#murojaatlar #statistika #tahlil
ҲАФТАЛИК МУРОЖААТЛАР ТАҲЛИЛИ

🔷 Мазкур фотомаълумотда Кадастр агентлиги ҳамда Давлат кадастрлар палатаси Тошкент шаҳар бошқармаларига 2022 йил 10-17 июн кунлари оралиғида келиб тушган мурожаатлар таҳлили келтирилган.

🔷 Маълумотлар юзасидан 998 71 2316851 орқали 212 ички рақамларига мурожаат қилишингиз мумкин.

Ижтимоий тармоқлар орқали кузатиб боринг👇🏼
Telegram | Facebook | Instagram | YouTube

Акмал Саидов, Конституциявий комиссия раиси:

📍«Конституциявий комиссия Олий Мажлиснинг иккита палатаси олдида ҳисобдор. Вақти-вақти билан ўз фаолияти тўғрисида ахборот бериб бориши керак. Бугун ўша регламентдаги қоида бўйича Комиссия бир ой давомида амалга оширган ишлари ҳақида маълумот беради.

✔️ Конституциявий комиссиянинг дастлабки тасдиқланган таркиби 46 кишидан — депутатлар, сенаторлар ва соҳанинг кўзга кўринган мутахассислари, яъни йиғма ахборот-таҳлил аъзоларидан иборат эди. Таклифларнинг жуда кўп қисми суд-ҳуқуқ ислоҳотлари бўйича келаётгани учун Жамоат хавфсизлиги университети ректори, юридик фанлар доктори, профессор Мирзаюсуф Ҳакимович Рустамбоев ҳам қўшма қарор билан Комиссия аъзолигига киритилди.

● Ўтган давр мобайнида Олий Мажлиснинг иккита палатаси Конституциявий комиссия фаолият юритиши учун барча зарур шарт-шароитларни яратиб берди. Ташкилий-ҳуқуқий босқичда биринчи галда Йиғма ахборот-таҳлил гуруҳи тузилди. Уларнинг қошида 30 кишидан иборат алоҳида Аналитик гуруҳ ташкил этилди.

● Шунингдек, жаҳон амалиётида бўлмаган иш механизми яратилди — Таклифлар билан ишлаш гуруҳи таъсис этилди. 21 кишидан иборат бу гуруҳга Қонунчилик палатаси, Сенат девони ва Парламент институти ходимлари бириктирилиб, туну кун, 7 кун 24 соат тартибида фаолият юритди.

🔎 Конституциявий комиссия фаолиятини шаффоф ва очиқ ёритиш учун Матбуот хизмати йўлга қўйилди. Брифинглар, матбуот анжуманлари ўтказиш учун алоҳида хоналар ажратилди».

Олий Мажлис палаталари Кенгашларининг навбатдаги қўшма мажлисидан

Telegram | Facebook | Instagram | Медиабанк

Акмал Саидов, Конституциявий комиссия раиси:

📝 «Биз оммавий, анъанавий шаклда ҳам таклифларни қабул қилдик — хатлар орқали, газета, радио, телевидениеда билдирилган, маҳаллаларда ўтказилган ўрганишларда аҳоли томонидан айтилган таклифлар жамланди. Конституциявий комиссия раиси ўринбосари Қутбиддин Бурҳонов мана шу йўналишдаги ишлар тўғрисида мунтазам равишда Комиссияга ахборот бериб борди.

👨🏻‍💻 Қолаверса, ноанъанавий шаклда, яъни янги информацион технологияларни қўллаган ҳолда конституциявий ислоҳотларнинг муҳокамаси бошланди. Биринчи марта «Mening konstitutsiyam» онлайн платформаси ташкил этилди, Call-марказ, электрон почта очилди, махсус телеграм-бот ишга туширилди. Фуқароларимидан конституциявий ислоҳотларга муносабат билдиришни сўраб, 3 июнь, 8 июнь ва 15 июнь кунлари бутун Ўзбекистон аҳолисига, яъни 30 миллиондан ортиқ мобил алоқа эгаларига СМСлар жўнатилди.

📌 Бу ишларнинг ижобий натижасини келиб тушаётган таклифлар сони кескин ортганида кўриш мумкин. Илгари кунига 500 та атрофида таклиф келиб турган бўлса, аҳолини ахборот технологиялари воситалари орқали хабардор қилиш жараёнлари бошлангандан кейин кунига 5000-6000 та таклиф тушмоқда».

