Көп балалы шаңарақ деп қандай шаңараққа айтылады?

Өзбекстан Республикасы Шаңарақ кодексиниң 41-статьясына муўапық, төрт ҳәм оннан көп он сегиз жасқа толмаған баласы болған шаңарақ көп балалы есапланады.

Толық оқыў ушын 👉 https://karinform.uz/kk/article/12697


Тelegram|Instagram|Facebook|Youtube

❗️2-январь да дем алыс күни деп жәрияланды

Бул бойынша Президент қарары қабыл етилди. Оған бола, бес күнлик жумыс ҳәптесинде ислейтуғын хызметкерлер ушын дем алыс күни 4-январь – шемби күнинен 2-январь – пийшемби күнине көширилди ҳәм алты күнлик жумыс ҳәптесинде ислейтуғынлар ушын 2-январь – қосымша дем алыс күни деп белгиленди.

Яғный, Жаңа жылда алты күнлик жумыс ҳәптесинде ислейтуғынлар 5 күн, бес күнлик жумыс ҳәптесинде ислетуғынлар 6 күн дем алады:

✅ 28-декабрь (шемби) – 6 күнликлер ушын жумыс күни, 5 күнликлер ушын дем алыс;

✅ 29-декабрь (екшемби) – ҳәмме ушын дем алыс күни;

✅ 30-декабрь (дүйшемби) –6 күнликлер ушын қосымша дем алыс күни, 5 күнликлер ушын 14-декабрь күнинен көширилген дем алыс күни;

✅ 31-декабрь (сийшемби) – ҳәмме ушын қосымша дем алыс күни;

✅ 1-январь (сәршемби) – Жаңа жыл байрамы;

✅ 2-январь (пийшемби) – 6 күнликлер ушын дем алыс күни, 5 күнликлер ушын 4-январь (шемби) күнинен көширилген дем алыс күни.

Telegram|Instagram|Facebook|Youtube

Ҳиндстан ғәрезсизлигиниң 100 жыллығы мүнәсибети менен Айға космонавт жибереди

Ҳиндстан 2040-жылға шекем Айға ҳинд астронавтын қондырыўға қаратылған үлкен космик бағдарламаны иске түсирди.

Бул ҳаққында Ҳиндстан космик изертлеўлер шѳлкеми баслығы Шридхара Соманат мәлим етти.

«Ғәрезсизлигимиздиң 100 жыллығын байрамлағанымызда Айда Ҳиндстан байрағы желбирейди. Бизиң адамымыз ол жерге барып, байрақты орнатып қайтады. Бул 2040-жылда болады» – деди ол.

«Космос бағдарламасы тарийхында биринши мәрте биз келеси 25 жылға мѳлшерленген анық режеге ийе боламыз» – деп қосымша етти Шридхара Соманат.

Оның сѳзлерине бола, бул жол картасы шеңберинде Ҳиндстан 10 жыл ишинде ѳзиниң космик станциясын жаратыўды режелестирмекте. Буның ушын 2028-жылда космик станция модули иске қосылады.

Telegram|Instagram|Facebook|Youtube

Қазақстанда жолаўшы самолёты қулап түсти

Қазақстанның Ақтаў қаласында Бокудан Грознийға ушып баратырған жолаўшы самолёты қулап түсти. Бул ҳаққында Tengrinews хабар берди.

Ўақыя орнына Қазақстан Айырықша жағдайлар министрлигиниң 52 жеке қурамы ҳәм 11 техника жетип келген. Самолёт қулап түскеннен кейин ѳрт басланған.

Қутқарыў бѳлимлери ѳртти ѳшириўге кирискен. Жәбирленгенлер ҳаққындағы мағлыўматларға анықлық киргизилмекте, тири қалғанлар бар.

Апатқа ушыраған самолёт Azerbaijan Airlines авиакомпаниясына тийисли болған. Бортта 67 жолаўшы ҳәм бес экипаж ағзасы болғанлығы айтылмақта.

Telegram|Instagram|Facebook|Youtube

⚡️1-январьдан балалар бақшасы ушын төлем арттырылады

Мектепке шекемги билимлендириў шөлкемлеринде балалар тәмийнаты ушын төлемниң жаңа муғдарлары тастыйықланды.

Өзбекстан бойынша 2025-жыл 1-январьдан баслап балалар бақшасы ушын төлем орташа 8,5 - 10,8%ке көбейеди.

Еслетип өтемиз, ақырғы мәрте баҳалар усы жылдың июнь айында орташа 18,7 - 21%ке көтерилген еди.

Telegram|Instagram|Facebook|Youtube

ТАЙЫНЛАЎ

Исмаилов Қадирбай Сапарниязович - Қарақалпақстан Республикасы Мектепке шекемги ҳәм мектеп билимлендириў министрлигиниң Руўхий-ағартыўшылық ислери бойынша министр орынбасары лаўазымына тайынланды.

Қ.Исмаилов усы күнге шекем Қарақалпақстан Республикасы Мектепке шекемги ҳәм мектеп билимлендириўи министрлиги жанындағы «Бәркамал әўлад» балалар мектеби директоры лаўазымында ислеген.

Telegram|Instagram|Facebook|Youtube

ТАЙЫНЛАЎ

Шлымбетова Мухаббат Емжаровна - Қарақалпақстан Республикасы Мектепке шекемги ҳәм мектеп билимлендириўи министрлигиниң Мектепке шекемги билимлендириў мәселелери бойынша министр орынбасары лаўазымына тайынланды.

М.Шлымбетова усы күнге шекем бир қатар жуўапкершиликли лаўазымларда ислеп келген.

