#Kadastr #rasmiy_munosabat
RASMIY MUNOSABAT

⬜️ Ijtimoiy tarmoqlardan birida Shayxontohur tumanida joylashgan “Kamolon kabob markazi“ rahbarining videomurojaati e’lon qilindi. Murojaat muallifining so‘zlariga ko‘ra, 2020-yilda mutasaddi tashkilot vakillari tomonidan mazkur manzildagi bo‘sh yotgan tashlandiq yer tadbirkorlik uchun hech qanday xat-hujjatlarsiz ajratib berilganligi, kredit mablag‘lari hisobiga kabob markazi barpo qilganligi va hozirgi kunda sud qaroriga ko‘ra majburiy tartibda buzilayotganligini ma’lum qilgan.

⬜️ Mazkur murojaat yuzasidan Kadastr agentligining Toshkent shahar boshqarmasi quyidagilarni ma’lum qiladi.

⬜️ Boshqarmaning Shayxontohur tuman bo‘limi mas’ul xodimlari tomonidan, tumanning Qozirobod 1-tor ko‘chasi, 61b-uy atrofida o‘tkazilgan yer nazorati tadbirida fuqaro B.Y. o‘ziga huquqiy hujjatlarga asosan tegishli bo‘lgan 240 kv.m yer maydonidan tashqari 70 kv.m. yer maydonini o‘zboshimchalik bilan egallab olganligi va noqonuniy qurilish qilinganligi aniqlangan.

⬜️ Shuningdek, ushbu qurilish uchun vakolatli organlardan hech qanday ruxsatnoma olmaganligi sababli tegishli tartibda dalolatnoma tuzilib, o‘zboshimchalik bilan egallab olingan yer maydonini va unda qurilgan noqonuniy qurilmani belgilangan muddatda ixtiyoriy ravishda bartaraf etish yuzasidan ko‘rsatma xati berilgan.

⬜️ Biroq, fuqaro davlat organining qonuniy talablarini bajarmaganligi sababli, unga nisbatan ma’muriy ta’sir chorasi qo‘llanilib, noqonuniy qurilmani buzish hamda o‘zboshimchalik bilan egallab olingan yer maydonini bo‘shatish yuzasidan belgilangan tartibda sudga da’vo arizasi bilan murojaat qilingan. Sud tomonidan da’vo talablari to‘liq qanoatlantirilib, qayd etilgan noqonuniy qurilmalarni buzish hamda yer maydonini bo‘shatish yuzasidan qaror qabul qilingan.

⬜️ Bugungi kunda sudning hal qiluv qarori qonuniy kuchga kirganligi sababli, Majburiy ijro byurosining hududiy bo‘limi tomonidan mazkur qarorni majburiy ijro etish choralari ko‘rilmoqda.

⬜️ Shuni alohida ta’kidlash joizki, videomurojaatda “Kamolon kabob markazi“ to‘liq majburiy tartibda buzilmoqda deb aytilgan fikr haqiqatga to‘g‘ri kelmaydi. Chunki faqatgina o‘zboshimchalik bilan egallab olingan davlat zaxirasidagi 70 kv.m. yer maydonidagi noqonuniy qurilmani majburiy tartibda buzilishi sud qarorida qayd etilgan va ijroga qaratilgan.

⬜️ Noqonuniy egallangan 70 kv.m. yer maydonidagi qurilmaning belgilangan tartibda majburiy buzilishi hujjatlarda keltirilgan bo‘lsa-da, murojaat muallifi butun bir tadbirkorlik subyektining buzilayotganini iddao qilmoqda. Bu esa “pashshadan fil yasash” bilan teng xolos. Aslida “Kamolon kabob markazi“ qonun hujjatlariga ko‘ra 240 kv.m. yer maydonida o‘z faoliyatini olib borishiga qonunchilikda hech qanday to‘siqlar mavjud emas.

⬜️ Xulosa o‘rnida, O‘zbekiston Respublikasida qabul qilingan qonunlar talablariga rioya qilib faoliyat yuritayotgan har bir tadbirkor hamda fuqarolar davlat himoyasida. Qonun talablaridan chetga chiqish esa e’lon qilingan videomurojaatdagi kabi ortiqcha muammo va dilxiraliklarga sabab bo‘lishi mumkin. Chunki qonunni bilmaslik, javobgarlikdan ozod qilmaydi.

Ijtimoiy tarmoqlar orqali kuzatib boring👇🏼
Telegram | Facebook | Instagram | YouTube

#haftalik #daydjest
HAFTALIK HISOBOT

🔷 RADIODA KADASTR MAVZUSI

🔷 DAVLAT RO‘YXATIDAN O‘TGAN OBYEKTLAR STATISTIKASI

🔷 KADASTR AHOLI MANFAATLARI YO‘LIDA

🔷 MUROJAATLAR TAHLILI

🔷 OAV BIZ HAQIMIZDA

🔷 O‘YLAMAY QILINGAN ISH – KELTIRAR TASHVISH

🔷 YER NAZORATI TADBIRLARI

Ijtimoiy tarmoqlar orqali kuzatib boring👇🏼
Telegram | Facebook | Instagram | YouTube

#Kadastr #sayyor_qabul #Chilonzor #Uchtepa
🔸 DIQQAT E’LON! 🔸

📣 Poytaxtimizning Chilonzor hamda Uchtepa tumanlari fuqarolari va tadbirkorlari!

🏢 Sizning kadastr sohasi bilan bog‘liq murojaatlaringizni ko‘rib chiqish maqsadida Kadastr agentligi va Davlat kadastrlari palatasi Toshkent shahar boshqarmalarining Chilonzor tumani filialida sayyor qabul o‘tkaziladi.

📝 Kadastrga oid masalalaringiz bo‘lsa, sayyor qabulda ishtirok etishingiz mumkin.

✅ Sayyor qabul Kadastr agentligi hamda Davlat kadastrlari palatasi Toshkent shahar boshqarmalari boshliqlari ishtirokida o‘tkaziladi.

🗓 Kuni: 2023-yil, 21-dekabr, soat 10:00 dan.

☎️ Qabulga yozilish uchun: (+99871) 279-21-06.

📍Manzil: Chilonzor tumani, Bunyodkor shox ko‘chasi, 22/2 uy.

Ijtimoiy tarmoqlar orqali kuzatib boring👇🏼
Telegram | Facebook | Instagram | YouTube