#Kadastr #sizdan_savol
SIZDAN SAVOL, BIZDAN JAVOB

❓ Savol: Ko‘chmas mulkni bo‘lish qay tartibda amalga oshiriladi?

✅ Javob: Umumiy birgalikdagi mulkni bo‘lish ushbu umumiy mulk ishtirokchilari o‘rtasidagi kelishuvga yoki sud qaroriga asosan amalga oshiriladi.

💬 Jismoniy va yuridik shaxslarga ijara, doimiy foydalanish, meros qilib qoldiriladigan umrbod egalik qilish huquqlarida tegishli bo‘lgan yer uchastkalarining bino va inshoot bo‘lmagan bo‘sh qismini alohida qismlarga bo‘lishga yo‘l qo‘yilmaydi.

Ijtimoiy tarmoqlar orqali kuzatib boring👇🏼
🚀 Telegram | 🔵Facebook |📷 Instagram | 🎬YouTube

🇺🇿🇺🇿🇺🇿🇺🇿 🇺🇿🇺🇿🇺🇿🇺🇿

📺 "Yoshlar" telekanali efirga uzatilayotgan “Tafakkur yo‘li” dasturining navbatdagi mehmoni ⭐️ Kadastr agentligi direktorining o‘rinbosari - “Geoinnovatsiya markazi” davlat unitar korxonasi direktori Abdushukur Abdullayev bo‘ldi.

🔊Unda, 🌟 Agentlik tizimida yoshlarga qaratilayotgan e’tibor, ularni ishga jalb qilish, o‘qitish borasida amalga oshirilayotgan ishlar, o‘zgarishlar, kitobxonlik, “Halollik vaksinasi” hamda sohada orttirilgan boy tajriba va shu asosida bugungi kun yoshlari va shogirdlariga nasihatlar haqida so‘z boradi.

📩 Telegram   |  📩 Instagram    |  📩YouTube    | 📩 Facebook       | 📩 Web-sayt

🇺🇿🇺🇿🇺🇿🇺🇿🇺🇿

XATLOVDA NIMALARNI BILISHINGIZ KERAK?!

🇺🇿 O'zbekiston Respublikasining "O‘zboshimchalik bilan egallab olingan yer uchastkalariga hamda ularda qurilgan binolar va inshootlarga bo‘lgan huquqlarni e’tirof etish to‘g‘risida"gi 937-sonli Qonuniga muvofiq Davlat kadastrlari palatasi tomonidan "Ko'chmas mulklarni xatlov yo'li bilan texnik inventarizatsiyadan o'tkazish va elektron yig‘majildini tayyorlash tartibi to‘g‘risida" uslubiy qo'llanma ishlab chiqildi.

📃 Ushbu yo'riqnoma asosida tayyorlangan mazkur video orqali xatlov jarayonlarida e'tibor qaratish lozim bo'lgan tomonlar haqida batafsil ma'lumotlarni taqdim etamiz.

#DavKadastrPalata #OʼRQ_937 #xatlov

Ijtimoiy tarmoqlardagi sahifalarimiz:
Web-sayt I Telegram I Instagram I YouTube I Facebook I Twitter

#Kadastr #konstitutsiya
KONSTITUTSIYA - HUQUQLARIMIZ KAFOLATI

◾️Har kim uy-joyli bo‘lish huquqiga ega.

◾️Hech kim sudning qarorisiz va qonunga zid tarzda uy-joyidan mahrum etilishi mumkin emas. Uy-joyidan mahrum etilgan mulkdorga uy-joyning qiymati hamda u ko‘rgan zararlarning o‘rni qonunda nazarda tutilgan hollarda va tartibda oldindan hamda teng qiymatda qoplanishi ta’minlanadi.

◾️Davlat uy-joy qurilishini rag‘batlantiradi va uy-joyga bo‘lgan huquqning amalga oshirilishi uchun shart-sharoitlar yaratadi.

◾️Aholining ijtimoiy jihatdan ehtiyojmand toifalarini uy-joy bilan ta’minlash tartibi qonun bilan belgilanadi.

🇺🇿 O'zbekiston Respublikasi Konstitutsiyasi 47-modda.

