🧤 #Kegeyli_95_jıl
🧤 #Múbárek_bolsın

⛰ Kegeyli rayonı menen teń, 95 jastı qarsılaǵan Allamuratova Shashlıbiyke áje menen Qánigelestirilgen mektep oqıwshıları ushırasıp, teberik insannıń pátiyasın aldı.

⛰ Shashlıbiyke ájeniń rayonımız rawajlanıwında tutqan ornı ayrıqsha. Ol urıs jıllarınıń mashaqatlı asırımların tıldaǵı miynette, xalıqqa ayanbay xızmet etip ótkizdi.

⛰ Urıstan sońǵı jıllardaǵı qıyın dáwirlerde qayta tiklenip úlgermegen ekonomikanı, xalıq xojalıǵın rawajlandırıwda eren erlikler kórsete aldı.

Sizlerde kóp tájireybeli atalar,
Ǵarrı-jası at salsa jumıs baslanar,
Tabısıńa dos yaranlar shadlanar,
Jeńip shıqtı Kegeyliniń márt xalqı.

Sadıq Nurımbetov

⛰ Shashlıbiyke áje qosıqta aytılǵanınday naǵız márt analarımızdıń, jigerli hayal-qızlarımızdıń biri boldı.

⛰ Ájemizdiń hám Rayonımızdıń ómiri ziyada bolsın, rawajlanıwlar sheksiz bolǵay!

Telegram 🕊 Instagram 🕊
Facebook 🕊 You Tube 🕊

#КЕГЕЙЛИ_95_ЖАСТА

"Әндижан ўәлаяты ҳәкими кубоги" ушын

Кегейли районы шɵлкемлестирилгенлигиниң 95 жыллығы мүнәсибети менен бүгин районда «Әндижан ўәлаяты ҳәкими» кубоги ушын жуўырыў марофоны ɵткерилди.  Марафонға 100 ге жақын жаслар, ҳаял-кызлар, ерлер ҳәм нураныйлар қатнасты.  Марафон жеңимпазлары Әндижан ўәлаяты ҳәкими кубоги ҳәм баҳалы саўғалар менен сыйлықланды.

Кегейли районы ҳәкимлигиниң Мәлимлеме хызмети

Каналға ағза болыў: @kegeylirkuzofficial‌‌

#КЕГЕЙЛИ_95_ЖАСТА

ӨТКЕН МӘРТ АЗАМАТЛАР ЯД ЕТИЛДИ

Бүгин Кегейли районы дүзилгенлигиниң 95 жыллығы байрамы шеңберинде, дәслеп, район орайында жайласқан "Ҳәсиретли ана" естелигине гүлшеңбер қойыў мәресими өткерилди. Елимиздиң тынышлығы, халқымыздың аманлығы, Кегейли районының бүгингидей гүллеп-жаснаўы ушын мәртлик еткен ер азаматларымыздың атлары тилге алынып, олардың руўхларын шад етиў мақсетинде қураны-кәрим сүрелери оқылды ҳәм  басланып атырған байрамның даўамлы болыўы ушын  жақсы тилеклер билдирилди.

Кегейли районы ҳәкимлигиниң Мәлимлеме хызмети
@kegeylirkuzofficial