Бір кездері мен таксист болған ем. Сол кезде екі түрлі қызмет көрсету тарифын ұсынатынмын.
Егер қымбатқа келіссе тек қана өзін, төтелетіп керек жеріне жеткізіп тастайтынмын.
Ал егер арзан баға айтса, қасына жол-жөнекей тағы адам мінгестіретінмін, кейде бір көше оңға-солғасы бар)

Сол сияқты қазір біз отырған коворкингтің бағасы арзан. Бірақ жиі "бөтен" біреулерді кіргізіп тұрады.
Жұмыс істеп отырсаң маңайыңда біреулер видеоға түсіп, интервью беріп отырады. Алдында бір әнші кеп көмейінің кеңдігін дәлелдеп кетті тіпті )
Тып-тыныш жұмыс істеп отырасың, бір қарасаң біреудің тусовкасында массовка болып жүресің )
Кейде телефоныңа қоңырау келсе "өтініш, мұнда видео түсіріп отыр едік, телефоныңызды үнсіз қыласыз ба, кедергі жасап жатырсыз" дейді.

Еһһһ, ал менен ешкім сұрамады да видеоға түсіп қап жатырсыз, қарсы емессіз бе деп.

Тезірек стартап тезірек аяққа тұрып кетсе екен. Бір-ақ күнде "IQ коворкингке" көше салушы ма ем

Кезінде бізде чатта бір кісі "болашақта фронтенд өледі" деп айтқан еді.

Сол кезде "местный білімі кемел эксперттер" жабылып тастаған едік.
"Қалай ол, фронт өледі дегені несі? Фронт болмаса сервермен қалай тілдесесің?" деп.

Енді қарап отырсам жұмыста барынша фронттан қашады екенбіз.
Фронтқа кез-келген дайын бірдеңелерді қоя сап, бэкендте өзіміз логикасын жалғап отырады екенбіз.
Клиент ретінде вацап бот/телеграм боттарды қолданамыз.
Алдағы уақытта инстаграм боттарын қолданбақшымыз.

Сайт құру мүлдем керек болмай бара жатыр.

Сайт тек "сайттарыңыз қайда?" деп сұрайтын клиенттер үшін құрылып тұр.
Және админдерге настройка жасағанға керек. "тяп-ляп" стайл )

Сайт құрсаң жоқ жерден конкуренцияға түсесіз.
Сіз жасаған сайт сіздің конкуренттеріңізден әдемірек болуы тиіс.
Сайттың қалай жасап тұрғанына қарап, жұмыстары да сондай сапада деген ойға келеді.
Сол үшін жанын салады бизнес иелері, ақшасын құяды.

Ал енді басқа жағынан қарасаңыз, instagram + telegram bot арқылы бірден сата берген әлдеқайда ыңғайлы.
Жұрттың да көзі үйреніп қалған интерфейстер. UI/UX сіз үшін жасалынып тұр.

Қорытындысы, қатардағы фронтендщиктің жұмыс көлемі тұтастай жоқ болып кетпес, дегенмен азайып бара жатқанға ұқсап тұр.

Кейде жасы үлкен кісілер it-ге ауыссам ба, жоқ па, не ой қосасың деп сұрап жатады.

Соларға арнап бір пост түртіп қояйын деп шештім.

Сілтеме бойынша өтіп, оқып, ойларыңызды қоса отырыңыздар

30-дан асқандарға нұсқаулық

Өткен дүйсенбіде кешкілік уақытта бастық хабарласты.
Әдетте жұмыстан тыс уақытта мазаламайтын. Сөйтсем шұғыл хабарламасы бар екен.
Біздің стартап команданың инвесторлары қаржыландыруды тоқтатыпты.
Сол себепті соңғы 2 апта жұмыс жасап, әрі қарай тарқауымыз керек екен(15 қыркүйек соңғы жұмыс күні).
3-4 жылдай қаржыландырып келіпті де әрі қарай қолдау көрсетпейміз деп түйіпті.
А, солай ма дедім де қоя салдым.
Ертеңіне жұмысқа келсем әріптестерімнің көңіл-күйі жоқ. Ақша емес, өмір бітіп жатқандай )
Көздегі от жоқ бұрынғы. Күнделікті "ана клиент мақтап жатыр, мына клиент даттап жатыр" деген фидбэктер де жоқ.
Жүректеріне жақын қабылдап қалғаны байқалды барлығының. Не дейміз жастар ғой. Қуанышты сәтте қатты тасып кетуі, кейде салмақ түссе қатты басылып қалуы кешірімді жағдай.
Жұмыс мүлдем жасалынып жатқан жоқ. Сосын командасыз жалғыз алға баса алмайтыным да түсінікті.
Бастыққа хабар бердім. Мән-жайды жеткіздім. Ол да стартаптың құлағанын мойындағандай сыңай танытты.
Өзін сабырлы күйде ұстады, дегенмен, болып жатқан жағдайдың салмағы болғанын білдірді.

