Қарсыласымыз – Италия 🇮🇹

Футзалдан Еуропа чемпионатына іріктеудің плей-офф кезеңіндегі қарсыласымыз анықталды.

Плей-офф матчтары 15-24 қыркүйек аралығында өтеді. Бірінші матчты сырт алаңда ойнаймыз.

#KFFTeamFutsal | #BizdinJigitter💛💙 | #FutsalEURO

🎙️ Футзалдан Қазақстан ұлттық құрамасының бас бапкері Пауло Рикардо Кака Еуро-2026 іріктеудің плей-офф кезеңінің жеребесі туралы пікірін айтты.

🇰🇿🇮🇹 Жеребе қорытындысы бойынша плей-офф кезеңінде Италиямен кездесеміз.

«Италия – соңғы әлем чемпионатына қатыспаса да, өте мықты құрама екені бәріне белгілі. Құрамында тәжірибелі ойыншылар бар. Италия құрамасы футзалдағы әлемдік көшбасшы ретіндегі орнын қайта иеленгісі келеді. Сондықтан алда бізді өте тартысты кездесу күтіп тұр.

Сегіз команданың ішінен Қазақстан мен Италияның бір жұпқа түскені көпшілікті таңғалдырды. Бұл кездесуге өте мұқият дайындаламыз. Өйткені бұл жұптың жеңімпазы Еуропа чемпионатына жолдама алады.

Кез келген команданың немесе бапкерлік штабтың пікірін сұрасаңыз – бәрі қарымта ойынын өз алаңында өткізген дұрыс дейді. Бұл тұрғыдан алғанда, қарымта кездесудің өз жерімізде өтетіні – психологиялық және менталдық тұрғыдан үлкен артықшылық. Бірақ бұл бізді алғашқы матчта жеңіске жету міндетінен босатпайды», – деді Кака.

🔜 Уэльспен өтетін күзгі ойынға 2 ай қалды

4 қыркүйек күні «Астана Аренада» Уэльспен кездесеміз. Басталуы 19:00-де.

🎟️ Билеттер жайлы ақпарат тамызда белгілі болады.

🇰🇿 Қазақстан – Уэльс 🏴󠁧󠁢󠁷󠁬󠁳󠁿
🏆 ӘЧ-2026 іріктеу кезеңі
📆 04.09.2025 | 19:00
🏟️ «Астана Арена»

#KFFTeam | #BizdinJigitter💛💙 | #WCQ

Қазақстан футбол федерациясы барша жанкүйерлерді, елорда тұрғындары мен қала қонақтарын, сонымен қатар, әр қазақстандықты астанамыздың туған күнімен құттықтайды! 🇰🇿

2006 жылдан бастап жыл сайын 6 шілде күні еліміздің бас қаласының туған күні тойланып келеді.

Елорда күні – елдігімізді ұлықтайтын ерекше мерекеге айналды. Біздің мақтанышымыз, Отанымыздың жүрегі – елордамыздың жұлдызы әрқашан жарық болсын! Бұл – отандастарымыздың ізгі үміттері ақталып, бақыт жолына бастайтын арман қала.

Барша қазақстандықтарға зор денсаулық, мол бақыт және береке-бірлік тілейміз! Елорда күні құтты болсын!

#KFF

⚡️ Ойын ережелеріне сәйкес Премьер-лиганың 15-турындағы жекелеген ойын сәттеріне түсіндірмелер

Қазақстан футбол федерациясы Төрешілік және қадағалау департаментінің директоры Нуну Алешандре Паррейра де Каштру Премьер-лиганың 15-турындағы жекелеген ойын сәттеріне қатысты түсіндірме жариялайды.

Жеңіс – Ұлытау

45-минут – Бүйір сызыққа жақын жерде алаң иелері №2 және қонақтар №19 ойыншылары допқа таласуда. Алаң иесінің ойыншысы жерге құлаған кезде, қарсылас ойыншының аяғын жерге қоюға жеткілікті орны болды, бірақ ол шиптарымен қарсыласын шап аймағына өте жақын жерден басып кетті, бұл қарсыласының денсаулығына айқын қауіп төндірді. Ол бұл жанасуды сезінгеннен кейін де оны болдырмауға тырыспады.

Бас төреші де, бірінші көмекші төреші де бұл сәтке жақын болмады және эпизодты жіберіп алды.

VAR әділ түрде араласып, бейнеқайта қарауды (OFR) ұсынды. Төрешінің №19 қонақтар ойыншысына қызыл карточка көрсету туралы соңғы шешімі дұрыс болды.

