#Liderlar_hamjamiyati
#Ixtisoslashtirilgan_maktab

🔰 Ixtisoslashtirilgan taʼlim muassasalari agentligi tizimidagi Kosonsoy tuman ixtisoslashtirilgan maktabida Maktabgacha va maktab taʼlimi vazirligi tomonidan tashkil etilgan “Zamonaviy maktab liderlar nigohida” mavzusida seminar-treninglariga start berildi. Seminar -treningda Kosonsoy tumanida faoliyat yuritayotgan umumtaʼlim maktablari direktorlari ishtirok etdi .

🔸 Eslatib o'tamiz, ushbu seminar treninglar 7-10- fevral kunlari oʻtkazilishi rejalashtirilgan.

⬇️ Kosonsoy tuman ixtisoslashtirilgan maktabi matbuot xizmati.

https://t.iss.one/ixtisoslashganmaktab

#Jarayon
#Oʻzbekiston_tarixi
#Amaliy_mashgʻulot

Ixtisoslashtirilgan taʼlim muassasalari agentligi tizimidagi Kosonsoy tuman ixtisoslashtirilgan maktabining 11-aniq fanlarga ixtisoslashtirilgan sinfida maktabning tarix fani oʻqituvchisi Gʻofirjon Shermatov amaliy mashgʻulot olib bordi.

Amaliy mashgʻulotda oʻquvchilar -Oʻzbekistonda yoshlar siyosati;
-Oʻzbekistonda ilm-fan taraqqiyoti;
-Oʻzbekistonda jismoniy tarbiya va sport;
-Oʻzbekistonda oliy va undan keyingi taʼlim mavzularini takrorlash va mustahkamlash maqsadida guruhlarga boʻlingan holda, mavzuga oid maʼlumotlar bilan ishladilar, oʻz loyihalari taqdimotini oʻtkazdilar.

Maʼlumot oʻrnida aytish joizki, ixtisoslashtirilgan maktablarda Oʻzbekiston tarixi fani chuqurlashtirib oʼqitiladi.

https://t.iss.one/ixtisoslashganmaktab

#Jarayon
#Navoiyga_ehtirom
#Ixtisosolashtirilgan_maktab

Ixtisoslashtirilgan taʼlim muassasalari agentligi tizimidagi Kosonsoy ixtisoslashtirilgan maktabida gʻazal mulkining sultoni Alisher Navoiy tavalludiga bagʻishlangan madaniy-maʼrifiy tadbir boʻlib oʻtdi.

Tadbirni maktab direktori F.Begmatov kirish soʻzi bilan ochib berdi.Tadbir davomida maktab oʻquvchilari Alisher Navoiy ijodidan ruboiy va gʻazallar keltirdilar, XV-XVI asr voqealari sahna koʻrinishida namoyon etildi.

Alisher Navoiy va shoh Husayn Boyqaro oʻrtasidagi munosabatlar oʻquvchilarda katta taassurot qoldirdi.

Tadbirda namoyish etilgan kuy-qoʻshiqlar va raqslar yigʻilganlarga quvonch bagʻishladi. Bayram tadbirida hamkor tashkilotlar va ota-onalar vakillari ham ishtirok etishdi.

Tadbir soʻngida maktabning faol oʻquvchilari taqdirlandi.

Maktab jamoasi ushbu tadbirni tashkil etishda jonbozlik koʻrsatgan barcha oʻquvchilar, shuningdek ona tili va adabiyoti fani ustozlariga minnatdorchilik bildiradi.

https://t.iss.one/ixtisoslashganmaktab