ТУРИЗМ РИВОЖИДАГИ ИМКОНИЯТЛАРДА, МОЛ-МУЛК СОЛИҒИ КАМАЙТИРИЛАДИ

Тадбиркорларга меҳмонхона бўйича ер ва мол-мулк солиғи ставкаси 90 фоизга камайтирилади

🔰 2022 йил 1 июлдан мазкур туманлар ва шаҳарларда туризм объектларини қуриш учун ер участкаларини электрон онлайн-аукцион савдосига чиқариш тартиби жорий этилади.

🔰 Қарорга кўра, хизматлар соҳасини ривожлантиришнинг устувор йўналишлари белгиланди.
Қарорга кўра, Тадбиркорларга 2022 йил 1 январдан 2027 йил 1 январгача меҳмонхона ва майдони 5 минг квадрат метрдан юқори бўлган савдо комплекслари бўйича:

- ер солиғи ва мол-мулк солиғи ставкаси 90 фоизга камайтирилади;

- фойда солиғини ҳисоблашда биноларнинг қиймати 2 йил амортизация харажатлари сифатида чегириб ташланади.

🔰 2022 йил 1 апрелдан 2025 йил 1 январгача 28 та туман ва шаҳарларда умумий овқатланиш, меҳмонхона, савдо, кўнгилочар, туроператор ва турагент хизматларини кўрсатаётган тадбиркорлар учун:

- айланмадан олинадиган солиқ – 1 фоиз;

- мол-мулк ва ер солиғи ҳисобланган сумманинг 1 фоизи миқдорида белгиланади.

Шунингдек, 2022 йил 1 июлдан мазкур туманлар ва шаҳарларда туризм объектларини қуриш учун ер участкаларини электрон онлайн-аукцион савдосига чиқариш тартиби жорий этилади.
Ижтимоий тармоқлар орқали кузатиб боринг👇🏼
Telegram | Facebook | Instagram | YouTube

#yer_nazorati #kadastr
ЕР НАЗОРАТИ

🔷 2021-2022 йил 1 феврал холатига Кадастр агентлиги Тошкент шаҳар бошқармаси инспекторлари томонидан олиб борилган ишлар натижалари

🔷Ўз.Р.МЖтКнинг 60-моддаси 4-қисмига асосан, ҳуқуқбузарлик содир этган шахс, агар у ўзбошимчалик билан эгалланган ер участкасининг қайтарилишини таъминласа ва ўзбошимчалик билан эгаллаб олишнинг оқибатларини бартараф этса, жавобгарликдан озод этилиши белгиланганлиги сабабли 43 ҳолатда жисмоний ва юридик шахслар ихтиёрий равишда қонун бузилиш ҳолатларини бартараф этишган.

🔷Бироқ, ўзига тегишли ҳулоса чиқармаган ва ихтиёрий равишда қонун бузилиш ҳолатларини бартараф этмаган 130 та ҳолатда
жисмоний шахсларга 1 714 500 000 сўм
юридик шахсларга 877 500 000 сўм
жами 2 592 000 000 сўм миқдорида маъмурий жарима қўлланилган.
Ижтимоий тармоқлар орқали кузатиб боринг👇🏼
Telegram | Facebook | Instagram | YouTube

▫️Qishloq xo‘jaligiga mo‘ljallangan yerlarda monitoring▫️

❇️ Qishloq xo‘jaligiga mo‘ljallangan yerlar va ekin maydonlarida monitoring ishlarini amalga oshirish tartibi.

📖 O‘zbekiston Respublikasi Vazirlar Mahkamasining 14.01.2022 yildagi 22-qarori bo‘yicha ma’lumot.

#DavKadastrPalata #huquqiy_asos #yerlarda_monitoring

Ijtimoiy tarmoqlardagi sahifalarimiz:
Telegram | Facebook| Instagram |

💠2022 йилнинг 31 январ - 4 феврал кунларида Тошкент шаҳрининг фуқаролик ишлари бўйича туманлараро судлари, маъмурий судлари, иқтисодий судида Давлат кадастрлари палатасининг Тошкент шаҳар бошқармаси иштирокида жами 86 та ишлар кўрилган.

🏛фуқаролик ишлари бўйича туманлараро судларида - 40 таси

🏫маъмурий судларда - 18 таси

⛪️иқтисодий судда - 13 таси кўриб чиқилмоқда

🏢Бундан ташқари, Мажбурий ижро бюроси томонидан суд қарорларини ижро этиш учун 14 та ҳолатда бошқарма ходимлари мутахассис сифатида қатнашдилар

♻️ 1- та иш жараёнда.

