Мәмлекетимиз басшысының усы жылы 5-апрельде «Жасларға жер ажыратыў арқалы олардың дәраматларын арттырыў ҳәм бәнтлигин тәмийинлеў, сондай-ақ, жаңа жер майданларын өзлестириў илажлары ҳаққында»ғы президент  қарары қабыл етилди.

Қарарға бола, район ҳәкимликлериниң резервиндеги 60 мың гектар жер майданы электрон онлайн аукцион саўдаларына қойылып, дийқан хожалықларын шөлкемлестириў ушын жасларға ижараға бериледи ҳәм аўыл хожалығы өнимлерин жетистириўден сатыўға шекемги шынжырды қамтып алатуғын төмендеги жаңа система енгизиледи.

Бүгин усы қарардың мазмун мәнисин жасларға кеңнен түсиндириў мақсетинде Кегейли районында семинар шɵлкемлестирилди. Оған, ϴзбекстан Республикасы ЎзДав жер жойбарлаў мәмлекетлик илимий жобаластырыў институты хызметкери И.Шукурбеков, район ҳәкими А.Камалов, тийисли шɵлкемлер ҳәм жер алыў ушын талапкер болған жаслар қатнасты.

Семинарда атап ɵтилгениндей,  жер майданларын ижараға бериў бойынша электрон онлайн аукцион саўдаларының жеңимпазларына жер участкасының баҳасын 10 жыл мүддетке тең үлеслерде процентсиз бөлип-бөлип төлеўге рухсат бериледи. Гиреў пулы БЕМниң 1 есеси (340 мың сум) муғдарында белгиленеди. Талапкерлерге 30 жыл мүддетке шекем киши лотларда «бир массив – бир өним» принципи тийкарында ижараға бериледи. Талапкерлерге ажыратылатуғын жер майданларының өлшемлери «мәҳәлле жетилиги» усынысына бола анықланатуғынлығы түсиндирилди.

Кегейли районы ҳәкимлигиниң мәлимлеме хызмети
👇👇👇
@kegeylirkuzofficial

#15_aprel_jer_mal_múlk

Mal-múlk hám jer salıqların 15-aprelden keshiktirmey tólewdi umıtpań❗️

📍Siz tólegen salıqlar puqaralardı sociallıq-ekonomikalıq qollap-quwatlawǵa hám elimiz párawanlıǵına xızmet etedi.

@kegeylirkuzofficial