🌓7-сентябрь күни толық Ай тутылыўы ҳәдийсеси бақланады

🌖Усы жылдың 7-сентябрь күни Жер жүзиниң адамлары қызықлы астрономиялық ҳәдийселердиң бири – толық Ай тутылыўын бақлаўы мүмкин. Бул тутылыў толық Ай тутылыўы есапланып, тутылыўдың толық фазасында Айдың бети 100 процент Жердиң саясында болады. Ай тутылыўының толық фазасы 1 саат 22 минут даўам етип, тутылыўдың улыўма даўамлылығы болса 3 сааттан көп ўақыт даўам етеди.

✅Өзбекстан Республикасы Илимлер Академиясы Улығбек атындағы Астрономия институтының мәлим етиўинше, Өзбекстанда 7-сентябрь күни Ташкент ўақты менен саат 21:27 де үлесли Ай тутылыўы, ал саат 22:30 да болса толық Ай тутылыўы басланады.

🔸Толық фазалы Ай тутылыўы 1 саат 22 минут даўам етеди. Саат 23:11 де толық фазалы Ай тутылыўы максимум фазасына жетеди, саат 23:52 де болса толық фазалы тутылыў жуўмақланады. 8-сентябрь саат 00:56 да үлесли Ай тутылыўы да жуўмақланады. Ай тутылыўы улыўма 5 саат 26 минут даўам етеди.

🔹Тутылыў даўамында Айдың горизонттан бийиклиги Қарақалпақстан Республикасы аймағында тутылыў басланғанда 21 градус (мүйешлик), тутылыўдың максимал фазасында 30 градус (мүйешлик) ҳәм тутылыў жуўмақланыў алдында болса 38 градусты (мүйешлик) қурайды.

↪️Мағлыўмат орнында атап өтиў керек, Ай тутылыўын бақлаў ушын арнаўлы үскенелер талап етилмейди ҳәм әпиўайы (қуралланбаған) көз бенен бақлаў мүмкин. Ай тутылыўын бақлаў Қуяш тутылыўынан парқлы түрде, Айдың толық тутылыўын бақлаў ушын ҳеш қандай арнаўлы үскенелерди талап етпейди. Айдың тутылыўын қуралланбаған көз бенен бақлаў қәўипсиз.

©️Karinform.uz

Telegram|Instagram|Facebook|Youtube