Олий Мажлис палаталари Кенгашларининг навбатдаги қўшма мажлисидан

Telegram | Facebook | Instagram | Медиабанк

#haftalik #daydjest
ҲАФТА САРХИСОБИ

⭕️ ЕР НАЗОРАТИДА

⭕️ ПОЙТАХТДАН АУКЦИОНГА ТАҚДИМ ЭТИЛГАН ЕРЛАР - 3

⭕️ НОТАРИУС МАЪЛУМОТИ

⭕️ KADASTR AGENTLIGI “YOSH NOVATORLAR” KO’RIK TANLOVIGA START BERADI

⭕️ ҲУСУСИЙ МУЛК ҲАҚИДА СТУДИЯ 24да

⭕️ КОМПЛАЕНС НАЗОРАТИ ТУМАНЛАРДА

⭕️ ТОПОГРАФЛАР СЕМИНАРИ

⭕️ 5 390 ТА ОБЪЕКТ ДАВЛАТ РЎЙХАТИДАН ЎТГАН

⭕️ ЕРТЎЛАДАН ФОЙДАЛАНИШ МУМКИН

⭕️ ПОЙТАХТДАН АУКЦИОНГА ТАҚДИМ ЭТИЛГАН ЕРЛАР - 4

⭕️ ҲАФТАЛИК МУРОЖААТЛАР ТАҲЛИЛИ

Ижтимоий тармоқлар орқали кузатиб боринг👇🏼
Telegram | Facebook | Instagram | YouTube

#kadastr #auksion
ЕРЛАРНИ АУКЦИОНДА СОТИШДА ЯНГИ ТАРТИБ ЖОРИЙ ЭТИЛАДИ

🔷 Давлатимиз раҳбари томонидан ўтказилган видеоселектор йиғилишида ой якуни билан 25 мингта ер участкаларини сервис ва савдо объектлари учун аукционга чиқариш шартлиги кўрсатиб ўтилган.

🔷 Эндиликда:

•ерларни аукционга чиқариш жараёнлари ижарада – 48 кундан 15 кунга, мулк ҳуқуқида – 74 кундан 20 кунга қисқартирилади;

•ер майдонларини баҳолаш экспертизадан ўтказилмайди, ҳақиқий баҳоси аукционда аниқланади;

•2023 йил 1 январдан бошлаб ерларни аукционга чиқаришда кадастр идораларида бор маълумотларни бошқа идоралар билан келишиш тартиби бекор қилинади.

Ижтимоий тармоқлар орқали кузатиб боринг👇🏼
Telegram | Facebook | Instagram | YouTube

Президент Шавкат Мирзиёев:

“Хабарингиз бор, биз халқимиз билан маслаҳат қилиб, Янги Ўзбекистонни барпо этиш бўйича кенг қамровли ислоҳотларни бошладик.

Энг муҳими, ўтган 6 йил мобайнида бутун жамиятимиз қайта уйғонди, одамларимиз янгича фикрлаш, ишлаш ва яшашга интилмоқда.

Бугун мана шу демократик янгиланиш жараёнларига янгича руҳ ва шиддат бериш, ислоҳотларимизни янада чуқурлаштириш зарурлигини барчамиз яхши англаб турибмиз.

Сўнгги йилларда фуқароларимиз томонидан амалдаги Конституцияни янада такомиллаштириш бўйича кўплаб таклиф ва мулоҳазалар билдирилмоқда.

Хусусан, ўтган йили Президент сайловолди учрашувларида сайловчилар томонидан Асосий қонунимизни бугунги ҳаёт талабларига мос ҳолда янгилаш масаласи кўтарилган эди.

Сайловчиларимизнинг шу борадаги хоҳиш ва истакларини амалга ошириш учун Олий Мажлис палаталари томонидан Конституциявий комиссия тузилиб, фаолият бошлади. Қисқа даврда Конституцияга ўзгартиш ва қўшимчалар киритиш бўйича салмоқли ишлар амалга оширилди".

Президент Шавкат Мирзиёев:

“Барча фуқароларимиз каби мен ҳам бу муҳим жараёнларни диққат билан кузатиб боряпман. Аҳолимиз, жамоатчилигимиз вакилларининг конституциявий ислоҳотларга бефарқ бўлмасдан, ўз таклиф ва мулоҳазалари билан фаол қатнашаётгани барчамизни қувонтиради.

Албатта, конституциявий ислоҳотларимиз Ватанимиз тақдири ва келажаги учун ғоят муҳим аҳамиятга эга бўлган масаладир.

Шу боис, бугун сиз, ҳурматли комиссия аъзолари билан бевосита учрашиб, фикр алмашишни зарур, деб ҳисобладим.

