#КК_Сонун

💧Атырдьах ыйын 10-11 күннэригэр 22:00 чаастан сарсыарда 07:00 чааска диэри, өрөмүөн үлэтэ барарынан сибээстээн, Дьокуускайга уонна Жатайга ууну араараллар.


https://t.iss.one/kiin_kyorat_gazeta

#КК_ТускарТуһан
✅Буруоттан харыстанарга:
🔸Таһырдьа сылдьарбытын төһө кыалларынан аҕыйатабыт, ордук куйаас күннэргэ;
🔸Организм уутун кэмигэр толорон иһэргэ элбэх ууну иһэбит. Киһи күннээҕи нуормата 1,5-2 л;
🔸Битэмииннээх, иҥэмтиэлээх, ол эрэн куртахха чэпчэки астары аһыыбыт.
🔸Эт-хаан үлэтин аҕыйатабыт.
Аһыы буруолаах кэмҥэ тыынар уорганнары харыстыыр мааскалары, респиратордары кэтэбит. Онтубутун сотору-сотору ыраас уунан илитэр ордук; түннүккэ, ааҥҥа инчэҕэй таҥаһы ыйыыбыт, кондиционерынан салгыны ыраастыыр үчүгэй;
🔸Буруоттан ордук кырдьаҕастары, оҕолору, тыынар уорганнара ыалдьар дьону харыстыахтаахпыт. Кинилэргэ промышленнай респиратордары туттар табыгастаах;
🔸Дьиэ иһин сотору-сотору быылын сотобут, уулаах сууйабыт;
🔸Күҥҥэ хаста да душтанабыт - буруо киһи хараҕар көстүбэт микрочастицаларын уунан сайҕыыбыт;
🔸Буруоттан сылтаан сэниэҕит суох, мэйиигит эргийэр, тыыҥҥыт кылгыыр, сөтөл киирэр, сатаан утуйбат буоллаххытына, хайаан да бырааска тиийиҥ эбэтэр суһал көмөнү ыҥырыҥ.

https://t.iss.one/kiin_kyorat_gazeta

#КК_Сонун

🌱 Дьокуускай куораты көҕөрдүүгэ ыстаап уочараттаах мунньаҕа атырдьах ыйын 4 күнүгэр буолан ааспыта. Мунньахха соторутааҕыта уопсастыбаннай сүбэһитинэн анаммыт Екатерина Павлова Ленин проспегын көҕөрдүүнү сыаналааһын түмүгүн кытта билиһиннэрдэ. Ол курдук, хас да сиринэн үүнээйилэр арыттара учуоттамматаҕын, газон сыыс отунан үүнээри гыммытын бэлиэтээтэ. Ону таһынан биир маска – 40 л уу, биир укка 20 л уу тиксэр гына уу кутуллуохтааҕын эттэ.

🌱Ленин проспегын көҕөрдүү үлэтин куратора, Ботаническай сад дириэктэрэ Наталья Иванова эмиэ олордуу мастарга уу тиийбэтин бэлиэтээтэ уонна көҕөрдүү иккис түһүмэҕэ бэдэрээтчит тутуу бөҕүн хомуйбутун кэнниттэн саҕаланыахтааҕын, Кыайыы пааркатыгар олордуу мастарга уу кутар, территорияны ыраастыыр үлэһит баар буолара ордугун эттэ.
Сиһилии: https://kiinkuorat.ru/articles/lenin-prospegar-olorduu-mastarga-uunu-kutuu-k-r-n-naada

https://t.iss.one/kiin_kyorat_gazeta

#КК_Сонун

💠Птицефабрикаҕа баар элбэх оҕолоохторго бэриллибит сир учаастактарыгар гаас ситимин тардыы салҕанар.

Гаас ситимин тардыыны “Ленагаз” ХЭТ иилээн-саҕалаан ыытар. Үлэлэрин барытын балаҕан ыйын 30 күнүгэр түмүктүүр былааннаахтар.

Ааспыт нэдиэлэҕэ эриэйдэ кэмигэр гаас тардааччылар кэпсээбиттэринэн, сорох сиринэн сир ситэри ирэрин күүтэллэр эбит, ол да буоллар этиллибит болдьоххо түмүктүөхпүт диэн кытаанахтык эрэннэрэллэр.

💬Баһылык Евгений Григорьев элбэх оҕолоохтор учаастактарыгар хайаан да суол-иис үчүгэйдик оҥоһуллуохтааҕын тоһоҕолоон бэлиэтээтэ: “Быйыл 103 учаастак күөх төлөн ситимигэр холбонуохтаах. Ону кытта тэҥҥэ киирии суоллары тутуохпут, уопсайа 3 км усталаах суол оҥоһуллуохтаах”.

https://t.iss.one/kiin_kyorat_gazeta

Работы по очистке от ряски и тины проводится в водоеме в сайсарском округе в Якутске

Очистка проводится с помощью аэратора. Работы по восстановлению водоема площадью около десяти тысяч квадратных метров начались в прошлом году.

