На плато Наска сут најдене 303 фигуративне геоглифы

Многе из њих сут најдене благодаре машинному учењу

Археологи с помочју машинного учења проанализовали аерофотографије плато Наска и нашли на њих кандидатов в давне геоглифы, а потом проведли пољево/тереново изслєдовање, да бы потврдили или опровргнули туте хипотезы. За шест мєсецев научники нашли 303 рање незнане фигуративне геоглифы, вече од половины кторых је прєдвидєла модел.

Заједно с Мачу-Пикчу многочислне геоглифы на пустом плато Наска (на територији тутчасного Перу), сут једне из највыше знаных археологичных објектов Јужној Америкы. Впрво о тутых чртањах јешче в срєдинє XVI вєка узнал шпанскы свеченник, изслєдоватељ и конкистадор Педро Сјеса де Леон, хот наново најдти геоглифы људи смогли једино в првој половинє XX столєтја, когда у научников појавила се можливост погледєти на туту мєстност с воздуха.

Од того часа изслєдоватељи сут нашли нєколико сотнеј различных геоглифов: геометричне фигуры, антропоморфне чртања, рысованкы звєрев, растлин и прєдметов, најранєјше из кторых были створјене близ I столєтја до нашеј еры. С развојем техникы, в рукы научников попадали все выше добре аерофотоснимкы плато Наска и јего околины, и брзина находжења новых објектов растла. Недавно археологи такоже почели уживати методы машинного учења, да бы искали на снимках кандидатов в дрєвне чртања. И туто уж дало резултат — такым способом изслєдоватељи нашли четыри дрєвне фигуры, вкључајучи чртање хуманоидного створа.

В новом чланку Масато Сакаи из Университета Јамагата заједно с колегами из США, Франције и Јапоније сообчил о методє, ктора сможе силно оптимизовати процес находжења незнаных геоглифов. С помочју машинного учења изслєдоватељи сут нашли выше 1300 потенциалных геоглифов, вєројетност јествовања кторых они оцєнили како высоку. Тутој сбор даных научники сут изкористали в часу пољного/теренового сезона, кторы проходил на плато Наска од септембра 2022 до февруара 2023 года.

В резултату за 1440 рабочих часин археологи сут нашли 303 прєдже неизвєстне фигуративне геоглифы, а такоже 42 нове геометричне фигуры, и 178 из њих је нашел именно умєтны интелект. Јешче 66 геоглифов научники такоже нашли благодаре машинному учењу, хот модел разпознала на снимках не конкретно туте објекты, але указала мєста, кде археологи смогли најдти нєколико чртаниј заједно. Остале 59 геоглифов изслєдоватељи нашли без никакој помочи од моделы. Јешче 968 кандидатов в геоглифы, најденых благодаре машинному учењу, археологи не успєли провєрити, зато је можливо, же в наступных тереновых сезонах коликост најденых објектов такоже значно возрасте.

Сдєлана работа, по словах научников, много помагаје увеличити брзину одкрытја фигуративных геоглифов на плато Наска. Подолг јих даных, од 1940-х до начела 2000-х годов археологи находили приблизно 1,5 фигуративного геоглифа за једно лєто, а в периоду од 2004 до 2020 года брзина возрастла до 18,7 чртаниј за једно лєто, что јест свезано с улєпшењем какости аерофотоснимков. То уже был добры прогрес, але нова метода ускорила процес јешче 16-кратно, и в тутом сезону коликост знаных фигуративных геоглифов возрастла приблизно на 70 процентов — од 430 до 733 чртаниј.

Геоглифы плато Наска сут велми разнородне. Напримєр, једным из јаркых одкрытиј послєдных пети лєт стало гигантско чртање коткы, кторо досегаје приближно 37 метров в долгости.

Na plato Naska sut najdene 303 figurativne geoglify

Mnoge iz njih sut najdene blagodare mašinnomu učenju

Arheologi s pomočju mašinnogo učenja proanalizovali aerofotografije plato Naska i našli na njih kandidatov v davne geoglify, a potom provedli poljevo/terenovo izslědovanje, da by potvrdili ili oprovrgnuli tute hipotezy. Za šest měsecev naučniki našli 303 ranje neznane figurativne geoglify, veče od poloviny ktoryh je prědviděla model.

Zajedno s Maču-Pikču mnogočislne geoglify na pustom plato Naska (na teritoriji tutčasnogo Peru), sut jedne iz najvyše znanyh arheologičnyh objektov Južnoj Ameriky. Vprvo o tutyh črtanjah ješče v srědině XVI věka uznal špansky svečennik, izslědovatelj i konkistador Pedro Sjesa de Leon, hot nanovo najdti geoglify ljudi smogli jedino v prvoj polovině XX stolětja, kogda u naučnikov pojavila se možlivost pogleděti na tutu městnost s vozduha.

