#Kadastr #rasmiy_munosabat
RASMIY MUNOSABAT

◼️Ijtimoiy tarmoqda eʼlon qilingan Toshkent shahri Sergeli tumani, Habibiy mahallasida qurilgan ko‘p qavatli uylardagi xonadon egalarining videomurojaati yuzasidan 🌟Davlat kadastrlari palatasi Toshkent shahar boshqarmasi quyidagilarni ma’lum qiladi.

◼️Toshkent shahar hokimining 2017-yil 20-dekabrdagi qaroriga asosan, Sergeli tumani, Sergeli-5 mavzesida ko‘p qavatli turar-joy binolari qurish uchun doimiy foydalanish huquqi bilan “M.F.” MCHJ ga 12 000 kv.m. yer maydoni ajratib berilgan. 2020-yilning 22-iyunda “M.F.” MCHJ va “S.T.” MCHJ o‘rtasida o‘zaro tuzilgan mulkni topshirish shartnomasi va topshirish-qabul qilish dalolatnomasiga asosan “S.T.” MCHJ nomiga davlat ro‘yxatidan o‘tkazilgan.

◼️Mazkur obyekt joyiga chiqib o‘rganilganda, Sergeli tumani qurilish bo‘limining 2020-yil 16-iyuldagi ruxsatnomasi, Toshkent shahar qurilish bosh boshqarmasi Loyiha-smeta hujjatlarini kelishish bo‘yicha Arxitektura va shaharsozlik kengashi ishchi organining 2021-yil 5-noyabr hamda 2023-yil 6-iyundagi xulosalariga asosan bitta 5 qavatli va uchta 9 qavatli turar-joy qurilib, undagi kvartiralar o‘zaro shartnoma asosida fuqarolarga sotib yuborilganligi aniqlandi.

◼️Ushbu ko‘p qavatli turar joy binolarga tegishli vakolatli tashkilotlar tomonidan qurilishi (rekonstruksiya qilinishi) tugallangan bino va inshootlarni foydalanish uchun ruxsatnoma berilgandan so‘ng, notarial shartnomalar rasmiylashtirilgach, sotib oluvchilar (fuqarolar) huquqlarini vujudga keltiruvchi hujjatlar (oldi sotdi va h.k.) bilan Davlat xizmatlari markazi yoki my.gov.uz orqali murojat etilgan taqdirda kadastr hujjatlari rasmiylashtirilib, davlat ro‘yxatidan o‘tkazib beriladi.

◼️Qo‘shimcha ravishda, ko‘p qavatli uyni kommunal (gaz, suv, elektr) xizmat ta’minotiga ulash masalasi bo‘yicha tegishli mas’ul tashkilotlarga murojaat qilish maqsadga muvofiqligi bildiriladi.

Ijtimoiy tarmoqlar orqali kuzatib boring👇🏼
🚀 Telegram | 🔵Facebook |📷 Instagram | 🎬YouTube

#Kadastr #huquqiy_asos
YER UCHASTKALARINI O‘ZBOSHIMCHALIK BILAN EGALLAB OLISH OQIBATLARI

❌ O‘zboshimchalik bilan egallangan yer uchastkasiga, shuningdek qishloq xo‘jaligiga mo‘ljallangan, qurilish maqsadlari uchun ajratilmagan yer uchastkasida barpo etilgan har qanday bino va inshootlarga nisbatan mulk huquqini yoki boshqa mulkiy huquqlarni belgilashga yo‘l qo‘yilmaydi, bundan qonunda nazarda tutilgan hollar mustasno.

❌ Yer uchastkasini o‘zboshimchalik bilan egallagan, qishloq xo‘jaligiga mo‘ljallangan, qurilish uchun ajratilmagan yer uchastkasida qonunga xilof qurilish obyektini barpo etgan shaxslar insofli mulkdor deb tan olinmaydi.

❌ O‘zboshimchalik bilan egallangan yer uchastkalaridagi qonunga xilof qurilish obyektlarini suv ta’minoti, oqova suv, elektr, issiqlik energiyasi va gaz tarmoqlariga ulash taqiqlanadi.

Ijtimoiy tarmoqlar orqali kuzatib boring👇🏼
🚀 Telegram | 🔵Facebook |📷 Instagram | 🎬YouTube

#Kadastr #rasmiy_munosabat RASMIY MUNOSABAT

◼️“Milliy” telekanalining “Millar” dasturi orqali "Kadastr hujjati qachon beriladi?" sarlavhasi ostida efirga uzatilgan lavha yuzasidan 🌟Davlat kadastrlari palatasi Toshkent shahar boshqarmasi quyidagilarni maʼlum qiladi.

