5та фандан тест синовларига оид ҳозиргача маълум бўлган барча маълумотлар

👉 2021 йилда 5та фандан тест бўлади. Ҳозирча ўтган йилгидек истисно тарзда 2 та фандан қилиш ҳақида гап-сўзлар йўқ, ўта фавқулодда ёмон вазият бўлмаса, унда ўзгариш бўлмаса керак (ишқилиб 2 та фандан бўлмасин-да, шахсан мен бунга қаршиман);

👉 Ҳозирча бизга маълум бўлган қоидалар қуйидагилар:

Mажбурий фанлар блоки (барча учун тушади):

Она тили (ўзбек, рус ёки қорақалпоқ тили) - 15 та савол, ҳар бири учун 2.1 баллдан;
Mатематика - 15 та савол, ҳар бири учун 2.1 баллдан;
Ўзбекистон тарихи - 15 та савол, ҳар бири учун 2.1 баллдан.

Жами тўплаш мумкин бўлган балл – 94.5 балл.

Она тили ва Ўзбекистон тарихи фанидан 1 дақиқагача, математикадан - 1,5 дақиқагача вақт ажратилади.

👉 Tаълим йўналишига мос мутахассислик блокидаги фанлар (йўналишига қараб ўзгаради):

1-фан - 30 та савол, ҳар бири учун 3.1 баллдан;
2-фан - 30 та савол, ҳар бири учун 3.1 баллдан.

Жами тўплаш мумкин бўлган балл – 186 балл.

Асосий блокдаги 2 та фан учун жами 2 соат вақт берилади.

✅ Қайси йўналишда қайси фандан саволлар тушишини мана бу ерда кўриб олишингиз мумкин:
https://t.iss.one/xushnudbek/8824

👉 балларни ҳисоблаш тизимида ўзгариш бўлмайди, аввал қандай бўлса, шундайлигича қолади. Яъни ҳар бир блокдан тўпланган баллар қўшилиб, умумий баллни ташкил этади ва абитуриентлар мана шу 5 та блокдан тўплаган бали бўйича ўзаро курашади. Энг максимал балл 280,5 балл бўлади;

👉 айрим йўналишларда мажбурий блокдаги фан билан махсус блокдаги фан бир хил бўлиб қолиши мумкин. Масалан, математика йўналишига ҳужжат топширган абитуриент мажбурий блокда ҳам, мутахассислик блокида ҳам математика фанидан тест ишлайди. Бу иккаласининг асосий фарқи —мажбурий блокдаги саволларнинг барчаси соддалаштирилган, энг осон даражада бўлади, мутахассислик блокидаги саволлар эса турли мураккабликда (осон, ўртача, қийин) бўлади;

👉 5та фандан тест бўлишга оид тартиб, фақат давлат ОТМларига тааллуқли. Шу пайтгача бўлгани каби, бу янги тартиб ҳарбий, диний, хусусий, нодавлат ва хорижий ОТМларга алоқадор эмас;

👉 3та мажбурий фан магистратура учун тааллуқли эмас;

👉 3+2 кўринишдаги ушбу тартиб бакалавриатнинг барча таълим шакллари (кундузги, сиртқи, кечки) учун бирдек қўлланади;

👉 мажбурий блокда она тили (ўзбек, рус ёки қорақалпоқ тили) фанидан тушадиган 15та савол ичида Адабиёт фанидан тест саволлари бўлмайди;

👉 мажбурий блокда Ўзбекистон тарихи фанидан тушадиган 15та савол ичида Жаҳон тарихидан тест саволлари бўлмайди;

👉 мажбурий блокда Математика фанидан тушадиган 15та савол ичида Геометриянинг фақат 5-6-синф дастурларида бор мавзуларидан саволлар бўлади, 7-11-синфлар дарслигидан савол бўлмайди. Батафсил.

👉 Мутахассислик блокида эса Математикадан тушадиган 30 та савол ичида Геометриянинг барча синфлар учун мўлжалланган мавзуларидан саволлар бўлади;

✅ тест саволлари тушадиган дарсликлар рўйхати мана бу ерда эълон қилинди.

👉 2021 йил учун ДТМ эълон қилган намунавий тест саволлари мана бу ерда:

➖ Математика
➖ Физика
➖ Биология
➖ Кимё
➖ Тарих
➖ Она тили ва адабиёт
➖ Қорақалпоқ тили ва адабиёти
➖ Рус тили ва адабиёти
➖ География
➖ Инглиз тили
➖ Немис тили
➖ Француз тили

📍Рус гуруҳлари учун намунавий саволлар бу ерда.


👉 @xushnudbek 👈

🇺🇿Barcha hamyurtlarimizni yaqinlashib kelayotgan Xotira va qadrlash bayrami bilan tabriklaymiz!

