#Kadastr #korrupsiyaga_qarshi_kurash #xatlov #Qonun_937
XATLOV JARAYONLARI ADOLATLI O‘TKAZILISHI TA’MINLANMOQDA

◼️Xabaringiz bor, ⭐️Kadastr agentligining tasdiqlangan reja-jadvali asosida O‘zbekiston Respublikasining 937-sonli Qonuniga binoan xatlov ishlari amalga oshirilmoqda.

◼️Kuni kecha 🌟Davlat kadastrlari palatasi Korrupsiyaga qarshi kurashish bo‘limi boshlig‘i I.Tadjibayev, ⭐️Kadastr agentligi va 🌟Davlat kadastrlari palatasi Toshkent shahar boshqarmalarining Korrupsiyaga qarshi kurashish bo‘yicha bosh mutaxassislari Sh.Ro‘zmatov, T.Yuldashev poytaxtning 📍Yangihayot, Olmazor hamda Shayxontohur tumanlaridagi xatlovda bevosita ishtirok etib, jarayonlarning shaffof hamda to‘g‘ri amalga oshirilayotganini yaqindan o‘rgandilar.

◼️Kadastr xodimlariga xatlov ishlari jarayonida korrupsiya, ta’magirlik, manfaatlar to‘qnashuvi, firibgarlik holatlariga yo‘l qo‘ymaslik, shuningdek o‘z vazifalarini mas’uliyat bilan bajarishlari yuzasidan ko‘rsatma berildi.

◼️Xonadon egalariga esa xatlovdan ko‘zlangan pirovard maqsad fuqarolarning qonunda belgilangan yer uchastkalari va ko‘chmas mulklariga nisbatan egalik huquqlarini qonuniy e’tirof etilishi ekanligi haqida tushuntirish ishlari olib borildi.

Ijtimoiy tarmoqlar orqali kuzatib boring👇🏼
🚀 Telegram | 🔵Facebook |📷 Instagram | 🎬YouTube

#Kadastr #oliy_ta_lim_hamkorlik_aloqalari
TALABALAR UCHUN AMALIY MASHG‘ULOT

◼️Xabaringiz bor, 🌟Davlat kadastrlari palatasi Toshkent shahar boshqarmasi binosida Islom Karimov nomidagi Toshkent davlat texnika universiteti kafedrasi filiali faoliyati yo‘lga qo‘yilgan bo‘lib, haftaning har shanba kuni mazkur ta’lim dargohining Geodeziya, kartografiya va kadastr yo‘nalishi 4-bosqich talabalari uchun ma’ruza va amaliy mashg‘ulot darslari o‘tkazilmoqda.

◼️Navbatdagi amaliy mashg‘ulot davomida talabalar boshqarmaning Koʻchmas mulkka boʻlgan huquqlarni davlat roʻyxatidan oʻtkazish boʻlimi faoliyati bilan yaqindan tanishdilar. Shu joyning o‘zida kadastr sohasiga qiziquvchi talaba yoshlar mavzu yuzasidan o‘zlarini qiziqtirgan savollarga javob ham oldilar.

Ijtimoiy tarmoqlar orqali kuzatib boring👇🏼
🚀 Telegram | 🔵Facebook |📷 Instagram | 🎬YouTube

#Kadastr #xatlov #Qonun_937 #Shayxontohur
SHAYXONTOHUR TUMANIDAGI XATLOV ISHLARI

◼️Ayni vaqtda ⭐️Kadastr agentligi tomonidan tasdiqlangan reja-jadval asosida O‘zbekiston Respublikasining “O‘zboshimchalik bilan egallab olingan yer uchastkalariga hamda ularda qurilgan binolar va inshootlarga bo‘lgan huquqlarni e’tirof etish to‘g‘risida”gi 937-sonli Qonuniga binoan Toshkent shahri mahallalarida ham xatlov ishlari olib borilmoqda.

▶️ Foto: Shayxontohur tumani, “Beltepa” MFYdagi xatlov jarayonlaridan.

Ijtimoiy tarmoqlar orqali kuzatib boring👇🏼
🚀 Telegram | 🔵Facebook |📷 Instagram | 🎬YouTube

#Kadastr #muqaddasdir_vatan_bayrog_i #tadbir
MUQADDASDIR VATAN BAYROG‘I

🌱 Dunyo istalgan mamlakat, hududni uning bayrog‘i orqali taniydi. Bayroq, xuddi inson chehrasi misol, o‘zida mamlakatning turmushi, o‘tmishi va buguni haqida tasavvurlarni taqdim etadi.

🇺🇿 O‘zbekiston Respublikasining Davlat bayrog‘i qabul qilinganining 33 yilligi munosabati bilan ⭐️Kadastr agentligi va 🌟Davlat kadastrlari palatasi Toshkent shahar boshqarmalarida “Muqaddasdir, Vatan bayrog‘i!” shiori ostida tadbir bo‘lib o‘tdi.

⚜️ Dastlab xodimlar ishtirokida jamoaviy tarzda Davlat madhiyasi jo‘r bo‘lib ijro etilganida qalblarda istiqlolga va bugungi tinch-osoyishta hayotimizga shukronalik, kelajakka qat’iy ishonch tuyg‘usi yanada jo‘sh urdi.

🇺🇿Tadbirda Davlat bayrog‘i haqida taqdimot ko'rinishida asosiy tushunchalar va qiziqarli ma’lumotlar berildi. Qayd etilganidek, O‘zbekiston Respublikasi bayrog‘i – Vatan timsoli. Uni ko‘rganda, har bir yurtdoshimiz qalbida g‘urur, umid va ishonch uyg‘onadi.

🫥 Tadbir yakunida tashkil etilgan qisqa savol-javoblar orqali kadastr xodimlarining qutlug‘ sanaga doir bilimlari sinovdan o‘tkazildi.

Ijtimoiy tarmoqlar orqali kuzatib boring👇🏼
🚀 Telegram | 🔵Facebook |📷 Instagram | 🎬YouTube