар Чысхаан уонна Хаарчаана ойуулаах аккырыыкканы ыытан, саҥа дьыллааҕы настарыанньаны бэлэхтиир кыахтааҕа. 

Сэтинньи 29 күнүгэр бастакы аккырыыкканы Чысхаан уонна Хаарчаана Улуу Устюг куоракка Тымныы Оҕонньорго ыыттылар.
Дьокуускай куорат Олохтоох дьаһалтатын уонна Арассыыйа почтатын бу кыттыгас аахсыйалара «Кыһын Саха сириттэн саҕаланар» бэстибээл чэрчитинэн ахсынньы 1 күнүттэн саҕаланар.

👍🏻Ким баҕалаах Главпочтамт дьиэтигэр (Дзержинскэй уул., 4) кэлэн, аккырыыккаҕа эҕэрдэтин суруйан, аадырыһын ыйан, маарка килиэйдээн баран, анал почта дьааһыгар уктаҕына, почта үлэһиттэрэ ону тустаахха тиэрдиэхтэрэ.

☝🏻Аккырыыкка 6000 ахсаанынан бэчээттэммит.

https://t.iss.one/kiin_kyorat_gazeta

#КК_Иллэҥсийбиччэ

Таабырыммыт таайыыта: Таба чуораана.

Эмиэ ким да сатаан таайбатах.

☝🏻Таабырын саха норуотун мындыр өйүн, тугу баҕарар ханалытан этэр кыаҕын көрдөрөр ураты жанр.

❓Аныгы саха таабырын таайсар дьоҕура мөлтөөбүт дии саныыгыт дуо?

❓Ыччаккыт, оҕолоргут төһө таайалларый?


https://t.iss.one/kiin_kyorat_gazeta

#КК_Иллэҥсийбиччэ

Былыргы таабырыннартан:
Ыттааҕар кыра, аттааҕар улахан баар үһү.

Таайыытын кэмэнтээрийгэ суруйан хааллараарыҥ😅⬇️⬇️⬇️

https://t.iss.one/kiin_kyorat_gazeta

https://t.iss.one/kiin_kyorat_gazeta

#КК_Сонун

«Кыһын Саха сириттэн саҕаланар» үөрүүлээх сабыллыыта хайдах ыытыллыаҕай?

Бэстибээли үөрүүлээхтик түмүктүүр сүрүн тэрээһин ахсынньы 1 күнүгэр, бу өрөбүлгэ, «Триумф» спорт комплексыгар былааннанар.

✅ Күнүс 12 ч. тэрээһиннэр икки этээһинэн тэҥинэн саҕаланыахтара.
Аллараа этээскэ аренаҕа - атыы дьаарбаҥката, «Бриллиантовые нотки» оҕо бэстибээлэ, иккис этээскэ -«Зима fest» дьиэ кэргэн бырааһынньыга.
✅ 13.00 ч. - «Тоҥ балык 2024» күрэх. Быйылгы күрэххэ 16 хамаанда ким түргэнник, кыраһыабайдык уонна хаачыстыбалаахтык тоҥ балыгы астыырга күрэхтэһээри бэлэмнэнэр.
✅Бу кэнниттэн 17.00 ч. Орджоникидзе болуоссатыгар турбут саҥа харыйа уотун уматыы күүтүүлээх церемонията буолуоҕа.
✅ Харыйа уота сандаарбытын кэннэ 17.10 ч. Кыайыы болуоссатыттан Доҕордоһуу болуоссатыгар диэри бырааһынньыктыы киэргэтиилээх массыыналар пробегтара саҕаланар.
Онон, 17:15 ч. 17:45 с. диэри Ленин проспега, 3 дьиэттэн Доҕордоһуу болуоссатыгар диэри тыраанспар бары көрүҥэр сырыы тохтуур.

https://t.iss.one/kiin_kyorat_gazeta

#КК_БэлиэКүн

Бүгүн ханнык бырааһынньык күнэ буоларын билэҕит дуо❓

❇️Бүгүн 2023 сыллаахха Ил Дархан Айсен Николаев көҕүлээһининэн олохтоммут Национальнай култууралар күннэрэ бэлиэтэнэр.

Саха сирин норуоттарын омук быһыытынан уратыларын харыстыырга, киэҥник тарҕатарга, сайыннарарга уонна бэйэ-бэйэлэригэр сыһыаннарын бөҕөргөтөргө туһуланар күн🙌🏻


https://t.iss.one/kiin_kyorat_gazeta