#javascript #fullstack #qwant

🗓 1 маусымда QWANT мектебі JavaScript Fullstack курсын бастамақшы.

⏱ Ұзақтығы: ~6 ай (ертерек бітіруге де болады)

💰 Құны: 72мың теңге (36+36 деп екі бөліп төлейсіз)

Толық ақпаратты мына супервайзерден алыңыздар:
🧑🏽‍💻 Олег Ким
📱 87772722547

0-ден junior-ға дейін өсіреміз дейді.
курс барысында проект жазып, стартап қорғап, инвесторлармен байланысқа шығып көруге болады.

Платформа толықтай ағылшынша.
Бірақ енді бастап жатқандарға арналған. Сол себепті қиналмайсыздар деп үміттенем.
Топ болып жұмыс жасау барысында қазақша талқылай бересіздер.

Өте керемет мүмкіндік.

✅ Ең бастысы roadmap дайын !
✅ Енді бастап жатқандарға арналған
✅ Бағасы қолжетімді
✅ Топтық жұмыс
✅ ағылшыншаңызды да көтересіз : )

web-тен курс қашан деп хабарласып жүргендеріңізді осы курсқа шақырамын.

Кеп тұрған пойызға мініп кетіңіздер🤓

Ақша vs денсаулық

Ақша керек деп көп проект алдым.
Көп проект алдым деп тәулігімнің көп бөлігін жұмысқа бердім.
Қозғалысым азайып, отыра беруім көбейген соң денсаулығым да сыр бере бастады.

Денсаулық сыр бергенде ақша да жұмсалды, проекттер де аяқталмай жарты жолда тасталды.
Мен тастағаннан заказчик мені тастай ма ))
"Че там брат че там" деп аптасына бірнеше рет хабарласады.
Басында әрі емделіп жүрдім, әрі проекттерді де "тасбақалатып" сүйреп көрдім. Болмады.
Арқадан арқа, бастан бас, көзден көз қалмады, айтарға сөз қалмады, абыройдан абырой қалмады.
Достан дос қалғанына шүкір тек )

Амал жоқ басқа адамдарды жалдап, ақшасын соларға өткіздім. Басында үнемдемек боп "балмұздақтарға" беріп көрдім. Ол батырлар барын салғанмен, әлі қылышы қайралмаған. Атойлап барып қанша қырғын салса да, проекттің ат-қорасын шығарғаннан басқа әкелген пайдасы болмады.

Артынан профиларға хабарластым.

"Я к вам пишу - чего же боле,
Дедлайн прошел полгода назад" — деп бастаймын ғой хатымды )

Сөйтіп не болды қорытындыда ?
👎🏽 Ұтылғаным денсаулық, қарым-қатынас, уақыт, ақша.
✅ Ұтқаным - тәжірибе. (деп өзімді жұбатып қоям ғой)

Ал не себепті осылай болды ? Әу баста дұрыс саудаласу керек еді.
Уақытын да кең алып, ақшасын да көбірек келісіп жасауым керек еді.
Әрі-бері асықпай ойланып, жұртпен қосымша тағы ақылдасып алып.

Мұның бәрін өкініштен жазып отқам жоқ, жай әңгіме болсын деп қой.
Бұқаға туған күн бұзауға да туады деген. Арттан өкшелеп қуып келе жатқан жастарға бір ауыз ескертуім ғой ) Көп ақылдасыңыздар жұртпен !
☝🏽 100 пайыз сенімді болсаңыздар да бір ауыз тағы біреумен ақылдасып алған жөн

Qazaqsha programming

Біз шетелде істейтін достарымыз бірігіп(@datbayev, @narikbi, Темірұлан) жаңа проект бастағалы жатырмыз.