Ижтимоий тармоқлар орқали кузатиб боринг👇🏼
Telegram | Facebook | Instagram | YouTube

Тошкент шаҳар ҳокими Жаҳонгир Ортиқхўжаевнинг тадбиркорларга мурожаати

Ассалому алайкум!
Ҳурматли тадбиркорлар ва ишбилармонлар!

Барчамизга маълумки, Давлатимиз раҳбари томонидан тадбиркорлик фаолияти билан шуғулланишни соддалаштириш, қурилишга рухсат беришнинг шаффоф тизимини жорий этиш борасида кўплаб ҳужжатлар қабул қилинган.

Шу ўринда айтиш жоизки, тадбиркорлик объектларини барпо этишда, албатта, ер участкасини ажратиш энг долзарб масалалардан бири ҳисобланади.

Шу боис 2021 йил июнь ойида Президентимизнинг тарихий Фармони қабул қилиниб, ер участкаларини ажратишнинг барча учун тенг, шаффоф ва бозор тамойилларига асосланган тартиби жорий этилди. Хусусан, тадбиркорлик объектларини қуриш учун ер участкалари фақат электрон онлайн-аукцион орқали ажратилиши белгиланди.

Туман (шаҳар) ҳокимларининг тўғридан-тўғри ер майдони ажратиш бўйича қарор қабул қилиш ваколати бекор қилинди.

Бу борада амалга оширилаётган ишларнинг барчаси, энг аввало, халқни рози қилиш, шаффофликни таъминлаш, тадбиркорларга ҳар томонлама очиқ бўлган шароитларни яратиш ҳисобланади.

Шунга қарамасдан, жойларда ҳанузгача ер майдонларини тўғридан-тўғри ажратиш, ерларни ўзбошимчалик билан эгаллаб олиб, ноқонуний қурилмаларни қуриш, енгил қурилмаларни ўрнатиш, автобус бекатлари ўрнида ҳеч бир рухсатсиз савдо дўконларини қуриш каби салбий ҳолатлар кўплаб учрамоқда.

Айниқса, бундай қурилмаларнинг аҳоли яшаш массивлари ичида, йўлнинг ҳимоя ҳудудларида, катта босим остида бўлган сув, газ қувурлари ўтказилган ҳимоя ҳудудларида барпо этилиши ҳолатлари аҳоли тинчлиги ва хавфсизлигига, ташқи муҳандислик тармоқларини қисқа муддатларда таъмирлашга салбий таъсир қилмоқда.

Сўнгги вақтларда ўзининг танишлари орқали ер олиб беришни ваъда қилаётган ёки турли сохта “қарорларни” кўрсатиб, кадастр ҳужжатини кейин ҳал қилиб беришга ишонтириб, ер сотиб олишни таклиф этаётган шахслар кўпайиб кетди. Уларга ишонманг.

Тадбиркор мулкини бузиш, унга зарар етказиш бизнинг мақсадимиз эмас.

Аммо амалдаги қонунчиликка мувофиқ ўзбошимчалик билан эгаллаб олинган ерда қурилган бино ва иншоотларнинг мулк ҳуқуқи эътироф этилмайди. Аксинча, ушбу ерни давлат заҳирасига қайтариш учун қурилган бинолар ҳеч қандай компенсация тўланмасдан бузилади ҳамда айбдор шахслар жазога тортилади.

Бунда ўзбошимчалик билан эгаллаб олинган ер участкасини давлатга қайтариш Ер кодексига мувофиқ, ҳокимларнинг қарорига ёки суднинг ҳал қилув қарорига кўра амалга оширилади.

Албатта, турли қонунга ҳилоф йўллар ва ҳужжатларсиз олинган ерлар ноқонуний бўлиб, айбдор шахсларга нисбатан жазо муқаррар ҳисобланади.

Пойтахтимиз аҳолиси ва депутатларимиздан ҳам ўзлари яшаётган ҳудудларда ноқонуний равишда ўрнатилаётган енгил қурилма дўконлар, фаст-фуд шохобчалари ва автобус бекатлари ўрнида қурилаётган дўконлар ҳақида ўз вақтида ваколатли идораларга ҳабар беришларини, атрофдаги воқеликларга бефарқ бўлмасликларини илтимос қилардим.

Ҳурматли тадбиркорлар, ишбилармонлар!

Тадбиркорлик инсондан катта жасорат, ақл, меҳнат ва маблағ талаб қилади. Тадбиркорлик билан шуғулланар экансиз, ўз маблағингизни эҳтиёт қилиб, ер олиш учун аукционда иштирок этиб, ернинг қонуний эгаси бўлинг.

Ноқонуний ҳаракатларга аралашиб маблағингизга куйиб қолманг, алданманг, сармоянгизни тўғри сарфланг!