Telegram|Instagram|Facebook|Youtube

❗️Әзербайжан 26-декабрьди Қазақстандағы самолёт апатшылығы қурбанларының естелигине бағышлап аза тутыў күни деп жәриялады, деп хабар берди Daryo.uz.

Telegram|Instagram|Facebook|Youtube

«Европа мәмлекетлери жоқ болып кетиў қәўпи астында» – Илон Маск

Европа мәмлекетлери, тийкарынан, Германия ҳәзир туўылыўдың төменлиги себепли жоқ болып кетиў алдында турыпты. Бундай пикирди SpaceX ҳәм Tesla тийкаршысы, америкалық миллиардер Илон Маск X социаллық тармағындағы бетинде жазып қалдырған.

«Олар (Германия ҳәм басқа Европа мәмлекетлери) жоқ болып кетиў қәўпи астында» – деди ол.

Маск алдынырақ адамзат үлкен демографиялық кризис қәўпине дус келип атырғаны, буның нәтийжесинде пүткил халықлар жоқ болып кетиўи мүмкин екенлиги ҳаққында ескерткен еди.

Маск Италия, Франция ҳәм Япония мәдениятлары да қәўип астында екенлигин айтты.

Telegram|Instagram|Facebook|Youtube

Енди робот пенен адамды парықлай алмайсыз

Полшаның Clone стартабы денеси адамдикине уқсаған робот-хызметкерди жаратып атыр. Бул ҳаққында Ict.xabar.uz хабар берди.

Роботлар әллеқашан жасалма булшық етлер, ҳәрекетлениўши күш ҳәм синтетикалық тери менен қапланған денеге ийе. Стартапшылар жақын келешекте аяқлары болыўын ўәде етпекте.

Олар 2025-жылда-ақ Андроидларды үй жәрдемшисине айландырып, сатыўды баслайжақ, бирақ еле баҳасы жәрияланбаған.

Telegram|Instagram|Facebook|Youtube

Театрлардың 26-декабрь, пийшемби күнги репертуарлары менен танысың:

➖Бердақ атындағы Қарақалпақ мәмлекетлик академиялық музыкалы театры

Аты: «Саўға»
Ўақты: 17:00;

➖ Қарақалпақ мәмлекетлик жас тамашагөйлер театры

Аты: «Сыйқырлы дән»
Ўақты: 10:00;

➖ Қарақалпақ мәмлекетлик қуўыршақ театры

Аты: «Жаңа жыл тамашалары»
Ўақты: 15:00.

Telegram|Instagram|Facebook|Youtube

Қарақалпақстан илимий-әмелий медицина академиясы шөлкемлестириледи

«Қарақалпақстан илимий-әмелий медицина академиясын шөлкемлестириўге байланыслы ис-илажлар ҳаққында»ғы Президент қарары (ПҚ-453-санлы, 24.12.2024) қабыл етилди.

Қарарға муўапық, төменлегилер шөлкемлестириледи:

➖Юридикалық шахс атына ийе болған Қарақалпақстан илимий-әмелий медицина академиясы;

➖Академиялық қурамында илимий-изертлеў лабораториясы, оқыў-симуляция орайы ҳәм мийманхана.

Нөкис қаласында жайласқан мәмлекетлик ҳәм мәмлекетлик емес емлеў-профилактика мәкемелери Академияның клиникалық базасы есапланады.

Төмендегилер Академия хызметиниң тийкарғы бағдарлары етип белгиленди:

➖Медицина кадрларын қайта таярлаў ҳәм маманлығын арттырыў;

➖Диагноз қойыў ҳәм емлеўдиң жоқары технологиялы инновациялық усылларын әмелиятқа енгизиў;

➖Телемедицина технологияларынан кең пайдаланыў ушын шәраят жаратыў.

2025/2026-оқыў жылынан Академияда клиникалық ординатурада жоқары дәрежели кадрларды таярлаў жолға қойылады.

2025-жыл 1-октябрьден Академия хызмети толық иске түседи.

Telegram|Instagram|Facebook|Youtube

Қарақалпақстанлы жыл ҳаялы автомобиль менен сыйлықланды

Олимпия ҳәм миллий спорт түрлери бойынша Нөкис жоқары спорт шеберлиги мектеби тренер-оқытыўшысы Палванова Нигора Бекбергеновна «Жыл ҳаялы-2024» миллий таңлаўының жоқары сыйлығы ийеси болды ҳәм Президент саўғасы автомобиль менен сыйлықланды.

Telegram|Instagram|Facebook|Youtube

Өзбекстанға 2024-жылда қанша телефон импорт етилген?

2024-жылдың январь-ноябрь айларында Өзбекстанға улыўма қуны 346,5 млн доллар болған 3,8 млн дана телефон импорт етилди, деп хабар береди статистика агентлиги.

Тәмийнат көлеми бойынша Қытай биринши орынды ийеледи.

➖ Қытай – 3,1 млн дана;
➖ Ветнам – 535,5 мың дана;
➖ Ҳиндстан – 110,7 мың дана;
➖ Гонконг – 43,2 мың дана;
➖ Басқа мәмлекетлер – 5,1 мың дана.

Telegram|Instagram|Facebook|Youtube

Самолёттың қайсы бөлеги қәўипсизрек?

Қәнигелердиң пикиринше, борттағы ең қәўипсиз жер самолёттың артқы тәрепиниң үштен бир бөлеги. АҚШ Пуқаралық Авиация басқармасының 35 жыллық мағлыўматларына бола, бул бөлектеги өлим қәўпи 32%ти қурайды. Салыстырыў ушын, ортанғы бөлегинде 38%ке, алдында болса 39%ке артады.

Толық оқыў ушын 👉 https://karinform.uz/kk/article/12767


Telegram|Instagram|Facebook|Youtube