Тәк, сонымен не боп жатыр ? Құлдырап барамыз ба ? Ендеше, қара жұмысты тоқтатып, жақсылап ойланып алатын уақыт екен.

Сөйттім де жұмысты қойып, жұрттан жұққан аурудан құтылып алайын деп шештім әуелі. Олардың уайымы маған да сәл жұғып кетті. Ал оның түк пайдасы жоқ.
Ойынотерапиямен емделдім. Қарным ашса барып асханадан ауқаттанып аламын да қайтып кеп жалғастырамын. Арасында ұйқыны періп алам.

2-3 жұмыс күнін солай өткіздім. Қалай дұрыс жол тауып кетсем болады деп ойлап жүрем іштей.

Сосын барып ойлар келе бастады. Командамен бөлісіп отырып, талқылап, жақсы шешімге тоқтай алдық ( бөлек постта жазайын толығырақ)

Команданы сақтап қалдық. Маған қызығы сол ғана болатын. Әйтпесе, қара басыма жұмыс табуды уайымдамайтынмын әдеттегідей.

Айлық vs стартап

Бүгін осы екеуінің біреуін таңдауым керек болып тұр.

Сәл бір қадам ертеден бастайын.
Соңғы стартап копаниямыз тоқтағаннан кейін, аяқ астынан команданың алғасүйрері мен болып қалдым.
Қолға алатын жоба ретінде осы Jalagash it-ді ұсындым.
Қазақтарды қолдан келгенше дайындап, шетелдің нарығына ұсынып көрмекшіміз.
Қатты бір ұстаздығым да жоқ, қатті бір программисттігім де жоқ, бизнеске де жоқпын. Бірақ романтика ұрып тұр.

Қазір де жалпы бірнеше кісіні жеке үйретіп жүрмін. Айына 50 мыңнан. Негізгі бағыт web, JavaScript.

Енді осы нәрсеге шындап кірісіп, бағдарламаны нақтылап, бұрынғы қателіктерді ескеріп, жаңадан бір кіріссем болады.
Соңғы "иә-жоғы" енді айтылатын инвесторым да бар кішігрім ) Жоспарымды пысықтап алып, әңгімемді сезімнен цифраға ауыстырсам әлі де шыға беретін сияқты инвесторлар.

Енді міне кеп бір компания қолға таза 1 млн береміз, келсейші бізге деп тұр. Біреулер үшін аз шығар. Мен үшін тәп-тәуір айлық.
Бала-шаға да мектеп жасына таяп келеді. Өмір көргендер өзіңді ойла дейді.

Отан от басынан басталады. Әуелі үйдің міндетін орында, содан артық қалсаң басқа іске тәуекел қыларсың дейді. Әйтпесе, стартап қуып жүргеніңде үйдегілер саусақ сорып жүрсе ақымақтың ісі ғой.

Қайтсем екен ?

Бір жағынан көргенім мен түйгенім бар.
Бір жағынан қарызданып күйгенім бар.
Бір жағынан ып-ыстық арманым бар.
Бір жағынан бала-шағам, сүйгенім бар.

Қай жағына бұрылсам да тезірек таңдау керек болып тұр.

"Ел іші - алтын кеніші" демекші...

Әр адамның өмірлік тәжірибесі бар. Жеке көз-қарасы, әр сұрақ өзіндік бір жауабы бар. Үлкен қазына екен бір жерге қоссаң.
Уақыт өткен сайын жұртпен кеңесуді жақсы көріп келемін.

Күткенімнен де көбірек пайда алып жатырмын әр ақылдасқан сайын.