Қазіргі таңда программалауға қатысты қазақ тілінде жазылған кітап жоқтың қасы шығар. Осы жағдайды ескере отырып Антидің "Competitive Programmer's Handbook" деген кітабын қазақ тіліне аударайық деп шештік.
Кітапқа сілтеме : https://cses.fi/book/book.pdf

Әрине, кітапты тек 3-4ға адамға аудару қиынға соғады. Сондықтан бұл кітапты бүкіл халық болып аударайық. Жұмыла көтерген жүк жеңіл дейді ғой.

Бұл коммерциялық емес проект. Қазақ тілінің жанашыры болсаңыз үлесіңізді қоссаңыз болады. Әрбір адам өзінің көмегін тигізе алады. Ағылшын, орыс, қазақ тілін білетін адамдар өте қажет. Аудару тобына қосылғыңыз келсе төмендегі форманы толтыруыңызды сұраймыз.

https://forms.gle/Fi277JnpT93iBybX7. Толтырсаңыз жақын арада сізбен хабарасамыз.

Репост жасап септігіңізді тигізсеңіз болады.

"че там, кешегі собеседованиең не болды?"

Соңғы уақытта бірнеше кісілерді көзім шалып жүр.
Шетінен жас жігіттер.

Былайынша кішігірім оқығаны бар, тоқығаны бар.
Дұрыстап қазып сұрасаң портфолиосы да бар.
html, css тақырыбын баяғыда өтіп қойған.
Javascript-тен де сәл-пәл хабары бар.
Шала болса да бір фреймворктың басын шалған. Серверге request жіберуді біледі.

todo list, my shop деңгейінде бірнеше проектілері де бар github-та☝🏽.

Ашып қарасаң былайынша новичекқа жарасатын код жазған.

Әрине, сапасы жоғары емес, қателері бар. Бірақ жұмысқа джуниор боп тұруға жақсы аргумент екені анық.

Енді кеп жайлап итермелеп көрем ғой жұмысқа тұрсайшы деп.

Бір қарасаң резюмесін толтырып қояды. — О, Жақсы✅
Бір қарасаң тарсылдатып откликтер де жіберіп жатады вакансияларға. — О, тіптен күшті✅
Арасында собеседование өтіп жатқанын да естисің. — Ііі, керемет-керемет ✅

Бірақ біраз уақыт өткеннен кейін бір қарасаң әлі жұмыссыз жүр де.
"Ана жер де алмады, мына жер де алмады" деген күрсінген әңгімелерін бастайды дейсің кеп.

Сол жастарға айтарым:
Собеседованиеде "жоқ", "өтпедің" десе немесе үндемей қалса қоя саласыздар да.

Кейде іштей ойлам "осылар үйлене ме екен" деп )))

"жоқ" десе бітті қолды төмен тастап қоясыздар.

Артынан қалмау керек қой.

Тағы хабарласу керек. "не жетпей қалды ? қай жерім нашар ?
Маған тағы бір тест беріңіз, мен соны патырлатып орындап көрейін" деп.

Қысқасы, білім жетпейді емес, жалындаған от жетпейді мен көріп жүрген жастарға.

Кейбіреулер "білмедім, алмайтын сияқты. ештеңе деп айтпады" деген кезде жастықпен қуалап жүріп ұрғылағым келед )))

Саған керек пе, маған керек пе. керегі рас болса неге тормозить етіп жүрсің деп )

🔥PYTHON Программалау тілі курсына тіркелу басталды!🔥

Тіркелу мерзімі: 5 маусым, 18:00-ге дейін.