Қызылжар – Ордабасы

19-минут – Алаң иелері шабуыл ұйымдастырып жатқанда, қонақтар қорғаушысы №14 және шабуылшы №84 қонақтар қақпасына қарай жүгіріп, допқа таласып жатыр, ал олардың алдында тек қақпашы қалған. Олар айып алаңына жетуге таяғанда, бірақ әлі кірмей жатып, қорғаушы аяғын созып допты тебуге тырысады, бірақ допқа тимей, қарсыласын шалып жығады. Бұл анық гол соғу мүмкіндігін жою (DOGSO) болып табылады.

Төреші эпизодқа жақын болды және дұрыс шешім қабылдап, қорғаушыға тікелей айып соққысын және қызыл карточка көрсетті.

VAR араласқан жоқ, бұл дұрыс шешім болды.

Елімай – Тобыл

12-минут – Алаң иелері шабуыл жасап жатқанда, №77 шабуылшы мен қонақтар қорғаушысы №5 допқа таласуда. Олар айып алаңына өте жақын болған кезде, екеуі де допқа аяқ созады. Шабуылшы допты алысқа теуіп жібереді. Видеоға сәйкес, қорғаушы шабуылшының ешбір жеріне тиіспеген.

Төреші фол болмағандықтан ойынды жалғастыру туралы дұрыс шешім қабылдады. Егер фол болған күннің өзінде, бұл гол соғуға анық мүмкіндік (DOGSO) болмас еді, себебі шабуылшы допты бақылауда ұстаған жоқ, ал қақпашының оны иеленуге нақты мүмкіндігі бар еді.

VAR араласқан жоқ, себебі бұзушылықтың айқын дәлелі болған жоқ – бұл дұрыс шешім.

45-минут – Қонақтар қақпасына қарай допқа ие болуға ұмтылып бара жатқанда, қонақтар ойыншысы №55 пен алаң иесі №7 допқа таласады. №7 шабуылшы допқа аяғын созып, оған басып кетеді, тепе-теңдігін жоғалтып, құлайды.

Төреші №55 қорғаушы тарапынан фол болмағандықтан, ойынды жалғастыру туралы дұрыс шешім қабылдады.

VAR араласқан жоқ, себебі қонақтар ойыншысы №55 тарапынан шабуылдаушы фазада (APP) бұзушылық болған жоқ.

Ақтөбе – Атырау

87-минут – Орталық сызыққа жақын жерде алаң иесі №20 ойыншысы сол аяғын өте жоғары көтеріп, сәл секіріп, дәл алдында тұрған қарсылас №33-ке шиптарымен кеуде тұсына соққы жасайды. Бұл қарсыластың денсаулығына айқын қауіп төндірген ауыр фол болды.

Төреші бұл жағдайға қате баға беріп, №20 ойыншыға тек сары карточка көрсетті.

VAR әділ түрде араласып, бейнеқайта қарауды (OFR) ұсынып, төрешіге қызыл карточка көрсетуді ұсынды.

Алайда төреші өз бастапқы шешімін өзгертпей, дұрыс емес шешім қабылдады.

https://kff.kz/ru/news/26870

🏆 Бүгін Қазақстан чемпионы «Қайрат» командасы УЕФА Чемпиондар лигасының іріктеу кезеңіндегі жорығын бастайды

Кәрі құрлықтың айбынды додасында еліміздің абыройын асқақтатуда біздің жігіттерге сәттілік тілейміз!

Алға, Қазақстан! 💪🏻🇰🇿

#BirińdiQazaqBirińDos | #KFFTeam

«Қайрат» УЕФА Чемпиондар лигасының іріктеу кезеңіндегі алғашқы ойында тең ойнады

Словенияның Любляна қаласында өткен УЕФА Чемпиондар лигасының 1-іріктеу кезеңінің «Олимпия» – «Қайрат» ойыны 1:1 есебімен аяқталды. Дастан Сәтпаевтың 59-шы минутта соққан голы ел чемпиондарына сырт алаңдағы маңызды тең нәтиже сыйлады.

⏩ Қарымта кездесу Алматы қаласында 1 аптадан кейін, 15 шілде күні «Орталық» стадионда өтеді

#BirińdiQazaqBirińDos | #KFFTeam

🏖 Жағажай футболынан Қазақстан чемпионаты басталады

📍 Қонаев қаласы, Жамбыл көшесіндегі жағалау стадионы
📅 9-12 шілде
⚽️ 1-тур – 9 шілде, сәрсенбі

🕙 10:00 – Малайсары 🆚 J-liga
🕚 11:00 – Омега 🆚 Барқы
🕔 17:00 – Барыс 🆚 Малайсары
🕕 18:00 – Арман 🆚 Омега
🕖 19:00 – TK B&A 🆚 J-liga

🎥 Барлық матчтар KFF YouTube арнасында тікелей эфирде көрсетіледі

#KFF

⚡️ Барлығы қарымта матчта шешіледі

«Ордабасы» УЕФА Конференция лигасының іріктеу кезеңіндегі алғашқы ойынын өткізді.