Ijtimoiy tarmoqlar orqali kuzatib boring👇🏼
🚀 Telegram | 🔵Facebook |📷 Instagram | 🎬YouTube

❗️❗️❗️ 🇺🇿🇺🇿🇺🇿🇺🇿

"Korrupsiya-taraqqiyot dushmani" videoroliklar tanlovining FINAL bosqichi bo'lib o'tadi.

➡️Oldin xabar berganimizdek "9-dekabr xalqaro korrupsiyaga qarshi kurashish kuni" munosabati bilan 🌟Kadastr agentligi tizimida faoliyat yuritayotgan xodimlar o'rtasida o'tkazilayotgan "Korrupsiya-taraqqiyot dushmani" videoroliklar tanlovining FINAL bosqichi 6-dekabr kuni o'tadi.

⏰ Mazkur tanlovda 20 dan ortiq videoroliklar kelib tushgan bo'lib FINAL bosqichga 10 ta rolik g'oliblik va sovrinlar uchun ishtirok etadi.

⬆️ Bizni kuzatishda davom eting. Final bosqichi yakunlari bo'yicha ma'lumotlar hamda g'oliblikni qo'lga kiritgan video roliklar 🌟Kadastr agentligining rasmiy sahifalari orqali e'lon qilinadi.

#Kadastr_agentligi #tanlov_final #korrupsiya

📩 Telegram   |  📩 Instagram    |  📩YouTube    | 📩 Facebook       | 📩 Web-sayt

🇺🇿🇺🇿🇺🇿🇺🇿🇺🇿

🇺🇿 "Noturar ko'chmas mulkni boshqa shaxsga o'tkazishga oid shartnomalarni rasmiylashtirish va unga bo'lgan huquqlarni davlat ro'yxatidan o'tkazish bo'yicha kompozit davlat xizmatini ko'rsatishning ma'muriy reglamentini tasdiqlash to'g'risida"gi O‘zbekiston Respublikasi Vazirlar Mahkamasining 2024-yil 29-noyabrdagi 795-sonli qarori qabul qilindi.

📃 Mazkur maʼmuriy reglament yuridik shaxslar o‘rtasida noturar ko‘chmas mulkni butunligicha boshqa shaxsga o‘tkazishga oid ikki taraflama shartnomalarni rasmiylashtirish va ularga bo‘lgan huquqlarni davlat ro‘yxatidan o‘tkazish bo‘yicha davlat xizmatini ko‘rsatish tartibini belgilaydi, noturar ko‘chmas mulkning hadya va renta shartnomalari bundan mustasno.

◼️Ushbu reglamentga ko'ra davlat xizmatini ko'rsatish 4 bosqichda amalga oshiriladi:

1-bosqich. Ariza beruvchilar - Davlat xizmatidan foydalanish uchun Davlat xizmatlari markaziga shaxsan kelib murojaat qiladi.

2-bosqich. Davlat xizmatlari markazi - ariza beruvchilarning shaxsini aniqlaydi va shartnoma ular tomonidan shaxsan imzolanganligini tasdiqlaydi hamda shartnomani Davlat kadastrlari palatasiga yuboradi.

3-bosqich. Davlat kadastrlari palatasi va uning hududiy boshqarmalari - ko‘chmas mulkka bo‘lgan huquqlar davlat reyestridan ko‘chirmani Davlat xizmatlari markaziga yuboradi.

4-bosqich. Davlat xizmatlari markazi - Ko‘chirma kelib tushgandan so‘ng, uni ariza beruvchilarning elektron manziliga yuboradi va ariza beruvchilarni bu haqda axborot-kommunikatsiya tizimi orqali xabardor qiladi. Ariza beruvchilarning so‘roviga ko‘ra ko‘chirma elektron shaklda yoki qog'oz shaklda berilishi mumkin.

➡️ Qarorning to'liq matni bilan mazkur manbaa orqali tanishishingiz mumkin: https://lex.uz/pdfs/7246182

#DavKadastrPalata #qonunchilikda_yangiliklar

Ijtimoiy tarmoqlardagi sahifalarimiz:
Web-sayt I Telegram I Instagram I YouTube I Facebook I Twitter

🎬🎬🎬🎬

📹 937-SONLI QONUN BILAN, DAVR OROLIG‘I SIFATIDA NEGA AYNAN 2018-YIL 1-MAY TANLANGAN?

