#Kadastr #seminar #xatlov #Qonun_937
XATLOV ISHLARINI SIFATLI TASHKIL ETISH - DOLZARB VAZIFA

📍Toshkent geodeziya va kartografiya texnikumining majlislar zalida Davlat kadastrlari palatasi mas’ul xodimlari I.Sobitov, I.Ergashev, 🌟DKP Toshkent shahar boshqarmasi boshlig‘i A.Yunusov hamda tizim xodimlari ishtirokida seminar o‘tkazildi.

◼️Unda so‘zga chiqqanlar tomonidan O‘zbekiston Respublikasining “Oʻzboshimchalik bilan egallab olingan yer uchastkalariga hamda ularda qurilgan binolar va inshootlarga boʻlgan huquqlarni eʼtirof etish toʻgʻrisida”gi 937-sonli Qonuni yuzasidan tasdiqlangan “Ko‘chmas mulklarni xatlov yo‘li bilan texnik inventarizatsiyadan o‘tkazish va elektron yig‘majildini tayyorlash tartibi to‘g‘risida”gi uslubiy qo‘llanma mazmun-mohiyati va unga asosan ishlarni tashkil etish haqida to‘liq ma’lumot berildi.

◼️Boshqarma boshlig‘i A.Yunusov mahallalarda amalga oshirilayotgan xatlov jarayonida xodimlardan halol, pok, vijdonan ishlash, belgilangan muddatlarda sifatli amalga oshirish, odob-axloq qoidalariga qat’iy rioya etgan holda ishlarni tashkil etish choralari ko‘rish zarurligini ta’kidlab, 937-sonli Qonun ijrosini sifatli ta’minlashda poytaxt kadastri tizimidagi barcha xodimlarga kuch-quvvat, g‘ayrat-shijoat va omad tiladi.

◼️Shuningdek, seminar davomida amaliyotda uchrashi mumkin bo‘lgan holatlar muhokama qilinib, o‘rtaga tashlangan savollarga javob berildi.

Ijtimoiy tarmoqlar orqali kuzatib boring👇🏼
🚀 Telegram | 🔵Facebook |📷 Instagram | 🎬YouTube

#Kadastr #seminar #Qonun_937
QONUN TARG‘IBOTIGA BAG‘ISHLANGAN SEMINAR

◾️Toshkent shahar prokuraturasida O'zbekiston Respublikasining 05.08.2024 yildagi “Oʻzboshimchalik bilan egallab olingan yer uchastkalariga hamda ularda qurilgan binolar va inshootlarga boʻlgan huquqlarni eʼtirof etish toʻgʻrisida”gi Qonun mazmun-mohiyatiga bagʻishlangan seminar oʻtkazildi.

◾️Unda 🌟Davlat kadastrlari palatasi Toshkent shahar boshqarmasi boshlig‘i A.Yunusov, bosh yuristkonsult O.Anvarov maʼruza qilib, mazkur Qonunning tartibi hamda talablari, aholi o‘rtasidagi targʻibot tadbirlari, 937-sonli Qonunga binoan tashkil etilayotgan xatlov ishlarida qonuniylik va shaffoflikni ta’minlash maqsadida koʻrilayotgan chora-tadbirlar haqida to‘liq ma’lumot berildi.

◾️Tadbir yakunida yig‘ilganlar mavzu yuzasidan o‘zlarini qiziqtirgan savollarga javob oldilar.

Ijtimoiy tarmoqlar orqali kuzatib boring👇🏼
🚀 Telegram | 🔵Facebook |📷 Instagram | 🎬YouTube