Бұл жолы да солай болды.
Сіздердің кеңестеріңізді қорыта келе айлық пен стартап екеуінің қайсысын таңдайтынымды анық шештім бүгін:
Жарты күндік жұмысқа тұрдым 700-ге) Күніне 4 сағат уақытымды сонда беріп тұрсам. Қалған уақытым стартапқа қалады.

Осы постымда сіздерге үлке рахметімді айтқым келеді. Кәдімгідей жеңілдетіп тастадыңыздар жүгімді.
Нәтижесінде менде "бұқа да тірі, арбам да аман", Аллаһқа шүкір.

Әрбір қиын шешім қабылдайтын сәт туғанда ақыл қосуға дайын кішігірім комьюнити бар екенбіз ғой, ә ? )

Мен оқыған интернаттың есімде қалған ең ыстық тұсы тәрбие жұмыстары еді.
Үлкен жетістіктерге жеткен спортшылармен жиі кездесулер жүргізіліп тұратын.
Бір есімде қалғаны Дәулет Тұрлыханов ағамызбен болған кездесу еді. Кездесудің соңғы жағында сұрақтар қоямыз әдетте. Әуелі тәрбиеші апайлар дайындап берген 4-5 сұрақ қойылады. Ояту сұрақтары ғой) Солардан кейін жайлап оқушылар өздері де сұрақ қойып бастайды.
Дәулет ағамызға менің бір сыныптасым "кейде жарыста төрешілер жеңісті қолдан басқаға беріп қояды, сондайда не істейміз?" деп сұрақ қойды.
Дәулет ағамыздың берген жауабын қорыта келе өз сөзіммен түсінгенімді жеткізіп берейін:
1) мүмкін, шынымен де ұтылған шығарсың? Төреші қылып сайлады ма, демек, бірдеңе біледі екен де.
2) шын спортшыда "төреші үйтті-бүйтті" деген сөз жоқ, қарсыластан бір бас жоғары тұра алмадың деген сөз бар.
3) бір жарыста ұтылғаннан дүние тоқтап қалмайды. Әрі қарай да жанды салып жаттығуды жасай беру керек. Алда әлі талай жарыстар бар. Бұйыртса, дәл сол қарсыласпен тағы да кездесерсің. Сол кезде тағы да қапыда қалмауды ойлау керек, өткенге өкіне бермей.


Өтірік намыс бір күндік эмоция шығарумен бітеді.
Шынайы намыс күнделікті шынығуға итермелейді !

E-gov дамуы туралы

Жалпы осы IT саласында түрлі зерттеулер жасап жүргеннен, кішігірім осы жайында түсініктеме жазып өтейін. Пайдалы ақпарат ретінде қабылдарсыздар.

Біріккен Ұлттар Ұйымы (БҰҰ- UN) әр бір екі жылда бүкіл мемлекеттердің (190 елден аса) электронды үкіметтің даму рейтингісін жариялап отырады. Оны қысқаша EGDI (Electronic Government Development Index) деп атайды. Осы аталмыш индекс үш түрлі өлшемнен тұрады.

1) Онлайн қызметтерді жеткізу индексі (OSI - online services index), яғни қысқаша айтқанда, ол бәріміздің білетініміз сол e-gov сайты, яғни электронды қызметтерді қашықтықтан, жылдам, әрі оңай алу, мәселен, туу туралы күәлік алу, тұратын жер туралы анықтама, не салық төлеу дегендей.

2) Телекоммуникация инфраструктура индексі (TII - telecommunication infrastructure index), бұл жерде елдің технологиялық және техникалық жағдайы, яғни мобильдік желінің (3G-4G) қамтылуы, интернет жылдамдығы мен тұрақтылығы, компьютер не мобильді телефондардың халық арасында қолданылуы, сол секілді 7-8 параметрден тұрады.

3) Адами капитал индексі (HCI - human capital index), бұл жерде енді қолданушылардың қаншалықты әзір болуы, не дайындығы, не басқаша айтқанда білімі мен денсаулығы, жалпы қолдану жағдайы.

Әр елдің осындай үш индекстің қосындысының орта шамасын алып, сол елдің EGDI индексі мен рейтингі шығады.

