#Kadastr #statistika #demografik_koʻrsatkich
TOSHKENT SHAHRINING DEMOGRAFIK KOʻRSATKICHLARI

📊 O‘zbekiston Respublikasi Prezidenti huzuridagi Statistika agentligi bergan ma’lumotga ko‘ra, 2023-yilning 1-oktabr holatiga Toshkent shahrida doimiy yashovchi aholi soni 3 million 20 ming 5 nafar kishini tashkil qiladi.

Shundan

👨🏻 erkaklar soni – 1 481 009 nafar
👩🏻 ayollar soni – 1 538 006 nafar.

✅ Poytaxt aholisi 1960-yilda 1 mln, 1985-yilda 2 mln. kishini tashkil qilgan.

💠 Ayni paytda mamlakatimiz bosh shahrida yashab, o‘qib, ishlayotgan aholi soni 5 mlnni tashkil qiladi.

Ijtimoiy tarmoqlar orqali kuzatib boring👇🏼
Telegram | Facebook | Instagram | YouTube

#Kadastr #bizning_manzillar
TOSHKENT SHAHRIDA JOYLASHGAN KADASTR IDORALARINING MANZILLARI

🏢 Kadastr agentligi va Davlat kadastrlari palatasi Toshkent shahar boshqarmalari hamda uning bo‘lim-filiallarining manzillari bilan quyidagi havolalar orqali tanishishingiz mumkin:

📌 Bektemir tumani

📌 Mirobod tumani

📌 Mirzo Ulug‘bek tumani

📌 Sergeli tumani

📌 Olmazor tumani

📌 Uchtepa tumani

📌 Shayxontohur tumani

📌 Yashnobod tumani

📌 Chilonzor tumani

📌 Yunusobod tumani

📌 Yakkasaroy tumani

📌 Yangihayot tumani

📌 Toshkent shahar boshqarmasi

Ijtimoiy tarmoqlar orqali kuzatib boring👇🏼
Telegram | Facebook | Instagram | YouTube

#Kadastr #statistika
KO‘CHMAS MULK BILAN BOG‘LIQ BITIMLAR

📊 Iqtisodiy tadqiqotlar va islohotlar markazining sharhida qayd etilishicha, joriy yilning sentabr oyida ko‘chmas mulk savdosi 17 foizga kamaydi, oldi-sotdi bitimlari soni bir oy oldingi 28 mingtaga nisbatan 23 mingtani tashkil etdi.

↘️ Eng yuqori pasayish Navoiy viloyatida – 32 foiz, Qoraqalpog‘iston Respublikasida – 24 foiz, Toshkent shahrida – 24 foiz qayd etildi.

🏘 Yanvar-sentabr oylarida respublikada ko‘chmas mulkni sotish hajmi o‘tgan yilga nisbatan 1,4 foizga o‘sdi.

↗️ Hududlar kesimida yil davomida sotuvlar Samarqand viloyatida 52 foizga, Qashqadaryo va Buxoro viloyatlarida 30 va 29 foizga o‘sdi.

⬆️ Joriy yilning uchinchi choragi yakunlariga ko‘ra, uy-joy sotuvi 9 foizga o‘sdi.

✅ Qizig‘i shundaki, O‘zbekistonda ko‘chmas mulk bilan bog‘liq bitimlarning qariyb 50 foizi Toshkent shahri, Toshkent va Farg‘ona viloyatlariga to‘g‘ri keladi.

Ijtimoiy tarmoqlar orqali kuzatib boring👇🏼
Telegram | Facebook | Instagram | YouTube

#Kadastr #huquqiy_asos
O‘ZBOSHIMCHALIK BILAN EGALLAB OLINGAN YERLARNI QAYTARISH

⬜️ O‘zboshimchalik bilan egallab olingan yer uchastkalari ularga g‘ayriqonuniy ravishda egalik qilingan va foydalanilgan vaqtda qilingan sarf-xarajatlar qoplanmagan tarzda tegishliligiga ko‘ra qaytariladi.

