#Kadastr #huquqiy_asos
SIZ UCHUN MAʼLUMOT

🔲 Ko‘chmas mulkka bo‘lgan huquqlarni davlat ro‘yxatidan o‘tkazishning asosiy prinsiplari quyidagilardan iborat:

👉 qonuniylik;

👉 ko‘chmas mulkka bo‘lgan huquqlarni davlat ro‘yxatidan o‘tkazishning majburiyligi;

👉 davlat ro‘yxatidan o‘tkazilgan ko‘chmas mulkka bo‘lgan huquqlarning ustuvorligi;

👉 ko‘chmas mulkka bo‘lgan huquqlar to‘g‘risidagi axborotning ochiqligi;

👉 taqqoslanuvchanlik va muvofiqlik.

🇺🇿 “Koʻchmas mulkka boʻlgan huquqlarni davlat roʻyxatidan oʻtkazish toʻgʻrisida”gi Oʻzbekiston Respublikasining Qonuni, 4-modda.

Ijtimoiy tarmoqlar orqali kuzatib boring👇🏼
Telegram | Facebook | Instagram | YouTube

#Kadastr #sizdan_savol
SIZDAN SAVOL, BIZDAN JAVOB

❓Savol: Yer uchastkasida qurilish ishlarini amalga oshirishga ruxsat qanday tartibda olinadi?

✅ Javob: Oʻzbekiston Respublikasi Vazirlar Mahkamasining 2022-yil 20-apreldagi “Qurilish sohasiga oid yagona maʼmuriy qurilish reglamentlarini tasdiqlash toʻgʻrisida”gi 200-sonli qaror bilan tasdiqlangan “Bino va inshootlarning ixtisoslashishini oʻzgartirish, qayta qurish, rekonstruksiya qilish hamda oʻz hududida qoʻshimcha bino va inshootlarni qurishni loyihalashtirishga ruxsatnoma berish boʻyicha davlat xizmatlari koʻrsatishning” maʼmuriy reglamentiga muvofiq qurilish ishlarini olib borish uchun ruxsat olinadi.

Ariza beruvchi ruxsatnoma olish uchun Davlat xizmatlari markaziga o‘zi kelib murojaat etadi yoki YIDXP (my.gov.uz)da davlat xizmatidan elektron tarzda foydalanish uchun ro‘yxatdan o‘tadi.

Qurilish qilish uchun, yer maydoniga huquq turi mavjud boʻlishi shart.

Ijtimoiy tarmoqlar orqali kuzatib boring👇🏼
Telegram | Facebook | Instagram | YouTube

#Kadastr #rasmiy_munosabat
RASMIY MUNOSABAT

🔲 Kuni kecha Effect.uz saytida “Uy olib qo‘rquvda qolgan fuqarolar!” sarlavhasi ostida videomaterial e’lon qilinib, “Real house” brendi ostida “Touro trading” yangi qurgan uylariga nega kadastr bermayapti? degan savol o‘rtaga tashlangan edi.

🏢 Davlat kadastrlari palatasi Toshkent shahar boshqarmasi ushbu videomaterial yuzasidan arxiv hujjatlari va elektron bazaga muvofiq quyidagilarni maʼlum qiladi:

◻️ Toshkent shahar Yunusobod tumani, Abdulla Qodiriy koʻchasida joylashgan 1.5 gektarli yer maydoni Toshkent shahar hokimining 07.08.2013-yildagi 621-sonli qaroriga asosan “TOUROS TRADING” MCHJga Koʻp qavatli turar-joy va ijtimoiy, savdo obyektlari qurish uchun ajratib berilgan.

◻️ Bugungi kunda, ushbu hududda 7, 7-A va 7-B–uylar manzillari ostida 3 ta koʻp qavatli turar-joy binolari barpo etilgan.

◻️ Yunusobod tumani Abdulla Qodiriy koʻchasi, 7-uy manzilida joylashgan koʻp qavatli bino 28.12.2019-yildagi 15493039-sonli va 10.11.2022-yildagi 63457671-sonli foydalanishga qabul qilish dalolatnomalariga asosan foydalanishga qabul qilingan. Kadastr hujjatlariga koʻra, bino 10 qavatli va yertoʻladan iborat boʻlib, binoning yertoʻla 1- va 2-qavatlari qismi noturar-joy sifatida kadastr hujjatlari rasmiylashtirilgan. Binoning turar-joy qismining umumiy foydalanish maydoni - 18 939,15 kv.m.ni tashkil etib 220 ta xonadondan iborat, noturar-joy bino qismi umumiy maydoni - 8477.0 kv.m.ni tashkil etadi.

◻️ Yunusobod tumani Abdulla Qodiriy koʻchasi, 7-A-uy manzilida joylashgan koʻp qavatli bino 28.12.2019-yildagi 63454446-sonli foydalanishga qabul qilish dalolatnomasiga asosan foydalanishga qabul qilingan. Kadastr hujjatlariga koʻra, bino 10 qavatli va yertoʻladan iborat. Binoning turar-joy umumiy foydalanish maydoni - 10 937,18 kv.m.ni tashkil etib, 109 ta xonadondan iborat.