Сіздерге түсінікті болу үшін, кішігірім салыстыру анализін жасадым, соңғы 10 жыл бойынша жоғарғыдағы аталған көрсеткіштер бойынша үш ел алынды:
Қазақстан 🇰🇿, Ресей 🇷🇺 және Корея 🇰🇷 (мұндағы Корея елі - EGDI рейтингі бойынша соңғы 10 жылда топ бастаған ел болғандықтан ғана, яғни кәзіргі оқу елім болғандықтан емес 😂)

Бұдан не түсінуге болады:
1) Салыстырмалы түрде онлайн қызметтерін қөрсету бойынша (e-gov сайты) Ресейден жоғарыдамыз.
2) Біздің кем тұсымыз ол тек телекоммуникациялық инфраструктура (TII) бойынша жете алмай келеміз. Яғни осы көрсеткішті ойлану керек деп ойлаймын.
3) Адами капиталмен (HCI) де жұмыс істегеніміз абзал!

PS. Деректер https://publicadministration.un.org/egovkb/en-us/Data-Center алынды.

increment

Тым қарапайым нәрсе болса да кейде джуниор боп жұмысқа тұрып жатқанда сұрап қалуы мүмкін )

Айнымалының мәнін бірге арттыру деген сөз.
Бірақ "i++" пен "++i" арасында айырмашылық бар. Кім біледі ? )

Мына код орындалғанда консолға не шығатынын түсіндіріп берсеңіз тіпті жақсы👇🏽
let i = 0
console.log( i++ )
console.log( ++i )

JetBrains компаниясы (PyCharm, RubyMine, PHPStorm, WebStorm, т.б мықты IDE-лер мен продукттерді шығарған) толықтай тегін 53 сағаттық фронтенд веб-разработканы үйрететін курс шығарды.

Курс барысында сіз HTML5, CSS3 мен JavaScript-ті биік деңгейде ғана оқып қоймай, React, Angular, Vue секілді фреймворктарды да меңегеретін боласыз. Курс толықтай тегін, 53 сағатқа созылған, және толығымен ағылшын тілінде өткізіледі.

Курсқа жазылу »

#course / #free / #frontend / #pro
———
@frontend_with_backend
@frontender_kz

Құрметті достар! Сіздерді Progress Academy курстары аясында өтетін "IT саласынан өзіңді қалай табуға болады?" атты Digital Talk-қа шақырамыз! Арнайы қонағымыз - Үрпекова Айгүл, Akvelon Inc. компаниясының техникалық рекрутері. Компания Microsoft, Intel, HP, Reddit, Pinterest, T-Mobile, Starbucks, LinkedIn, Amazon, Google секілді алпауыт компанияларға керекті адамдарды тауып берумен айналысады. Бұл кеште:
- Қазақстандағы және шетелдегі IT рекрутмент туралы;
- интервьюлерді қалай жеңіл өтіп шығудың жолдары;
- жас програмисттерге қажетті стажировкалар туралы;
- мінсіз түйіндеме жазу туралы сөз қозғаймыз.

Пайдасы мол қызықты кештен құр қалма!
Болатын күні: 25.09.2021, сағат 17:00
Тегін, онлайн форматта өтеді

Digital talk-қа тіркелу үшін:
https://forms.gle/rUByuXmEbMgXiHfZ6

Адамға таудай алтын берсең не дейді ?

Иә, тағы да осындай бір тау болса ғой дейді.
Тура үш ай бұрын 700мың айлық мен үшін көп көрінетін. Уақыт өте келе аз болып көріне бастады.
Жайдан-жай емес, әлбетте.

Сыртқы нарыққа көз салсам біздің айлығымыз жүдә төмен екен. Маған бірнеше таныс, дос-жаран программированиеңді әрі қарай дамытқанша ағылшынша үйреніп дәл осы деңгейіңмен-ақ жұмысқа тұра берсейші деген.

Бірнеше рет талпынып көрдім. Ағылшынша курсқа қатыспақшы болдым. Бір немесе екі сабақтан ішім пысым, миым қайнап, бетім қайтып қалып жатты. Сабақтар тым қиын. Ережелер тым көп. Іштей "ағылшынша менікі емес" деген ойға тоқтағам да тіпті.

Бірақ ойдың бәрі ана жақта. Айлықтарын көріп ес кетіп жүр. Сосын бұрын өзіммен бірге жұмыс жасаған әріптесім бір вакансияны берді.
"Мынаған тапсырып көрсеңізші, JavaScript қой" деп.

