#telegram #security #mulohaza_uchun

🔐 Bloger Eldor Asanov Telegram akkauntini buzib kirishga urinish bo‘lganini aytmoqda. Shunga o‘xshash holat menda ham yuz berdi. Bugun ishlar bilan yurgandim. Telefonimga ham, Telegram messenjerimga ham qaramadim. Keyinroq telefonimga SMS kelganini ko‘rdim.

Telegram code: 5 talik raqam
You can also tap on this link to log in: va tepadagi kodli linkni tashlashdi.

E’tibor bermadim. Messenjerimga kirsam, o‘sha kod unga ham yuborilgan. Telegram'ning bir yaxshi tarafi bor. Messenjerda qaysi qurilmalardan kirib o‘tirganingizni yoki o‘tirishganini bilishingiz mumkin.

Настройки -> Конфиденциальность -> Показать все сеансы'ga kirsangiz, sizning messendjeringizda nechta qurilma mavjud ekanini bilib olasiz. Kirilgan mobil qurilma va uning koordinatlari yozilgan bo‘ladi. Agar o‘zingizning kompyuteringiz yoki telefoningiz orqali kirilgan bo‘lsa yaxshi. Ammo boshqa qurilma bo‘lsa, tezda skrinshotini oling va uni seanslar tarkibidan joylashgan manzili, raqamini (taxminan 185.164.33.42, shu ko‘rinishda bo‘ladi) o‘chirib tashlang.

Raqamlarni Google Maps'ga tashlasangiz, u ablahning aniq manzilini ko‘rsatadi. Kim bilan borasiz, qay tarzda borasiz - uyog‘i o‘zingizning ishingiz. Bu holat ko‘pchilikda bo‘layotgani aytilmoqda. Iltimos do‘stlar, ogoh bo‘lamiz. Kelgan raqam, kodlarni hech kimga aytmang. Hatto hisobingizga pul tashlashsa ham.

Telegramning ushbu imkoniyatlari haqida ko‘pchilik bilishi uchun maksimal darajada xabarni ulashaylik. Kim bo‘lsa ham maqsadiga erisha olmasin.

📌 P.S.: Yoki messenjerga ikki bosqichda kiradigan qilib sozlab olinglar: Настройки -> Конфиденциальность -> Двухэтапная аутентификация.

📝 Manba: @Zafarbek_Solijonov

👨🏻‍💻@itspecuz

#smartfon #android #word #excel #powerpoint

Sizga Word, PDF, Excel va PowerPoint'lar bitta ilovada bo‘lishi qulaymi? 📱

Demak sizga WPS Office mobil ilovasi kerak ekan. Ilovani biz quyida taklif qilayotgan havola orqali yuklab oling va bir oy tekin Premium a’zolikka ega bo‘ling!

👇🏻Buning uchun:

1️⃣. https://wpsinvite.page.link/inePk havolasi orqali ilovani yuklab oling;

2️⃣. “Me” yoki “Я” (“Men”) oynasidan “Invite & Earn” (“Taklif qilish va sovg‘a olish”) bo‘limidagi “My Gift” yoki “Мой подарок” (“Mening sovg‘am”) tugmasini bosing, bunda ilovada ro‘yxatdan o‘tish uchun o‘z Google-akkauntingizni ko‘rsatib o‘tishingiz mumkin.

3️⃣. Ilovaning shu oynasida yozilishiga ko‘ra, har bir taklif qilingan do‘stingiz uchun sizga va siz taklif qilgan do‘stingizga Premium versiyasidan bir oydan foydalanish imkoniyati beriladi.

4️⃣. Siz uchun ushbu oynaning pastrog‘ida 1-banddagi kabi maxsus shakllantirilgan havola yonidagi maxsus tugma yordamida uni nusxalab oling, so‘ngra uni ushbu maqola bilan birgalikda do‘stingizga ulashing, shunda do‘stingiz ushbu maqolaning birinchi bandida keltirilgan havolaning o‘rniga siz ulashgan havola yordamida ilovani yuklab oladi va maqoladagi qolgan ko‘rsatmalarga amal qiladi.