Od togo časa izslědovatelji sut našli několiko sotnej različnyh geoglifov: geometrične figury, antropomorfne črtanja, rysovanky zvěrev, rastlin i prědmetov, najranějše iz ktoryh byli stvorjene bliz I stolětja do našej ery. S razvojem tehniky, v ruky naučnikov popadali vse vyše dobre aerofotosnimky plato Naska i jego okoliny, i brzina nahodženja novyh objektov rastla. Nedavno arheologi takože počeli uživati metody mašinnogo učenja, da by iskali na snimkah kandidatov v drěvne črtanja. I tuto už dalo rezultat — takym sposobom izslědovatelji našli četyri drěvne figury, vključajuči črtanje humanoidnogo stvora.

V novom članku Masato Sakai iz Universiteta Jamagata zajedno s kolegami iz SŠA, Francije i Japonije soobčil o metodě, ktora smože silno optimizovati proces nahodženja neznanyh geoglifov. S pomočju mašinnogo učenja izslědovatelji sut našli vyše 1300 potencialnyh geoglifov, věrojetnost jestvovanja ktoryh oni ocěnili kako vysoku. Tutoj sbor danyh naučniki sut izkoristali v času poljnogo/terenovogo sezona, ktory prohodil na plato Naska od septembra 2022 do fevruara 2023 goda.

V rezultatu za 1440 rabočih časin arheologi sut našli 303 prědže neizvěstne figurativne geoglify, a takože 42 nove geometrične figury, i 178 iz njih je našel imenno umětny intelekt. Ješče 66 geoglifov naučniki takože našli blagodare mašinnomu učenju, hot model razpoznala na snimkah ne konkretno tute objekty, ale ukazala města, kde arheologi smogli najdti několiko črtanij zajedno. Ostale 59 geoglifov izslědovatelji našli bez nikakoj pomoči od modely. Ješče 968 kandidatov v geoglify, najdenyh blagodare mašinnomu učenju, arheologi ne uspěli prověriti, zato je možlivo, že v nastupnyh terenovyh sezonah kolikost najdenyh objektov takože značno vozraste.

Sdělana rabota, po slovah naučnikov, mnogo pomagaje uveličiti brzinu odkrytja figurativnyh geoglifov na plato Naska. Podolg jih danyh, od 1940-h do načela 2000-h godov arheologi nahodili priblizno 1,5 figurativnogo geoglifa za jedno lěto, a v periodu od 2004 do 2020 goda brzina vozrastla do 18,7 črtanij za jedno lěto, čto jest svezano s ulěpšenjem kakosti aerofotosnimkov. To uže byl dobry progres, ale nova metoda uskorila proces ješče 16-kratno, i v tutom sezonu kolikost znanyh figurativnyh geoglifov vozrastla priblizno na 70 procentov — od 430 do 733 črtanij.

Geoglify plato Naska sut velmi raznorodne. Napriměr, jednym iz jarkyh odkrytij poslědnyh peti lět stalo gigantsko črtanje kotky, ktoro dosegaje približno 37 metrov v dolgosti.

📊 ANKETA O SLOVAH S KORENJEM "-GLED-" 🔍

Dragi pomočniki razvoja medžuslovjanskogo jezyka, tutdenj my raportujemo, že anketa jest skončena i možemo oglasiti jej rezultaty:

🎯 Optimalne varianty v osoblivyh situacijah

• poglednuti — za momentalno, jednokratno gledanje, napr.: “šoferka kratko poglednula v bočno zrcalo”
• pogledyvati — za periodično povtarjano gledanje, napr.: “on je nepokojil se i često pogledyval na časovnik”

🌐 Universalne bazove varianty

Podolg statistiky, na pogled južnyh slovjan, obadva varianty vyše možno universalno zaměniti na: pogledati i gledati. V kontekstu literatury, one mogut byti menje konkretne i točne, ale najlěpše razumlive.

😮 Nahodky

Minimalna kolikost odgovorov izbirala pogledati za situacije, kde trěbuje byti imperfekt (nesovršeny/nedokonany vid: čto dělal/činil/pravil?) – absolutno množinstvo mysli, čto pogledati jest sovršeny glagol (perfekt).