Болса болды, болмаса қойды. Бұйырғанын көрейік ал деп отклик жасадым. Үш этаптан өтті интервью.
Біріншісінде орысша сөйлестік hr-менеджермен.

Қызықтың бәрі екінші интервьюде басталды. Ағылшынша өттік.
"I have bad English, but have good experience in web development and I hope that I can be helpful for you" деп бастадым))
Бір сағат бойы таза JavaScript-тен сұрақтар қойды. Есептер берді және оларды талқыладық, түрлендірдік, жай-жай күрделендіріп көрдік.
Қате сөйлеп жатқаным анық қой. Шүлдір-шүлдір.
Интервьюде бастысы жайдары көңіл-күй, нық сөйлеу, сүрінсең де жылжи беру деп ұра бердім.

Әйтеуір өз ісіме келгенде жақсы жауап бердім. 100% дұрыс шығарып бердім барлық есебін, Аллаһқа шүкір.

Интервью соңында "Сізбен міндетті түрде хабарласады. Сіз интервьюді өте жақсы өттіңіз. Сіз туралы өте жақсы фидбэк беремін" деп шығарып салды. Йоооохххх! Өз-өзіме сене алар емеспін.
Ертеңіне соңғы этап. Соңғысы қалай өтті дейсіз ғой ? Есімнен шығып кетті интервью болатыны. Ааххахахах ))) Жай ғана түскі асымды ішіп отыр ем. Үйдегілер интервью не болды дегенде ғана есіме түсті )))

Сосын хабарластым. Олар мені күтіпті. Сосын мен жауап бермеген соң уақытын өзгертіп, жаңа дата белгіледі.

Жексенбі тағы бір сағат ағылшынша интервью өттім. Нәтижесінде жұмысқа қабылдандым(сынақ мерзімі бар, әрине)


Бүгін менің жаңа компаниядағы алғаш жұмыс күнім. Бұйыртса, қазір 17-00-де басталады : )

Жалағаш it-ге оралсақ.
Арна соңғы уақытты тынышталып қалды. Арасында ғана басқа жақтан жақсы ақпарат көріп қалсам бөлісіп отырам.

Дегенмен, бір рет те қолым түскен емес. Қолым тимей жатса да ойымның бір бөлігі осы жобада.
Жобаның өзектілігі жоғары. Мақсаты айқын.

Қазақтарды(қазақстандықтарды) it-ге үйретіп, мүмкіндігінше шетелге жұмысқа тұрғызу.

Негізі осы ойға соңғы бірнеше айда келгем. Бірақ сыртқа айта алмай жүрдім.
Біреуді үйретем десең әуелі өзің білуің керек деді.
Біреуді шетелге жұмысқа тұрғызам десең, әуелі өзің сол жолды өтіп көруің керек.
Әйтпесе, өзіңде жоқты біреуге қалай бермекшісің ?

Жөн сөз. Осылай ескерту жасайтын ағаларға алғысым зор.

Сөйтіп дәл қазір бірнеше адамды жеке шетелге жұмысқа тұрғызуға дайындап жатырмын.
Әдеттегідей экспериментал топ )

Жаңа топ. Жаңа нысана. Үйретудің жаңа форматы. Бұйырғанын көрерміз.

Әлі 2 айлары бар. Тәк что жақын арада жобамыз тыныштықта тұра тұрады )


PS: "Ағылшынам әйәй ғой,
тек программированиемді шыңдап жіберсеңіз,
артынан бірге шетелге тұрып кетсек зор болушы еді.
Тағы бөлек эксперимент топ ашайық та" десеңіздер жазасыздар ғой

Thousand 1000 теңгелік қызметтен ірі компаниялар тапсырысына қалай өтті?

Қазақтан шығып жатқан жақсы стартап-компания бар екен Thousand деген.
Ел көрген, Apple, Google, Facebook сияқты алпауыт компаниялардың инкубаторында болып, тәжірибе жинақтаған.
Төменнен бастап, біраз тер төгіп, ыстық пен суықтың арасынан шығып, қазір еңбегінің жемісін көріп жатқан команда.
Бір қазағымның өнері өрге жүзіп жатыр екен деп қуанғыларыңыз келсе мақаланы оқып көріңіз.

👉👉сілтеме👈👈

Авторы: Kaniya Tabys

Бір шектен бір шекке шығып кетіппін.