Тіркелу үшін жекеге жазыңыз:
@edigerad
@mukhammedaliiii

Бастық бір разработчикті жұмыстан шығарып жатты.
Ол разработчик әбден масыл болған екен.
Әкелетін пайдасы аз, ал ақша алуға келгенде алдына жан салмайды.
Қай жағынан алсаң да қуғынға ұшырайтын адамның себебін жасап тұр екен )
Бірақ ұрсып-ұрсып қуып жіберудің орнына оған тағы бір жұмыс тауып беріп жатыр екен де бір қызығы. Бара жатқан жерінің айлығы бұрынғысынан көбірек.
Мен үшін біртүрлі болып көрінді.
Неге олай жасайсыз, қайта барлық нәрсені бетіне айтып-айтып, ит терісін басына қаптап, шығарып салмайсыз ба деймін ғой.
Сөйтсем былай деп жауап берді:
— Біріншіден, ұяты бар адам болса, басында ақылы болса, былай шыққан соң өзі ойланып, түсінеді. Немесе уақыты келгенде түсінер. Ал түсінгісі келмейтін адамға айтқанмен пайда жоқ. Қайта одан сайын таласып мазаңды алады, уақытыңды құртады. Және де бонус, жүрген жерінде сен мына жерде істеп едің ғой, қалай ол компания десе жақсы фидбэк айтуға себеп болады. Ал бұл уже тегін рефералка, — деді.

Ымм дедім де қойдым...

https://t.iss.one/qwantkz/104

Qwant мектебі қыздарға арнап гранттар таратып жатыр екен тегін.
Грантты сіздер үшін АХҚО төлейді

IT-де өзін сынап көргісі келген қыздар болса барып көріңіздер

Толығырақ сілтеме бойынша біле аласыздар
https://t.iss.one/qwantkz/106

Тегін программалау сабағының жазбасы ✅

Сабақ тақырыптары:
• Бағдарламалауға кіріспе және Питон тілін орнату
• Айнымалылар мен операторлар

Видео астында сабақ материалдарына (слайдтар, нұсқаулықтарға) сілтемелер тұр 📚

Тақырыпты бекіту үшін тапсырмалар берілген 👩🏻‍💻

https://youtu.be/l6uwqcrZxJY

"Не үшін ?"

Кезінде бір компанияда жұмыс жасағанда бір аға программист бар болатын командамызда.
Тәжірибесі мол, көргені көп, түйгені көп.
Барлығы соны мазалайтын әртүрлі сұрақтармен.
Программисттер бар, аналитиктері бар, әртүрлі менеджерлері бар, барлығы кеп сұрақ қоя беретін соған. Проекттің ядросы болып тұр ғой енді ол ағамыз )
Әбден миын ашытатын ек ол кісінің.
Ол да бір кезде, шаршай бастағаннан ба әлде бірдеңеге көзі жетті ме, бір айлаға көшті.

Сұрақ қойып жатқан адамды тыңдап болар-болмастан "не үшін?" деп өзіне сұрақ қоя беретін.
Әлгі адам бірдеңе деп жауап берген болады, ағамыз "не үшін?" деп тағы сұрайды. Сөйтіп жалғаса береді.

"Былай жасайын деп ем, мынадай қате шыға береді. неге?"
"не үшін олай жасап жатырсың?"
"өйткені маған мынадай нәрсе керек."
"не үшін керек?"
"себебі, былай былай" деп тағы бірдеңе айтқан боласың.
"не үшін?" деп ол да қояр емес)

Сөйтсек, көп сұрақтар оңай шешіле береді екен өздігінен.

"Мынаны ҚАЛАЙ жасайды?" деп келіп жатқан он адамның тоғызы өз-өзіне "осыны НЕ ҮШІН жасап жатырмын? анық керек нәрсемен айналысып жатырмын ба?" деген сұрақты қоймайды екен ))

🔥Сізді "Қалай IT саласына оңай, әрі жылдам кіруге болады" атты тегін вебинарға шақырамыз

✔Бұл вебинардан IT саласына кірудің ең оңай, әрі жылдам жолын білетін боласыздар. Вебинарда аз уақытта қалай сұранысқа ие мамандықты жылдам меңгеріп, ірі IT компанияларға жұмысқа тұрып кету жолдары айтылады. Вебинарда сіздермен өз тәжірибемді бөлісемін. IT саласын меңгеретін кезде студенттердің жіберетін басты қателіктері, сұранысқа ие IT бағыттары, және олардың жалақылары мен талаптары жайлы айтатын боламыз.

