"Мәртебең бәлент болсын ана тилим"

Кегейли районы Мәлимлеме китапхана орайында 1-декабрь Қарақалпақ тилине мәмлекетлик тил бийлиги берилген күни байрамы алдынан "Мәртебең бәлент болсын ана тилим" атамасында байрам кешеси ҳәм Қарақалпақ тилиниң түсиндирме сөзлиги китабын таныстырыў кешеси болып өтти. Онда Кегейли районы ҳәкиминин мәслаҳәтшиси К.Жиемуратов, УзЛиДеп Партиясы Кегейли районлық Кеңеси баслығы Б.Искендеровлар шығып сөйлеп, кеше қатнасыўшыларын елимиздиң уллы байрамларының бири болған Қарақалпақ тили  байрамы менен қызғын қутлықлады ҳәм тилимиздиң тазалығын сақлаўда VII томлық Қарақалпақ тилиниң түсиндирме сөзлиги китабының баспадан шығыўы елимиз тарийхында жүдә үлкен әҳмийетке ийе болғанлығын айрықша атап өтти. Мағлыўмат ушын: VII томлық Қарақалпақ тилиниң түсиндирме сөзлиги китабы  мәлимлеме китапхана орайына тапсырылды ҳәм китап қумарлар ушын үлкен саўға болды.

Кегейли районы ҳәкимлигиниң Мәлимлеме хызмети

Каналға ағза болыў: @kegeylirkuzofficial‌‌

#Камалак_жулдызлары

Бүгин Кегейли районында “Камалак жулдызлары” балалар дөретиўшилик фестивалының районлық басқышы болып өтти.

Балалар дөретиўшилик фестивалының Кегейли районлық басқышында қатнасыўшылар сүўретлеў өнери-графика,  реңли сүурет,  әмелий қол өнери,  зергерлик,  қурақшылық,  жумсақ ойыншықлар,  нағыс соғыў,  кесте тоқыў арқалы өз  қарсыласлары менен беллести. Сондай-ақ, қатнасыўшылар вокал-дәстүрий ҳәм академиялық атқарыў шеберлиги,  эстрада,  фольклор,  миллий саз әсбапларын шертип миллий ҳәм заманагөй қосықларды атқарыў,  миллий аяқ ойын, дүнья халықларының миллий аяқ ойынлары ҳәм заманагөй аяқ ойынларды атқарыў  арқалы өз-ара беллести.

Фестиваль жуўмағында Кегейли районлық басқышында жеңимпазлар анықланып,  шөлкемлестириўшилер тәрепинен таярланған дипломлар ҳәм баҳалы саўғалар менен сыйлықланды. Бунда жеңимпаз болғанлар таңлаўдың Қарақалпақстан Республикасы басқышына жоллама алды.

Кегейли районы ҳәкимлигиниң Мәлимлеме хызмети

Каналға ағза болыў: @kegeylirkuzofficial‌‌