Соңғы стартап компанияда жұмыс жасаған кез тым қызық болатын(Avalanche, Saletastic).

Және бір күні сау етіп "компания жабылды" деген суық хабар келгенде бірден байқалмаса да қатты стресске түсіппін.

Уақыт өте келе ол стресстің белгілері үлкейген сайын тағы үлкейе берді.
Өзімді нашар сезіндім. Мүлдем жұмыс жасағым келмеді. Өз-өзіме ұқсамай қалдым.
Мен үшін бұл нәрсе масаның шаққанындай ғана әсер етуі тиіс еді.
Ешқашан жұмыссыз қалдым деп уайымдамаған адам едім. Маған не болды деп ойланып жүрдім.

Шамамен үш аптадай ауа тебумен айналыстым. Келем де ойнаймын. Жұмыс күнінің бірер сағатын ғана пайдамен жұмсап жүрдім.

Өзімді алға сүйрер жігер таппадым. Бір нәрсе мазалап, еңсемді түсірді де тұрды.

Сосын барып мәселенің төркінін тауып алып, сырын шештім, Аллаһтың қалауымен.

_________________________________________
Енді әңгімені тағы да басынан айтайын.
Бұрын мен жұмысқа тым жеңіл қарайтынмын. Оп-оңай бірінен шығып, біріне кіріп жүре беретінмін.
Проект үшін жаным күймейтін. Компания үшін де. Паразит болғанмын ғой таза )
Күнтізбенің парақтарын ауыстырумен ақшам жүріп жатса болды еді.

Басқа программист дос-жаранмен сөйлессем олар бір компанияға кіріп алса, сол проекттің нәтижесін көргенше отырған жерінен жылжымайды екен. Мен сияқты жыртыңбайын көрмейсіз арасынан.
Бір компаниядан мен шығып кеткен соң сонда қалған жігіттерге бастық "өтініш, 50мың теңге айырмашылық үшін ауыса салмаңдаршы, сол айлықты біз де береміз ғой, бір ауыз ақылдассаңдаршы" деп айтыпты)

Енді келіп мына стартап командаға жұмысқа кіргенде осы жолы барлығы басқаша болады деп өзіме іштей сөз берген едім.
Барынша осы проекттің жүруіне жаным ашитын болады. Барынша пайдалы болуға тырысамын деп. Жауапты боламын, үйтем-бүйтем деп анау-мынау қоса бергем ғой. Сөйтіп өзіме көп алып қойсам керек. Кәдімгідей өзімді сол жұмыспен байлап қойыппын. Бір тұтас болып қалыппын. Жұмыс кеткенде өзімнің бір бөлігім кеткендей құлазуымның себебі де сол екен.

Қай жағынан болса да тым артық шектен шығып керек емес екен.

Қандай жұмыс жасап жатсаң да жұмыс ол жай жұмыс қана. Жүрекпен қабылдап керек емес

Жұмыс күндерім басталды деп қоямын, бірақ әлі кодқа жолатпады)

Әңгіменің басы өздерінің мәдениеттерін үйретумен басталып жатыр.

Пәленбай бет документация мен видеоларын беріп қойды.
Сағаттап аударып отырдым. YouTube субтитрлары мен Google translate аман болсын )

Жұртқа қызық, бөлісуге тұрады-ау деген жерлерін түртіп өтейін.

1) Түк жасамағаннан қате жасаған құндырақ.
Ертеңгі жақсы нәтижеден бүгінгі қате нәтиже құндырақ.

2) Компанияның ең құнды алтыны - жұмысшылардың қателіктері.

3) Ешкім біреуді бірдеңе білмей қалғаны үшін сөкпейді. Қайта сол білмегенін жасырып қалса мәселе туындайды.
Барынша ашық болу керек. Білмесең барынша тез айту керек. Әр жаңадан келген адамды үйретіп отыратын бір ментор болады екен.
"Бәрін өзім істеймін. Мына тауды мен өзім қопарамын" дейтіндерді басынан сипамаймыз дейді.

4) Жұрттың уақытын бағала. Осы бөлімнің ішінде тармақтары тым көп екен. Код жазғанда, хат жазғанда, смс жазғанда, қоңырау шалғанда, тб кез-келген коммуникация бар жерде қысқа-нұсқа әрі түсінікті болу керек.