Кутаиси қаласында өткен матчта шымкенттіктер соңғы минутта гол жіберіп, есе жіберді.

Бұл ойында ұлттық құраманың жігіттері Бекхан Шайзада, Сергей Малый, Ұлар Жақсыбаев, Сұлтанбек Астанов және Муроджон Халматов алаңға шықты.

Қарымта матч 17 шілде күні Шымкентте өтеді. Сенеміз, жігіттер! 💪🏻

#BirińdiQazaqBirińDos | #KFFTeam

🔥 Келесі кезеңге жолдама иегері Ақтөбеде белгілі болады

«Ақтөбе» УЕФА Еуропа лигасының іріктеу кезеңіндегі алғашқы ойынын өткізді.

Польшаның Варшава қаласында өткен матчтың тағдырын бірінші таймда соғылған жалғыз гол шешті.

Қарымта матч 17 шілде күні Ақтөбеде өтеді. Сенеміз, жігіттер! 💪🏻

#BirińdiQazaqBirińDos | #KFFTeam

⚡️ Нұрсұлтан Құрман – Қазақстан футзал қауымдастығының президенті

Қазақстан футзал қауымдастығының жаңа президенті қызметіне спорт менеджері Нұрсұлтан Құрман тағайындалды.

2023-2024 жылдары Нұрсұлтан Құрман Қазақстан футзал қауымдастығы президентінің орынбасары қызметін атқарды. Бұл кезеңде ол медиа стратегия мен коммуникация бағыттарына жетекшілік етті. 2025 жылдың қаңтарынан бастап Қазақстан футбол федерациясы президентінің кеңесшісі болды. Сонымен қатар, 2025 жылдың мамыр айында ҚФФ Атқарушы комитетінің құрамына енді.

Нұрсұлтан Құрман спорт саласында көпжылдық тәжірибеге ие. Ол Қазақстанның футбол және футзал чемпионаттарын ақпараттық жағынан тұрақты түрде қамтып, бірқатар арнайы медиа-жобаларды әзірлеу мен дамытуға қатысқан. Сондай-ақ ұлттық деңгейдегі турнирлерді ұйымдастыруға және бұқаралық футболды дамыту бастамаларын жүзеге асыруға белсене атсалысқан.

Нұрсұлтан Құрман жетекшілік ететін кезеңде Қауымдастық футзалдың институционалдық дамуын күшейтуді, турнирлердің географиясын кеңейтуді, өңірлік деңгейдегі қатысушылардың белсенділігін арттыруды және жарыстарды сапалы медиа сүйемелдеумен қамтамасыз етуді көздеп отыр.

Талғат Қосмұхамбетов Қазақстан футзал қауымдастығы вице-президенті қызметіне ауысады.

Тимур Кумашев пен Георгий Чеховский маусымның соңына дейін жұмысынан шеттетілді

ҚФФ Төрелік және инспекция департаментінің директоры Нуну Алешандре Паррейра де Каштру Қазақстан Премьер-лигасының 16-туры аясында өткен «Тұран» - «Қызылжар» матчындағы төрешінің даулы шешіміне байланысты ресми түсініктеме берді.

Төрелік және инспекция департаменті қоғамда үлкен резонанс тудырған эпизодты қарап, бас төреші Тимур Кумашев пен видеокөмекші Георгий Чеховскийдің келісілген ойындарға қатысы болуы мүмкін деген ҚФФ Интегрити офицерінің мәліметін зерттеді.

12 шілдеде өткен матчтың 84-минутындағы эпизод жан-жақты талданып, бейнематериалдар қаралды. Төрешілердің түсініктемелері мен сарапшылар пікірі тыңдалды.

Нәтижесінде «Тұран» қорғаушысы шабуылшыны екі қолымен ұстағаны анықталды. Алайда шабуылшының кейінгі әрекеті: әдейі құлау және шынайы жанасуға сай келмейтін симуляция ретінде бағаланды. 11 метрлік айып добын белгілеуге себеп болғанымен, бұл жағдайда ең дұрыс шешім – пенальти белгілемеу еді.