Вебинар жүргізушісі (Байсейіт Әлібек)
🔸IT саласында 5 жылдық тәжірибесі бар
🔸Бірнеше жобаның авторы
🔸Әлемдік деңгейдегі инновациялар жасады
🔸Mycup.site платформасының негізін қалаушы
🔸ТМД мемлекеттерінен 3450 студент оқытты.

📌 Уақыты:
24.06.21 сағ. 20:00

Вебинардың қызықты, және пайдалы өтетіне сізге кепіл береміз.

✔Вебинарға тіркелу:
https://t.iss.one/webdevkzchat

5 сағат бойы қалай болса солай шұқылай беру сізді 5-10 минут бойы документацияны оқудан сақтап қалады !

Бүгінгі нашар нәтиже ертеңгі жақсы нәтижеден құндырақ : )

#Javascript #junior #nur_sultan

📣📣📣Командамызға әрі қарай жұмысқа алу мақсатында бірнеше стажер іздеп жатырмыз.

🗓 Небәрі 10 күн ғана өтіледі стажировка.
🏆 Кейін солардың ішінен жақсы көзге түскен тек қана біреуін жұмысқа алатын ойымыз бар.
💰 Айлығы қолға 200 мыңнан басталады.
✔️Одан да жылдам өтіп тастасаңыз болады.
🟢 Ағылшынша сәл-пәл қағатыныңыз бар болса ол да жақсы плюс.

Проект тым қарапайым. Реферал программалармен айналысамыз.

Өзім күнде қастарыңызда боламын. Қолымнан келгенше үйретіп, көмектесіп жүремін.

Беймарал келе беріңіздер.
Отказ алып қалсаңыз да есесіне бірдеңе үйреніп қайтасыз.
Ал жұмысқа тұрып қалсаңыздар өсемін деген адам үшін керемет мүмкіндіктердің бірі.

📱 +77078629827 Нұрлан
https://t.iss.one/karnurmax

Бірнеше күн бұрын бастығым маған "жаңа фичаларды тезірек жасасай, жай жасап жүрсің" деп ескерту жасады.
Оған мен "енді бәрі оп-оңай емес қой" деп сылтауымды айтам)
Талай сылтауды естіген адам "а солай ма" деп қоя салатын ба еді:
"Біз мына жақтан маркетинг жағын жасап қойдық, клиенттер күтіп тұр. Тезірек қолға бірдеңе бермесек суып қалады, саған тіреліп тұр шаруа" деп қыспаққа алып жатыр.

Не айтсам екен деп ойланып тұрдым да бір қулыққа бастым.
— "Напорыңыз ұрып тұр", мүмкін сіз де код жазып көресіз ? )
— Қандай код жазам сонда ?
— Shopify-мен интеграция жасап көріңіз. Ағылшыншаңыз мықты ғой, менікі нөл, - деп мақтап қоям)

Кішкене ойланып қалды. Ішінен "мынаған ақша төлеп, еще бұның жұмысын істеп берем бе" деп ойлаған шығар )))

Сосын тағы да қызықтырып көрдім:
— Кеттік, давай, "спортивный интерес" болсын. Егер мен өз тапсырмамды бітірем дегенше сіз shopify-ды бірінші бітірсеңіз менен бір түскі ас, -деп көрім едім, осы сөзім көбірек өткен сияқты болды.
— Кеттік ал! - деп қызығып кетті.

"Шаһһ" еткізіп қол алыстық та пари басталды да кетті.

Менің жасап жатқан жұмысымның көлемі үлкен еді. Ал оныкі кішкене ғана.
Сонда да алдап соқтым, ұтып кеттім деп мәз болып жүрмін.
Қысымнан да құтылдым, кодымның бір бөлігін өзіне жаздыртып жібердім, көп болса бір түскі ас ұтыламын деп қоям.

Бірақ ұзақ қуанбадым. Өзіме одан сайын көп таяқ тие бастады.
Әрбір жаңа бірдеңені үйреніп алған сайын маған кеп одан сайын прикол тастайды.