Осымен жетер. Бүгін менде 3-те бірінші экзамен. Бұйырғанын көрерміз.
Бір ұйықтап алу керек тақалғанда ))

Еһһһ )
Баспен қадап тастады ғой bash basic commands туралы сұрақтарымен.

Бірінші сынақтан-ақ қадалдым.

Біраз сүйрелеп көрді - болмады.
"Теория аз оқығансың, ал практика мүлдем жасамағансың. Ертеңге дейін мықтап дайындалып келесің деген үміттемін" деп шығарып салды )

Қадалған сұрақтарым:
1) барлық html файлдарды таңдап ал
2) барлық файлдарды, бірақ /build деген директорияны қоспа
3) /node_modules деген директорияны қоспа
4) тапқан файлдарыңды сана
5) тапқан файлдарыңды архивке сал, сық

Қазан айы келсін - күнделікті бір есептен шығарып отырам деп жүрген ем.

Уақыты келді, бастайық ал !

💡 leetcode.com сайтында тіркелмеген болсаңыз тіркеліп алыңыз.

💻 Мен JavaScript-те шығаратын боламын.

💻 Ал Python керек болса IT-bilim-нің тобы бар : )

💻 Аманның тобында да тас берсең тас шайнайтындар отырады.

PS: Бір ай бойы үздіксіз шығара алмаймын деп ойлаймын. Себебі, қиын есептер кездескенде миым жетпей қалады.
Дегенмен, қолдан келгенше тырыса берейік ! Go challenge ! 🚀🚀🚀

Жұмысқа тұрар кезде есеп шығаршы десе тарсылдатып тұрсаңыз өзіңізге рақат қой.

Шүкір, "Linux Terminal basics" сынағын жаптым.

Бірақ зорға жаптым )
Тым көп сұрақ қойды. 2 рет құлатқам алдыңғы аптада.
Үшіншісінде ғана сүрініп-жығылып бірдеңе қылып өттім.

Терминалдағы мүмкіндіктерді жаттау мүмкін емес. Ұшы-қиыры көрінбейтін мүмкіндіктерге тола.
Қанша дайындалсам да, ақыры білмейтін нәрселерді тауып алып соларды сұрай бастады.
Үшінші рет тағы да "білмеймін" дегім келген жоқ бұл жолы.
"Қазір тұра тұрыңыз, мағынасын түсініп тұрмын...
...Мынадай функциялар бар екенін білемін, тек синтаксисін көріп жіберейін ...
...логикаға салсақ былай костыль жасауға болатын сияқты..." деп көзінше барынша тырысып, мануалдарды қарап, былай да былай шұқылап жауап беріп отырдым.

Бір кезде "терген командаларың дұрыс, енді осыларды ашып түсіндіріп берші" дейді.
Ағылшыншам нашар деп айтқым келмеді. Болса болды, болмаса қойды, нем кетіп бара жатыр деп сөйлей бердім.
Кейбір сөздерімді өзі түзетіп, көмектесіп отырды. Ағылшыншам быт-шыт қой. Бірақ оған бұл нәрсе түк маңызды емес екен. Соны байқадым.

Сонымен қатар, сынақтан өту барысында мынадай ойға келдім. Дәл солай екеніне сенімді емеспін, жай пайымдауым ғана.

Оларға менің терминалды толықтай жаттап алғаным керек емес. Жаттап алуға тым ұзақ уақыт кетеді.
Әу бастан сұрақтарға 100% жауап бере алмайтынымды біліп тұрды деп ойлаймын. Бұл сынақтың мақсаты қолдан стресс туғызып, сол жағдайдан қалай шығатынын байқау деп ұқтым.

Өйткені, болашақта да осы жағдай қайталануы мүмкін ғой.
Маған мен білмейтін бірдеңелерді тапсырады. Сол кезде мен тосылып қалмай, ұра беруім керек қой.
Егер осы сынақта табандылық танытсам, демек болашақта да солай болуы мүмкін.
Ал егер қойған сұрақтардың жауабын білмейді екем деп беріліп қойсам, болашақта да командаға ауыр уақыт туғанда өз бөлігімді орындай алмай бәрін құрдымға кетіріп қойып қарап отыруым мүмкін.

Солай деп ұқтым, қысқасы. Ал шын мәнінде қалай болғанын бір Аллаһ біледі, мүмкін шайып отырған да шығармын өзім ))