5️⃣. Do‘stingizni taklif etganingiz va unga bergan havolangiz orqali ushbu ilovani yuklab olganligi uchun sizga bir martalik unikal kod beriladi, uni nusxalab oling.

6️⃣. “My Wallet” yoki “Мой кошелек” bo‘limiga o‘tib, nusxalab olingan kodni qo‘llagan holda uni faollashtiring.

Kodni faollashtirish muvaffaqiyatli amalga oshirilganda, dasturning barcha funksiyalaridan bir oy reklamalarsiz foydalana olasiz.

📝 Manba: @terabaytuz

👨🏻‍💻@itspecuz

Multiplication table - Ko'paytirish jadvali mobil ilovasi ishlab chiqildi.

Ushbu ilova orqali bolalar karra - karra jadvalini 1 kunda o'rganadi, har bir sonlar uchun alohida misollar ishlab bilimini oshiradi.

O'yin bo'limi orqali 3 xil qiyinlikdagi misollar beriladi

Dual - ya'ni ikki kishilik bo'limida bitta ilova orqali ikki kishi bilimini real vaqtda sinovdan o'tkazadi. Bu imkoniyatlar ilovaning imkoniyatini yanada oshirishga xizmat qiladi.

Ushbu ilova ingliz tilida. Ushbu xususiyat ilovadan foydalanishda hech qanday muammo tug'dirmaydi degan umitdamiz. Farzandingiz shu bahonada ingliz tilidagi so'zlarni ham o'rganib oladi.

Farzandingiz uchun ushbu o'yinni yuklab oling, afsuslanmaysiz! Hajmi atigi 4.8 mb

👉 @informatika

#mulohaza_uchun #dasturlash #IT_humor

Dastur ishlab chiqarish bo‘yicha loyiha rahbari va mijoz o‘rtasida - dasturning texnik sharti borasida bahslashuv odatda qanday kechadi deysiz?

👈🏻 Loyiha rahbari dasturni chap tomondagi kabi ko‘rinishda yaratib bera olishini mijozga aytadi.

👉🏻 Mijoz esa kutilayotgan dastur texnik shart bo‘yicha o‘ng tomondagi kabi ko‘rinishda bo‘lishi lozimligini ta’kidlaydi.

📌 P.S.: Ishni boshlashdan oldin texnik shart borasida mijozning yakuniy qarori aynan shu ekanligini tasdiqlab olmaslik, loyiha rahbarining sho‘ri quriganini anglatadi…

👨🏻‍💻@itspecuz

#test #excel

Sonning kasrli qismini 2 belgi ko‘rinishida aks ettirish uchun rasmda keltirilgan tugmalardan qaysi birini bosish lozim?

#ict_news #it_darslar

Coursera xalqaro platformasida bepul onlayn kurslar 🆓🔖

IT Park hamda Oʻzbekiston Respublikasi Bandlik va mehnat munosabatlari vazirligi yetakchi onlayn taʼlim platformalaridan biri boʻlgan Coursera bilan hamkorlikda aksiya tashkil qildilar. Aksiyada barcha xohlovchilar, ayniqsa ishsiz qolganlar 2020-yilning 14-iyulidan 31-dekabriga qadar barcha kurslarda oʻqish imkoniyatiga ega boʻladilar.

Coursera – bu xalqaro onlayn taʼlim platformasi boʻlib, unda dunyoning eng yaxshi universitetlarida va kompaniyalarida faoliyat yurituvchi eng kuchli oʻqituvchilar jam boʻlgan.

Ushbu portalda 64 mln.dan ziyoda foydalanuvchilar roʻyxatdan oʻtgan, 4 500 dan ortiq kurslar, 450 mutaxassislik, 20 ta daraja mavjud.

Bugungi kunga qadar (06.08.2020) 5100 ariza qabul qilindi va 140 foydalanuvchi oʻz sertifikatiga ega boʻlib ulgurdi.

https://clck.ru/PeZoK(UZ) https://clck.ru/PeZmh(RU) havolalari orqali ariza qoldirgan holda 30-sentyabrga qadar roʻyxatdan oʻtish mumkin.