@yk24ru

#КК_Сонун

💠 Тиэргэннэри тупсарыы бырагырааматынан үбүлэнэн, Птицефабрикаҕа быйыл 11 уонна 13 нүөмэрдээх дьиэлэр тиэргэннэрэ оҥоһуллан эрэр.

Бэдэрээтчитинэн бу бырагырааманан Дьокуускайга хас да тиэргэни тупсаҕайдык оҥорон туттарбыт “Основа” ХЭТ буолбут.

Тротуардары, бордюрдары, хаххалыыр күрүөлэри, массыына турар сирдэрин оҥоруохтаах, маны таһынан оҕо балаһааккатыгар дьоҕус архитектурнай формалары туруоруохтаах. Ону тэҥэ көҕөрдүү үлэтин ыытыахтаах, ыскамыайкалары, бөх мунньар контейнердары таҥыахтаах.

https://t.iss.one/kiin_kyorat_gazeta

#КК_Кэпсээн

Бу түбэлтэ 2004 сыллаахха Накыын вахтовай бөһүөлэгэр буолбута. Накыын саҥа тутуллан, дьиэ бө5ө тутуллан, 16 фабрика үлэҕэ киирбит кэмэ этэ. Биһиги НСМТ диэн Ньурба тэрилтэтиттэн кэлэн үлэлии сылдьабыт, үксүбүт Ньурбаттан сылдьабыт.

Ол саҕана гараж эҥин диэн суох буолан үлэлиир техникалары түүн көрөр "подогревальщик" диэн үлэһит баара. Кулун тутар ый бүтэһик күннэригэр, бу түбэлтэ тахсыбыта. НСМТ сүрүннээн Накыыҥҥа уот линиятын тардыытынан, дьиэ тутуутунан үлэлэри үлэлииллэрэ. НСМТ ЛЭП учаастагын үлэһиттэрэ Лендекит диэн сиргэ уу хааллыбыт сиригэр уот тарда сылдьаллара. Кинилэр биир кун техникаларын эргэ бөһүөлэк Өлөөн Ээйигэр барар суолга, үлэ бүтүүтэ киэһэлик хоннорбуттара.

Подогревальщигынан Афанасий диэн 55 саастаах аҕам киһини анаабыттара. 2 трактор, 1 кран массыына уонна соһулла сылдьар тимир ылахтаах будка дьиэ. Кулун тутар бүтэһик күннэрэ буолан күнүс сылыйар, түүн тымныйа турар кэмнэр. Афанасийы "Оппуонньа" диэҕиҥ, будка тимир оһоҕун оттон, чаай өрүнэн, техникаларын тахсан көрөн киирдэ, кинигэ ааҕа түһээри өттүгэлээн сытта. Таһырдьа тыал, тибии саҕаланна, тимир оһоҕун турбата үрдүгэр ууруллубут тимир лиис тыалга охсуллан хам-түм охсуллара иһиллэр.

Түүн 12 чааска тахсан техникаларын тахсан көрөттөөтө, температураларын, арыыларын, тыастарын бэрэбиэркэлээтэ, банаар уотугар аллараа туох тэстэрин сырдатан көрүөлээтэ. Бу ЛЭП биригээдэтин Мельник Петр диэн саас ортолоох киһи салайан үлэлэтэр, Ньурба улууһун ЛЭП баҕаналарын, уотун, күөһүн барытын тардыспыт, туппут, туруорсубут баай опыттаах, сатабыллаах Краснодартан төрүттээх киһи этэ.

Оппуонньа балокка киирэн трактортан тардыллыбыт времянка уотун сырдыгар кинигэ ааҕа сытта. Арай, ол сыттаҕына таһырдьа дьон саҥата ньамаласта, табалар хооҕурҕаһар саҥалара иһилиннэ, сыарҕа ылахтара хаарҕа кыычыгырастылар.

Оппуонньа тыалга аан аһылла турарын иһин, иһиттэн маска талкыйан аан тутааҕын быаннан баанан хатанан олорор этэ. "Хата, дьон кэллэ сэһэн истиэм, ааны тоҥсуйдахтарына аһыам..." — дии сытта.

Арай дьоно, киириэхчэ киирбэтилэр.. Сөҥ саҥалаах киһи: "Аанын хатаммыт, тоҕо суолбутун бүөлүү түспүт киһиний, илдьэ барыыһыкпыт", — диэтэ. Биир ньамыгырас саҥа: "Оһоҕун турбатын бүөлүөххэ, начаас тахсыа", — диэн хабыгыраата. Онтон балок дьиэ тула дьон атаҕын, таба энээннэрин тыаһа биир кэм оргуйа түстэ, ньуу-ньаа чуолкайа суох саҥалар иһилиннилэр.

Оппуонньа ыксаата, дьон буоллар киириэх этилэр, атын эйгэ дьоно быһыылаах диэн иэнэ кэдэҥнээтэ, көхсө тымныйда, ийэ хара көлөһүнэ сарт түстэ. Өйүгэр "Вий" диэн киинэҕэ миэлинэн тула эргиппиттэрин санаата, дьиэ иһин эргим-ургум көрүтэлээтэ. Хата, бааҥкаҕа, кини дьолугар солидол турар эбит... Онон ааны, истиэнэни тула эркини, кыйа барытын, биир быстыбат сурааһын гына сотон кээстэ, өссө ааҥҥа таҥара кириэһин оҥордо, улаханнык куттанна.