9 may – har birimiz uchun muqaddas va aziz sana! Biz hamisha frontda qahramonona jang qilgan, urushdan keyingi yillarda mamlakatlarni tiklash ishida qatnashgan ajdodlarimizning barchasini sharaflaymiz. G'olib ajdodlarimizning mardligi, matonat va fidoyiligi xotiramizda mangu yashaydi. Bugungi kunda ular Barchamiz uchun namunadirlar.

Sizga va yaqinlaringizga sog'liq, farovonlik va eng yaxshi tilaklarni tilaymiz!

9 Мая — священная и дорогая для каждого из нас дата, которую мы встречаем с особыми чувствами. Мы всегда будем чтить подвиг всех, кто героически сражался на фронтах Великой Отечественной, трудился в тылу, восстанавливал страну в послевоенные годы. Мужество, стойкость и самоотверженность поколения победителей вечно живет в нашей памяти. И сегодня является примером для всех нас.

Oʻzbekiston tarixi (Majburiy fan) dan shakllantirilgan test savollarining kitoblar kesimida taqsimlanishi:

▪️Qadimgi dunyo tarixi 6-sinf – 2 ta
▪️Oʻzbekiston tarixi 7-sinf – 4 ta
▪️Oʻzbekiston tarixi 8-sinf – 4 ta
▪️Oʻzbekiston tarixi 9-sinf – 3 ta
▪️Oʻzbekiston tarixi 10-sinf – 1 ta
▪️Oʻzbekiston tarixi 11-sinf – 1 ta

Jami savollar soni 15 ta (Oʻzbekiston tarixi)

Oʻzbekiston tarixi majburiy fan sifatida shakllantiriladigan test topshiriqlari varianti 15 ta test topshirigʻidan iborat boʻlib, har bir toʻgʻri javob uchun 2.1 ball belgilangan.

Ilm vaksinasi.

Yuz foiz samarali va ziyonsiz yagona vaksina! Farzandingizni har qanday ma'naviy va axloqiy kasalliklar, baxtsizliklarga qarshi emlashni unutmang!!

Бугун ишга чиққан ҳамма ходимлар 1 соат вақтли кетиши керак!

Меҳнат кодекси 121-моддасига биноан, байрам (ишланмайдиган) кунлари арафасида кундалик иш (смена) муддати барча ходимлар учун камида бир соатга қисқартирилади.

Эртага Рамазон Ҳайитининг илк куни, яъни ишланмайдиган байрам куни, бугун эса арафа. Демак, бугун барча ходимлар ишдан 1 соат вақтлироқ кетишига қонуний ҳаққи бор.

⚡️Шавкат Мирзиёев Ўзбекистон халқини Рамазон ҳайити билан табриклади

Президент ўз табригида Маҳмудхўжа Беҳбудийнинг «Дунёда турмоқ учун дунёвий фан ва илм лозимдур», деган сўзларини эслаб ўтиб, диний қадриятлар ва миллий ўзликни улуғлаб яшаш билан бирга, давр талаби бўлган замонавий илм-фан ютуқлари, ахборот технологияларини эгаллашга алоҳида эътибор қаратишга, ёшларни умуминсоний қадриятлар руҳида тарбиялашга чақирди.

Наманганда тиббиёт факультети очилади

Наманган Давлат университетида жорий йилдан тиббиёт йўналиши очилади.

2021/2022 ўқув йилидан Наманган давлат университетининг бакалавриатнинг кундузги таълим йўналишида тиббиёт йўналишлари учун қабул жараёнлари бошланади. Жумладан:

✅ Даволаш иши - 25 нафар;
✅ Педиатрия иши - 25 нафар.

Ушбу ҳар бир таълим йўналишлари учун 12 нафар грант, 13 нафар контракт асосида талабалар қабул қилинади.
Янги очилаётган таълим йўналишлари университетдаги мавжуд қўшма дастурлардан фарқ қилиб, бакалавриатнинг кундузги шаклида ташкил этилади ҳамда талабалар таълим муддатини олийгоҳнинг ўзида якунлайдилар.

⚡️Халқаро имтиҳон тизимларида юқори балл тўплаган ёшларга харажатларни қоплаб бериш бўйича давлат хизмати ишга туширилди

Бунда, имтиҳон топшириш харажати компенсация қилинадиган халқаро имтиҳон тизимлари рўйхати тасдиқланган. Мазкур рўйхатга GMAT, IELTS, TOEFL, GRE, SAT каби имтиҳонлар киритилган. Имтиҳон топшириш харажати 2021 йил 1 майдан бошлаб компенсация қилиниши бошланади.

CAE, DAF, JLPT, HSK ва бошқалар бўйича харажатлар 2022 йил 1 январдан бошлаб компенсация қилинади.

❗️Ариза берувчи имтихон топшириш вақтида 31 ёшга тўлмаган Ўзбекистон Республикаси фуқароси ёки фуқаролиги бўлмаган шахс бўлиши мумкин.