➡️ Bu bo'yicha ⭐️ Kadastr agentligi Metodologiya va uslubiy qo‘llab-quvvatlash boshqarmasi boshlig‘i Bexzod Nishanov javob beradi.

➡️ Batafsil videoda

📩 Telegram   |  📩 Instagram    |  📩YouTube    | 📩 Facebook       | 📩 Web-sayt

🌇🌇🌇🌇

JORIY YILNING 11 OYIDA QANCHA KADASTR PASPORTI TAYYORLANDI?

📊 Tahlillarga ko‘ra, 2024-yilning o‘tgan 11 oyida 🌟Davlat kadastrlari palatasi Toshkent shahar boshqarmasining hududiy filiallariga kadastr pasportini shakllantirish uchun Davlat xizmatlari markazi hamda Yagona interaktiv davlat xizmatlari portali (my.gov.uz) orqali jami 55 694 ta murojaat kelib tushgan.

Shulardan
✅ 38 988 tasi ijobiy hal qilinib, kadastr pasporti shakllantirib berilgan;
❌16 062 ta ariza rad etilgan;
🔵 644 tasi jarayonda.

◾️Mavzuga oid batafsil ma’lumotlar bilan mazkur infografika orqali tanishishingiz mumkin.

#Kadastr #infografika #kadastr_pasporti

Ijtimoiy tarmoqlar orqali kuzatib boring👇🏼
🚀 Telegram | 🔵Facebook |📷 Instagram | 🎬YouTube

#Kadastr #konstitutsiya
KONSTITUTSIYA - HUQUQLARIMIZ KAFOLATI

◾️Har kim ta’lim olish huquqiga ega.

◾️Davlat uzluksiz ta’lim tizimi, uning har xil turlari va shakllari, davlat va nodavlat ta’lim tashkilotlari rivojlanishini ta’minlaydi.

◾️Davlat maktabgacha ta’lim va tarbiyani rivojlantirish uchun shart-sharoitlar yaratadi.

◾️Davlat bepul umumiy o‘rta ta’lim va boshlang‘ich professional ta’lim olishni kafolatlaydi. Umumiy o‘rta ta’lim majburiydir.

◾️Maktabgacha ta’lim va tarbiya, umumiy o‘rta ta’lim davlat nazoratidadir.

◾️Ta’lim tashkilotlarida alohida ta’lim ehtiyojlariga ega bo‘lgan bolalar uchun inklyuziv ta’lim va tarbiya ta’minlanadi.

🇺🇿 O'zbekiston Respublikasi Konstitutsiyasi 50-modda.

Ijtimoiy tarmoqlar orqali kuzatib boring👇🏼
🚀 Telegram | 🔵Facebook |📷 Instagram | 🎬YouTube

#Kadastr #huquqiy_asos #Qonun_937
HUQUQNI E’TIROF ETISH UCHUN ASOSLAR

◼️Fuqarolarning bog‘dorchilik va uzumchilik shirkatlari hududida joylashgan turar joylariga bo‘lgan mulk huquqini hamda ular egallagan yer uchastkasiga bo‘lgan ijara huquqini e’tirof etish uchun quyidagi shartlarning barchasiga rioya etilganligi asos bo‘ladi, agar:

✅fuqaro bog‘dorchilik va uzumchilik shirkati a’zosi bo‘lsa;

✅mazkur yer uchastkasi boshqa jismoniy va yuridik shaxslarga ajratilmagan yoki elektron onlayn-auksionga qo‘yilmagan bo‘lsa;

✅mazkur yer uchastkasidan foydalanish yuzasidan jismoniy va (yoki) yuridik shaxslar o‘rtasida nizo mavjud bo‘lmasa;

✅mazkur yer uchastkasi uchun yer solig‘i bo‘yicha, unda qurilgan binolar va inshootlar uchun esa mol-mulk solig‘i bo‘yicha qarzdorlik mavjud bo‘lmasa.

🌏“Oʻzboshimchalik bilan egallab olingan yer uchastkalariga hamda ularda qurilgan binolar va inshootlarga boʻlgan huquqlarni eʼtirof etish toʻgʻrisida”gi O‘RQ 937-sonli Qonun, 8-modda.

Ijtimoiy tarmoqlar orqali kuzatib boring👇🏼
🚀 Telegram | 🔵Facebook |📷 Instagram | 🎬YouTube