◼️19.01.2001 yilda berilgan yerdan foydalanish huquqini beruvchi davlat akti, 27.08.2020 yilda o‘zaro tuzilgan topshirish (berish) shartnomasi va qabul qilish topshirish dalolatnomasiga asosan “T.B.C.” MCHJ nomiga davlat ro‘yxatidan o‘tgan Mirobod tumani, Qo‘yliq ota ko‘chasi manzilida joylashgan umumiy maydoni 20 552 kv.m.dan iborat bo‘lgan yer uchastkasida jami 6 ta 5 va 7 qavatdan iborat bo‘lgan ko‘p qavatli turar joy binolari qurilgan.

◼️Vazirlar Mahkamasining 535-sonli qarori bilan tasdiqlangan Maʼmuriy reglamenti talablariga muvofiq, ushbu ko‘p qavatli turar joy binolariga nisbatan 03.12.2024 yilda kadastr pasportlari shakllantirilgan hamda Vazirlar Mahkamasining 1010-sonli qaroriga asosan 3, 5, 7, 9, 11 va 13-uy raqamlari berilgan.

◼️Vazirlar Mahkamasining 20.04.2022 yildagi “Qurilish sohasiga oid yagona ma’muriy qurilish reglamentlarini tasdiqlash to‘g‘risida”gi 200-sonli qarori bilan tasdiqlangan ma’muriy reglamentga muvofiq, binoni foydalanishga qabul qilish yuzasidan berilgan buyurtma Toshkent shahar Qurilish va uy-joy kommunal xo‘jaligi sohasida hududiy nazorat qilish inspeksiyasi tomonidan rad etilgan.

◼️Bugungi kunga qadar ushbu ko‘p qavatli turar joy binolariga tegishli vakolatli tashkilotlar tomonidan foydalanishga ruxsat berilmaganligi sababli davlat ro‘yxatidan o‘tkazilmagan.
Yuqoridagilarni inobatga olib, ushbu ko‘p qavatli turar joy binolari foydalanishga topshirish dalolatnomasi tasdiqlanganidan so‘ng notarial shartnomalar rasmiylashtirilgach, sotib oluvchilar (fuqarolar) huquqlarini vujudga keltiruvchi hujjatlar (oldi sotdi va h.k.) bilan Davlat xizmatlari markazi yoki my.gov.uz orqali murojat etilgan taqdirda kadastr hujjatlari rasmiylashtirilib, davlat ro‘yxatidan o‘tkazilishi ma’lum qilinadi.

▶️ Avvalroq, boshqarma Axborot xizmati tomonidan yangi qurilgan ko‘p qavatli uylardan xonadon xarid qilishdagi muhim jihatlar, hujjatlarni rasmiylashtirish jarayonida kadastr idoralarining vazifalari haqida foydali videolavha e'lon qilingan edi.

Ijtimoiy tarmoqlar orqali kuzatib boring👇🏼
🚀 Telegram | 🔵Facebook |📷 Instagram | 🎬YouTube

#Kadastr #sarhisob #yilnoma
POYTAXT KADASTRIDA 2024-YIL SARHISOBI

⭐️Kadastr agentligi va 🌟Davlat kadastrlari palatasi Toshkent shahar boshqarmalari tomonidan 2024-yilda amalga oshirilgan asosiy ishlar haqida ushbu video orqali tanishishingiz mumkin.

Ijtimoiy tarmoqlar orqali kuzatib boring👇🏼
🚀 Telegram | 🔵Facebook |📷 Instagram | 🎬YouTube

#Kadastr #sizdan_savol
SIZDAN SAVOL, BIZDAN JAVOB

📃 Savol: Ko‘chmas mulk obyektiga kadastr pasporti qanday hollarda rasmiylashtiriladi?