Биз Конституцияни такомиллаштириш бўйича янги ва жуда масъулиятли босқичга қадам қўймоқдамиз.

Бугунги кун ҳолатига кўра, Комиссияга фуқароларимиздан 48 минг 492 та таклиф келиб тушгани ҳам конституциявий ислоҳотлар объектив ҳаётий зарурат сифатида кун тартибига чиқаётганини яққол намоён этмоқда.

Конституциявий комиссия томонидан тайёрланган таклифлар чуқур муҳокамадан ўтказилди ва ҳозирда Қонунчилик палатасига киритиш босқичида. Энди қонун, регламент асосида муҳокамалардан ўтказилади".

Президент Шавкат Мирзиёев:

“Нима учун айнан бугун конституциявий ислоҳотлар ўтказиш зарурати туғилмоқда?

Айрим юртдошларимиз, ҳатто баъзи олимларимиз ҳам Конституциямиз замонавий демократик талабларга жавоб беради-ку, унга ўзгартириш киритишга эҳтиёж борми, деган саволни ўртага қўймоқда.

Тўғри, Конституциямиз хорижий илғор тажриба ҳамда халқаро стандарт ва талабларга ҳар томонлама мос келади. Бунга ҳеч қандай шубҳа йўқ.

Мен амалдаги Асосий қонунимизни қабул қилишда иштирок этган комиссия аъзоси сифатида олдин ҳам айтганман: Ўзбекистон Конституцияси мустақиллик йилларида эришган барча ютуқларимизнинг мустаҳкам ҳуқуқий пойдевори бўлиб келмоқда.

Буни ҳаммамиз яхши биламиз ва юксак қадрлаймиз. Шу билан бирга, бугун шиддатли тараққиётнинг ўзи олдимизга қўяётган муҳим бир талабни чуқур тушуниб олишимиз зарур.

Ҳозирги таҳликали замон, ён-атрофимиздаги мураккаб вазият она Ватанимиз тақдирига янада улкан масъулият билан ёндашиб, кечиктириб бўлмайдиган стратегик қарорлар қабул қилишни тақозо этмоқда".

Президент Шавкат Мирзиёев:

“Албатта, ўтган қисқа даврда жамиятимизнинг сиёсий-ҳуқуқий, ижтимоий-иқтисодий, маданий-маърифий қиёфаси тубдан ўзгарди.

Олти йил олдинги халқимиз билан бугунги юртдошларимизнинг дунёқараши ўртасида катта фарқ бор.

Инсоният илмий-технологик даврга қадам қўйди. Жаҳонда кескин трансформация жараёнлари ва рақобат кучаймоқда.

Эртанги кунини ўйлаган халқлар ва давлатлар ўз келажаги ҳақида бугун ҳар қачонгидан ҳам жиддий бош қотирмоқда.

Бу ўринда табиий саволлар туғилади. Мана шундай ҳал қилувчи паллада ва келажакда давлатимизда, жамиятимизда инсоннинг ўрни ва қадри қандай?

Қандай сиёсий-ҳуқуқий, иқтисодий-ижтимоий ва маънавий-гуманитар тамойиллар, қадрият ва манфаатлар биз учун устувор аҳамиятга эга бўлади?

Энг муҳими, конституциявий ислоҳотлар оддий аҳолига, халқимиз фаровонлигини таъминлаш, жамиятимиз ва давлатимиз тараққиётига нима беради?”

Президентимиз мавзуни давом эттирди:

“Бу саволларнинг барчасига жавобни пухта ишланган ҳуқуқий нормалар орқали Конституциямизда акс эттириш – давр тақозосидир.

Маълумки, Асосий қонунимизнинг 12-моддасида ҳеч қайси мафкура давлат мафкураси сифатида ўрнатилиши мумкин эмаслиги қайд этилган.

Бу – ўта муҳим ва жуда тўғри белгиланган конституциявий қоидадир.

Чинакам халқ мафкурасини, миллатнинг энг муқаддас орзу-интилишларини фақат унинг Бош ҳужжати – Конституциясида тўлиқ ифода этиш мумкин.

Янгиланган Конституция мамлакатимизнинг узоқ муддатли тараққиёт стратегиялари, умуман юртимиз ва халқимизнинг эртанги фаровон ҳаёти учун мустаҳкам ҳуқуқий асос ҳамда ишончли кафолат яратиши лозим.

“Инсон қадри учун” ғоясини ҳамда ҳозирги ислоҳотларимизнинг бош тамойили бўлган “Инсон – жамият – давлат” деган ёндашувни Конституциямизнинг мазмунига чуқур сингдириб, амалий ҳаётимизда бош қадриятга айлантиришимиз зарур.

