КЕГЕЙЛИДЕ: 47 жас өзин-өзи бәнтледи

Жасларды ҳәр тәреплеме қоллар-қуўатлаў, олардың машқалаларын өз ўақтында анықлаў ҳәм шешиў, қалаберсе, әмелий жәрдемлер арқалы бәнтлигин тәмийинлеў мақсетинде қәлиплестирилген "Жаслар дәптери" не киргизилген жаслардың турмысында бүгин унамлы өзгерислер болмақта.

Усы тийкарда, бүгин, районда дәптерге киритилген 47 жасқа өзлериниң қызыўшылығы ҳәм уқыбынан келип шыққан ҳалда өзин-өзи бәнтлеўи ушын "Жаслар дәптери" қоры есабынан зәрүрли әсбап-үскенелери алып берилип тапсырылды.

Илажға район ҳәкими Д.Утемуратов ҳәм сектор басшылары қатнасты. Олар өз сөзинде жасларға жаратылып атырған имканиятлардың әмелдеги мысалы сыпатында тапсырылып атырған үскенелер олардың өмиринде үлкен исбилерменликке жол ашып берип, жетискенликке тийкар болып хызмет етиўин тиледи.

✍Кегейли районы ҳәкимлигиниң Мәлимлеме хызмети
➡@kegeylirkuzofficial

#Инсан_қәдири_ушын

Кегейлиде "Инсан саламатлығы" акциясы өткерилди

Бүгин район Медицина бирлеспесине қараслы 69-санлы шаңарақлық поликлиникасында Республика қәнигелестирилген илимий-әмелий медицина орайының Қарақалпақстан Республикасы аймақлық филиалларының тәжирибели шыпакерлериниң қатнасыўында "Инсан саламатлығы" сүрени астында қайыр-сақаўат акциясы тийкарында бийпул медициналық тексериў шөлкемлестирилди.

Акцияда наўқаслығы бар пуқаралар мобиль рентгенография автотранспорт, 1 мобиль клиника (УЗИ, офтальмология) үскенелеринен тексериўден өткерилип шыпакерлер тәрепинен наўқасларға анық диогноз қойылды ҳәм 263 пуқара медициналық тексериўден өткерилди.

Өткерилген көрик нәтийжелерине көре, шыпакерлер тәрепинен усыныслар билдирилип, жағдайы аӯыр операция етиӯге ҳәм дәри –дәрмағы ушын жәрдем бериӯге мүтәж болған наӯқаслардың дизимлери қәлиплестирилип, 42 түрдеги дәри-дәрмақлар бийпул тарқатылды.

Кегейли районы ҳәкимлиги Мәлимлеме хызмети

Каналымызға ағза болың : 👉@kegeylirkuzofficial

«Халқабад дийхан базары»нда түсиндириў жумыслары алып барылды

Толық оқыў👉https://kegeyli.uz/15959.html

Кегейли районы ҳәкимлиги Мәлимлеме хызмети

Каналымызға ағза болың : 👉@kegeylirkuzofficial

КЕГЕЙЛИДЕ "БОС ЖУМЫС ОРЫНЛАРЫ" МИЙНЕТ ЯРМАРКАСЫ ӨТКЕРИЛДИ

Бүгин районы 11-санлы Балалар музыка ҳәм көркем-өнер мектебинде район ҳәкимлиги, районлық Прокуратура, Мәжбүрий орынлаў бюросы ҳәм Ҳалық бәнтлигине көмеклесиў орайы менен биргеликте алимент төлемлеринен қарыздарлықлары бар болған ҳәм жумыссыз пуқарарлар ушын нәўбеттеги бос жумыс орынлары ярмаркасы болып өтти.

Ярмаркада сөзге шыққанлар, өткерилип атырған илаждың мақсетине кеңнен тоқталып өтти.

Ярмарка даўамында райондағы 62 мәкеме өзлеринде бар болған 194 бос жумыс орынлары менен қатнасты ҳәм 40 тан аслам жумыссыз пуқаралар қамтып алынды.

Ярмарка жуўмағы менен, 4 пуқараға мийнет мүнәсибетлери бойынша ҳуқықый мәсләҳәтлер берилип, 5 пуқара кәсипке қайта таярлаў жөнелисине жоллама алды. 18 пукараға бос жумыс орынларына жоллама берилди.

Кегейли районы ҳәкимлиги Мәлимлеме хызмети

Каналымызға ағза болың : 👉@kegeylirkuzofficial

YARMARKADA KÓSHPELI XÍZMETLER KÓRSETILDI

Búgin rayonda ótkerilgen "Bos jumıs orınları" yarmarkası dawamında Ádillik bólimi, mámleketlik xizmetler orayı xızmetkerleri tárepinen jaslarǵa mámleketlik xızmetlerden onlayn tárizde paydanıwdaǵı belgilengen jeńillikler boyınsha, sonday-aq, sońǵı ózgerisler haqqında, yaǵnıy, elektron sanlı imza talap etilmey, barlıq túrdegi kompyuter hám mobil qurılmalardan mámleketlik xızmetlerinen paydalanıw imkániyatı MOBILE ID – sistemasınan paydalanıw tártibi boyınsha túsinik jumısları alıp barıldı.

Yarmarka sheńberinde oray xızmetlkerleri tárepinen puqaralarǵa 30 dan aslam kóshpeli mámleketlik xizmetler кórsetildi.

Kegeyli rayonı hákimliginiń Málimleme xızmeti
@kegeylirkuzofficial