#Руўхый_ағартыўшылық_фестивалы
#Мәденият_МПЖ

📖Китаплар акциясы өткерилди

Районымыз көлеминде өткерилип атырған "Руўхый-ағартыўшылық фестивалы"ның үшинши күни бүгин Мәденият мәкан пуқаралар жыйынында "Руўхыйлық үлесип" акциясы менен басланды.

Акция шеңберинде халық арасында китапқумарлықты кеңнен үгит-нәсиятлаў мақсетинде, аймақтағы бир қатар жаслар ҳәм нураныйларға руўхый-ағартыўшылық ҳәм көркем-эстетикалық талапларға жуўап беретуғын миллий ҳәм жәҳән әдебиятының ең ағла үлгилериниң жыйындысы есапланған китапларды тапсырды.

Кегейли районы ҳәкимлигиниң Мәлимлеме хызмети
@kegeylirkuzofficial

#Руўхый_ағартыўшылық_фестивалы
#Нурлы_бостан_МПЖ

"ИНСАН ҚӘДИРИ" ЖОЙБАРЫ НУРЛЫ БОСТАНДА

Сондай_ақ, фестиваль шеңберинде райондағы Нурлы-бостан мәкан пуқаралар жыйынындағы 9-санлы мектепте халқымыз арасында меҳир-муҳаббат ҳәм бирликти беккемлеў, қайыр-сақаўат, үлкенге ҳүрмет, кишиге иззет көрсетиў сыяқлы пазыйлетлерди жасларымыз санасына еле де сиңдириў арқалы жәмийетте саламат руўхый орталықты қәлиплестириўге қаратылған "Инсан қәдири" жойбары тийкарында руўхый-ағартыўшылық илажы өткерилди.

Илажда елимизге белгили жазыўшы, шайыр ҳәм мәденият тараўы ўәкиллери аймақ халқы менен ушырасып, елимизде"Инсан қәдири ушын" идеясы тийкарында әмелге асырылып атырған кең көлемли реформалардың барысы ҳаққында сәўбетлести ҳәм илаж музыкалы композициялар менен даўам еттирилди.

Кегейли районы ҳәкимлигиниң Мәлимлеме хызмети
@kegeylirkuzofficial