#Kadastr #oliy_ta_lim_hamkorlik_aloqalari
TALABALAR UCHUN AMALIY MASHG‘ULOT

◼️Xabaringiz bor, 🌟Davlat kadastrlari palatasi Toshkent shahar boshqarmasi binosida Islom Karimov nomidagi Toshkent davlat texnika universiteti kafedrasi filiali faoliyati yo‘lga qo‘yilgan bo‘lib, haftaning har shanba kuni mazkur ta’lim dargohining Geodeziya, kartografiya va kadastr yo‘nalishi 4-bosqich talabalari uchun ma’ruza va amaliy mashg‘ulot darslari o‘tkazilmoqda.

✅Bugun tashkil etilgan o‘quv darsida Bino-inshootlar davlat kadastrini yuritish bo‘limi bosh mutaxassisi D.Bo‘riboyev tomonidan “Kadastr va ko‘chmas mulklarni ro‘yxatdan o‘tkazish integratsion UZKAD yagona axborot tizimi” mavzusida ma’lumot berildi.

❓ Amaliy mashg‘ulot yakunida talaba yoshlar mavzu yuzasidan o‘zlarini qiziqtirgan savollarga javob oldilar.

Ijtimoiy tarmoqlar orqali kuzatib boring👇🏼
🚀 Telegram | 🔵Facebook |📷 Instagram | 🎬YouTube

🇺🇿🇺🇿🇺🇿🇺🇿 🇺🇿🇺🇿🇺🇿🇺🇿

SAYYOR QABUL – AHOLI MANFAATLARI UCHUN

⭐️Kadastr agentligi rahbariyati ishtirokida Toshkent shahri aholisining kadastrga oid murojaatlarini koʻrib chiqish maqsadida sayyor qabul oʻtkazildi.

◼️Unda fuqaro va tadbirkorlarning ko‘chmas mulkni ro‘yxatdan o‘tkazish, kadastr pasportini rasmiylashtirish, mulkka egalik huquqini olish, meros hamda yerni xususiylashtirishga doir savol va muammolari tinglanib, tegishli yechim, huquqiy tushunchalar berildi.

✅Xususan, sayyor qabul davomida 20 ga yaqin fuqaroning murojaati kelib tushgan bo‘lsa, shu yerning o‘zida 12 tasi ijobiy hal etildi, 8 ta murojaat ijrosi nazoratga olindi.

◼️Shuningdek, qabul davomida yig‘ilganlarga 🌏Oʻzbekiston Respublikasining 05.08.2024 yildagi “Oʻzboshimchalik bilan egallab olingan yer uchastkalariga hamda ularda qurilgan binolar va inshootlarga boʻlgan huquqlarni eʼtirof etish toʻgʻrisida”gi OʻRQ-937-sonli Qonunining mazmun-mohiyati, unda nazarda tutilgan tartib-taomillar, aholiga yaratilgan imkoniyatlar haqida ham ma’lumot berildi.

📩 Telegram   |  📩 Instagram    |  📩YouTube    | 📩 Facebook       | 📩 Web-sayt