Яъни, инсоннинг қадр-қиммати, шаъни ва ғурури бундан буён барча соҳаларда биринчи ўринда туриши керак".

Президент Шавкат Мирзиёев:

“Тарихий тажриба шуни кўрсатадики, инсоннинг қадр-қиммати аввало унинг табиий яшаш ҳуқуқида намоён бўлади.

Бу – энг улуғ ва муқаддас қадриятларимиздан биридир.

Маълумки, биз ўлим жазоси тайинланадиган жиноятлар сонини босқичма-босқич камайтириб, бу жазони тўлиқ бекор қилдик.

Шунга қарамай, айрим фуқаролар томонидан ўлим жазосини тиклаш, уни жиноят қонунчилигига қайта киритиш ҳақида таклифлар ҳам илгари сурилмоқда.

Ваҳоланки, демократик ва инсонпарвар ғояларни олий қадрият даражасига кўтарган дунёдаги аксарият давлатларда ўлим жазоси бекор қилинган.

Чунки яшаш ҳуқуқи – ҳар бир инсоннинг табиий ҳуқуқи бўлиб, унга бу ҳуқуқни давлат эмас, Яратганнинг ўзи ато этган.

Агар сизлар қўллаб-қувватласангиз, Конституциямизга “Ўзбекистонда ўлим жазоси тақиқланади”, деган яна бир муҳим нормани киритишни таклиф қиламан.

Шу тариқа, биз бу ўта жиддий масалада ҳеч қачон ортга қайтмаслигимизни, инсонпарварлик ғояларига содиқ эканимизни бутун дунёга яққол намоён қиламиз".

Таҳлиллар ҳуқуқ-тартибот органлари томонидан шахс қўлга олинганда, у нима учун ушлангани ва қандай ҳуқуқларга эга экани тушунтирилмаётганини кўрсатмоқда.

"Натижада, гумон қилинувчининг ҳуқуқлари ушланган дастлабки вақтдаёқ хавф остида қолади.

Бундай ҳолатларнинг олдини олиш мақсадида кўплаб давлатларнинг Конституция ва қонунларида ҳамда инсон ҳуқуқларига оид халқаро ҳужжатларда акс этган “Миранда қоидаси”ни қўллаш лозим.

Яъни, шахсни ушлаш чоғида унинг ҳуқуқлари ва нима сабабдан ушлангани содда тилда тушунтирилиши шарт.

Ана шу қоидани Конституциямизда муҳрлаб қўйишнинг вақт-соати келди, деб ўйлайман.

Бундан ташқари, “Хабеас корпус” институтини ривожлантириш зарур. Яъни, шахс суднинг қарорига қадар кўпи билан қирқ саккиз соатдан ортиқ ушлаб турилиши мумкин эмас.

Агар суд томонидан шахсни ҳибсга олиш ёки унга нисбатан бошқача турдаги озодликни чеклаш ҳақида қарор белгиланган муддатда қабул қилинмаса, бундай шахсни дарҳол озод қилиш кераклиги ҳақидаги нормани ҳам Конституцияда акс эттиришимиз зарур".

Президент Шавкат Мирзиёев:

“Эсингизда бўлса, Конституциямиз қабул қилинганининг 25 йиллигига бағишланган маросимда яқин қариндошлари судланган, деб фуқароларни ишга қабул қилмаслик ёки юқори лавозимларга тайинламаслик билан боғлиқ масалага алоҳида тўхталган эдим.

Нима сабабдан бир жиноят учун бутун авлод жавоб бериши керак?

Отасининг қилмиши учун нега фарзандлари ёки ака учун ука жавоб бериши лозим? Бундай адолатсиз “тизим”дан энди бутунлай воз кечамиз.

Чунки халқимизга нисбатан собиқ тузум даврида, айниқса, ўтган асрнинг 30-йилларидаги сиёсий қатағонларнинг ўзи етарли эмасми?!

Шу боис, Конституциямизга “Шахснинг судланганлиги ва ундан келиб чиқадиган ҳуқуқий оқибатлар унинг қариндошлари ҳуқуқларини чеклашга асос бўлиши мумкин эмас”, деб қатъий ёзиб қўйишимиз керак.

“Озодликдан маҳрум этилган барча шахсларга нисбатан инсоний муносабат ва уларнинг қадр-қиммати таъминланиши шарт”, деган норма ҳам Асосий қонунимизда ўз аксини топиши зарур".