ЖҮЗИМБАҒ АЎЫЛ ПУҚАРАЛАР ЖЫЙЫНЫНДА УШЫРАСЫЎ БОЛДЫ

Бүгин район ҳәкимине бириктирилген 1-секторға қараслы Жүзимбағ аўыл пуқаралар жыйынында район ҳәкиминиң биринши орынбасары М.Ниязовтың қатнасыўында аймақ турғынларының мүрәжатларын қабыл етиў ҳәм ашық сәўбетлесиў мақсетинде ушырасыў шөлкемлестирилди.

Дәслеп аўыл турғынларына аймаққа бекитилген ҳәким жәрдемшиси тәрепинен аймақта исбилерменлик раўажландырыў арқалы жумыссыз пуқаралардың бәнтлигин тәмийинлеў бағдарында усы күнге шекем әмелге асырған жумыслары ҳаққында мағлыўмат берилди.

Буннан соң, сөз нәўбети пуқараларға берилип, олар өзлерин қыйнап киятырған ишимлик суўы, жол қурылысы ҳәм оңлаў, электр тәмийнаты ҳәм тәбийий газ тармағына тийисли болған турмыслық машқалаларын атап өтти.

Мүрәжатлар тийисли тараў басшылары менен сол орынның өзинде талықланды ҳәм орынларға шыққан ҳалда үйрениў жумыслары алып барылды.

Кегейли районы ҳәкимлиги Мәлимлеме хызмети
@kegeylirkuzofficial

Жүзимбағ аўыл пуқаралар жыйынында өткерилген қабыллаўдан соң, келип түскен мүрәжатлардың айырымлары ҳәким орынбасарлары ҳәм тийисли тараў ўәкиллери тәрепинен орынларға шыққан ҳалда үйренилип шығылды.

Атап айтқанда, аймақта шаңарақлық балалар бақшасын шөлкемлестириў, нан ҳәм кондитер өнимлерин ислеп шығарыўды жолға қойыў алдында турған исбилерменлердиң жеңиллетилген кредит қаржыларын ажыратыў ҳәм исбилерменлик имаратын электр энергиясы менен тәмийинлеўде әмелий жәрдем сораған мүрәжатларына унамлы шешим табыў мақсетинде ишки имканиятлары үйренилди.

Сондай-ақ, аймақтағы Қайшылы аўылында электр бағаналарының жарамсыз аўҳалынан келип шығып, ески бағаналарды жаңасына алмастырыў бойынша еткен пуқаралардың усынысы районлық Электр тәмийинлеўши кәрханасы жуўапкерлери тәрепинен үйренилип шығылып, машқаланы сапластырыў ушын усы жылдың август айында арнаўлы бағдарлама тийкарында бул аўылға 108 дана жаңа бетон бағаналар орнатылатуғынлығы түсиндирилди.

Кегейли районы ҳәкимлигиниң Мәлимлеме хызмети
@kegeylirkuzofficial