Ko‘rsatma:

Roʻyxatdan oʻtish jarayonidan soʻng, siz 3 kun ichida arizada qoldirilgan E-mail'ingiz orqali taklifnoma havolasiga ega boʻlasiz. Har bir roʻyxatdan oʻtuvchi 31-dekabrga qadar ushbu portaldagi istalgan kursda bepul oʻqishi mumkin boʻladi. 2020-yilda aksiya muddati oʻz yakuniga yetadi.

📝 Manba: IT-park.uz

👨🏻‍💻@itspecuz

#operatsion_tizim #android #smartfon

💥 Microsoft yangi funksiyani taqdim qildi - endi Samsung smartfonlarini Windows operatsion tizimida ishlatish mumkin! 💻📱

ℹ️ Microsoft kompaniyasi Windows 10 foydalanuvchisiga Android dasturlarini toʻgʻridan-toʻgʻri Windows 10'da ishga tushirishga imkon beradigan yangi xususiyatni e'lon qildi.

Ushbu funksiya faqat tanlangan Samsung Galaxy qurilmalarida qoʻllab-quvvatlanadi va Windows 10'ga mos keladigan qurilmalarga ilovalarni uzatish imkonini beradi.

Ushbu xususiyatdan foydalanish uchun Samsung Galaxy foydalanuvchilari birinchi navbatda Smartfon ilovasi yordamida oʻz qurilmalarini Windows 10 bilan bogʻlashlari kerak.

Bu amalga oshirilgandan soʻng, ular "Windows'ga bogʻlanish" tugmachasini tanlashlari mumkin va mavjud ilovalar roʻyxati quyida koʻrsatilgandek Windows 10'da koʻrsatiladi.

❕Qaysi Samsung qurilmalari qoʻllab-quvvatlanishini batafsil bilib oling: https://support.microsoft.com/en-us/help/4551890/supported-devices-for-your-phone-experiences

👨🏻‍💻@itspecuz

#telegram #internet

Telegram’da “Избранное” menyusining imkoniyatlari 📥

Qisqa qilib aytganda "Избранное" menyusi Sizni qiziqtirgan ma’lumotlarni bir joyda saqlash imkoniyatidir.

Sizga tanishmi?

Nimadir sabab bo‘lib kerakli ma’lumotlaringiz o‘chib ketdi. Android tizimida berilgan imkoniyatlardan foydalanishni (masalan Google Disk, Samsung Cloud) ko‘pchiligimiz bilmaymiz, erinamiz yoki parolni eslay olmaymiz.

Garchi Telegram’da “Избранное” menyusi asosan messenjerdan olingan ma’lumotlarni saqlash uchun yaratilgan bo‘lsa-da, Biz bu menyudan to‘liq shaxsiy xotira (“Облачное хранилище”, Telegramdagi biz uchun masofaviy serverda ajratilgan bulutli xotira makoni) sifatida foydalansak bo‘ladi.

Aynan Telegram’dan shu maqsadda foydalanishning bir necha afzalliklari:

- Ma’lumotlar har doim qo‘l ostida, faqat Internet bo‘lsa bo‘ldi. Hattoki dasturning o‘zi ham shart emas (eslatma, Web-versiya);
- Login, parolni umuman eslab qolish shart emas. Ishlab turgan telefon raqaminigizning o‘zi yetarli;
- Xotira hajmi chegaralanmagan va bepul, faqat fayl hajmi 2 Gb;
- Fayllar kerakli tartibda joylashadi (video, fayl, audiofayl, havolalar, ovozli xabarlar).

📝 Manba: @gsmgurus_FAQ

👨🏻‍💻@itspecuz

#mulohaza_uchun

Kasb tanlashda nimalarga e'tibor qaratish kerak? 🤔

Kasb tanlash – har bir inson hayotidagi eng muhim tanlovlardan biri. Kasb – nafaqat daromad topish manbai, balki umrning asosiy qismi sarflanadigan faoliyat hamdir.

