Бүгин, 1-июнь-Халықаралық балаларды қорғаў күни

Өмиримиздиң мазмуны, шаңарағымыздың куўанышы, миллетимиздиң даўамшылары болған перзентлеримиз шадлы күлкиси, бахытлы балалығы ҳәр бир инсанға, ҳәр бир ата-анаға тәкирарланбас бахыт инәм етеди.

Бүгин 1-июнь Халық аралық балаларды қорғаў күни. Сәне мүнәсибети менен райондағы пайызлы орынлардың биринде байрам салтанаты болып өтти.

Онда район ҳәкими Д.Утемуратов сөзге шығып, ғәрезсиз елимиздиң бахытлы балаларын бүгинги байрам менен кутлықлап, жақсы тилеклерин билдирди.

Соңынан байрам қатнасыўшыларына район ҳәкимлиги ҳәм районлық МШББ тәрепинен таярланған саўғалар тапсырылды.

Сондай-ақ, бақша тәрбияланыўшылары тәрепинен таярланған концерт бағдарламасы жыйналғанлардың нәзерине усынылды.

Балалар тәрепинен гирбиңсиз балалығына сай болған аяқ ойынлары ҳәм аткарған қосықлары кешеге өзгеше сән бағышлады.

Мағлыўма ушын, бүгинги күнде Кегейли районында 3-7 жас балалар саны 5617 баланы қурайтуғын болса, соннан, 13 мәмлекетлик мектепке шекемги билимлендириў, 3 мәмлекетлик жеке шерикшилик тийкарындағы, 45 шаӊарақлық мәмлекетлик емес мектепке шекемги билимлендириӯ шөлкемлеринен жәми 61 мектепке шекемги билимлендириў шөлкемлери 4066 тан аслам район балаларының келешеги ушын хызмет етпекте.

Кегейли районы ҳәкимлигиниң Мәлимлеме хызмети
@kegeylirkuzofficial