⚡️“Jas yuristler” komandası jeńimpazlar qatarında

✔️Birneshe kúnnen beri Buxara wálayatında dawam etip atırǵan “Jaslar hám nızam” tańlawınıń Respublikas basqıshı óz juwmaǵına jetti. Qızǵın bellesiwlerge bay bolǵan tańlaw juwmaǵında:

💫18-30 jas kategoriyasında:

1️⃣-orın Namangan wálayatınıń “Diyonat”;
2️⃣-orın Buxara wálayatınıń “Femida”;
3️⃣-orın Qaraqalpaqstan Respublikasınıń “Jas yuristler” komandaları iyeledi.

Jerleslerimizdi qolǵa kirgizgen jeńisi menen qutlıqlaymız.💐💐💐

|✈️Telegram |📷 Instagram |🖤 You Tube | 📒Facebook

Joqarǵı Keńes Baslıǵı bir qatar belsendi student jaslar menen ushırastı

Qaraqalpaqstan Respublikası Joqarǵı Keńesiniń Baslıǵı Amanbay Orınbayev búgin óz teńlesleri arasında ayrıqsha qábileti menen kózge túsken bir qatar belsendi jaslar menen ushırastı.

Ótkerilgen ushırasıwda Joqarǵı Keńes Baslıǵı búgingi kúnde jaslarǵa jaratılıp berilip atırǵan imkaniyatlar hám húrmetli Prezidentimizdiń ayrıqsha itibarı joqarı ekenligin atap ótti.

Bolıp ótken ushırasıw dawamında mámleketlik stipendiyalar jeńimpazları hám “Universiada-2022” sport jarıslarınıń jeńimpazlarına bahalı sawǵalar tapsırıldı.

Aytıp ótiw orınlı, bıyılǵı jılı 84 student mámleketlik stipendiya iyesi bolıw baxtına miyasar boldı.

Ótkerilgen ushırasıw dawamında student jaslar menen jaqınnan sáwbetlesilip, olardıń pikir hám usınısları tıńlandı.

Joqarǵı Keńes Baslıǵı mámleketimiz olardı hár dayım qollap-quwatlawǵa tayar ekenligin bildirdi.

Tolıq maǵlıwmat

Qaraqalpaqstan Respublikası Joqarǵı Keńesiniń Málimleme xızmeti

|✈️Telegram |📷 Instagram |🖤 You Tube | 📒Facebook

⚡️“Mártlik mektebi” oqıw-jıyınınıń 1-máwsimi juwmaqlandı.

✍️Usı jıldıń 20-fevral kúni Arqa-batıs áskeriy okruginde Qaraqalpaqstan Respublikasınıń barlıq qala hám rayon máhállelerinen jıynalǵan 100 jastıń qatnasıwında “Mártlik mektebi” oqıw-jıyınınıń baslanǵanlıǵı haqqında xabar bergen edik.

✔️Jıyın qatnasıwshıları 10 kún dawamında jawıngerlikke tayarlaw shınıǵıwları, “Senator hám jaslar”, “Bizneske birinshi qádem” isbilermenlik hám psixologiyalıq seminar-treningler, hár qıylı sport jarısları menen mádeniy ilajlar, sonday-aq, qurılıs tarawında tájiriybeli kadrlardı tayarlaw orayı hám “Mono oray” tárepinen kásip-ónerge baǵdarlaw jónelisi boyınsha oqıw kursları shólkemlestirildi hám jaslar olarda ózlerine kerekli bolǵan bilim-kónlikpelerge iye boldı.

✔️Búgin “Mártlik mektebi” oqıw-jıyınınıń jabılıw máresimi ótkerilip, oǵan Qaraqalpaqstan Respublikası Joqarǵı Keńesi Baslıǵı Amanbay Orınbayev qatnastı. Joqarǵı Keńes Baslıǵı házirgi waqıtta elimizde jaslardı hár tárepleme qollap-quwatlaw, olardı jetik, fizikalıq jaqtan shınıqqan, ozıq oylı, kámil insan etip kamalǵa keltiriw, Watansúyiwshilik ruwxında tárbiyalaw baǵdarında ámelge asırılıp atırǵan jumıslardı atap ótti.

✍️Onnan soń oqıw-jıyını dawamında óziniń bilimi, talapshańlıǵı arqalı barlıq ilajlarda belsene qatnasqan jaslarımız húrmet jarlıǵı menen sıylıqlandı.

|✈️Telegram |📷 Instagram |🖤 You Tube | 📒Facebook