✅ Javob: Vazirlar Mahkamasining 02.09.2020 yildagi 535-son qaroriga asosan, ko‘chmas mulk obyektiga kadastr pasporti quyidagi hollarda rasmiylashtiriladi yoki qayta rasmiylashtiriladi:

💠 ko‘chmas mulk obyekti bo‘yicha birlamchi xatlov ishlari bajarilganda;

💠 ko‘chmas mulk obyektining bir qismi begonalashtirilganda yoki yer uchastkasi alohida bo‘linganda (bunda ikki qismga alohida kadastr pasporti shakllantiriladi);

💠 qishloq xo‘jaligiga mo‘ljallanmagan yer uchastkalari xususiylashtirilgandan so‘ng ularning bir qismiga bo‘lgan huquq boshqa shaxsga o‘tganda;

💠 yer uchastkasining maydoni yoki chegara nuqtalari o‘zgarganda;

💠 ko‘chmas mulk obyektining manzilini belgilashda yoki o‘zgartirishda;

💠 ko‘chmas mulk obyektining toifasi o‘zgarganda;

💠 o‘z yer uchastkasida tegishli ruxsatnomalarni rasmiylashtirmasdan qurilgan bino va inshootlar mavjud bo‘lganda.

Ijtimoiy tarmoqlar orqali kuzatib boring👇🏼
🚀 Telegram | 🔵Facebook |📷 Instagram | 🎬YouTube

#Kadastr #qutlov #yangi_yilingiz_bilan
YANGI 2025-YIL MUBORAK BO‘LSIN!

Hurmatli yurtdoshlar!

⭐️Kadastr agentligi va 🌟Davlat kadastrlari palatasi Toshkent shahar boshqarmalari jamoasi Sizlarni yangi 2️⃣0️⃣2️⃣5️⃣-yil bilan samimiy muborakbod etadi.

◼️Sizga va yaqinlaringizga oilaviy xotirjamlik, ko‘tarinki kayfiyat, kasbiy faoliyatingizda muvaffaqiyat hamroh bo‘lishini tilaymiz.

🎁 Yangi yil har bir xonadonga yaxshilik, farovonlik, xushxabarlar, baxt va quvonch olib kelsin!

Ijtimoiy tarmoqlar orqali kuzatib boring👇🏼
🚀 Telegram | 🔵Facebook |📷 Instagram | 🎬YouTube

#Kadastr #bizning_manzillar #Mirzo_Ulug_bek
BIZNING MANZILLAR: MIRZO ULUG‘BEK TUMANI FILIALI

▶️ Kadastr agentligi va Davlat kadastrlari palatasi Toshkent shahar boshqarmalarining Mirzo Ulug‘bek tumani filiali.

📃 Jismoniy va yuridik shaxslarni qabul qilish kunlari: dushanbadan-jumagacha, soat 9:00 dan 18:00 gacha

◼️Manzil: Mirzo Ulug‘bek tumani, Ahillik ko‘chasi 3-uy.

📍 Lokatsiya.

🤙 Murojaat uchun telefon: (+99871) 286-23-01.

Ijtimoiy tarmoqlar orqali kuzatib boring👇🏼
🚀 Telegram | 🔵Facebook |📷 Instagram | 🎬YouTube

#Kadastr #kadastr_xizmatlari
KO‘CHMAS MULK OBYEKTLARIGA BO‘LGAN HUQUQLARNI DAVLAT RO‘YXATIDAN O‘TKAZISH

◾️Murojaatlar qabul qilinadi:
Davlat xizmatlari markazi;
YIDXP – my.gov.uz orqali.

👨‍💻 Xizmatdan foydalanuvchilar:
Jismoniy va yuridik shaxslar.

📃 Xizmatni ko‘rsatish uchun kerak bo‘ladigan hujjatlar:
Ro‘yxatdan o‘tkazish uchun huquqiy asos bo‘lgan hujjatning skan nusxasi (notarial shartnoma, sud qarori va boshqalar).

🕔 Xizmatni ko‘rsatish muddati:
2 ish kuni davomida.

Ijtimoiy tarmoqlar orqali kuzatib boring👇🏼
🚀 Telegram | 🔵Facebook |📷 Instagram | 🎬YouTube

#Kadastr #atamalar

▶️ Qurilishi tugallanmagan obyektlar — qurilishi belgilangan tartibda ajratilgan yer uchastkasida tasdiqlangan loyiha hujjatlariga muvofiq boshlangan, lekin muayyan kunga kelib tugallanmagan yoki qurilishi tugallangan, lekin foydalanishga qabul qilinmagan bino va inshootlar.

Ijtimoiy tarmoqlar orqali kuzatib boring👇🏼
🚀 Telegram | 🔵Facebook |📷 Instagram | 🎬YouTube