"Қара, мен shopify api-ын оқып алдым. Енді мен барлық коллекцияны шығарып бере алам.
Ал сен не істедің?"
"Қара, мен енді барлық тауарлар мен варианттарды шығаруды білем. Ал сен че ?"
"О, мен даже GraphQL оқып алдым, жақында сенің RESP API-ың қатты керек болмай қалады"

Жаман қызартты енді. Өзі мәз. Тиіскен сайын жаны кіріп қалады)

Бір кезде әбден семіріп алған "Нұрлан, сен чета сеньор емессің ғой" дейді. "Нуу, самозванецпын ғой" дей салдым.
Оған тағы бірдеңе деп ақталып одан сайын энергиясын толтырмай-ақ қояйын )

Кел, танысайық 🤝 !

Ал, қане, zoom-да кездесейік.

🗓 Ертең кешке (8 шілде)
⏰ 19-45 Нұр-Сұлтан бойынша
Ұзақтығы: шамамен 40 минут

Каналды әне жүргіземін, міне жүргіземін деп жүргенде уақыт зуылдап өтіп жатыр екен.

Иә, веб туралы әңгіме басталмады, иә JavaScript жайлы сабақтар түсірілмеді.

Осыны енді жайлап қолға алатын сәт туған сияқты.
Жұмысым тұрақталып, қолым босап, біраз өз-өзіме келіп қалдым.

web-ке қызығып жүрген барлық жанды "онлайн шайға" шақырамын

Сәлем! web-ке қызығып жүрсіз бе?
Мүмкін, бастап та қойған шығарсыз ?
Әлде программистке ауыссам ба, әлде менікі емес пе екен деп іштей ойланып жүрсіз бе.
Бір-екі рет көріп, нәтижесі шықпай қалып та жүрген жан шығарсыз, бәлкім.

Қысқасы, кешке "онлайн шайымызға" қосылыңыз.
Терлеп отырып 40 минут әңгіме соғып тастайық : )

Сілтемесін ~1 сағат қалғанда қоярмын.

⏰ 19-45 Нұр-Сұлтан бойынша бастап кетеміз

15 минуттан соң бастаймыз, бұйыртса.

Тақырып:
❇️ web-ке қысқаша кіріспе

https://us02web.zoom.us/j/86118734804?pwd=M2VEMlBZZkg0QW9vdmNoeHhGZHVSUT09

web-ке қызығады-ау деген достарыңызға бөлісіп қойыңыз : )

IT-дің несі қызық ?

Расында, it әркімге әртүрлі себеппен қызық.
Біреулер үшін керемет табыс көзі.
Тағы біреулер үшін тренд, ешқашан жұмыссыз қалмайсың деген сөз.
Ал біреулер үшін мимен жасалатын жұмыс болған соң да қызық.

Ал маған жоғарыда айтылғанның барлығы келеді.

Осыдан 10 жыл бұрын. it-ден мүлдем алыс кезім. Мектепте дене шынықтырудан сабақ беретінмін.
Жұмысым маған ұнады. Бірақ айлығы өте аз еді. 54 мыңнан басталатын.
Университетте 4 жыл оқып 54 мыңға жұмысқа тұру керемет перспектива емес қой енді )

Сөйтіп жүргенде ағам кеп "Басың бар. Не өзіңді қинап жүрсің? Программист болып алсайшы" деп ағалық кеңесін айтып кетті.

2 жыл мектепте жұмыс істедім де, кейін өз бетімше үйреніп, программистке ауысып кеттім.

Осылай мен it-ге ақша үшін келдім әуелі.

Бірақ, мимен жұмыс жасайтын сала болған соң да күн өткен сайын ұнай бастады.
Жарысып есептер шығардық арасында.
Арасында жаңа бірдеңе үйренген сайын достарыңмен бөлісіп отырасың. Олар да білгенін айтады.
Сондай ортадан шықпайтын болдық.
Сөйтіп зырылдап уақыт өтіп, біраз өз орнымды тапқандай болдым.