⬜️ Yer uchastkalarini foydalanish uchun yaroqli holatga keltirish, shu jumladan undagi imoratlarni buzish yer uchastkalarini o‘zboshimchalik bilan egallab olgan shaxslar hisobidan amalga oshiriladi.

⬜️ O‘zboshimchalik bilan egallab olingan yer uchastkasini yer egasiga, yerdan foydalanuvchiga, yer uchastkasi ijarachisiga yoki mulkdoriga qaytarish tegishli tuman, shahar, viloyat hokimining qaroriga binoan yoki sudning hal qiluv qaroriga ko‘ra amalga oshiriladi.

🇺🇿 O‘zbekiston Respublikasining Yer kodeksi, 91-modda.

Ijtimoiy tarmoqlar orqali kuzatib boring👇🏼
Telegram | Facebook | Instagram | YouTube

#Kadastr #sizdan_savol
SIZDAN SAVOL, BIZDAN JAVOB

❓Savol: Kadastr hujjatlarini rasmiylashtirish uchun toʻlovlarni toʻlashda nogiron yoki nafaqaxoʻrlarga imtiyozlar bormi?

✅ Javob: Kadastr hujjatlarini rasmiylashtirish uchun toʻlovlarni toʻlashda nogiron yoki nafaqaxoʻrlarga imtiyozlar Vazirlar Mahkamasining 2020-yil 2-sentabrdagi “Kadastr sohasida ayrim davlat xizmatlari koʻrsatishning maʼmuriy reglamentlarini tasdiqlash toʻgʻrisida”gi 535-son qarori bilan tartibga solinadi.

I va II guruh nogironligi boʻlgan shaxslar yoki Ikkinchi jahon urushi qatnashchisi uchun davlat xizmatlari narxi xizmatlar umumiy qiymatining 50 foizini tashkil qiladi.

Ijtimoiy tarmoqlar orqali kuzatib boring👇🏼
Telegram | Facebook | Instagram | YouTube

Hurmatli poytaxt aholisi!

Amaliyot va tahlillar ko‘rsatganidek, shahar hokimligi va tegishli xizmatlarning ruxsatisiz, yo‘llar bo‘ylab qurilgan binolar aholi uchun xavf tug‘diradi, ya’ni ularda avtoturargoh va to‘xtash yo‘li yo‘q, bu esa haydovchining bir daqiqalik xaridi orqasidan boshqa haydovchilar va piyodalar uchun sezilarli noqulaylik va xavfga sabab bo‘ladi.

Hozirgi kunda Toshkentda tegishli tahlillar o‘tkazilib, ixtisoslashtirilgan xizmatlar tomonidan noqonuniy bino va inshootlarni demontaj qilish ishlari boshlandi. Shu bilan birga, ushbu binolardan foydalangan tadbirkorlarga qonuniy asosda o‘z faoliyatini davom ettirish uchun sharoit yaratiladi.

O‘z navbatida, Toshkent shahri hududida maishiy va tijorat binolariga ega bo‘lgan poytaxt aholisini hujjatlarning shaharsozlik me’yorlariga muvofiqligini yana bir bor sinchiklab tekshirishga chaqiramiz.

Shuningdek, ushbu turdagi mulkni sotib olayotganda ehtiyot bo'lishingizni va yuridik xizmat kompaniyalari bilan maslahatlashishingizni so'raymiz. Toshkent shahar kadastr xizmatlari tomonidan beriladigan hujjatlardan tashqari, bino va inshootlar uchun hujjatlarning muqobil turlari mavjud emas.

Potensial xaridning barcha tafsilotlarini aniqlashtirish uchun vakolatli organlarga shaxsan yoki onlayn davlat xizmatlari orqali murojaat qiling.

Hurmatli poytaxt aholisi! Faqat ishonchli va rasmiy maʼlumot manbalariga ishoning, aniq maʼlumot olish uchun shahar hokimligi matbuot xizmatiga 71 210-01-63 telefon raqami yoki ijtimoiy tarmoqlar orqali murojaat qiling.

YouTube | Facebook | Instagram | Web-site | Twitter | Linkedin