📚Novosti v medžuslovjanskom slovniku

Itak, poslě analizy odgovorov:

• Dodali jesmo 2 nove rěči: poglednuti, pogledyvati
• Popravili jesmo glagol pogledati: imperfekt → perfekt (sovršeny ~ dokonany vid, čto sdělal/učinil/napravil?).

🆕 NOVA ANKETA

Poslě vaših odgovorov na staru anketu, my imajemo i jedno novo pytanje. 😱

My jesmo raportovali, že formu pogledati ljudi najvyše često izbirajut kako sovršeny/doskonaly glagol, ale to imaje problemy:

• 🇨🇿🇸🇰 V češskom i slovačskom, to jest falšivy prijatelj🕵️.
• 🇺🇦 V ukrajinskom, to je nesovršeny/nedoskonaly glagol za povtarjano dějstvo. 👀

🙏 Prosimo vas učestvovati v novoj anketě, da byhmo smogli sdělati jasny izbor medžu pogledati i pogleděti.

👉 Anketa: docs.google.com

📈 Rezultaty možno viděti tut: Google Sheets

Milota dnja 🤗

Hvost je jedna iz najvyše osoblivyh čestij těla u mnogyh tipov životin. One koristajut jego za prěměščenje po drěvah, balansovanje těla pri skakanju i běgu, za komunikaciju, obranu i tako dalje. No něktore životiny, napriměr črvene pandy, koristajut svoj pušisty hvost za komfortno i prijetno spanje.

Милота дња 🤗

Хвост је једна из највыше особливых честиј тєла у многых типов животин. Оне користајут јего за прємєшченје по дрєвах, балансованје тєла при скаканју и бєгу, за комуникацију, обрану и тако даље. Но нєкторе животины, напримєр чрвене панды, користајут свој пушисты хвост за комфортно и пријетно спанје.

мем од подписника @simonthewarlock

mem od podpisnika @simonthewarlock

Поздны, але важны репорт о развоју словника меджусловјанского језыка

Много кто знаје, же в глубинє меджусловјанского јест скрыты додатны, "етимологичны" алфабет, кторы не јест потрєбны всакому, але има важност за словник, зато что, меджу другым, вливаје на склоњења слов (напр. oś -> osi, але osa -> osy).

Менша коликост људиј знаје, же етимологичне Ė/Ȯ были додане в словник послє 2019, але та реформа не была завршена, и до недавного часа многе слова не имали буквы ė и ȯ (меккы и тврды "јер", одповєдајут кириличным "ь" и "ъ").

Начто сут потрєбне туте буквы? В кончинє слова, оне помагајут означити изпадање звука при измєњењу слова по нєкторых падежах. Именно ė и ȯ дєлајут тако, же говоримо македонец → македонца (не македонеца), конец → концами (а не конецами), дошел → дошла, вес → вси, и тако даље.

И в једины момент јесмо захтєли разрєшити тој проблем, когда људи регуларно приходет и примєчајут одсутност ė/ȯ в нєкаком слову, а словник не одповєдаје официалному стандарду, и проанализовали цєлы словник в тых мєстах, кде оне могут быти. Было измєњено 356 слов, и словник стал немного выше добрым и натуралным за разных словјан.

Полны спис измєњеных слов је тут

Хвала за работу @konstantinub, @simonthewarlock, ну и мнє такоже xD

Pozdny, ale važny report o razvoju slovnika medžuslovjanskogo jezyka

Mnogo kto znaje, že v glubině medžuslovjanskogo jest skryty dodatny, "etimologičny" alfabet, ktory ne jest potrěbny vsakomu, ale ima važnost za slovnik, zato čto, medžu drugym, vlivaje na sklonjenja slov (napr. oś -> osi, ale osa -> osy).

Menša kolikost ljudij znaje, že etimologične Ė/Ȯ byli dodane v slovnik poslě 2019, ale ta reforma ne byla završena, i do nedavnogo časa mnoge slova ne imali bukvy ė i ȯ (mekky i tvrdy "jer", odpovědajut kiriličnym "ь" i "ъ").

Načto sut potrěbne tute bukvy? V končině slova, one pomagajut označiti izpadanje zvuka pri izměnjenju slova po něktoryh padežah. Imenno ė i ȯ dělajut tako, že govorimo makedonec → makedonca (ne makedoneca), konec → koncami (a ne konecami), došėl → došla, vėś → vsi, i tako dalje.

I v jediny moment jesmo zahtěli razrěšiti toj problem, kogda ljudi regularno prihodet i priměčajut odsutnost ė/ȯ v někakom slovu, a slovnik ne odpovědaje oficialnomu standardu, i proanalizovali cěly slovnik v tyh městah, kde one mogut byti. Bylo izměnjeno 356 slov, i slovnik stal nemnogo vyše dobrym i naturalnym za raznyh slovjan.

