🇬🇧 "BETT Show Tech exhibition"  ko'rgazmasining ikkinchi ish kuni taassurotlari

🔔 Xabaringiz bor, ITSM jamoasi London shahrida bo'lib o'tayotgan innovatsion ko'rgazmada ishtirok etmoqda.  Bugun ko'rgazma doirasida tashkil etilgan qiziqarli tadbirlarning bir nechtasi bilan quyida tanishtirib o'tamiz:

🤖  Robototexnika namoyishi - aqlli robotlarning obyektlarni tanish/aniqlash/tasniflash, navigatsiya va video kuzatishni o'z ichiga olgan vazifalarni qanday bajarishi namoyish etildi;

🧑‍💻 Dasturlash darslari - ⌨️ "Python" va "Javascript" kabi turli tillarda dasturlashni o'rgatadigan tajribali o'qituvchilardan amaliy ko'nikmalar taqdim etildi;

💻 Zamonaviy kompyuterlar va ularning aksessuarlari namoyishi - 💻 "Microsoft" va 🍏 "Apple" kabi yirik kompaniyalar tomonidan barcha yangi ishlab chiqilgan qurilmalar, shuningdek ular uchun aksessuarlar taqdimoti bo'lib o'tdi.

🌠 Bundan tashqari, yaqin kunlarda ta'lim bozorida katta muvaffaqiyatlarga erishishga umid qilayotgan innovatorlarning qiziqarli chiqishlari ham taqdim etildi.

🏆 Ta'lim sohasidagi Liderlarning chiqishlari - Microsoft, Apple, Google kabi yirik kompaniyalar mutaxassislarining taqdimotlari tinglandi.

👍 O'z navbatida ITSM jamoasi "Microsoft", "Nearpod", "Kahoot", "Codible", "Microbit" kabi kompaniyalar vakillari bilan bir qator samarali uchrashuvlarni o'tkazdi.

🇬🇧 "BETT Show Tech exhibition" ko'rgazmasi doirasida bir qator samarali uchrashuvlar bo'lib o'tdi

👍 ITSM jamoasi London ko'rgazmasidagi ishtiroki davomida Kembrij shahrida joylashgan 👛"Cambridge University" ning fizika bo'limi mutaxassislari bilan "STEAM" ta'limoti hamda "Cambridge Assessment" kompaniyasi vakillari bilan O'zbekistonda "STEM" - "Science Technology Engineering Math" ta'limi mavzusiga bag'ishlangan bir qator muhokama uchrashuvlarini o'tkazdilar.

👨‍👦‍👦 "Cambridge Assessment" vakillari orasida Yevropa va Osiyo mintaqasidagi islohotlar bo'limi boshlig'i - Steve King, o'quv dasturlari va o'quv materiallari bo'limi boshlig'i - Daniel Morish, ta'lim texnologiyalari bo'limi boshlig'i va "Cambridge University" professori - Julia Citron xonim va boshqalar ishtirok etdilar.

🔊 Uchrashuvlar davomida "STEAM" tashabbuslari orqali yurtimizga ko'proq innovatsiya loyihalarini olib kelish uchun mavjud ta'lim usullarini takomillashtirish va inson kapitalini rivojlantirish masalalari muhokama qilindi.

📆 Bugun 👍ITSM tomonidan umumta'lim maktablarining AKT oʻqituvchilari uchun dasturlash va robototexnika boʻyicha "Edison Workshop" mahorat darslari tashkil etildi.

🎓O'quv mashg'ulotlari IT-Park hamda AQSh elchixonasi koʻmagida, "Stem4learning" (AQSh) kompaniyasi vakili, 👨‍💻STEAM ta'limi bo'yicha murabbiy va mutaxassis Allan Miller boshchiligida olib borildi.

🫥 Trening ishtirokchilari AKT darslarini mazmunli va qiziqarli o'tish usullari,  "EdScratch", "EduBlocks", EdPy, ⌨️ "Python" va "Edison-Loops" dasturlash tillaridan foydalanish asoslari, robotlarni boshqarish  tizimlari kabi mavzularni ko'rib chiqdilar.

↪️ Amaliy mashg'ulotlar o'qituvchilarga robototexnika va dasturlash tushunchalarini chuqurroq o'zlashtirish, kasbiy faoliyatlari jarayonida ulardan to'g'ri va samarali foydalanish uslublari bilan tanishish imkonini berdi.