Psixologlar bunday mas’uliyatli qaror qabul qilishda faqatgina atrofdagilarning tavsiyasiga tayanish emas, tahlilning boshqa muqobil variantlarini ham qo‘llashni taklif qilishadi.

Kasbga yo‘naltirish psixologiyasi bo‘yicha mutaxassis Azizxon Bahodirov bu boradagi tavsiyalari bilan bo‘lishdi.

Psixologik testlar

O‘zingizda qaysi kasbga moyillik va qiziqish yuqori ekanini psixologik testlar orqali birlamchi bosqichda aniqlab olishingiz mumkin. Faqatgina bunda onlayn platformalarda duch kelgan testga emas, soha mutaxassislari ishlab chiqqan professional testlarga tayanish kerak.

Shuni esda tutish kerakki, test natijalariga “hukm” deb qarash kerak emas. Ular faqatgina moyillik yo‘nalishini belgilab beradi.

Bilimlaringizni kengaytiring

Turli kasbiy yo‘nalishlar, istiqbolli soha va mutaxassisliklar to‘g‘risida bilimlarni mustahkamlash kerak.

Har yili o‘quvchilarni kasbga yo‘naltirish bo‘yicha kitoblar nashr qilib boriladi. Ularda hattoki maktab o‘quvchilariga tanish bo‘lmagan kasblar bilan ham tanishish mumkin. Ehtimol, ulardan biri sizning tanlovingiz bo‘lishi mumkin.

Kasblar bilan yaxshiroq tanishib chiqing

Maktabni bitirish arafasida o‘spirin ko‘pincha kasblar haqida noto‘g‘ri tasavvurga ega bo‘ladi. Ular tanlagan kasblarining faqat ijobiy yoki aksincha salbiy jihatlarini ko‘rishadi. Bunda ota-onalar farzandlariga ko‘p narsalarni aniqlashtirishda yordam berishlari kerak.

9-sinfdan boshlab asta-sekin o‘zingiz tanlagan yo‘nalish bilan tanishish maqsadida institut va universitetlardagi “Ochiq eshiklar” kunlarida ishtirok etish maqsadga muvofiq.

Istaklarni tizimlashtiring

Qog‘oz oling. O‘zingizni qiziqtirayotgan kasblarni vertikal ravishda va tanlanajak kasbdan nimani istashingizni gorizontal ravishda joylashtirib chiqing. Jadvalni iloji boricha batafsil to‘ldirish kerak. Tanlangan kasb sohasi va kishi undan nimalarni kutayotgani bir-biriga mos kelsa, “+”, mos bo‘lmasa “-” ishoralarini qo‘yishingiz lozim. Bu o‘z istaklarini aniqlashtirishga yordam beradi va shu istakka mos kasb haqidagi tasavvurni aniqlashtiradi.

Amaliyot

Qaysi kasbni tanlash haqida bir qarorga keldingiz, deylik. Endi o‘zingizni shu yo‘nalishda sinab ko‘rish kerak. Buning uchun turli o‘quv-guruhlari bo‘lgan ko‘plab ixtisoslashgan maktablar va kurslar mavjud bo‘lib, ular transport vositalari mexanikasidan tortib, tadbirkorlikkacha o‘zingizni sinab ko‘rish imkoniyatini beradi.

Zaxira aerodromi

Asosiy tanlovdan tashqari, qo‘shimcha ravishda e’tiborga olinuvchi “zaxira” tanlov ham bo‘lishi kerak. Chunki hayotni oldindan prognozlashtirib bo‘lmaydi, unda har qanday holat ro‘y berishi mumkin.

Tanlangan yo‘nalish bo‘yicha o‘qishga kira olmay qolgan taqdirda tushkunlikka tushmaslik, boshqa optimal variantlarni ham ko‘rib chiqish maqsadga muvofiq.

