Бүгин Халық депутатлары Кегейли районлық Кеӊесиниӊ гезектеги 48-сессия мәжилиси болып өтти. Сессия мәжилисине район ҳәкиминиң орынбасарлары, район сектор басшылары, мәкемелер ҳәм жәмийетлик бирлеспелер баслықлары, ғалаба хабар қураллары ўәкиллери қатнасты.
Сессия күн тәртибинде төмендеги мәселелер көрип шығылды.
1. Пуқаралар жыйынлары баслықлары (ақсақаллары) сайлаўына таярлық көриў ҳәм оны өткериў илажлары ҳаққында.
2. Кегейли районы аймағында жайласқан аўылларды, мәҳәллелерди секторлар кесиминде қайта бөлистириў ҳаққында.
3. Халық депутатлары Кегейли районлық Кеңесиниң 2021-жыл 29-декабрьдеги VI-42-79-13-184-К/21-санлы шешимине өзгерислер киргизиў ҳаққында.

4. Аўыл хожалығына мѳлшерленген жер майданларынан нәтийжели пайдаланыў, аймақларды қәнийгелестириў, резервтеги бос турған жер майданларын аўыл хожалығы кәрханалары яки дийхан хожалықларын шѳлкемлестириў ушын ашық электрон таңлаўға шығарыў бойынша усынылған жойбарларды тастыйықлаў ҳаққында.
5. «Сақаўат ҳәм көмек» жамғармасы қаржылары есабынан материаллық жәрдем ажыратыў ҳаққында. Сессияныӊ күн тәртибиндеги көрип шығылған мәселелер бойынша тийисли шешимлер қабыл етилди.

✍️Кегейли районы ҳәкимлигиниң Мәлимлеме хызмети
@kegeylirkuzofficial

Бүгин Кегейли районы «Жалпақ-жап» АПЖ аймағында жайласқан 36-санлы улыўма орта билим бериў мектеби мәжилислер залында аймақ пуқаралары менен ушырасыў өткерилди. Ушырасыўға Өзбекстан Республикасы Олий Мәжлис Нызамшылық палатасы депутаты Б.Алдамуратов, Кегейли районы Мәҳәлле ҳәм Нураныйларды қоллап-қуўатлаў бөлими баслығы, ЎзЛиДеП Кегейли районлық Кеӊеси баслығы А.Сейтимбетов, ЎзЛиДеП Кегейли районлық Кеӊеси аппарат баслығы Б.Искендеровлар мәҳәллелердеги ҳәким жәрдемшилери ҳәм жаслар жетекшилери жумыслары менен жақыннан танысты. Ушырасыў даўамында депутат Б.Алдамуратов «2022-2026 жылларға мѳлшерленген Жаӊа Өзбекстанның раўажланыў стратегиясы" бағдарламасы ҳәм бағдарламада 2022-жылда әмелге асырылыўы белгиленген мәмлекетлик реформалар ҳаққында жәмийетшиликке кең түсиник берди.
Буннан соӊ пуқаралар өзлериниӊ қызықтырған сораўлары, машқалалары ҳәм усынысларын билдирди. Ушырасыўда депутат өз ўәкиллиги бойынша әмелий жәрдем бериўин айтып өтти.

✍️Кегейли районы ҳәкимлигиниң Мәлимлеме хызмети
@kegeylirkuzofficial

#Бүгин
#Жасыл_мәкан
#Әҳмийетли_40_күн

ОРЫНЛАНЫЎЫ КЕРЕК ЎАЗЫЙПАЛАР АТАП ӨТИЛДИ

Кегейли районы ҳәкими Д.Утемуратов басшылығында сектор басшылары, райондағы мәкеме ҳәм шɵлкем, бирлеспелер баслықларының қатнасыўында гезектеги штаб жыйналысы болып ɵтти.

Тийкарғы мәселе «Жасыл мәкан» әҳмийетли 40 күн акциясы бойынша ҳәр турли декаратив ҳәм мийўели тереклер егиў, жап салмаларды тазалаў бәҳәрги егин жумысларын жолға қойыў ҳаққында айтып ɵтти.

Жыйналыста ҳәр бир аймақта ҳәким жәрдемшилери тәрепинен күн даўамында орынланыўы тийис болған жумыслар бойынша тапсырмалар берилди.

Сондай-ақ, район ҳәкимлиги тәрепинен ҳәр күнги штаб мәжилислеринде берилген тапсырмалардың орынланыўы бойынша тийисли тараў басшыларынан мағлыўматлар соралды.

Кегейли районы ҳәкимлигиниң Мәлимлеме хызмети
@kegeylirkuzofficial