Бас төреші мен VAR тарапы эпизодты жеткілікті кәсіби деңгейде бағаламады. Сондай-ақ төрешілер бригадасының өзара үйлесімді әрекет етпеуі салдарынан негізсіз шешім қабылданғаны тіркелді.

Бұған қоса, Тимур Кумашев бұған дейін ҚФФ Интегрити офицерінің ұсынысымен бір айға төрешіліктен уақытша шеттетілген болатын. Ал Георгий Чеховскийге қатысты тергеу жүргізілгенге дейін оны да қызметінен шеттету ұсынылған.

Аталған екі тұлға да келісілген ойындарға қатысы бар деген күдікпен жүргізіліп жатқан тергеуге іліккен.

ҚФФ төрешілік жүйесіне деген сенімді сақтау және оның беделін қорғау мақсатында, сондай-ақ Интегрити офицерінің ұсынымына сәйкес:
– Тимур Кумашев 2025 жылғы маусымның соңына дейін ҚФФ аясындағы матчтардан шеттетілді.
– Георгий Чеховский 2025 жылғы маусымның соңына дейін ҚФФ аясындағы матчтардан шеттетілді.

https://kff.kz/kk/news/26889

Ойын ережелеріне сәйкес Премьер-лиганың 16-турындағы жекелеген ойын сәттеріне түсіндірмелер

Қазақстан футбол федерациясы Төрешілік және қадағалау департаментінің директоры Нуну Алешандре Паррейра де Каштру Премьер-лиганың 16-турындағы жекелеген ойын сәттеріне қатысты түсіндірме жариялайды.

Тұран – Қызылжар

85-минут – Қонақ команда шабуыл жасап жатқанда, оң жақ флангтан айып алаңына доп асырылды. Қонақ команданың қорғаушысы №15 доп келмей жатып шабуылдаушы №6 ойыншының қолынан ұстай бастайды. Доп келген сәтте ұстау тоқтайды, ал шабуылдаушы ойыншы допқа қарай секіріп, құлап түседі және сол қолымен допты ойнайды. Төреші жақын орналасып, пенальти белгіледі.

Бұл жеңіл ұстау болды және пенальти белгілеуге кейбір критерийлер орындалғанымен, жанасудың қарқыны жеткіліксіз. Нұсқаулық бойынша күшті әсер етпейтін жеңіл жанасулар үшін пенальти белгіленбеуі тиіс.

Дұрыс шешім – ойынды жалғастыру. VAR жоғарыдағы критерийлерге қарамастан қате түрде араласпады.

Тобыл – Оқжетпес

38-минут – Қонақ команданың №27 ойыншысы өте жылдам шабуыл кезінде қарсылас айып алаңына қарай допты алып келе жатады. Айып алаңының шетіне жақындаған кезде, шабуылшы допты қақпаға емес, басқа бағытқа бағыттайды, ал алаң иелерінің қорғаушысы №15 допқа сырғанай кіріп, қарсыласқа тимейді.

Төреші жақын тұрып, жағдайды бақылап, ойынды жалғастыруға дұрыс шешім қабылдайды.

VAR-дың араласпауы орынды, өйткені ереже бұзу болмады және гол соғуға нақты мүмкіндік жойылған жоқ.

40-минут – Қонақ команданың шабуылшысы №10 айып алаңында болған кезде, алаң иесінің қорғаушысы №5 артынан денесімен және қолымен итеріп, шабуылдаушыны құлатады.

Төреші жақсы позицияда болды және бірден пенальти белгіледі.

VAR-дың араласпауы – дұрыс шешім.

Ордабасы – Астана

67-минут – Доп үшін күрес кезінде қонақ команда ойыншысы №17 қарсыласы №45-ке қолымен желке/мойын тұсынан қарқынды түрде соққы жасап, допты ойнамай, тек арқасымен жанасады.

Төреші өте жақын жерде болып, жағдайды анық көріп, бірден сары қағаз көрсетеді, бұл ойыншының екінші ескертуі болғандықтан, қызыл қағазбен ойыннан шығарады.

VAR араласпағаны – дұрыс шешім.

Жеңіс – Жетісу

53-минут – Доп екі ойыншы арасында болғанда, алаң иесінің ойыншысы №87 аздап секіріп, аяғын жоғары көтеріп, қарсыласы №4-тің басына түзу аяқпен және шиптармен соғады. Бұл кезде қарсылас допқа таласу үшін алдында тұрған.

Төреші өте жақын тұрып, дұрыс позицияда болып, ойыншыға қарсылас денсаулығына қауіп төндіргені үшін бірден қызыл қағаз көрсетеді.

VAR араласпауы – дұрыс шешім.

https://kff.kz/ru/news/26892