Qaror faqat mustaqil qabul qilinadi

Ota-ona tomonidan beriladigan maslahatlar foydali, lekin ular yakuniy qaror bo‘lmasligi, yordamchi ta’sirga ega bo‘lishi maqsadga muvofiq.

Yoki ona/ota o‘z yoshligida egallay olmagan, armon bo‘lib qolgan kasbga farzandini yo‘naltirishi ham noto‘g‘ri. Farzand – alohida shaxs va uning o‘z istaklari bor. Bu istaklar avvalroq armon bo‘lgan xohishlar uchun qurbon bo‘lmasligi kerak.

Oilaviy an’analarni davom ettirish majburiy emas

Farzand onasi yoki otasining kasbini davom ettirmoqchi bo‘lsa, bu juda yaxshi. Lekin bunga uni majburlash noto‘g‘ri. Otaning shu kasbda o‘z baxti va muvaffaqiyatini topgani o‘g‘ilda ham xuddi shu ssenariy takrorlanadi degani emas.

Inson yoqtirmagan ishi bilan butun hayoti davomida shug‘ullansa, o‘zini baxtsiz his qiladi.

Umumiy xulosa qiladigan bo‘lsak:

– Sizni yaqindan biluvchi insonlar – oila a’zolaringiz, do‘stlaringiz bilan maslahatlashgan holda, o‘zingizga qaysi kasb ko‘proq mos kelishi haqida so‘rab olishingiz mumkin.

– Ommaviy axborot vositalari yangi kasb sohalari haqida ko‘proq ma’lumot olishga yordam beradi. Maxsus manbalar (adabiyotlar, onlayn platformalar) talab yuqori bo‘lgan yo‘nalishlar haqida ma’lumotlar beradi.

– Istaklaringiz va hayotdagi maqsadlaringizdan kelib chiqing.

– To‘plagan ma’lumotlaringizni chuqur tahlil qiling. “Hayotda menga nima kerak?” degan savolga javob berishga harakat qiling.

– Imkoniyat bo‘lsa, kasb tanlash bo‘yicha malakali mutaxassis bilan maslahatlashish maqsadga muvofiq.

📝 Manba: @kunuzofficial

👨🏻‍💻@itspecuz

#maslahat #smartfon

Suvga cho‘kkan smartfonni qanday qutqarish mumkin? 💦📱

Smartfonlar hayotimizning ajralmas qismiga aylandi: qayerda bo‘lsak — doim yonimizda. Ishimiz ham shu bilan, ermagimiz ham shu. Smartfonning buzilib qolishi-ku, “kun kayfiyati”ni belgilab beradi... Buzilish sabablari esa ko‘p, masalan, ko‘plab elektron qurilmalar kabi smartfon ham suv bilan chiqishmaydi.

Mabodo suvga cho‘kkan smartfon hayot alomatlarini ko‘rsatmayotgan bo‘lsa, nima qilish kerak? “RIA Novosti”ning ushbu savoliga “Raqamli platformalar” notijoriy tashkilotining strategik kommunikatsiyalar bo‘yicha direktori Aleksandra Gavrilova javob berdi.

“Agarda telefoningiz suvga cho‘kkan bo‘lsa, oqibatlarini yumshatishning bir nechta yo‘li bor. Birinchidan, zamonaviy telefonlarining aksariyati suv o‘tkazmaydi, suvga tushib ketgan qurilma darhol olingan bo‘lsa, omadingiz chopib, unga hech narsa qilmasligi ham mumkin. Biroq, har ehtimolga qarshi, unga bir kun dam berib, ertasiga ishlatganingiz ma’qul”, — dedi mutaxassis.

Agarda telefon suv o‘tkazuvchan va ishlamayotgan bo‘lsa, uni yoqish, tugmalarini bosish, silkitishga urinmang. “Aks holda tizim platasi va alohida qismlariga shikast yetkazib qo‘yish hech gapmas. Telefondagi ayrim qismlarni almashtirib bo‘lmaydi, ustabuzarmonlik oqibatida smartfoningizdan ayrilib qolishingiz mumkin”, — ogohlantiradi Gavrilova.

