Кегейли районы ҳәкимлиги хызметкерлери бирлемши медициналық көриктен өткерилди

Президент жанындағы Мәмлекетлик хызметин раўажландырыў агентлигиниң басламасы менен  Қарақалпақстан Республикасы Министрлер Кеңеси, Денсаўлықты сақлаў министрлиги менен биргеликте бүгин Кегейли районы ҳәкимлиги хызметкерлери бирлемши медициналық тексериўден өткерилди.

Онда, тийкарғы мақсет кеселликлерди ерте басқышта анықлаў ҳәм кеселликлердиң алдын алыў арқалы мәмлекетлик хызметшилердиң өз искерлигинде нәтийжеликке ерисиўин тәмийинлеўден ибарат. 

Медициналық тексериўлер даўамында шыпакерлер тәрепинен саламат турмыс тәризине әмел етиў, дурыс аўқатланыў, кеселликлердиң алдын алыў бойынша мәсләҳәтлер  берди.

Еслетип өтемиз, “Мәмлекетлик пуқаралық хызмети ҳаққында”ғы нызамда мәмлекетлик пуқаралық хызметшисине медициналық хызмет көрсетиў  социаллық қорғаў  илажы сыпатында кепилленген.

Кегейли районы ҳәкимлигиниң Мәлимлеме хызмети
@kegeylirkuzofficial‌‌

Бүгин Кегейли районы Мектепке шекемги ҳәм мектеп билимлендириў бөлиминде барлық мектеп директорларының руўхый-ағартыўшылық ислери бойынша директор орынбасарлары қатнасыўында ушырасыў болып ѳтти. Оған ҳәким орынбасары Г.Хожамбергенова қатнасты. Онда, сөзге шыққан тараў қәнигелери тәрепинен республикамызда әмелге асырылып атырған реформалар, диний кеңпейиллик ҳǝм миллетлерара татыўлықты беккемлеў, ең үлкен байлығымыз болған тынышлығымызды қәдирлеў, сондай-ақ ҳаял-қызларымыз тәрепинен түрли миллетлер мәдениятына еликлеген ҳалда кийиниўи, миллий үрп-әдетлеримизге жат болған иллетлердиң кирип келиўине жол қоймаў, бул бағдарда аймақларда жасы үлкен апаларымыздың ел-журт тәғдирине бийпарўа болмаўы, жәмийетте аўызбиршилик, қәнаат, шүкиршилик сезимлерин қәлиплестириўде белсенди пуқаралық позицияны күшейтиў мәселелери бойынша түсиник жумыслары алып барылып ѳз-ара пикир алмасылды. Ушырасыўда “Ҳаял тәғдири” атлы кинофильм қатнасыўшыларға қойып берилди.

Кегейли районы ҳәкимлигиниң Мәлимлеме хызмети
@kegeylirkuzofficial‌‌