Бірақ, it-ге деген шынайы махаббаттым осыдан 2-3 жыл бұрын басталған шығар.

2019 республикалық бюджетті зерттеп көрдім.
Біз сол жылы шамамен 12.5 трлн теңге жұмсаппыз.
Соның шамамен 25 пайызы тек қана құрылысқа кетеді екен. 3,5трлндай теңге.

Назар аударыңыз! 3,5 трлн деген ол тым үлкен сома. Оны 1000 рет азайтсаңыз 3,5 млрд.
Оны тағы да 1000 рет азайтсаңыз 3,5млн тг)))

Енді осы құрылыс саласындағы қаншама it өнімдер бар. Олардың санынан тек JavaScript фреймворктардың саны көп шығар.

Басым көпшілігі шетелдік it өнімдер. Олардың лицензиясын қараңыз.
Мысалы, Autodesk Revit бір ДК-ге жылына 2000$.

Бұл біздің еліміздің ақшасын сыртқа құбырмен айдағандай көрініс берді көз алдыма.

Қазіргі көп арманымның бірі - өзіміздің жыртығымызды өзіміз жамай алатындай it өнімдер шығаратын болсақ қой. Сыртқа әркімнің өніміне "инеге отыра бермей".

Егер елімізде программисттер көбейсе, олардың ішінен мықтылары шықса, қаншама елге де пайда әкелуші ме едік, тіпті сырттан да қайта ел ішіне ақша кіргізуші ме ек деп ойлаймын.

Қатты ойлап кеттім бе деп қоям іштей) Бұл ойым кімге қызық. Сөздерім иесін таба ма деген ойлар кеп қалады осындайда ))

Не істейін бірақ? Сезімімді жасыра алмаймын )))
Бүгін мен it-ді еліме қызмет етудің үлкен бір мүмкіндігі деп жақсы көремін. [Қарық қылып жатқан түгім жоқ болса да]

Ал сіз не үшін жақсы көресіз ? Өзіңіз үшін бір анықтап қойыңыз ✊🏽

Программист болдым дегенше, еркетай болдым дегейсің...

Бұрын мектепте мұғалім болып жүрген кезімде бір жаман әдеттерім болатын.
Олар - тамақ пен ұйқы. Сабақ өтіп тұрсам да қарным ашса болды, бәрін тастап, асханаға барып келетінмін. Оқушыларыма тапсырма беретінмін де көзді жұмып, ауызды ашып, екі қолды алға созып жүгіріп кететінмін тамақтың иісіне қарай. Бірақ завучтар ұстап алып, ұрсып-ұрсып онымды тыйып тастады (

Сосын түстен кейін сағат екілерде ұйқы қысатын. Не істерімді білмейтінмін. Қайта-қайта сыртқа шығып бетімді жуып келем. Сонда да болмайды. Арасында оқушыларға жаттығу көрсеткен болып секіріп-секіріп ұйқымды ашып алатынмын болмай бара жатса)

Уақытпен бекітіліп қойған жұмысқа көне алмадым қысқасы. Қай уақыттан қай уақытқа дейін жұмыс істейтініңді, қай уақытта тамақ ішетініңді минутына дейін бекітіп қойған жұмыс қиын екен маған)

Кейін программистке ауысқаннан кейін ең қатты сезінген нәрсем еркіндік болды.
Қарның ашса жұмысты тоқтатып, тамақ-шай ұрып аласың. Ұйқың келсе ыңғайлы жер тауып ап пырылға басасың. Tom & Jerry-дегі мысық құсап жастығыңды қайта-қайта түртіп түзетіп қойып))

Программист болғанның несі жақсы деп сұраса ең үлкен аргументтің бірі - ЕРКІНДІК немесе еркелік десек те болады.

PS: Әрине, бірден еркелеп керек емес. Әуелі біраз тер төгу керек қой орнығып алғанша. Ақылыңыз бар ғой, бәрін дұрыс түсініп тұрсыз ғой, иә ? :)