Mutaxassisning ta’kidlashicha, smartfonni mustaqil quritishga urinish ayrim detallarning ishdan chiqishiga ham olib keladi. Eng oddiy ustaxonada ham smartfonni ochib, quritib, ishlatib bera olishadi, unaqa qimmat ham emas. Smartfon suvga tushib ketib ishlamay qoldimi, darhol ustaga ko‘rsating, shunda smartfonga qimmat ehtiyot qism sotib olish yoki uni butunlay yangisiga almashtirishga to‘g‘ri kelmaydi.

📝 Manba: Xabar.uz

📌 P.S.: Xo‘sh, sizda ham smartfon bilan bog‘liq shunday hodisa yuz berganmi?

👨🏻‍💻@itspecuz

#maslahat #telegram

Hurmatli kanalimiz obunachilari, IT sohasi muxlislari! 👋🏻

Hozirda ko‘pchiligimiz ko‘p kanal va guruhlarga obuna bo‘lganligimiz bois, biz uchun asosiy hisoblangan guruh va kanallardan keluvchi xabarlarni birinchi navbatda ko‘rish maqsadida, qolgan kanal va guruhlardagi Bildirishnomalarni o‘chirib qo‘yamiz.

Shu tufayli yangi kanalga obuna bo‘lgan paytimizda, qoida bo‘yicha ko‘pincha unda Bildirishnomalar o‘chirilgan holatda bo‘ladi. Agar IT specialist (@itspecuz) kanali siz uchun qiziq bo‘lsa va unda joylashtirib borilayotgan postlar bilan o‘z vaqtida tanishib borishni ixtiyor etsangiz, unda sizdan kanal Bildirishnomalarini yoqib qo‘yishingizni iltimos qilgan bo‘lardik.

Buning uchun kanal ostida joylashgan ikki tugmadan birinchisiga ahamiyat berishingiz lozim. Agar u “ВКЛ. ЗВУК” (“SUKUTDAN CHIQARISH”) holatida bo‘lsa, demak kanal Bildirishnomalari o‘chgan holatda bo‘ladi. Bildirishnomalarni qabul qilishni faollashtirish uchun shu tugma ustiga bosing va u “УБРАТЬ ЗВУК” (“SUKUT QILISH”) holatiga (post ostida 👇🏻 biriktirilgan rasmdagi kabi ko‘rinishga) o‘tadi.

Kanalda shu kunga qadar juda ko‘p sonli postlar joylashtirilgan, shunchaki ular biroz yuqoriroqda, e’tiboringizdan chetga qolgan bo‘lishi mumkin. Kanalda joylashtirib borilayotgan postlar bo‘ylab tezkor o‘tish uchun postlarining yuqori qismida joylashtirib kelinayotgan: #maslahat, #telegram, #test, #word, #excel va boshq. kabi heshteglardan oqilona foydalanib borishni tavsiya etamiz.

📌 P.S.: Kanalga obuna bo‘lib, ko‘pchilikda yuzaga kelayotgan: "IT o‘zi nima?" savoliga javob ushbu postimizda keltirilgan.

Biz bilan birga bo‘lganingiz uchun Sizdan minnatdormiz!

© IT specialist kanali ma’muriyati

#telegram

Telegram’ning “Saqlangan xabarlar” (Избранное) bo‘limidan foydalanishda e’tiborli bo‘ling. 📥

Shu nom bilan nomlangan biror akkaunt sizni chalg‘itishi mumkin, ya’ni shaxsiy ma’lumotingizni “Saqlangan xabarlar” o‘rniga boshqa birovga jo‘natib yuborish ehtimoli mavjud.

1️⃣. Firibgar o‘z akkauntini “Saqlangan xabarlar” deb nomlaydi.

2️⃣. Avatariga “Saqlangan xabarlar” rasmini o‘rnatadi.

3️⃣. Jabrlanuvchiga xabar jo‘natib, darrov o‘chiradi (yozishmalarning eng tepasida qolish uchun).