Ол табалаах дьоно түүнү быһа куучугураһан таҕыстылар. Онтон 4:30 диэки, сарсыарда: "Дьэ суол хаалаары кынна, дойдубутун быһыахха, бу бүтэй оҥоһуулаах саха буолан, таба туттарбата, ыксыахха", — диэн били сөҥ куолас дьаһайда. Тыас-уус биирдэ мэлис гынна, арай трактордар, машина тыастара биир күдьүс тыас буолан иһилиннэ. Балокка наһаа тыастаах диэн техникалары тэйиччи туруорбуттара.

Оппуонньа халлаан сырдыар диэри хараҕын саппакка олорон хонно, 8:30 дьонноро вахтовканан кэлбиттэригэр аанын аһан кэпсии тоһуйда. Бастаан уолаттар күлүөх курдук буолан иһэн, киһилэрин сирэйэ-хараҕа турбутун көрөн дьиксиннилэр, тылларыттан маттылар.

Сол күн биһиги биригээдэҕэ "подогревальщигынан" ким барарын ыйыталаһыы буолла, биригэдьиирбит Ушканов дьону күһэйбэккэ, буолбут түбэлтэни кэпсээн туран, ким барарын ыйыталаста. Дьэ, били тылларынан оонньуур, суустаһар дьоммут бары сүүс биричиинэнэн аккаастаатылар, буолумматылар. Оппуонньа эрэйдээ5и "арыгы испитиҥ буолуо" диэхтэрин арыгы ол дойдуга атыыламмат, уонна испэккэ сылдьыбыта. Аны дойдуттан кэлбиппит ый буолта. Биригэдьиир кэлэн миигин көрдөстө: "Балаһыанньаны өйдөө... Ким да буолуммата", — диэтэ.

Дьэ, мин киэһэ 8 чаас саҕана онно вахтовканан тиийдим.

Будка дьиэ оруобуна чигдиг, Ээйик барар суолга турарын, атын сиргэ көһөттөрдүм, техникалары эмиэ саҥа сиргэ илдьэттээн туруортаатыбыт. Миигин хаалларан, дьонум бартарын кэннэ балок дьиэни эргийэ сылдьан көрдүм, туох да босхо сылдьар лиис, чаалбаан, тыаһыахха айылаах суоҕун көрөттөөтүм.

Түүн 12 чааска техникалары тахсан бэрэбиэркэлээтим, анныларын көрөттөөтүм. Дьиксинэ соҕус туттан будкабар киирэн ааммын хатанным, кинигэ көрбүтэ буоллум. Санаам барыта таһырдьа, тыас-уус иһиллиибин. Оннук тыас-уус иһиллээн, олорбутунан харахпын симэн көрбөккө хоннум.

Сарсыарда 5:30 халлаан сырдаата, ааммын аһан таһырдьа тахсан техникаларбын көрдүм, суол-иис көрбүтэ буоллум. Дьонум кэлбитигэр, таһырдьа тахсан уруйдуу көрүстүм. Итинник 2 күн "подогревальщигынан" сырыттым, онтон техникалаах дьон көстүлэр, атын сиргэ бэйэлэрин истэриттэн нуучча уолун анаатылар.

Дьэ, ол туох дьоно кэлэн бүтэһик суолу баттаһа, суолларын, айаннарын аартыгын бүөлүү турбут будканы сөбүлээбэккэ ааспыттарын билбэтим. Ол эрэн атын эйгэ дьоно баарын онтон ыла итэҕэйэр буолтум. Оппуонньалыын элбэхтик бииргэ үлэлээн, кустаан, ыаллаһан ааспытым, ити түбэлтэни санаттахха тылыттан матар этэ: "Кэмигэр, дьулаан, кутталаах этэ" - диэн кээһээччи.

Ити түбэлтэ итинник ааһыаҕын, миигин биир суол дьиктиргэтэр, онно трактористаабыт уол хомолтолоохтук сыл да буолбакка күн сириттэн күрэммитэ, Оппуонньа бэйэтэ 2 сыл буолан баран алҕас түбэлтэҕэ түбэһэн инбэлиит буолта, 5 хас сыл иһинэн 2 саамай үлэһит Пахелла, Полынин диэн монтажник-высотник, крановщик дьоммут Нюрбаҕа эмискэччи сүрэхтэринэн суох буолтара, ЛЭП биригэдьиирдэрэ Мельник инсультаан соҕуруу балтыгар илпиттэрэ.

Мин ити түбэлтэни бииргэ ситимниэ суох этим да, бу дьон ити түбэлтэ кэннэ дьиктитик суорума суолламмыттара. Онон сиргэ-уокка сырыттахха, айан аартыгын бүөлээбэккэ, атын аартыктаах дьон эмиэ айанныылларын умнуо суохтаахпыт.

#Бассааптан


https://t.iss.one/kiin_kyorat_gazeta