Таабырыммыт таайыыта: Сылабаар, сыпсы.

*Сыпсы - чоҕу ытыттарар сыпсы (самоварные щипцы).

#КК_Иллэҥсийбиччэ

Былыргы таабырыннартан:
Саха кыыһа санаалаах, нуучча кыыһа толкуйдаах үһү.


Таайыытын кэмэнтээрийгэ суруйан хааллараарыҥ😅⬇️⬇️⬇️

https://t.iss.one/kiin_kyorat_gazeta

#КК_Поэзия

БИЛЭҔИН ДУО?

Билэҕин дуо, хантан саҕаланарый тыал?
Онно үөскээбит дииллэр саамай бастакы тыл...

Биһиги билэбит:
Хоту- соҕуруу,
Илин - арҕаа,
Кини бас билэрэ:
СЫРДЫК,
КЫРДЬЫК,
уонна ХАЛЛААН.

Кыра да
бэриллибит
киһиэхэ - хардыы.
Бэйэбит
ычабытынан
хаамабыт -
хаардыы.

Ким эрэ биһигинэн
үөһэттэн
оонньуур,
Суолбутунан туох эрэ дьиктини
ойуулуу сатыыр.

Онно эн кыһаллыма
-АЙ,
Дьылҕаҕын хас
биирдии дьоллоох түгэни кытта
ыксары баай.

Бу олох доҕоччугум, олус кэрэ,
Хас сарсыарда аайы күнү кытта
төрүүр - ЭРЭЛ...

Борис Кэм

https://t.iss.one/kiin_kyorat_gazeta

“Үрүҥ туллук эрэ мөлбөстүүр....”

Сэтинньи 14 күнүгэр, 17:00 ч. Саха уус-уран литературатын төрүттээччилэриттэн биирдэстэрэ, Саха искусствотын түөрэҕин түһэрсибит, Саха театрын төрүттээччи, сүдү суруйааччы, саха норуотун духуобунай лиидэрэ А.И.Софронов-Алампа күн сирин көрбүт күнүн көрсө Былатыан Ойуунускай аатынан Саха академическай театра Алампа хоһооннорунан “Үрүҥ туллук эрэ мөлбөстүүр....” диэн дьүһүйүү дьоро киэһэтигэр ыҥырар.

🏛️ Алампа саалата, 3 этээс
🎭 Киириитэ босхо.

#КК_БэлиэКүн

🌐Сэтинньи 13 күнэ — Саха сиригэр Инновация күнэ

СӨ Ил Дархана 2022 сыл сэтинньи 13 күнүгэр Инновация күнүн олохтоото. Бу күн өрөспүүбүлүкэбит Бастакы Бэрэсидьиэнэ Михаил Ефимович Николаев төрөөбүт күнэ.

Кэлиҥҥи уонча сыл иһигэр Саха сиригэр “Якутия” технопаарка, IT-паарка, инновациялар сайдыыларын пуондата, улуус аайы IT-кииннэр арылыннылар.

https://t.iss.one/kiin_kyorat_gazeta

#КК_Сонун

«Норуот бүддьүөтэ» 2025 сылга олоххо киллэриллэр бырайыактарга сайаапкалары күүтэр

❇️Дьокуускай куорат Олохтоох дьаһалтата куорат бүддьүөтүттэн субсидия ылар кыаҕы биэрэр «Норуот бүддьүөт» социальнай бырайыактар куонкурустарыгар нэһилиэнньэттэн сайаапкалары сэтинньи 11 күнүттэн ылан саҕалыыр.

Куонкурус усулуобуйатын быһыытынан, көҕүлээччилэр бырайыагы олоххо киллэрии сыанатын 20 % уйуналлар, ордубут суумата олохтоох бүддьүөттэн үбүлэнэр.

Бырайыактар түөрт хайысханан ылыллаллар.

Ол туһунан сиһилии бу сигэнэн аах: https://kiinkuorat.ru/articles/noruot-b-dd-te-2025-sylga-olohho-killeriller-byrayyaktarga-sayaapkalary-k-ter


https://t.iss.one/kiin_kyorat_gazeta

#КК_Сонун

❇️Сэтинньи 13 күнүгэр Өрөспүүбүлүкэ Бастакы бэрэсидьиэнэ Михаил Николаев төрөөбүт күнүнэн «Махтал» кэнсиэркэ ыҥырабыт, диэн иһитиннэрэр Николаев-Киин.

Тэрээһин В.А. Босиков аатынан Музыка Үрдүкү оскуолатын, Аксения уонна Наталья Посельскайалар ааттарынан балет оскуолатын, Николаев-Киин өйөбүлүнэн өрөспүүбүлүкэ биллиилээх артыыстарын уонна Дьокуускай куорат Олохтоох дьаһалтатын көҕүлээһиннэринэн ыытыллар. 
Кэнсиэр А.Е. Кулаковскай аатынан Норуоттар доҕордоһууларын дьиэтигэр күнүс 16:00 чаастан ыытыллар.
Киириитэ босхо.

https://t.iss.one/kiin_kyorat_gazeta

💎Бүгүн, сэтинньи 13 күнүгэр, Михаил Ефимович Николаев төрөөбүтэ 87 сыла. «Далбар Хотун» сурунаал 7№-гэр Саха сирин бастакы бэрэсидьиэнэ Михаил Ефимович Николаев олоҕун аргыһын туһунан "Аан Дархан тапталлаах доҕоро" диэн Валентина Бочонина суруйуутун сэргээн ааҕыҥ.

“Оттон бүгүн биһигинниин санаатын үллэстэр Бастакы Аан Дархаммыт кэргэнэ Дора Никитична Николаева олох суолугар Михаил Ефимовиһы кытта эдэркээн сааһыттан бииргэ буолуоҕуттан өрөспүүбүлүкэ муҥутуур кылаан чыпчаалыгар диэри тэҥҥэ хардыылаан да баран, ис туругун ырааһын ыспатах, төрүт өйүн-санаатын, сиэрин-майгытын уларыппатах киһи. Олоххо бииргэ буолууларыгар ыраастара, олоҕу, үлэни, дьону сыаналыыллара саха норуотун дьылҕатыгар Бастакы Президент кэлиитигэр туох да омуна суох дириҥ оруолланан Дьылҕа хаантан ыйаахтаммыт курдук. Дора Никитична Бастакы Президент олоҕун харааннаан, көрөн-истэн, дьаһайан саха норуотугар умнуллубат күүрээннээх кэмнэрин ситиһиилэрин уһансыбыт ытык киһи буолар.."
https://dalbarhotyn.ru/main/aan-darhan-taptallaah-doҕoro/