4️⃣. Qalbaki yaratilgan bo‘limga biror ma’lumot saqlanishini kutadi.

📍Yechimi: chatlarda suhbatdoshning oxirgi faol bo‘lgan vaqti yozilsa, “Saqlangan xabarlar” bo‘limida bu yozuv yo‘q. Tezda farqlab olish uchun ushbu bo‘limdagi biror xabarni yuqori qismiga qadab qo‘ying.

👉🏻 O‘QING: Telegram’da “Избранное” menyusining imkoniyatlari

“Saqlangan xabarlar” (Избранное) deb nomlangan akkauntlar Telegram tomonidan o‘chirilmoqda 🚫

Yuqoriroqda ma’lumot berilgan usul bilan boshqa foydalanuvchilarni aldashga uringanlarga Telegram chora ko‘rishni boshladi.

Agarda, akkaunt “Saqlangan xabarlar” (Избранное) deb qayta nomlansa yoki yangidan yaratilsa profil o‘chiriladi.

Birov bilan “hazillashish” uchun ushbu usulni qo‘llash profilni to‘liq o‘chishiga (qayta tiklab bo‘lmaydi) ham olib kelishi mumkin.

Oldinroq, akkauntini “Telegram” nomi va avatarida samolyot rasmidan (rasmiy Telegram akkauntiga o‘xshatish) foydalanuvchilar abadiy spam taqiqini olishgan.

📝 Manba: @gsmgurus_FAQ

👨🏻‍💻@itspecuz

#mulohaza_uchun #internet #operatsion_tizim #IT_humor

Foydalanuvchi (kompyuterga):
“Kompyuter, iltimos o‘chaqol endi.” 😫

Kompyuter (foydalanuvchiga):
“Ha, albatta!” 😊

Brauzerlar:
“Hoy, shoshma tentak! Biz axir ishlab turibmizku.” 😠

Kompyuter (brauzerlarga):
“Eee yigitlar, sizlar umuman hayolimdan ko‘tarilibsizlarku!” 😯😋🔫

📌 P.S.: Brauzerlar ham dasturlardir, rahmingiz kelsin...

👨🏻‍💻@itspecuz

#telegram

Telegram animatsiyali emojilar to‘plamini to‘ldirdi. 🆕

Bu safar quyidagi kulgichlar qo‘shildi: 😈😺😸😹😼😽🙀😿😾😎☺️😊😴🍑

👨🏻‍💻@itspecuz

#android #smartfon

“Tap, Tap” mobil ilovasi 📱

Android 11 bilan bir qatorda, Google “Columbus” imo-ishoralari ustida ham ish olib bormoqda. Qurilmaning orqa paneliga ikki marta teginasiz (tapillatasiz) va ma’lum bir harakat sodir bo‘ladi.

Masalan, fonarchani yoqish, skrinshot olish, Google Assistant’ni chaqirish va boshqalar. Tajribali dasturchilar har doimgidek ushbu funksiyani ham qolgan qurilmalarga nisbatan qo‘llashning uddasidan chiqishdi.

Endi Android 7+ va ARM8’ga ega barcha foydalanuvchilar ushbu imo-ishoralardan foydalana oladilar:
1. “Tap, Tap”ni yuklab oling, o‘rnating va ishga tushiring.
2. “Accessibility Service is disabled” ustiga bosing.
3. Bu sizni maxsus imkoniyatlar oynasiga olib o‘tadi.
4. U yerdan “Tap, Tap”ni toping.
5. Bosing va faollashtiring.
6. Ilovaga qayting.
7. “Gesture”ga bosing.
8. “Device Model”ni tanlang.
9. O‘lchamlari o‘zingiznikiga yaqinroq bo‘lgan qurilmani tanlang.
Masalan, Xiaomi Redmi Note 5 uchun bu Google Pixel 3 XL.
10. “Actions”ga kiring.
11. Kerakli harakatlarni o‘rnating. Qolganlariga nisbatan eng yuqorida turgan harakat ikki marta teginganda amalga oshiriladi.
12. “Gates” bo‘limida qaysi holatlarda ikki marta teginish ish bermasligi lozimligini ko‘rsatib o‘tish mumkin. Masalan, agar “Display Off” faollashtirilsa, unda imo-ishoralar ekranning o‘chgan holatida ishlamaydi.
13. Sozlamalar shu yerda yakunlanadi, qurilmangizning orqa panelini ikki marta “tapillating”.