◻️ Yunusobod tumani Abdulla Qodiriy koʻchasi, 7-B-uy manzilida joylashgan koʻp qavatli bino 04.11.2022-yildagi 63454184-sonli foydalanishga qabul qilish dalolatnomasiga asosan foydalanishga qabul qilingan. Kadastr hujjatlariga koʻra, bino 10 qavatli va yertoʻladan iborat. Binoning turar-joy umumiy foydalanish maydoni - 5 453,68 kv.m.ni tashkil etib, 59 ta xonadondan iborat.

👉 Bugungi kunda mazkur turar-joylarga kadastr hujjati rasmiylashtirilgan boʻlib, xonadonlar kesimida jami 388 ta xonadon kadastr elektron bazasiga maʼlumotlar kiritilgan, shundan 209 ta xonadonlar tegishli tartibda tuzilgan notarial shartnomalar asosida fuqarolar nomiga davlat roʻyxatidan oʻtkazilgan, qolgan 179 ta xonadonlar mulkdor “TOUROS TRADING” MCHJ nomida.

❌ “TOUROS TRADING” MCHJga soliq organi tomonidan qoʻyilgan taqiq mavjudligi sababli, taqiq toʻliq yechilmagunga qadar notarial harakatlar amalga oshirishning va davlat roʻyxatidan oʻtkazishning imkoni yoʻqligini maʼlum qilamiz.

Ijtimoiy tarmoqlar orqali kuzatib boring👇🏼
Telegram | Facebook | Instagram | YouTube

#Kadastr #ro_yxatdan_o_tgan #statistika
2 419 TA OBYEKT DAVLAT ROʻYXATIDAN OʻTGAN

🔰 Koʻchmas mulkka boʻlgan huquqlarni davlat roʻyxatidan oʻtkazish boʻyicha maʼlumot.

🔰 Ushbu maʼlumotda 2023-yilning 22-fevral – 1-mart oraligʻida Toshkent shahrida davlat roʻyxatidan oʻtkazilgan obyektlar soni bilan tumanlar kesimida tanishishingiz mumkin.

Ijtimoiy tarmoqlar orqali kuzatib boring👇🏼
Telegram | Facebook | Instagram | YouTube

#Kadastr #oav_biz_haqimizda #sayyor_qabul
OAV BIZ HAQIMIZDA

📻 “Oʻzbekiston” radiokanalidagi “Oqshom to‘lqinlarida” eshitirishida Sergeli tumani aholisining kadastr sohasi bilan bogʻliq murojaatlari koʻrib chiqilgan sayyor qabul haqida keng yoritildi.

🎙 Dasturda Kadastr agentligi Toshkent shahar boshqarmasi boshligʻi B.Tashxodjayev, DKP Toshkent shahar boshqarmasi boshlig‘i J.Karimov hamda fuqarolarning fikr-mulohazalari efirga uzatildi.

Ijtimoiy tarmoqlar orqali kuzatib boring👇🏼
Telegram | Facebook | Instagram | YouTube

#Kadastr #statistika #qurilish
TOSHKENT SHAHRIDA 49,5 % INVESTITSIYALAR YANGI QURILISHLARGA YO‘NALTIRILDI

📊 2022-yil yanvar-dekabr oylarida Toshkent shahrida jami 56,7 trln. so‘m asosiy kapitalga investitsiyalar o‘zlashtirildi.

Ulardan 49,5 foizi yangi qurilishlarga yo‘naltirilgan bo‘lsa, kengaytirish, rekonstruksiya, modernizatsiya qilish va texnik qayta qurollantirish bo‘yicha 28,0 foiz hamda boshqa xarajatlarga 22,5 foiz investitsiyalar yo‘naltirildi.

Ijtimoiy tarmoqlar orqali kuzatib boring👇🏼
Telegram | Facebook | Instagram | YouTube

#Kadastr #sizdan_savol
SIZDAN SAVOL, BIZDAN JAVOB

❓Savol: Uyimni kadastr qildirmoqchiman. Qayerga murojaat qilish kerak?

✅ Javob: O‘zbekiston Respublikasi Vazirlar Mahkamasining 2020-yil 2-sentabrdagi “Kadastr sohasida ayrim davlat xizmatlari ko‘rsatishning maʼmuriy reglamentlarini tasdiqlash to‘g‘risida”gi 535-sonli qarori bilan tasdiqlangan Ko‘chmas mulk obyektiga kadastr pasportini berish bo‘yicha davlat xizmatlari ko‘rsatishning Maʼmuriy reglamenti talablariga muvofiq, Yagona interaktiv davlat xizmatlari portali yoki Davlat xizmatlari markazi orqali, Vazirlar Mahkamasining 2018-yil 29-dekabrdagi 1060-sonli qarori bilan tasdiqlangan Nizomda qayd etilgan huquq turining vujudga kelishini tasdiqlovchi hujjatlardan birini taqdim etgan holda, Davlat kadastrlari palatasining Toshkent shahar boshqarmasiga murojaat qilib kadastr hujjatlarini shakllantirish va huquq turini davlat ro‘yxatidan o‘tkazish mumkin.

Ijtimoiy tarmoqlar orqali kuzatib boring👇🏼
Telegram | Facebook | Instagram | YouTube