Мектеп питкериўшилерине алтын ҳәм гүмис медаллар тапсырылды

Быйылғы 2023-2024-оқыў жылында Кегейли районлық МШҳМББ қараслы улыўма орта билим бериў мектеплериниң 11-класын 794 оқыўшы питкерди. Бул питкериўшилерден айрықша баҳаларға оқығанлығы, үлгили минез қулқы ҳәм жәмийетлик жумысларда белсендилик көрсеткенлиги ушын 20 питкериўши “Алтын” ҳәм 5 питкериўши “Гүмис” медалларға усынылды. Атап айтқанда, “Алтын медаль”ға 1-санлы мектептен 1 питкериўши, 2-санлы мектептен 2 питкериўши, 9-санлы мектептен 7 питкериўши, 14-санлы мектептен  4 питкериўши, 22-санлы мектептен 2 питкериўши ҳәм 55-санлы мектептен 4 питкериўши ылайық деп табылған болса, “Гүмис медаль”ға 12-санлы мектептен 2 питкериўши, 14-санлы мектептен 1 питкериўши ҳәм 22-санлы мектептен 2 питкериўши ылайық болды. Бүгин район ҳәкими А.Камалов ҳәм сектор басшыларының қатнасыўында медальлар мектеп питкериўшилерине салтанатлы тәризде тапсырылды.

Кегейли районы ҳәкимлигиниң Мәлимлеме хызмети
👉@kegeylirkuzofficial👈