Bu qanday ishlaydi deysizmi? 🔩🤔
Akselerometr yordamida. Bu qurilmaning fizik joylashuvini kuzatib boruvchi mexanizmdir. Masalan, avtomobillarni boshqarishda smartfonni chapga-o‘ngga qimirlatishni talab etuvchi poyga o‘yinlarida qo‘llaniladi.

👨🏻‍💻@itspecuz

#learn_english_with_software

🇬🇧 Aziz tilshunos do‘stlar, ingliz tili shinavandalari! 🇺🇸

Ingliz tilidan har kuni bir oz vaqt ajratgan holda, bilimingizni oshirib borishingiz uchun foydali dasturlarni bosqichlari bilan Sizlar uchun bo‘lishamiz:

📝 Foydalanuvchi yo‘riqnomasi

1️⃣ Straightforward Macmillan Beginner

2️⃣ Straightforward Macmillan Elementary

3️⃣ Straightforward Macmillan Pre-Intermediate

4️⃣ Straightforward Macmillan Intermediate

5️⃣ Straightforward Macmillan Upper-Intermediate

6️⃣ Straightforward Macmillan Advanced

7️⃣ Basic Grammar in Use, 3rd Edition

Marhamat, dasturlarni yuklab oling, ulardan foydalanish uchun arxivdan chiqarib oling, do‘stlaringizga ulashing va birgalikda mashq qilib boring! 😉

👨🏻‍💻@itspecuz | Mundarija

#mulohaza_uchun

“Qo‘llarim yo‘q bo‘lgani bilan aqlim bor” — Doniyor tengdoshlariga motivatsiya bera oladi 💪🏻

U — talaba. Darslarga vaqtida qatnaydi, mashina haydashni biladi, pianino chaladi, futbol o‘ynaydi, kompyuter tuzatadi, o‘z ustaxonasi, o‘z tadbirkorligi bor. U tengdoshlaridan ham ko‘ra ko‘proq yutuqlarga erishgan. Yoshlar orzu qiladigan hamma-hamma narsasi bor — sevgan mashg‘uloti, sodiq o‘rtoqlari, mehribon ota-onasi, mashinasi... Uning yana bir faxrlanadigan narsasi — metindek irodasi bor.

U darsda ruchkani tishlab olib yozadi, tishlari bilan kompyuterni tuzatadigan uskunani ushlaydi, tuzatish ishlarida otvyorkani tishlari orasida ushlab, tili bilan harakatlantiradi. Oyoqlari bilan kompyuterni tuzatadi, oyoqlari bilan pianino chaladi, mashina haydaydi.

Uning hamma narsasi bor, faqat...

👨🏻‍💻@itspecuz

#ict_news #smartfon

Ucell uyali aloqa operatori:

Do‘stlar, sizlar bilan uzzoom.uz yangiliklar sayti tomonidan ishlab chiqilgan qiziqarli infografikani ulashamiz. Unda siz 2006-yilning oxiridan boshlab O‘zbekistondagi mobil operatorlar orasida abonentlar soni qanday o‘zgarganini ko‘rishingiz mumkin.

Albatta, biz mazkur tarixga daxldorligimizdan faxrlanamiz hamda ushbu bosib o‘tgan yo‘limizda hamroh bo‘lib kelayotgan har bir abonentga tashakkur izhor etamiz.

Batafsil: bit.ly/2Dk1QJY

📝 Manba: @ucell

👨🏻‍💻@itspecuz

#mulohaza_uchun #texnologiya

🏠 Uyingiz uchun ajoyib yechim.

👨🏻‍💻@itspecuz