Цæгат Ирыстоны фæзындзысты уæлæмхасæн зынгхуыссынгæнæн дружинæтæ. Уый тыххæй фехъусын кодтой сæрмагонд æмбырды. Разамынд ын лæвæрдта хицауады сæрдары хæдивæг Томайты Ирбег. Дружинæтæ æнæмæнг хъæугæ сты Алагиры æмæ Рахизфарсы районты. Ныртæккæ сæрмагонд техникæимæ къордтæ рад хæссынц æрмæст Нар æмæ Бæтæхъойыхъæуы. Дыууæ районæн дæр бабар кодтой ацы аз 1-æм июнмæ хъæутæ зынгсирвæзтæй бахъахъхъæнынæн дружинæты архайд сбæлвырд кæнын.

#irystontv #Осетия #Алания #Владикавказ #ОбществоОсетии #итв_общество #ОсетияИрыстон #НовостиОсетии #Ossetia #Alania

Режиссёр, драматург, педагог. Хуыгаты Георы 100 азы юбилей абон бæрæг кæнынц Ирыстоны. Уæрæсейы адæмон артист цы стыр фæд ныууагъта ирон драматургийы, уымæн ӕххӕст аргъ скæнӕн зын у. Абон дæр йæ пьесæтæм гæсгæ ‘вæрд спектакльтæн ис стыр ахадындзинад. Актёры дæсныйад райста скъолайы фæстæ, æмæ афтæмæй райдыдта театрæн лæггад кæнын. Фæстæдæр сахуыр кодта режиссеры дæсныйад дæр æмæ афтæмæй кодта æнтыстджын къахдзæфтæ йæ уæрæх фæндаг театралон аивады алы къабæзты.

#irystontv #Осетия #Алания #Владикавказ #ОбществоОсетии #итв_общество #ОсетияИрыстон #НовостиОсетии #Ossetia #Alania