Жоқарғы Кеңес Баслығы «Имкон» шөлкеминдеги балаларды байрам мүнәсибети менен қутлықлады

«1-июнь – Халықаралық балаларды қорғаў күни» байрамы республикамыз бойынша орынларда кең түрде белгиленбекте.

Бүгин Нөкис қаласындағы «Имкон» реабилитация орайына ийе мәмлекетлик көп тармақлы қәнигелестирилген мектепке шекемги билимлендириў шөлкеминде сәне мүнәсибети менен байрам илажы болып өтти.

Онда Қарақалпақстан Республикасы Жоқарғы Кеңесиниң Баслығы Аманбай Орынбаев қатнасып, бул жерде тәрбияланып атырған балаларды байрам мүнәсибети менен қутлықлады.

Айтып өтиў орынлы, бүгинги күнде елимизде Ҳүрметли Президентимиздиң басшылығында жаслардың, балалардың билим алыўы, саламатлығының беккем болыўы, баркамал инсан болып камалға келиўи ушын көплеген ийгиликли ислер әмелге асырылмақта. Ең шетки аймақларда да заманагөй балалар бақшалары, мектеплер, мәденият ҳәм спорт объектлери пайдаланыўға тапсырылып атыр.

Елимизде ҳеш бир бала итибардан шетте қалмайды. Аралбойы балалары ушын арнаўлы қурылған бул реабилитация орайына ийе балалар бақшасында да бир қатар тәрбияланыўшылар оқып, билим алмақта. Сондай-ақ, саламатлығын тиклеп атыр. Балалар ушын барлық қолайлы шараятлар жаратылған. Олардыӊ саламатлығы турақлы қадағалаўға алынған ҳәм тәжирийбели медицина хызметкерлери менен педагог устазлар күн-түни аянбай мийнет етпекте.

“Имкон” шөлкеминде өткерилген илажда Жоқарғы Кеңес Баслығы тәрепинен балаларға байрам мүнәсибети менен саўғалар тапсырылды.

Байрам илажы балалардың атқарыўындағы концерт бағдарламасы менен даўам етти.


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

Енди прокурордың  қабыллаўы ҳәр бир ауылда ɵткериледи

Хабарыңыз бар, алдынлары ɵткерилетуғын кабыллаўлар аўыллар ушын орталық болған мектеп имаратларында ɵткерилетуғын еди. Ал, енди район прокуроры, 2-сектор баслығы И.Абдуллаевтың пуқаралар менен ушырасыўы ҳәм машқалаларын үйрениў жумыслары ҳәр бир аўылда ɵткериледи. Усыған тийкар, бүгин Жаңабазар аўыл пуқаралар жыйынының Қылкалы аўылында ɵткерилди. Бул аўылда 30 ға жақын хожалықлар бар болып, бүгин олар сектор баслығы менен жүзбе-жүз сәўбетлесип, аймақтағы машқалаларды айтып, усынысларын билдириў имканиятына ийе болды. Аўыл халқының айтыўына қарағанда бул аймақта үй алды қыйтақ жерлерин суўғарыў ушын суў менен тәмийинлеў,  электр тәмийнатын жақсылаў ушын ески бағаналарды жаңасына алмастырыў сыяқлы басқа да машқалалар бар екен. Айтылған мәселелер бойынша сол орынның ɵзинде тийисли тараў басшылары тәрепинен үйрениў жумыслары алып барылып, тийисли жуўаплар берилди.

Кегейли районы ҳәкимлигиниң Мәлимлеме хызмети
@kegeylirkuzofficial