Polny spis izměnjenyh slov je tut

Hvala za rabotu @konstantinub, @simonthewarlock, nu i mně takože xD

В централној Россији уже настал 2025, а в друге словјанске крајины он буде пријдти в нєколико часин.

2024 рок был добры за меджусловјанскы језык, он достал официалны ISO-код, појавила се прва авторска книга, написана на меджусловјанском, были отворјене Викисловник и инкубатор меджусловјанского раздєла Википедије. Такоже мы јесмо активизовали додавање новых слов в словник, але о том будемо разказати в близке дње.

Хчемо поблагожелати да бы в новом году всакы достал то, что јему јест највыше потрєбно. Нехај хворы буде оздравити се, самотны — достати близкых људиј, амбициозны — изполнити своју мечту, а шчестливы — не изгубити и умножити своје шчестје.

Не знамо, буде ли наступны год шчестливым, але абсолутноју увєрјеностју можемо сказати, же он буде интересны. Честитамо вас с Новым Годом, меджусловјани! Немного послє буде малы подарок од нас.

V centralnoj Rossiji uže nastal 2025, a v druge slovjanske krajiny on bude prijdti v několiko časin.

2024 rok byl dobry za medžuslovjansky jezyk, on dostal oficialny ISO-kod, pojavila se prva avtorska kniga, napisana na medžuslovjanskom, byli otvorjene Wikislovnik i inkubator medžuslovjanskogo razděla Wikipedije. Takože my jesmo aktivizovali dodavanje novyh slov v slovnik, ale o tom budemo razkazati v blizke dnje.

Hčemo poblagoželati da by v novom godu vsaky dostal to, čto jemu jest najvyše potrěbno. Nehaj hvory bude ozdraviti se, samotny — dostati blizkyh ljudij, ambiciozny — izpolniti svoju mečtu, a ščestlivy — ne izgubiti i umnožiti svoje ščestje.

Ne znamo, bude li nastupny god ščestlivym, ale absolutnoju uvěrjenostju možemo skazati, že on bude interesny. Čestitamo vas s Novym Godom, medžuslovjani! Nemnogo poslě bude maly podarok od nas.

​​Anton rěšil prěměniti šum megapolisa na tišinu sibirskoj tajgy. Lovjenje ryby, večera bliz ognja, stvorjeny svojimi rukami dom... Ale vrěme ne jest možlivo zastanoviti. Za dva lěta jego žitja v lěsu svět ušel daleko naprěd. Tam, kde razvoj tehnologij imaje nevěrojetnu, fascinujuču skorost.

Medžuslovjansky imaje malo avtorskyh tekstov, i ješče menje — avtorskyh tekstov v žanru naučnoj fantastiky. Jesm poproboval popraviti toj nedostatok i takože osmysliti ideju Tehnologičnoj Singularnosti, pogleděti, kako by ona mogla izgledati za člověka iz našej epohy. "Rezervat/Заповедник" jest imenno o tom.

Želam vam interesnogo čitanja, prijatelji!

Povědka na latinici — https://teletype.in/@mashine_of_goodness/rezervat_latin
Povědka na kirilici — https://teletype.in/@mashine_of_goodness/rezervat_cyr
Povědka na russkom — https://author.today/work/403579
Blagodariti avtora — https://pay.cloudtips.ru/p/9bb0556c

​​Антон рєшил прємєнити шум мегаполиса на тишину сибирској тајгы. Ловјење рыбы, вечера близ огња, створјены својими руками дом... Але врєме не јест можливо застановити. За два лєта јего житја в лєсу свєт ушел далеко напрєд. Там, кде развој технологиј имаје невєројетну, фасцинујучу скорост.

Меджусловјанскы имаје мало авторскых текстов, и јешче мење — авторскых текстов в жанру научној фантастикы. Јесм попробовал поправити тој недостаток и такоже осмыслити идеју Технологичној Сингуларности, погледєти, како бы она могла изгледати за чловєка из нашеј епохы. "Резерват/Заповедник" јест именно о том.

Желам вам интересного читања, пријатељи!

Повєдка на кирилици — https://teletype.in/@mashine_of_goodness/rezervat_cyr
Повєдка на латиници — https://teletype.in/@mashine_of_goodness/rezervat_latin
Повєдка на русском  — https://author.today/work/403579
Благодарити автора — https://pay.cloudtips.ru/p/9bb0556c