Ушбу давлат хизмати учун Давлат хизматлари марказлари ёки Ягона интерактив давлат хизматлари портали my.gov.uz орқали мурожаат қилиниши мумкин бўлади.

Хурматли мактаб директорлари! 2021 йил 25 май куни “Сўнгги қўнғироқ”, “Алифбе”, “Букварь” тадбирларини умумтаълим мактабларда эрта соат 8-00 дан 8-30 га қадар очиқ майдонда ёнғин хавфсизлиги ҳамда карантин қоидаларига қатъий риоя қилган ва ҳавфсизлик таъминланган ҳолда, ички ишлар, маҳалла, ота-оналар ҳамда кенг жамоатчилик иштирокида ўтказилиши, шу куни мактабдаги барча дарс соатларини тўлиқ ўтилишини, дарсдан сўнг барча синфларда, тўгарак машғулотлари, савол-жавоб кечалари ўтказилишини ташкил этишингиз сўралади.
Шу билан бирга битирувчи ўқувчилар (айниқса қизлар)ни тадбирда фақат мактаб формасида иштирок этишларини, тадбирдан сўнг ўқувчиларни гуруҳ-гуруҳ бўлиб хусусий автомашиналарда юришлари, хусусий ошхона, ресторан, бар ва бошқа кўнгилочар, умумий овқатланиш масканларида, хонадонларда тадбирни нишонлашларига, 11-синф ёки 4-синф ўқувчиларининг синф раҳбарларига ва бошқа ўқитувчиларга ўқувчилар томонидан совға бериш, пул маблағлари йиғилиши каби нохуш ҳолатларга йўл қўймаслик юзасидан ШАХСАН масъул ва жавобгар эканлигингизни ҳис қилган ҳолда тегишли чора тадбирлар амалга оширишингиз талаб қилинади. Вилоят халқ таълими бошқармаси бошлиғи Р.И.Исраилов.

#Эслатма

ЎҚУВЧИЛАР ИЖАРАГА БЕРИЛГАН ДАРСЛИКЛАРНИ ЙЎҚОТИБ ҚЎЙСА ЕТКАЗИЛГАН ЗАРАР ҚАНДАЙ ҚОПЛАНАДИ?

#Савол
Ассалому алайкум. Мен 9 синф раҳбариман. Бир ҳафтадан буён икки нафар ўқувчим мактабга айрим дарсликларни олиб келишмаётганди. Суриштирсак улар ижрага берилган дарсликларни йўқотиб қўйишган экан. Кутубхоначи энди ушбу дарсликлар пулини тўланг, сиз назорат қилиб туришингиз керак эди деяпти. Ўқувчилар дарсликларни асраб ишлатишини таъминлаш учун синф раҳбар масъулми? Ўқувчилар томонидан ижарага берилган китоблар йўқотиб қўйилса, етказилган зарар ким томонидан қопланиши керак?

#Жавоб
“Умумтаълим мактабларини дарсликлар ва ўқув-методик қўлланмалар билан таъминлаш тартиби тўғрисидаги низом”га мувофиқ дарсликлар ёки ўқув-методик қўлланмалардан фойдаланиш усулидан қатъи назар, улар йўқолган ёки фойдаланишга яроқсиз ҳолатга келиб қолган тақдирда, ўқувчининг ота-онаси ёки уларнинг ўрнини босувчи шахслар ёхуд ҳомийлар ёки ўқитувчилар зарарни ҳудди шундай дарслик ёки ўқув-методик қўлланмалар билан қоплайди ёхуд унинг бирламчи ҳужжатларда (ҳисоб-фактурада, юк хатида) кўрсатилган қийматини қуйидаги миқдорларда тўлайди:

👉1 синф ўқувчиларининг ҳар бир дарслик ёки ўқув-методик қўлланмалари учун — унинг бир баравари миқдорида;

👉2 - 4 синф ўқувчиларининг ҳар бир дарслик ёки ўқув-методик қўлланмалари учун — унинг икки баравари миқдорида;

👉5 - 11 синф ўқувчиларининг ҳар бир дарслик ёки ўқув-методик қўлланмалари учун — унинг тўрт баравари миқдорида.

Умумтаълим мактаби кутубхона жамғармасидаги дарсликлар ва ўқув-методик қўлланмалар ҳисобининг юритилиши, улардан фойдаланилиши, уларнинг сақланиши, улар бўйича тўлов ҳужжатларининг мавжудлиги ва ҳаракати, шунингдек ўқувчилар орасида дарсликларни авайлаб-асраш туйғусини ривожлантиришга йўналтирилган тарбиявий ишлар умумтаълим мактабларининг кутубхоначилари томонидан олиб борилади.

📚@Kosonsoytumanxtb