Ўз бизнесингиз учун бино ёки ер участкасини сотиб олишдан олдин ваколатли органларнинг мутахассислари, малакали ҳуқуқшунослар ва адвокатлардан маслаҳат олишингизни илтимос қиламан!

🎥 YouTube 🌏 Telegram 🌐 Web-site

#savol_javob #kadastr_ma_lumotlari САВОЛ БЕРИНГ- ЖАВОБ БЕРАМИЗ

❓Савол: Мен кўп қаватли уйнинг 1чи қаватида истиқомад қиламан. Уйнинг олди ва орқа ерлари биринчи қаватдаги хонадонга тегишли бўладими ёки давлатгами?

✅Жавоб: Кўп квартирали уйларни бошқариш тўғрисида Ўзбекистон Республикаси Қонунининг 5-моддасига кўра,
Кўп квартирали уй — кўп квартирали уйга туташ ер участкасига ёхуд бундай уйдаги умумий фойдаланиладиган жойларга мустақил чиқиш йўлакларига эга бўлган икки ва ундан ортиқ квартиралар мажмуидир. Кўп квартирали уй улушли мулк ҳуқуқи асосида жойларнинг мулкдорларига тегишли бўлган умумий мулк элементларини ўз ичига олади деб белгиланган.
Қонунинг 7-моддасида, Кўп квартирали уйга туташ ер участкаси маҳаллий давлат ҳокимияти органлари томонидан кўп квартирали уйдаги жойларнинг мулкдорларига доимий фойдаланиш ҳуқуқи асосида ажратилади. Кўп квартирали уйдаги жойлар мулкдорларининг зиммасига мазкур ер участкасининг санитария ҳолати ва ободонлаштирилиши учун жавобгарлик юклатилади.

🔹Ҳар бир кўп квартирали уйнинг кадастр паспортида кўп квартирали уйга туташ ер участкаси тўғрисида маълумотлар, шунингдек ер майдонининг кадастр режаси мажбурий тартибда бўлиши шарт.
Кўп квартирали уйга туташ ер участкаси бўлинмасдир ва мустақил ер участкаларига ажратилиши мумкин эмас.

🔹Шунингдек, Қонунинг 13-моддасида,
Умумий мол-мулк жойларнинг мулкдорларига умумий улушли мулк ҳуқуқи асосида тегишли бўлади.
Умумий мол-мулкдан фойдаланиш ҳуқуқи жой мулкдорининг умумий мол-мулкдаги улушига боғлиқ бўлмайди. Жойларнинг мулкдорлари умумий мол-мулкдан ҳамда уйга туташ ер участкасидан фойдаланишда тенг ҳуқуқларга эга.

🔹Таянч ва тўсиқ конструкцияларни, квартиралар оралиғидаги иҳоталанган (ўрама) пиллапоялар, зинапоялар, лифтлар, лифтнинг шахталари ҳамда бошқа шахталар, уй ичидаги муҳандислик тармоқлари ва коммуникациялари, жойларнинг ташқарисида ёки ичида жойлашган ҳамда биттадан ортиқ жойга хизмат кўрсатадиган механик, электр, санитария-техника ускуналари ҳамда қурилмалари ва бошқа ускуна ҳамда қурилмаларни бошқа шахсга бериш тақиқланади.


☝️Мазкур бот @kadastruzb_bot фақат кадастр, ер ва бино-иншоотларга таалуқли бўлган саволларингизга жавоб беришда давом этади.

Ижтимоий тармоқлар орқали кузатиб боринг👇🏼
Telegram | Facebook | Instagram | YouTube

▫️Davlat xizmatlari markazlaridagi kadastr xizmatlari▫️

Ko‘chmas mulk ob’ektlarining qonun asosidagi ipotekasi va ipoteka to‘g‘risidagi shartnomalarni davlat ro‘yxatidan o‘tkazish

🔹Xizmat ko‘rsatish muddati: 1 ish kuni

🔹Talab qilinadigan hujjatlar va ma’lumotlar :
1) So‘rovnoma to‘ldiriladi;
So‘rovnomaga ariza beruvchi — jismoniy va yuridik shaxslar to‘g‘risida ma’lumotlar, Ko‘chmas mulk ob’ekti to‘g‘risida ma’lumotlar kiritiladi.

2) Ipoteka shartnomasi ilova qilinadi.

🔹Tartibga soluvchi normativ-huquqiy hujjat: Vazirlar Mahkamasining 2020 yil 2 sentyabrdagi 535-son qarori.

#DavKadastrPalata #davlat_xizmatlari_markazi #kadastr_xizmatlari

Ijtimoiy tarmoqlardagi sahifalarimiz:
Telegram | Facebook| Instagram |